მამუკა ბახტაძე Twitter-ზე ვენესუელელებს მხარდაჭერას უცხადებს

საქართველოს პრემიერმინისტრი მამუკა ბახტაძე Twitter-ზე ვენესუელის მხარდამჭერ პოსტს აქვეყნებს. პრემიერმინისტრი პოსტში წერს, რომ საქართველო ვენესუელელების გვერდით დგას.

"ვენესუელა საშინელ ქაოსსა და მძიმე ჰუმანიტარულ კრიზისშია. სრულიად მიუღებელია ჰუმანიტარული დახმარების მიღების მცდელობისას ხალხის წინააღმდეგ სამხედრო ძალის გამოყენება. მიეცეს ხალხს წვდომა ჰუმანიტარულ დახმარებაზე და შეწყდეს ძალადობა მოქალაქეებზე. საქართველო ამ რთული გაჭირვების დროს ვენესუელთა გვერდით დგას", - წერს მამუკა ბახტაძე Twitter-ზე.

#Venezuela faces a terrible chaos and the worst #HumanitarianCrisis. Totally unacceptable to use Military Force against people attempting to access #HumanitarianAid. Let the aid reach people & stop violence against civilians. 🇬🇪 stands w/ Venezuelans’ through these hardships 🇬🇪🇻🇪

— Mamuka Bakhtadze (@BakhtadzeMamuka) February 26, 2019

საქართველოს ელჩი ბრაზილიაში დავით სოლომონია ვენესუელის დროებით პრეზიდენტს, ხუან გუაიდოს შეხვდა. შეხვედრაზე ხუან გუაიდომ საქართველოს მთავრობას ვენესუელელი ხალხის დემოკრატიული მისწრაფებებისა და თავისუფლების მხარდაჭერისთვის მადლობა გადაუხადა. 

საქართველოს პრემიერმა ხუან გუაიდოს მხარდაჭერა 23 თებერვალსაც გამოუცხადა. 

23 იანვარს ოპოზიციის ლიდერმა, ხუან გუაიდომ საკუთარი თავი ვენესუელის პრეზიდენტად გამოაცხადა, თუმცა ნიკოლას მადურო პოსტის დატოვებას არ აპირებს.

გუაიდოს ლეგიტიმურობა მსოფლიოს 20-ზე მეტმა ქვეყანამ, მათ შორის, საქართველომაც აღიარა. მადუროს ხელისუფლების პირობებში ვენესუელამ საქართველოს ოკუპირებული ტერიტორიები დამოუკიდებელ ქვეყნებად აღიარა.

ვენესუელის კრიზისის შესახებ ვრცელი სტატია წაიკითხეთ ამ ბმულზე.