IMEDI /  02 სექტემბერი 2020, 21:49 / სანდო წყარო

გიორგი გახარია: ქვეყნის გამთლიანება, რომელიც შესაძლებელია მხოლოდ და მხოლოდ მშვიდობიანად, შრომით, დარწმუნებული ვარ, რომ ​ქართლიდან დაიწყება

გიორგი გახარია

გიორგი გახარია

ქვეყნის გამთლიანება, რომელიც შესაძლებელია მხოლოდ და მხოლოდ მშვიდობიანად და შრომით, დარწმუნებული ვარ, რომ დაიწყება აქედან - ქართლიდან, - ამის შესახებ საქართველოს პრემიერ-მინისტრმა გიორგი გახარიამ, გორში, მაჟორიტარი დეპუტატობის კანდიდატის, გიორგი ხოჯევანიშვილის წარდგენაზე განაცხადა.

პრემიერ-მინისტრმა ისაუბრა აგვისტოს ომზე და აღნიშნა, რომ ყველას ვალდებულებაა, ახსოვდეს თითოეული ადამიანი, რომელმაც ამ ბრძოლაში სიცოცხლე გასწირა და თითოეული ადამიანის ვალდებულებაა მათზე ზრუნვა, რომლებიც საკუთარ სამშობლოში დევნილები გახდნენ.

„ჩვენ ყოველთვის ვსაუბრობთ იმაზე, მომავალში ერთად რა უნდა გავაკეთოთ, თუმცა ქართლში, საქართველოს ჭეშმარიტად ისტორიულ რეგიონში, ხერხემალში, შეუძლებელია არ გავიხსენოთ ჩვენი უახლოესი წარსულის, ისტორიის ყველაზე მძიმე და სევდიანი დღეები. წარმოუდგენელია, რომ 21-ე საუკუნეში ქართველებს მოგვიწია იარაღით ხელში, ჩვენი ტერიტორიული მთლიანობის და მიწის დაცვა. 21-ე საუკუნეში. მაგრამ, ჩვენ ეს მოგვიწია და ამან თქვენს მხრებზე გადაიარა. რა თქმა უნდა, ჩვენ უნდა გვახსოვდეს თითოეული ადამიანი, რომელმაც ამ ბრძოლაში სიცოცხლე გასწირა და ჩვენი ვალდებულებაა, გავზარდოთ ჩვენი შვილები ისე, რომ მსგავსი ტრაგედია ჩვენი ქვეყნის ისტორიაში აღარ განმეორდეს. მაგრამ ამავდროულად ჩვენი ვალდებულებაა ის, რომ ადამიანები, რომლებიც საკუთარ სამშობლოში დევნილები გახდნენ, მათზე ვიზრუნოთ პირველ რიგში. რა თქმა უნდა, პირველ რიგში, ეს არის სახელმწიფოს ვალდებულება, მაგრამ მე ძალიან კარგად მესმის, რომ თქვენ, ქართლელები, გორელები ცხოვრობთ ამ ადამიანების გვერდით და თქვენი გაწვდილი ხელი არის უფრო ახლო და თქვენი და სახელმწიფოს ერთობლივი ზრუნვა ჩვენს დევნილებზე უნდა იყოს ყოველდღიური, ყოველწამიერი“, - განაცხადა გიორგი გახარიამ.

მთავრობის მეთაურის თქმით, ქვეყნის გამთლიანება შესაძლებელია მხოლოდ და მხოლოდ მშვიდობიანად და შრომით.

„ჩვენ რასაც არ უნდა ვაკეთებდეთ ამ ხალხისთვის სხვადასხვა მიმართულებით, მაგალითად, მაღალმთიანი სტატუსის მინიჭებით, რასაც მოაქვს თავისი დამატებითი სოციალური ბენეფიტები, ასევე გაზმომარაგებით, სასმელი და სარწყავი წყლის დახმარებით, საბოლოო ჯამში, ამ ადამიანებს როდესაც ელაპარაკები, ხვდები, რომ ეს ყველაფერი საჭიროა, მაგრამ არაფერია იმ ტკივილთან და იმ მიზანთან შედარებით, რასაც ქვეყნის გამთლიანება ჰქვია. ქვეყნის გამთლიანება, რომელიც შესაძლებელია მხოლოდ და მხოლოდ მშვიდობიანად და შრომით, დარწმუნებული ვარ, რომ დაიწყება აქედან - ქართლიდან. ამ გამთლიანების ერთადერთი გზა არის ყოველდღიური კეთილსინდისიერი შრომა, ამ გამთლიანების ერთადერთი გზა არის მაგალითად, ისიც, რომ მიუხედავად გლობალური პანდემიისა, ქვეყანაში არც ერთი დღით არანაირი ინფრასტრუქტურული სისტემური პროექტები არ შეჩერებულა და არც უნდა შეჩერდეს. ჩვენ ყოველდღიურად უნდა ვიშრომოთ იმისთვის, რომ სულ უფრო და უფრო წარმატებულ, ევროპულ სახელმწიფოში ვიცხოვროთ - განაცხადა გიორგი გახარიამ.

პრემიერმა ისაუბრა მმართველი გუნდის პრიორიტეტულ მიმართულებებზე და აღნიშნა, რომ ადამიანი იყო და იქნება „ქართული ოცნების“ ზრუნვის ძირითადი საგანი.

„ყველას კარგად უნდა გვესმოდეს, რომ ადამიანი იყო და იქნება „ქართული ოცნების“ ზრუნვის ძირითადი საგანი. ეს უნდა იყოს ყველაზე მნიშვნელოვანი, ყოველდღიური შრომა მთავრობის, რომელმაც ღირსეული ყოველდღიური შრომის პირობები უნდა შეუქმნას თითოეულ ჩვენს მოქალაქეს. შიდა ქართლში 2013 წლიდან მხოლოდ ინფრასტრუქტურულ პროექტებში ინვესტირებული იყო 840 მლნ ლარი. გარდა ამისა, მოგეხსენებათ აქ გაკეთდა ქარის პირველი ელექტროსადგური. ეს იყო ბატონი კახის წამოწყება 20 მეგავატიანი, რომლისაც, მერწმუნეთ, არავის სჯეროდა, მაგრამ ეს გაკეთდა. დღეის მდგომარეობით, აქ შიდა ქართლში, გორში უკვე არის 2 პროექტი "ნიქოზი" და "ქართლი ორი" რომლებიც 200 მლნ-იანი პროექტებია და რომლებიც უახლოეს პერიოდში განხორციელდება“, - განაცხადა გიორგი გახარიამ.

მთავრობის მეთაურის თქმით, ბოლო წლების განმავლობაში გაზიფიცირების თვალსაზრისით შიდა ქართლში გაჩნდა 30 000 ახალი აბონენტი, წყალმომარაგების ნაწილშიც ბევრი პროექტი დაიწყო, თუმცა ეს არ არის საკმარისი.

„ჩვენ როდესაც გორში ამაზე ვსაუბრობთ, ყველას უნდა გვესმოდეს, რომ ეს არის მხოლოდ და მხოლოდ ის ელემენტარული სისტემური პირობები, რომელიც ჩვენ მოქალაქეებს უნდა შევუქმნათ. გორში, შიდა ქართლში, ჩვენი ყოველდღიური მოქმედების და ცხოვრების საბოლოო მიზანი არის რა თქმა უნდა ქვეყნის ტერიტორიული ერთიანობა, მაგრამ ამ მიზნის მიღწევა ყველა უნდა შევთანხმდეთ, რომ შესაძლებელია მხოლოდ და მხოლოდ შრომით, მხოლოდ და მხოლოდ იმ გზით, რომ ქვეყანა გახდეს წარმატებული, ეკონომიკურად ძლიერი, კეთილდღეობის დონე იყოს მაღალი და ჩვენ უნდა გავხდეთ მიმზიდველი ევროპული სახელმწიფო ჩვენი ძმებისთვის. უაღრესად მძიმეა, როდესაც ხედავ ოკუპაციის ხაზზე შენს მოქალაქეებს ორივე მხრიდან. უაღრესად მძიმეა, ის რაც დღეს ხდება მაგალითად ახალგორში, ახალგორის მიმართულებით, სხვა მიმართულებითაც, როდესაც ჰუმანიტარული კატასტროფის დონეზეა მისული, ადამიანებს საოკუპაციო ხაზის ჰუმანიტარული მიზნებით გადაკვეთის საშუალებასაც არ აძლევენ. ეს ყველაფერი მძიმე საყურებელია და მძიმე სალაპარაკოა, თუმცა ჩვენ მომავალზე უნდა ვიფიქროთ, ეს უნდა გვახსოვდეს და უნდა ვიშრომოთ ყოველდღიურად“, - განაცხადა გიორგი გახარიამ.

მთავრობის მეთაურმა ისაუბრა შიდა ქართლში სოფლის მეურნეობის განვითარების მნიშვნელობაზე და იმ პროგრამებზე, რომლითაც სახელმწიფო ფერმერებს ეხმარება. გიორგი გახარიას განცხადებით, წელს შიდა ქართლში ვაშლის ძალიან კარგი მოსავალი იქნება და წელს იქნება პირველი წელი, როდესაც „დანერგე მომავლის“ პროექტებიდან 30 ათასი ტონა პროდუქტის გატანა ევროპის ბაზარზე იქნება შესაძლებელი.

„შიდა ქართლში შეუძლებელია მომავალზე საუბარი, თუ აქცენტი არ გავაკეთეთ სოფლის მეურნეობაზე. შემიძლია გითხრათ, რომ „აწარმოე საქართველოში“ და სოფლის მეურნეობის პროგრამებით შიდა ქართლში დაფინანსებულია 500 მილიონზე მეტის ღირებულების სხვადასხვა პროექტი. მნიშვნელოვანი და ხელშესახებია ის, რომ წელს, როდესაც მთავრობამ, სახელმწიფომ დაიწყო გლეხის მოსავლის დაბინავებაზე ზრუნვა, ეს დავიწყეთ კახეთით, ატმის მოსავლით და პირველად წელს 30 ათასი ტონა ატმის ექსპორტი განხორციელდა, მაშინ, როდესაც გვეუბნებოდნენ, რომ სოფლის მეურნეობაში გადაყრილი ფული გაქვთო, შეიძლება სოფლის მეურნეობაში განხორციელებული ინვესტიციის ეფექტიანობაზე ვიმსჯელოთ, მაგრამ საერთოდ ქართველი გლეხისა და ფერმერის დახმარების კითხვის ნიშნის ქვეშ დაყენება შეუძლებელია. წელს შიდა ქართლში ვაშლის ძალიან კარგი მოსავალი იქნება, დაახლოებით 3-ჯერ მეტი, დაახლოებით 150 ათას ტონა მოსავალს ველოდებით. რა თქმა უნდა, ჩვენი ისტორიული პოსტსაბჭოთა წარსულიდან გამომდინარე, ყველა სტანდარტული ვერ იქნება, თუმცა ისიც უნდა გვესმოდეს, რომ წელს იქნება პირველი წელი, როდესაც „დანერგე მომავლის“ პროექტებიდან 30 ათასი ტონა იქნება აბსოლუტურად კარგი პროდუქტი, რომელიც შეგვიძლია, ევროპის ბაზარზე გავიტანოთ. სხვას რა ვუყოთ? სხვა გლეხი მივატოვოთ? რა თქმა უნდა, ჩვენ ამას არ ვიზამთ და არასტანდარტული ვაშლის შესყიდვის ის პროგრამა, რომელიც იყო ინიცირებული, როდესაც მთავრობა ადგილობრივ მეწარმეს გარანტიის სახით ეხმარება, გაგრძელდება. ასევე გაგრძელდება „დანერგე მომავალი“, სოფლის მეურნეობის პროგრამები, „აწარმოე საქართველოში“, თან შიდა ქართლში მშრომელი ხალხი ხართ და ამ პროგრამების ათვისების ერთ-ერთი ყველაზე მაღალი მაჩვენებელი გვაქვს“, - განაცხადა გიორგი გახარიამ.

პრემიერის თქმით, არც ერთი კილოგრამი მოსავალი დაუბინავებელი არ დარჩება და ამის გარანტიას ხელისუფლება იძლევა.

„სოფლის მეურნეობის მიმართულებით კიდევ ერთხელ ხაზგასმით უნდა აღვნიშნო, დაწყებული ატმით, გაგრძელებული ვაშლით, სამეგრელოში უკვე დაიწყო თხილი, შემდგომ იქნება რთველი, შემდგომ - ციტრუსი, ქართულ მიწაზე მოყვანილი არც ერთი კილოგრამი მოსავალი დაუბინავებელი არ დარჩება და ამის გარანტიას იძლევა ხელისუფლება.

ყველას კარგად უნდა გვესმოდეს, რომ ეს ყველაფერი არის ის მინიმუმი, რითაც ჩვენ შეგვიძლია, მოქალაქეებს დავეხმაროთ. ჩვენ ეკონომიკურად ჯერ კიდევ სუსტი ქვეყანა ვართ და მთავარია, ჩვენი შეზღუდული რესურსი სამართლიანად და თანაბრად გადავანაწილოთ ჩვენი თითოეული მოქალაქისთვის. ეს არის მთავრობის ყველაზე დიდი პასუხისმგებლობა და ვალდებულება, რაც ჩვენ თქვენთან ერთად უნდა გავაკეთოთ და ქვეყნისთვის საჭირო ძალიან ბევრი ღირებული საქმე, რომელიც ერთად დავიწყეთ, ასევე ერთად უნდა დავასრულოთ. დარწმუნებული ვარ, ამას ყველანი ერთად გადავწყვეტთ 31 ოქტომბერს, დარწმუნებული ვარ, გიორგი ხოჯევანიშვილი იქნება გორელების ღირსეული ხმა საქართველოს პარლამენტში. დარწმუნებული ვარ, ყველანი ერთად გავიმარჯვებთ სამართლიან ბრძოლაში. გამარჯვებას გისურვებთ!“, - განაცხადა გიორგი გახარიამ.

ყველა სიახლე

იოსებ ხახალეიშვილი

23 სექტემბერი 2020, 20:01

რეგიონი

იოსებ ხახალეიშვილი: ყველა პროექტში, რაც დაგეგმილია და დაიგეგმება, სწორედ მოსახლეობის ინტერესები იქნება გადამწყვეტი

საარჩევნო პროგრამის გაცნობის პარალელურად მერობის კანდიდატმა ადგილობრივების პრობლემები მოისმინა. როგორც იოსებ ხახალეიშვილმა აღნიშნა, ყველა საკითხი, რაც მისი თანაქალაქელებისთვის პრიორიტეულია, მისთვის მნიშვნელოვანია.

დიმიტრი პესკოვი

23 სექტემბერი 2020, 19:57

მსოფლიო

კრემლი: ალექსეი ნავალნის ნებისმიერ დროს შეუძლია რუსეთში დაბრუნდეს

რუსეთის პრეზიდენტის პრესმდივანმა, დიმიტრი პესკოვმა განაცხადა, რომ ალექსეი ნავალნის ნებისმიერ დროს შეუძლია რუსეთში დაბრუნება.

23 სექტემბერი 2020, 19:55

რეგიონი

გორის მუნიციპალიტეტის სოფელ ზერტის ერთ-ერთ უბანში წყლის სისტემა მოეწყობა

გორის მუნიციპალიტეტის სოფელ ზერტის ერთ-ერთ უბანში წყლის სისტემის მოწყობის მიზნით, ინფრასტრუქტურული სამუშაოები დაიწყო. სამუშაოები გორის მერმა კონსტანტინე თავზარაშვილმა დაათვალიერა. უბანში მცხოვრები 120-მდე ოჯახი სასმელ წყალს დღემდე მეზობელი უბნებიდან ეზიდება. ხელშეკრულების მიხედვით, სამუშაოები 4 თვეში უნდა დასრულდეს. პროექტი ითვალისწინებს ჭაბურღილის, საქლორატოროს, წყალსადაწნეო კოშკის, სანიტარული ზონისა და გამანაწილებელი ქსელის მოწყობას. სამუშაოებისთვის ადგილობრივი ბიუჯეტიდან 347 600 ლარი გამოიყო.

ალეკო ელისაშვილი

23 სექტემბერი 2020, 19:47

პოლიტიკა

ალეკო ელისაშვილი: ყველაფერს ველოდი მამუკა ხაზარაძისგან, ოღონდ მევახშეობა აიკრძალოსო რომ წავიკითხე, თვალებს არ ვუჯერებდი

ყველაფერს ველოდი მამუკა ხაზარაძისგან და „ლელოსგან“, ნებისმიერ ინიციატივას, მაგრამ „მევახშეობა“ აიკრძალოსო და ლამისაა, ახლა მოითხოვონ ბანკები აიკრძალოსო, - ასე გამოეხმაურა პოლიტიკური გუნდის, „მოქალაქეების“ ლიდერი, ალეკო ელისაშვილი ბადრი ჯაფარიძისა და მამუკა ხაზარაძე ინიციატივას კერძო იპოთეკარების აკრძალვაზე. მისი თქმით, გასაგებია, რომ წინასაარჩევნო პერიოდია და გასაგებია, რომ უცნაური რაღაცებიც უნდა თქვან მაგრამ ეს უკვე მეტისმეტია.

23 სექტემბერი 2020, 19:46

COVID19

შემოსავლების სამსახურის 596 თანამშრომელს მიზნობრივი ტესტირება ჩაუტარდა

COVID-19-ის რისკ ჯგუფების მიზნობრივი ტესტირების ფარგლებში, ჯანდაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დადგენილი წესისა და პერიოდულობის გათვალისწინებით, 18-23 სექტემბერს, მებაჟე ოფიცრებსა და თანამშრომელებს (გაფორმების ეკონომიკური ზონა „აეროპორტი“, გაფორმების ეკონომიკურ ზონა „თბილისი 2“, საბაჟო გამშვები პუნქტი „გარდაბანი“, საბაჟო გამშვები პუნქტი „ნინოწმინდა“, საბაჟო გამშვები პუნქტი „ყაზბეგი“, საბაჟო გამშვები პუნქტი „კარწახი“, საერთო ჯამში 596 პირს) გამოკვლევა ჩაუტარდა.

ჯეიჰუნ ბაირამოვი

23 სექტემბერი 2020, 19:41

პოლიტიკა

საქართველოს აზერბაიჯანის საგარეო საქმეთა მინისტრი ეწვევა

ვიზიტის ფარგლებში გაიმართება აზერბაიჯანის საგარეო საქმეთა მინისტრის შეხვედრები საქართველოს პრეზიდენტთან, სალომე ზურაბიშვილთან, საქართველოს პრემიერ-მინისტრთან, გიორგი გახარიასთან, საქართველოს საგარეო საქმეთა მინისტრთან, დავით ზალკალიანთან, ეკონომიკისა და მდგრადი განვითარების მინისტრთან, ნათია თურნავასთან, ასევე საქართველოს პარლამენტში - პარლამენტის თავმჯდომარის მოადგილესთან, კახაბერ კუჭავასთან და საქართველოს პარლამენტის წევრებთან.

ზურაბ ჯაფარიძე

23 სექტემბერი 2020, 19:37

პოლიტიკა

ზურაბ ჯაფარიძე: მევახშეობა არის ფულის გასესხება პროცენტზე და არანაირი მნიშვნელობა არ აქვს, ამას აკეთებს კარგად შეფუთული საბანკო ოფისი თუ მიკროსაფინანსო ორგანიზაცია ან კერძო პირი

მისი თქმით, მევახშეობა არის ფულის გასესხება პროცენტზე და არანაირი მნიშვნელობა არ აქვს ამას აკეთებს კარგად შეფუთული და კარგად გარემონტებული საბანკო ოფისი თუ მიკროსაფინანსო ორგანიზაცია ან კერძო პირი. „მევახშეობა არის მევახშეობა, მთელი ცხოვრება რითიც იყო დაკავებული ბატონი ხაზარაძე. ბანკის საქმე არის მევახშეობა, ანუ ფულით ფულის კეთება”- აცხადებს ზურაბ ჯაფარიძე.

თამარ გაბუნია

23 სექტემბერი 2020, 19:33

COVID19

თამარ გაბუნია: საავადმყოფოებში საწოლფონდის დეფიციტი დღევანდელი მდგომარეობით არ არის

ცნობილია, რომ კოვიდის შემთხვევაში ჰოსპიტალური მოვლა სჭირდება 20%-ს, ჩვენი გამოცდილებაც ამას მიუთითებს. დანარჩენის მართვა შესაძლებელია ჰოსპიტალს გარეთ. ამის რესურსი ქვეყანაში ნამდვილად არსებობს. დღეს მობილიზებულია 3000-მდე საწოლი და ნახევარზე ნაკლები არის დატვირთული - ამის შესახებ ჯანდაცვის მინისტრის მოადგილემ აჭარაში ჟურნალისტებს განუცხადა. თამარ გაბუნიას თქმით, საავადმყოფოებში საწოლფონდის დეფიციტი დღევანდელი მდგომარეობით არ არის.

კახა კუკავა

23 სექტემბერი 2020, 19:32

პოლიტიკა

კახა კუკავა: ხაზარაძე ლაპარაკობს საკრედიტო ინსტიტუტების რესტრუქტურიზაციაზე, გიგა ბოკერია ადამიანის უფლებებზე და ალბათ, კახა ოქრიაშვილი მალე დაიწყებს საუბარს წამლის ფასების შემცირებაზე

ხაზარაძე ლაპარაკობს საკრედიტო ინსტიტუტების რესტრუქტურიზაციაზე, გიგა ბოკერია ადამიანის უფლებებზე და ალბათ, კახა ოქრიაშვილი მალე დაიწყებს საუბარს წამლის ფასების შემცირებაზე, - ასე გამოეხმაურა „თავისუფალი საქართველოს“ ლიდერი, კახა კუკავა ბადრი ჯაფარიძისა და მამუკა ხაზარაძე ინიციატივას კერძო იპოთეკარების აკრძალვაზე. მისი თქმით, ეს საარჩევნო კამპანია კი არ შექსპირის 66-ე სონეტაა, სადაც ყველაფერი გადაბრუნებულია და ყველაფერი უკუღმა ხდება ამ ქვეყანაში.

23 სექტემბერი 2020, 19:26

COVID19

ბოლო 24 საათში დიდ ბრიტანეთში კორონავირუსის 6 178 ახალი შემთხვევა დადასტურდა

დიდი ბრიტანეთის ჯანდაცვის დეპარტამენტის მონაცემებით, ქვეყანაში გასული დღე-ღამის განმავლობაში კორონავირუსის 6 178 ახალი შემთხვევა დადასტურდა, რაც 1-ლი მაისიდან ინფიცირების ყველაზე მაღალი დღიური მაჩვენებელია.

თამარ გაბუნია

23 სექტემბერი 2020, 19:25

COVID19

თამარ გაბუნია: შემთხვევების უდიდესი ნაწილი მოდის ბათუმზე, რაც იმაზე მიუთითებს, რომ ეპიდემიას მაინც აქვს ლოკალიზებული ხასიათი

შემთხვევების უდიდესი ნაწილი მოდის ბათუმზე, რაც იმაზე მიუთითებს, რომ ეპიდემიას მაინც აქვს ლოკალიზებული ხასიათი, რაც პროგნოზულად კეთილსაიმედოა, რადგან ლოკალიზებული ეპიდემიის მართვა ბევრად უფრო მარტივია, ვიდრე იმ შემთხვევაში იქნებოდა, თუ ჩვენ დღეს დავინახავდით შემთხვევების თანაბარ მატებას ქვეყნის სხვადასხვა რეგიონში, - ამის შესახებ ჯანდაცვის მინისტრის მოადგილემ თამარ გაბუნიამ ბათუმში ჟურნალისტებს განუცხადა.

კელი დეგნანი

23 სექტემბერი 2020, 19:21

პოლიტიკა

კელი დეგნანი: სასარგებლოა, როცა ვაშინგტონში გადაწყვეტილების მიმღებ პირებს კრიტიკულად მნიშვნელოვან საკითხებზე ქვეყნის ლიდერებთან კომუნიკაცია შეუძლიათ

საქართველოსა და აშშ-ის მთავრობას შორის კომუნიკაციის არხი წლებია, არსებობს, ის მუშაობდა სხვადასხვა ადმინისტრაციის დროს და იმედია, ასეც გაგრძელდება, რადგან ეს მნიშვნელოვანია ჩვენი მთავრობებისთვის ქმედებების კოორდინაციისთვის, - ასე გამოეხმაურა საქართველოში აშშ-ის ელჩი, კელი დეგნანი საქართველოს პრემიერ-მინისტრ გიორგი გახარიასა და ეროვნული უსაფრთხოების საკითხებში აშშ-ის პრეზიდენტის მრჩეველ რობერტ ო ბრაიანს შორის გამართულ სატელეფონო საუბარს.

23 სექტემბერი 2020, 19:18

COVID19

ბოლო 24 საათში იტალიაში კორონავირუსის 1 640 ახალი შემთხვევა დადასტურდა

იტალიის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 1 640 ახალი შემთხვევა დადასტურდა, ხოლო 20 ადამიანი გარდაიცვალა.

მარია ზახაროვა

23 სექტემბერი 2020, 19:08

მსოფლიო

მარია ზახაროვა: რუსეთი გმობს აშშ-ის მცდელობას, წინააღმდეგობა გაუწიოს „ჩრდილოეთის ნაკადი-2“-ის მშენებლობას

რუსეთის საგარეო საქმეთა სამინისტროს ოფიციალური წარმომადგენლის, მარია ზახაროვას განცხადებით, რუსეთი გმობს აშშ-ის მცდელობას წინააღმდეგობა გაუწიოს „ჩრდილოეთის ნაკადი-2“-ის მშენებლობას.

23 სექტემბერი 2020, 19:02

COVID19

ზუგდიდის მუნიციპალიტეტის მერიაში სადეზინფექციო სამუშაოები ჩატარდა

კორონავირუსის პრევენციის მიზნით, ზუგდიდის მუნიციპალიტეტის მერიაში სადეზინფექციო სამუშაოები განხორციელდა, ხოლო საჯარო მოხელეებს COVID-19-ზე ტესტირება ჩაუტარდათ, - ამის შესახებ ინფორმაციას ზუგდიდის მუნიციპალიტეტის მერია ავრცელებს. მათივე ინფორმაციით, ზუგდიდში დღეს კორონავირუსის 14 შემთხვევა დადასტურდა, აქედან 3 მუნიციპალიტეტის მერიის თანამშრომელია.

23 სექტემბერი 2020, 18:47

COVID19

ბოლო 24 საათში ნიდერლანდებში კორონავირუსის შემთხვევების რეკორდულად მაღალი მაჩვენებელი დაფიქსირდა

ნიდერლანდების ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 2 357 ახალი შემთხვევა დადასტურდა, რაც პანდემიის დაწყებიდან რეკორდული დღიური მაჩვენებელია.

ევროკავშირი

23 სექტემბერი 2020, 18:46

პოლიტიკა

​ევროკავშირი შეშფოთებას გამოთქვამს საქართველოს ოკუპირებულ ტერიტორიებზე რუსეთის სამხედრო წვრთნებთან დაკავშირებით

მსგავსი სამხედრო წვრთნები სუვერენული სახელმწიფოს ტერიტორიაზე, ამ სახელმწიფოს თანხმობის გარეშე, არღვევს საერთაშორისო სამართლის ნორმებს და პრინციპებს, რაც ასახულია გაეროს ქარტიაში, ჰელსინკის საბოლოო აქტსა და პარიზის ქარტიაში, - ნათქვამია ეუთო-ში ევროკავშირის მისიის მიერ გავრცელებულ განცხადებაში, რომელიც ოკუპირებულ აფხაზეთსა და ცხინვალის რეგიონში მიმდინარე რუსეთის ფართომასშტაბიან სამხედრო წვრთნებს „კავკასია 2020“ ეხება.

მიხეილ ყაველაშვილი

23 სექტემბერი 2020, 18:43

პოლიტიკა

მიხეილ ყაველაშვილი ოპოზიციაზე: თუ რამე არსებობს დიქტატურაში, ყველაფერი გაკეთებული აქვთ, ოღონდ დემოკრატიის შუქურის სახელით

„მათ უნდა შევახსენოთ, ეს ადამიანები რას წარმოადგენდნენ, როგორ ართმევდნენ ბიზნესებს, როგორ კლავდნენ ქუჩაში ახალგაზრდებს, როგორ ძალადობნენ მედიაზე და ა.შ. თუ რამე არსებობს დიქტატურაში, ყველაფერი გაკეთებული აქვთ, ოღონდ დემოკრატიის შუქურის სახელით. ეს ყველაფერი შეუძლებელია მოკლე დროში ვინმეს დავიწყებოდა“,- განაცხადა მიხეილ ყაველაშვილმა.

მიხეილ ყაველაშვილი

23 სექტემბერი 2020, 18:43

პოლიტიკა

მიხეილ ყაველაშვილი: მთავარი გზავნილი ამომრჩეველთან არის ის, რომ სამართლიანი რეალობა აღიქვან

მთავარი გზავნილი ამომრჩეველთან არის ის, რომ აღიქვან სამართლიანი რეალობა. როდესაც საარჩევნო ყუთთან აღმოჩნდებიან თავისუფალი არჩევანი გააკეთონ. ეს თავისუფლება, ჩვენს საზოგადოებასთან ერთად, მოვიპოვეთ 2012 წელს და ეს არის ყველაზე ძვირფასი, - ამის შესახებ „ქართული ოცნების“ ნაძალადევის მაჟორიტარი დეპუტატობის კანდიდატმა მიხეილ ყაველაშვილმა „დღის ქრონიკაში“ განაცხადა.

ცესკო არჩევნები პანდემია

23 სექტემბერი 2020, 18:35

საზოგადოება

ცესკოში სტაციონარებსა და საკარანტინო სივრცეებში კენჭისყრის ორგანიზების საკითხები განიხილეს

ამ საკითხებზე ცესკოს თავმჯდომარემ თამარ ჟვანიამ ჯანდაცვის მინისტრის მოადგილე გიორგი წოწკოლაურსა და დაავადებათა კონტროლის ეროვნული ცენტრის გენერალური დირექტორის მოადგილე პაატა იმნაძესთან იმსჯელა.