გივი სიხარულიძე: იოსებ ხახალეიშვილი ტრადიციულ ოჯახშია გაზრდილი, ვაჟკაცია, რომელიც ქართულ სულიერებას გააბრწყინებს თავის ქალაქში

მე ტრადიციების დამცველი ქართველი კაცი ვარ და ქართულ გენეტიკას ვინც უფრთხილდება, ეს ჩემთვის ყველაფერია, - ამის შესახებ მსახიობმა გივი სიხარულიძემ ქუთაისში, „ქართული ოცნების“ მერობის კანდიდატის იოსებ ხახალეიშვილის მხარდამჭერ შეხვედრაზე განაცხადა.

„მე არც „ოცნების“ წევრი ვარ, არც „ნაციონალების“, მაგრამ რა თქმა უნდა, მე ვარ „ოცნების“ მხარეს, რადგან აქ ქართული სული ტრიალებს. ქართველი ერის მიმართ სიყვარულია. მე არაფერი ლიბერალური არ მომწონს.
ახლა მერად რომ ირჩევენ, ახალგაზრდა ბიჭია, იოსებ ხახალეიშვილი, მომწონს იმით, რომ ვიცი, ტრადიციულ ოჯახშია გაზრდილი და ვიცი, რომ ვაჟკაცია, ვიცი, რომ კაცია, რომელიც ქართულ სულიერებას გააბრწყინებს თავის ქალაქში", - განაცხადა სიხარულიძემ.

ცნობილი სახეები ქუთაისში, „ქართული ოცნების“ მერობის კანდიდატის იოსებ ხახალეიშვილის მხარდასაჭერად მოსახლეობასთან შეხვედრებს მართავენ, მათ შორის არიან ხათუნა ჟორდანიას, გივი სიხარულიძე, ბექა ჩხაიძე და სხვები.