09 ოქტომბერი 2021, 18:45 / სანდო წყარო

ბათუმის ტრაგედია - ორი დღის ყველა მოვლენა ქრონოლოგიურად

ბათუმში, 26 მაისის ქუჩის 13 ნომერში, ერთ-ერთი სადარბაზო 8 ოქტომბერს, დაახლოებით 12:00 საათზე, სრულად ჩამოინგრა. პირველი, ვისი გადარჩენაც მაშველებმა შეძლეს, ბავშვი იყო. ავტომობილი, რომელშიც არასრულწლოვანი იჯდა, საცხოვრებელი კორპუსის ნანგრევებში იყო მოყოლილი. ის ავტომობიიდან უვნებლად ამოიყვანეს.

მაშველებმა კორპუსიდან, რომლის ნაწილიც ჩამოინგრა, მოქალაქეების ევაკუაცია დაიწყეს და, მსხვერპლის თავის ასარიდებლად, ტერიტორიას მოსახლეობისგან ათავისუფლებდნენ.

მიმდინარე სამუშაოების პარალელურად, შინაგან საქმეთა სამინისტრომ გაავრცელა განცხადება, რომელშიც უწყება აღნიშნავდა, რომ სამაშველო და საპოლიციო ძალები ადგილზე შეტყობინების მიღებისთანავე მობილიზდნენ, მიმდინარეობდა ტერიტორიის ნანგრევებისგან გაწმენდა და აქტიური საძიებო-სამაშველო ღონისძიებები. დაიწყო მეზობელი რეგიონებიდან დამატებითი ცოცხალი ძალის მობილიზება. სამინისტრომ ამავე განცხადებაში მიუთითა, რომ ნგრევის ფაქტზე გამოძიება დაიწყეს.

ძალოვან უწყებასთან ერთად, ფაქტს გამოეხმაურა ბათუმის მერიაც და განმარტა, რომ კორპუსი, რომლის სადარბაზოც ჩამოინგრა, საცხოვრებლად ვარგისი იყო და შენობა ამორტიზებული არ ყოფილა.

მალე, ცნობილი გახდა, რომ კორპუსის ნანგრევებში მოყოლილი ორი ადამიანი პოლიციასთან კონტაქტზე გავიდა, თუმცა, როგორც მოგვიანებით შს მინისტრმა განმარტა, სატელეფონო კავშირისას, ისინი ვერ ამბობდნენ, ნანგრევები რომელ ნაწილში შეეძლოთ მაშველებს მათი მოძებნა. კონტაქტის პარალელურად, აქტიურად მიმდინარეობდა მათი ძიება.

შემთხვევიდან დაახლოებით ორ საათში, გავრცელდა ვიდეომასალა, რომელიც კორპუსის ნაწილის ჩამონგრევიდან რამდენიმე წუთშია გადაღებული. კადრებში ჩანს ნგრევით გამოწვეული ძლიერი მტვერი და ისმის მოსახლეობის ყვირილი.

ამასთან, ნგრევისას დაშავებული არასრულწლოვანის ჯანმრთელობის შესახებ გავრცელდა ინფორმაცია და მისმა ექიმმა თქვა, რომ დაშავებულის მდგომარეობა სტაბილური იყო.

მიმდინარე სამუშაოების ადგილზე გასაცნობად, ბათუმში გაემგზავრნენ პრემიერ-მინისტრი ირაკლი ღარიბაშვილი და შს მინისტრი, ვახტანგ გომელაური. მთავრობის მეთაურმა გაავრცელა განცხადება, რომელშიც აღნიშნა, რომ კორპუსის ნგრევისას დაშავებულებსა და დაზარალებულებს სახელმწიფო დაეხმარება.

ძალოვანი უწყების ხელმძღვანელმა, ბათუმში, ჟურნალისტებს განუცხადა, რომ, სავარაუდოდ, ნგრევის დროს, კორპუსში 10-დან 15 მდე ადამიანი იყო და მათი ძებნა აქტიურად მიმდინარეობდა. ამასთან, განმარტა, რომ გამოძიება სამშენებლო სამუშაოს წარმოებისას უსაფრთხოების წესის დარღვევის მუხლით დაიწყო.

დღის მეორე ნახევარში, სოციალურ ქსელში ვრცელდება ვიდეო, რომელზეც ასახულია, როგორ ჩამოინგრა საცხოვრებელი კორპუსის ერთ-ერთი სადარბაზო ბათუმში.

მედიასთან კომენტარი გააკეთა პრემიერმა ირაკლი ღარიბაშვილმა და განაცხადა: „გამოძიება ყველაფერს დაადგენს, ჩვენ ყველა კითხვას გავცემთ პასუხს - პირველ რიგში, უნდა ვილოცოთ, რომ ეს ადამიანები ცოცხლები გამოვიდნენ“.

დაახლოებით 20:00 საათისთვის, მაშველებმა მიაკვლიეს ქალს, რომელიც, ნგრევის დროს, სახლში ორ შვილთან - 1 და 9 წლის ბავშვებთან ერთად იყო. ამოყვანამდე, მისთვის დახმარების გაწევა ადგილზევე დაიწყეს, რამდენიმე წუთში კი, ნანგრევებიდან ამოიყვანეს. ადგილზე იყო ქალის მეუღლეც, რომელიც ელოდა, როდის შეძლებდნენ მაშველები მათი ორი შვილის პოვნასაც. საავადმყოფოზში გადაყვანის შემდეგ, ექიმებმა მედიას განუცხადეს, რომ მისი მდგომარეობა მძიმე იყო.

შემდეგი, ვისაც მაშველებმა მიაკვლიეს, ახალგაზრდა კაცი იყო, რომელიც ამოყვანისთანავე გადაიყვანეს სამედიცინო დაწესებულებაში. მისი მდგომარეობა შეფასდა, როგორც მძიმე და მართვით სუნთქვაზე გადაიყვანეს.

დაახლოებით 23:30 საათზე გავრცელდა ცნობა, რომ, შესაძლოა, მაშველებმა პირველი ცხედარი ნახეს, რაც, მოგვიანებით, დადასტურდა კიდეც. დაახლოებით ორ საათში, მაშველებმა ნანგრევებიდან კიდევ სამი გარდაცვლილი ამოიყვანეს.

დილით, ნანგრევებში კიდევ ერთ ცხედარს მიაკვლიეს. დილის მონაცემებით, ჯამში, 5 დაღუპული ადამიანიდან ერთი ასაკოვანი ქალი, ორი კაცი და ორი ბავშვი იყო.

დღეს დილითვე, ცნობილი გახდა, რომ სადარბაზოს ჩამონგრევის საქმეზე სამი ადამიანია დაკავებული - პირველ სართულზე არსებული ბინის მესაკუთრე და ორი დაქირავებული მუშა. „ბათუმში, 26 მაისის ქუჩაზე მდებარე საცხოვრებელი კორპუსის პირველი სართულზე ერთ-ერთი ბინის მფლობელმა ზ.ბ.-მ ბინაში სარემონტო სამუშაოებისთვის ხ.ს. და გ.ს. დაიქირავა. ბინის მესაკუთრის მითითებით და უსაფრთხოების წესების უხეში დარღვევით საცხოვრებელ ბინაში სამშენებლო-სარემონტო სამუშაოები განხორციელდა, რამაც მიმდინარე წლის 8 ოქტომბერს საცხოვრებელი კორპუსის ერთი სადარბაზოს ჩამონგრევა გამოიწვია“, - მიუთითა შსს-მ გავრცელებულ განცხადებაში.

ამასთან ცნობილი გახდა, რომ ღამით ნაპოვნი ორი დაღუპული ბავშვი იმ ქალის შვილები არიან, რომელიც ნანგრევებიდან ამოყვანის შემდეგ რეანიმაციაში მკურნალობდა. ამ ინფორმაციის გავრცელებიდან მალევე, მათი საავადმყოფოში გადაყვანილი დედაც გარდაიცვალა.

დაახლოებით 10:00 საათზე, შს მინისტრმა, ვახტანგ გომელაურმა თქვა, რომ მაშველები კიდევ 3 ადამიანს ეძებდნენ ნანგრევებში. ამასთან, აღნიშნა, რომ ნგრევის ზუსტ მიზეზს გამოძიება დაადგენდა. მედიასთან ისაუბრა აჭარის მთავრობის მეთაურმაც. თორნიკე რიჟვაძემ განაცხადა, რომ სამაშველო ოპერაციის დასრულების შემდეგ გეოლოგები ირგვლივ მდგომი ყველა შენობის მდგრადობას შეისწავლიან.

განცხადებების პარალელურად, 3 ადამიანის სამძებრო სამუშაოები ინტენსიურად გრძელდებოდა - მათ შორის იყო დედა-შვილი, მოზარდი შემთხვევის დროს ონლაინგაკვეთილს ესწრებოდა.

საჯარო რეესტრმა გაავრცელა განცხადება, რომელშიც აღნიშა, რომ სააგენტოს ბათუმში საცხოვრებელ კორპუსში სამუშაოებთან დაკავშირებით მშენებლობის ნებართვა არ გაუცია.

„საჯარო რეესტრის ეროვნული სააგენტო მხოლოდ არეგისტრირებს საკუთრების უფლებას უძრავ ნივთზე. ადმინისტრაციული წარმოება მიმდინარე განაცხადზე წარიმართა მხოლოდ უძრავ ნივთზე საკუთრების უფლების რეგისტრაციის მიზნით. 2021 წლის 4 ოქტომბერს საჯარო რეესტრის ეროვნულ სააგენტოს განცხადებით მომართა ზაურ ბუდაგოვმა და მოითხოვა ქ. ბათუმში 26 მაისის ქუჩა, N 13, (სარდაფი) უძრავ ნივთზე რეგისტრირებულ უფლებაში ცვლილების რეგისტრაცია. განაცხადს თან ერთვოდა ნოტარიულად დამოწმებული, ბინათმესაკუთრეთა ამხანაგობის 100%-იანი კრების ოქმი, რომელსაც ხელს აწერდა ამხანაგობის თავმჯდომარე. ასევე, განაცხადს თან ერთვოდა სარდაფის აზომვითი ნახაზი და ზაურ ბუდაგოვის საკუთრებაში არსებული ბინის N1 ამონაწერი საჯარო რეესტრიდან. საჯარო რეესტრის ეროვნულმა სააგენტომ კანონით გათვალისწინებულ 4 სამუშაო დღის ვადაში მიიღო წარმოების შეჩერების შესახებ გადაწყვეტილება, ვინაიდან მოთხოვნილი იყო უძრავი ქონების ცვლილების რეგისტრაცია და არ იყო წარმოდგენილი ბინისა და სარდაფის ერთიანი აზომვითი ნახაზი“, - აღნიშნულია სააგენტოს განცხადებაში. განმარტება გააკეთა საჯარო რეესტრის ეროვნული სააგენტოს ხელმძღვანელმა ოლეგ თორთლაძემაც.

დაახლოებით 13:00 საათისთვის, მაშველებმა დარჩენილი სამიდან ორი ადამიანი იპოვეს, სამწუხაროდ, ორივე დაღუპული - დედა და შვილი. მოგვიანებით, მათ კიდევ ერთი ცხედარი ამოიასვენეს.

ამის შემდეგ, შინაგან საქმეთა მინისტრმა, ვახტანგ გომელაურმა განაცხადა, რომ, სავარაუდოდ, ნანგრევებში დაკარგულები აღარ არიან და სამუშაოები დროებით შეჩერდა.

ამ დროისთვის, კორპუსის ნგრევისას დაშავებული კაცის მდგომარეობა სტაბილურად მძიმეა.

სულ, ტრაგედიას 9 ადამიანის სიცოცხლე შეეწირა, რომელთაგანაც 3 ბავშვია. ტრაგედიის ყველაზე პატარა მსხვერპლი 1 წლისაა. ყველაზე ასაკოვანი კი - 80 წელს გადაცილებული ქალი.

„ქრონიკამ“ მოიპოვა ნგრევამდე 48 საათით ადრე გადაღებული ფოტოები ბინიდან, სადაც ჩანს, რომ ბინას საყრდენი კედლები გამოცლილი აქვს.

ბათუმში მომხდარი ტრაგედიის გამო „ქართული ოცნება“ 12 ოქტომბრამდე ყველა საარჩევნო-პოლიტიკურ აქტივობას წყვეტს. ამასთან, მომხდარის გამო, ბათუმში დღეს დაგეგმილი საქართველო-საბერძნეთის საფეხბურთო მატჩი მაყურებლის გარეშე ჩატარდება.

კახა კალაძემ განაცხადა, რომ ღონისძიება, რომელიც, სატელევიზიო ფორმატით, თბილისობის აღსანიშნად უნდა ჩატარებულიყო, გაუქმდება - თანხა ბათუმში მომხდარი ტრაგედიის დროს გარდაცვლილთა ოჯახებისა და დაზარალებულთა დახმარების ფონდში გადაირიცხება.

პრემიერ-მინისტრ ირაკლი ღარიბაშვილის ინიციატივით, დაღუპულთა ხსოვნის პატივსაცემად, ორშაბათი, 11 ოქტომბერი გლოვის დღედ გამოცხადდება.

ყველა სიახლე

კახა კუჭავა

21 ოქტომბერი 2021, 12:34

პოლიტიკა

კახა კუჭავა: მეორე ტურში არჩევანი ორ კანდიდატს შორის კეთდება, ამ შემთხვევაში ძალიან კარგად ვიცით, რომ კახა კალაძეს კონკურენტი არ ჰყავს

ათენში ვიზიტით მყოფი კახა კუჭავა ნიკა მელიას მიერ თბილისის ჩრდილოვანი მთავრობის წარდგენას გამოეხმაურა. პარლამენტის თავმჯდომარეს მიაჩნია, რომ ოპოზიციამ საარჩევნო კამპანია გვიან, მხოლოდ მეორე ტურისთვის წამოიწყო და კახა კალაძეს, რომელიც თბილისის მერობისთვის იბრძვის, კონკურენტი არ ჰყავს.

21 ოქტომბერი 2021, 12:20

მსოფლიო

დონალდ ტრამპმა სოციალური მედიის საკუთარი პლატფორმა TRUTH Social-ი დააანონსა

აშშ-ის ყოფილმა პრეზიდენტმა, დონალდ ტრამპმა სოციალური მედიის საკუთარი პლატფორმა TRUTH Social-ი დააანონსა.

ზაალ ანჯაფარიძე

21 ოქტომბერი 2021, 12:19

პოლიტიკა

ზაალ ანჯაფარიძე: რა ბრჭყვიალა შეფუთვაც არ უნდა გაუკეთონ „კოალიციის“ თუ სხვა რამის სახით, ენმ-პროდუქტის შიგთავსი იგივეა და გვარიანად ყარს

„ეს „კოალიციად“ წოდებული პროდუქტი რომ მალფუჭებადი და უხარისხოა, ამაზე მის სუბიექტთა ბიოგრაფიებიც მოწმობს და რაც მთავარია, პირველ ტურში ნაჩვენები შედეგები, სადაც ისინი დამარცხდნენ, რადგანაც ხალხმა/ამომრჩეველმა ეს უვარგისი პროდუქტი არ იყიდა. ასე რომ, რა ბრჭყვიალა შეფუთვაც არ უნდა გაუკეთონ „კოალიციის“ თუ სხვა რამის სახით, ამ ენმ-პროდუქტის შიგთავსი იგივეა და მე თუ მკითხავთ, გვარიანად ყარს!“ - წერს ანჯაფარიძე.

21 ოქტომბერი 2021, 12:15

საზოგადოება

ბაღნარისა და მანაგაძის ქუჩებზე ასფალტის საფარი მოეწყო

სამუშაოების შედეგად, ორივე ქუჩაზე, 13 857 კვადრატულ მეტრ ფართობზე ასფალტის საფარი გაკეთდა. ჯამში, პროექტისთვის 890 126 ლარი დაიხარჯა. მოეწყო ბორდიურები, საფეხმავლო ბილიკები, ლითონის ზღუდარები, გრუნტის შემაკავებელი დამჭერი გაბიონები და ორი ფენა ასფალტის საფარი.

არჩილ ჩიქოვანი

21 ოქტომბერი 2021, 12:09

პოლიტიკა

„ნაცმოძრაობის“ ბრალდება არჩილ ჩიქოვანის მიერ დანაშაულებრივი ქმედების ჩადენის შესახებ არ დადგინდა

„2018 წლის საქმესთან დაკავშირებით, რომელიც ეხება და უკავშირდება ალამბარი-ზენითის საავტომობილო გზის სამუშაოების შესრულებასთან შესაძლო დანაშაულების ჩადენის ფაქტს, ჩემ მიმართ სისხლის სამართლებრივი დევნა ან რაიმე სახის ბრალეულობა არ დგინდება. უფრო მეტიც, ამ ფაქტთან დაკავშირებით გამოძიება დასრულებულია, გამოვლენილია კონკრეტული დამნაშავე პირები და სახელმწიფოს აუნაზღაურდა გამოძიებით დადგენილი ზიანი“, - განაცხადა ჩიქოვანმა.

21 ოქტომბერი 2021, 11:50

ეკონომიკა

Forbes: საქართველო ტურისტებისა და დისტანციურად მომუშავეთათვის იდეალური მიმართულებაა

გავლენიანი საერთაშორისო გამოცემა Forbes-ი მკითხველს საქართველოში მოგზაურობას ურჩევს და საქართველოს ტურისტული მიმართულების შესახებ ვრცელ სტატიას აქვეყნებს სათაურით „რატომ არის კავკასიის ეს ქვეყანა თანაბრად იდეალური როგორც დამსვენებლებისთვის, ასევე დისტანციურად მომუშავეებისთვის“. სტატიის ავტორი რანა გუდი Forbes-ის მკითხველს საქართველოს ტურისტულ ადგილებს, ბუნებას, ისტორიულ და კულტურულ ძეგლებს, კულტურას, ქართულ სამზარეულოსა და ღვინოს აცნობს.

არჩილ ჩიქოვანი

21 ოქტომბერი 2021, 11:42

პოლიტიკა

ბათუმის მერობის კანდიდატი: არჩილ ჩიქოვანი არცერთი დღე, არცერთი საათი არ ყოფილა მეგის ქარდავას მოადგილე

„მინდა ხაზგასმით აღვნიშნო, იმ ყბადაღებულ თემასთან დაკავშირებით, რაც ეხება მეგის ქარდავას მოადგილეობის საკითხს. არჩილ ჩიქოვანი არცერთი დღე, არცერთი საათი არ ყოფილა მეგის ქარდავას მოადგილე და პირიქით, სასაცილოა ბრალდება “ნაციონალური მოძრაობისა” და იმ ბნელი ძალისგან, რომლის სახესაც წარმოადგენდნენ მსგავსი ტიპის ოდიოზური პიროვნებები, რომელმაც თავის წიაღში გამოზარდა სისხლის სამართლის დამნაშავეები და ისინი იყვნენ მათი პოლიტიკური სახე“, - განაცხადა ჩიქოვანმა.

ლევან ნიკოლეიშვილი

21 ოქტომბერი 2021, 11:40

პოლიტიკა

ლევან ნიკოლეიშვილი მამუკა ხაზარაძეზე: როგორც იქნა, აღიარეს ნაციონალებმა, თუმცა ეს სიყვარული და აღიარება გუშინ არ დაწყებულა, მას ჯერ კიდევ სააკაშვილი აღიარებდა და ახასიათებდა

გუშინ, მელიამ მამუკა ხაზარაძე, თავისი ჩრდილოვანი კაბინეტის პრეზენტაციაზე მერის მოადგილედ წარადგინა: უნდა გენახათ, როგორი გახარებული იყო „ლელოს“ ლიდერი, გეგონება, მართლა მერის მოადგილედ დანიშნეს, - ასე ეხმიანება ექსპერტი ლევან ნიკოლეიშვილი მამუკა ხაზარაძის მერის მოადგილედ წარდგენას და მიხეილ სააკაშვილის ვიდეოს აზიარებს, სადაც ის მამუკა ხაზარაძეზე ამბობს, რომ - ვერაფერი ვერ ისწავლა ცხოვრებაში და ყოველთვის არასწორ მხარეს ჩნდება. სააკაშვილი იხსენებს ხაზარაძის გეპე-ის კომკავშირის მდივნობის დროს მომხდარ ფაქტს, როდესაც ის გეპეიდან გამოვარდა და ციხიდან გამოსულ მერაბ კოსტავას პალტო შემოახია.

ნინო ლაცაბიძე

21 ოქტომბერი 2021, 11:36

პოლიტიკა

„ქართული ოცნების“ მერობის კანდიდატი ნინო ლაცაბიძე რუსთავის მოსახლეობას ლიფტებით უფასოდ სარგებლობას ჰპირდება

ახალი წლიდან რუსთავში ლიფტებით სარგებლობა უფასო იქნება. ძველი, ამორტიზებული ლიფტების ახლით სრულად ჩანაცვლებამდე, ჩემი მერობის პერიოდში ბიუჯეტიდან დამატებით გამოიყოფა თანხები, რათა ახალი პროგრამის განხორციელება დავიწყოთ. პროგრამას კორპუსის ამხანაგობებთან ერთად განვახორციელებთ და ჩვენ შევძლებთ, რომ ლიფტებისთვის დახარჯული ელექტროენერგიის საფასური, რომლის შეგროვება ხშირად კორპუსის სამეზობლოს უწევს, გადაიხადოს მერიამ. ამ პროგრამის ფარგლებში, ამხანაგობებთან შეთანხმებით, ასევე გავაუქმებთ ხურდის ჩასაყრელ ყუთებს და აქტიურად დავიწყებთ ძველი ამორტიზებული ლიფტების ახლი, ევროპული სტანდარტის მქონე ლიფტებით ჩანაცვლებას. ამისთვის რუსთავში ლიფტების მოვლის სერვისი შეიქმნება და ჩვენ შევძლებთ, რუსთავში სრულად განვაახლოთ ლიფტები. სანამ ამის საშუალება გვექნება, თითოეული რუსთაველი უფასოდ ისარგებლებს მის კორპუსში არსებული ლიფტით“, - განაცხადა ლაცაბიძემ.

21 ოქტომბერი 2021, 11:27

პოლიტიკა

კარლ ჰარცელი: რაც შეეხება ყოფილი პრეზიდენტის საკითხს, პროცესი, რა თქმა უნდა, გამჭვირვალედ და სამართლიანად უნდა ჩატარდეს

„როგორც წესი, ინდივიდუალურ წერილებთან და განცხადებებთან დაკავშირებით კომენტარს არ ვაკეთებთ, რადგანაც ეს მათი პოზიციაა. თუმცა, მინდა ვთქვა, რომ ამ წერილის ხელმომწერები მნიშვნელოვან როლს თამაშობენ ევროპარლამენტის მუშაობასა და აღმოსავლეთ პარტნიორობასთან დაკავშირებულ საკითხებში. რაც შეეხება ყოფილი პრეზიდენტის საკითხს, პროცესი, რა თქმა უნდა, გამჭვირვალედ და სამართლიანად უნდა ჩატარდეს. მხედველობაში უნდა იყოს მიღებული სახალხო დამცველის შეფასებებიც, დაცული უნდა იყოს ფუნდამენტური უფლებები, პატიმრობაში ყოფნის პირობები საერთაშორისო სტანდარტებს უნდა შეესაბამებოდეს“, - აღნიშნა ჰარცელმა.

21 ოქტომბერი 2021, 11:08

სამართალი

პოლიციამ თბილისში 11 ნარკორეალიზატორი დააკავა

შინაგან საქმეთა სამინისტროს ცენტრალური კრიმინალური პოლიციის დეპარტამენტის და განსაკუთრებულ დავალებათა დეპარტამენტის თანამშრომლებმა გენერალურ პროკურატურის თანამშრომლებთან ერთად კომპლექსური ოპერატიულ-სამძებრო ღონისძიებებისა და ინტენსიური საგამოძიებო მოქმედებების შედეგად, ბოლო 10 დღეში, თბილისში 11 ნარკორეალიზატორი დააკავეს.

21 ოქტომბერი 2021, 10:52

COVID19

რამდენი ადამიანი აიცრა კოვიდვაქცინით საქართველოში

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსის საწინააღმდეგო აცრა 5 194-მა ადამიანმა გაიკეთა. სულ ქვეყანაში 1 932 643 აცრა გაკეთდა. ამ დროისთვის საქართველოში კორონავირუსის 680 182 შემთხვევაა დადასტურებული. მათ შორის გამოჯანმრთელდა 622 181, გარდაიცვალა 9 617 პაციენტი.

21 ოქტომბერი 2021, 10:52

COVID19

საქართველოში კორონავირუსის დადებითობის დღიური მაჩვენებელი 8,21%-ს შეადგენს

20 ოქტომბრის მდგომარეობით, დადებითობის დღიური მაჩვენებელი არის 8.21%, ბოლო 14 დღის განმავლობაში - 8.83% ხოლო 7 დღის განმავლობაში - 9.05%.

21 ოქტომბერი 2021, 10:50

COVID19

დღე-ღამეში საქართველოში 29 კოვიდინფიცირებული გარდაიცვალა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კიდევ 29 კოვიდინფიცირებული გარდაიცვალა.

კორონავირუსი

21 ოქტომბერი 2021, 10:49

COVID19

საქართველოში კოვიდინფიცირების 4 411 ახალი შემთხვევა გამოვლინდა

ამ დროისთვის საქართველოში კორონავირუსის 680 182 შემთხვევაა დადასტურებული. მათ შორის გამოჯანმრთელდა 622 181, გარდაიცვალა 9 617 პაციენტი.

21 ოქტომბერი 2021, 10:48

ეკონომიკა

ეკონომიკის სამინისტრომ „ენერგეტიკისა და კლიმატის ცვლილების ინტეგრირებული ეროვნული გეგმის“ მიმართულებები საზოგადოებრივ ორგანიზაციებს ონლაინ ფორმატში წარუდგინა

ეკონომიკისა და მდგრადი განვითარების სამინისტროს ინიციატივითა და ევროკავშირის ენერგეტიკული გაერთიანების ჩართულობით, „ენერგეტიკისა და კლიმატის ცვლილების ინტეგრირებული ეროვნული გეგმის“ განვითარების ძირითადი მიმართულებების შესახებ ენერგეტიკისა და გარემოს დაცვის სექტორებში მომუშავე არასამთავრობო ორგანიზაციებისა და საზოგადოებრივი ჯგუფების წარმომადგენლებთან პირველი განხილვა გაიმართა, რომელიც ონლაინ ფორმატში ჩატარდა. გადაწყდა, რომ მსგავსი შეხვედრები გარკვეული პერიოდულობით გაიმართება, რომლის დროსაც პასუხი გაეცემა საზოგადოების წინაშე არსებულ ყველა შეკითხვას ქვეყნის ენერგეტიკული მდგომარეობის, მისი განვითარების მიმართულებებისა და ენერგოუსაფრთხოების უზრუნველყოფის ღონისძიებებთან დაკავშირებით.

21 ოქტომბერი 2021, 10:40

პოლიტიკა

პრემიერ-მინისტრი და პარტია „ქართული ოცნების“ თავმჯდომარე 21-22 ოქტომბერს სამეგრელოს რეგიონში მერობის კანდიდატებს და შტაბების ხელმძღვანელებს შეხვდებიან

საქართველოს პრემიერ-მინისტრი ირაკლი ღარიბაშვილი და პარტია “ქართული ოცნების“ თავმჯდომარე ირაკლი კობახიძე, რეგიონების მუნიციპალიტეტების მერობის კანდიდატებთან და საარჩევნო შტაბების ხელმძღვანელებთან შეხვედრებს განაგრძობენ.

21 ოქტომბერი 2021, 10:37

ეკონომიკა

ნათია თურნავამ სახელმწიფო საწარმოების რეფორმის საკითხები მსოფლიო ბანკისა და აზიის განვითარების ბანკის წარმომადგენლებთან განიხილა

ეკონომიკისა და მდგრადი განვითარების მინისტრი ნათია თურნავა მსოფლიო ბანკის რეგიონულ დირექტორს სამხრეთ კავკასიაში სებასტიან მოლინეუსსა და აზიის განვითარების ბანკის ენერგეტიკის მთავარ სპეციალისტ ადნან ტარინს შეხვდა. შეხვედრა გაიმართა სახელმწიფო საწარმოების რეფორმის პროგრამის ფარგლებში, რომელიც საქართველოს აეროპორტების გაერთიანებისა და საქართველოს სახელმწიფო ელექტროსისტემის რეფორმირებასაც ითვალისწინებს.

ირაკლი ღარიბაშვილი წითელი ჯვარი

21 ოქტომბერი 2021, 10:37

პოლიტიკა

პრემიერ-მინისტრი წითელი ჯვრის საერთაშორისო კომიტეტის ვიცე-პრეზიდენტს შეხვდა

ღარიბაშვილმა აღნიშნა, რომ საქართველოს მთავრობა აფასებს წითელი ჯვრის საერთაშორისო კომიტეტის მხარდაჭერას კონფლიქტით დაზარალებული მოსახლეობისთვის, რაც აფხაზეთსა და ცხინვალის რეგიონში, ასევე საოკუპაციო ხაზთან მცხოვრები მოსახლეობის ჰუმანიტარულ დახმარებას გულისხმობს.

21 ოქტომბერი 2021, 10:16

საზოგადოება

ლევან დავითაშვილი შვეიცარიის კონფედერაციაში ოფიციალურ შეხვედრებს განაგრძობს

„ძალიან მნიშვნელოვანია, რომ შვეიცარია საქართველოს პარტნიორი და მხარდამჭერია ისეთ პრიორიტეტულ მიმართულებებში, როგორიცაა მეცხოველეობის განვითარება, სოფლის მეურნეობის ღირებულებათა ჯაჭვის გაძლიერება, სურსათის უვნებლობაში საერთაშორისო სტანდარტების დანერგვა, სოფლის განვითარების პროექტების თანადაფინანსება, კლიმატის ცვლილების შერბილება და მასთან ადაპტაცია”, - განაცხადა დავითაშვილმა.