სახალხო დამცველი: გიგი უგულავას საქმეზე მოსამართლის მიუკერძოებლობის მხრივ ხარვეზები იკვეთება
ნინო ლომჯარია
ფოტო: არქივი
საქართველოს სახალხო დამცველი გიგი უგულავას მიმართ გამოტანილ განაჩენთან დაკავშირებით განცხადებას ავრცელებს. ომბუდსმენი მიიჩნევს, რომ აღნიშნული საქმე იმ საფრთხეების მატერიალიზაციას წარმოადგენს, რომლის გამოც სახალხო დამცველი მოსამართლეთა დანიშვნის პროცესის შეჩერებას ითხოვდა.
„2020 წლის 10 თებერვალს უზენაესი სასამართლოს სისხლის სამართლის პალატამ შეცვალა პირველი და მეორე ინსტანციების მიერ დადგენილი განაჩენი და პოლიტიკური პარტია „ევროპული საქართველოს“ ლიდერს გიგი უგულავას საბოლოო სასჯელის სახით 3 წლით, 2 თვითა და 8 დღით თავისუფლების აღკვეთა დაუნიშნა.
აღნიშნულ კოლეგიას თავმჯდომარეობდა შალვა თადუმაძე - უზენაესი სასამართლოს ახალდანიშნული მოსამართლე, რომელიც აღნიშნული საქმის მეორე ინსტანციაში განხილვისას, ასევე, პროკურატურის მიერ საქმის საკასაციო სასამართლოში გასაჩივრების დროს გენერალური პროკურორის თანამდებობას იკავებდა.
შალვა თადუმაძე აღნიშნულ საქმეზე სასამართლოში პროკურორად არ გამოდიოდა პირადად, თუმცა ეს ვერ გამოდგება არსებული კონტექსტის უგულებელსაყოფად - საქართველოს პროკურატურაში დადგენილია მკაცრად ვერტიკალური დაქვემდებარების სისტემა, სადაც ყველა ქვემდგომი პროკურორი ვალდებულია, ზემდგომი პროკურორის მითითება შეასრულოს, ხოლო პროკურატურის ყველა თანამშრომელი გენერალურ პროკურორს ემორჩილება.
ადამიანის უფლებათა ევროპული სასამართლოს პრაქტიკის მიხედვით, სასამართლოს მოსამართლის პირადი დამოკიდებულება და ქცევა უნდა ქმნიდეს საზოგადოებაში მისი მიუკერძოებლობის განცდას. მოსამართლემ, რომლის მიკერძოებულობის მიმართაც აშკარა ეჭვი ჩნდება, საქმის განხილვაში მონაწილეობა არ უნდა მიიღოს.
ევროპულ სასამართლოს უკვე აქვს დადგენილი დარღვევა ისეთ საქმეში, სადაც პირი ერთი მხარის წინააღმდეგ ორ საქმეში მონაწილეობდა - პირველ შემთხვევაში გამოდიოდა მოწინააღმდეგე მხარის ადვოკატის როლში, ხოლო მოგვიანებით სხვა საქმეში იმავე პირის მიმართ მოსამართლის ფუნქციები შეითავსა. ნათელია, რომ საქმის განხილვის დროს მოქმედი გენერალური პროკურორის მიერ იმავე საქმის მოსამართლის ამპლუაში განხილვა სამართლიანად აჩენს ეჭვებს მისი ობიექტურობის შესახებ.
სწორედ მსგავსი რისკების არიდებისკენ იყო მიმართული სახალხო დამცველის ძალისხმევა მოსამართლეთა შერჩევის პროცესში, რაც ეუთო/ოდირისთვის მიმართვაში, პარლამენტის წინაშე მოხსენებით გამოსვლაში, პროცესზე სრულ მონიტორინგსა და საკონსტიტუციო სარჩელის მომზადებაში გამოიხატა.
საკუთარ სპეციალურ ანგარიშში სახალხო დამცველმა დააფიქსირა, რომ ვენეციის კომისიის უმნიშვნელოვანესი რეკომენდაციების არგაზიარებით და პროცესის ნაჩქარევად, ხარვეზიანად წარმართვით, სასამართლოს მიმართ საზოგადოებრივი ნდობა კიდევ უფრო შეირყეოდა. რეკომენდაციების არგაზიარების შემდგომ, უმკაცრესი შეფასებები გააკეთეს ევროსაბჭოს საპარლამენტო ასამბლეამ, ეუთო-ოდირმა, ევროკავშირმა და არაერთმა სხვა ორგანიზაციამ. სახალხო დამცველის სპეციალურ ანგარიშში დამატებით გაესვა ხაზი შალვა თადუმაძის უმაღლესი განათლების საკითხს, რომლის გარშემოც შესაბამისი კითხვის ნიშნები არსებობდა. სამწუხაროდ, ამ საკითხის საწინააღმდეგო არგუმენტაციის წარმოდგენის გარეშე მოხდა საქართველოს პარლამენტის მიერ შალვა თადუმაძის მოსამართლედ არჩევა.
შესაბამისად, გიგი უგულავას საქმიდან იკვეთება ხარვეზები როგორც მოსამართლის მიუკერძოებლობის, ისე - კანონის საფუძველზე დანიშნული მოსამართლის საკითხთან დაკავშირებით. საგულისხმოა, რომ საქმეში, სადაც მსგავსი შინაარსის, კერძოდ, მოსამართლის დანიშვნის პროცედურებთან დაკავშირებით ხარვეზები იკვეთებოდა, ადამიანის უფლებათა ევროპული სასამართლოს პალატამ სამართლიანი სასამართლოს უფლების დარღვევა უკვე დაადგინა.
სახალხო დამცველი მიიჩნევს, რომ თუკი აღნიშნული საქმის შემდგომი განხილვა ადამიანის უფლებათა ევროპულ სასამართლოში გაგრძელდება, მას უაღრესად დიდი მნიშვნელობა შეიძლება ჰქონდეს არა მხოლოდ კონკრეტულად გიგი უგულავას საქმის, არამედ მთლიანად, ქართული მართლმსაჯულებისთვის.
საქართველოს სახალხო დამცველი ყურადღებით დააკვირდება საქმის შემდგომ მსვლელობას და მანდატის ფარგლებში, გამოიყენებს მის ხელთ არსებულ უფლებამოსილებებს“, - ნათქვამია სახალხო დამცველის განცხადებაში.
უზენაესმა სასამართლომ თბილისის ყოფილი მერი ე.წ. ფონდის საქმეზე თანხის გაფლანგვაში დამნაშავედ ცნო და 2020 წლის 10 თებერვალს 3 წლითა და 2 თვით თავისუფლების აღკვეთა შეუფარდა.
პროკურატურა გიგი უგულავას მერობის პერიოდში თბილისის განვითარების ფონდიდან 48 მილიონი ლარის მითვისება-გაფლაგვას ედავებოდა. 2018 წელს საქალაქო სასამართლომ ყოფილ მერს აღნიშნულ საქმეზე 1 წლითა და 3 თვით თავისუფლების აღკვეთა შეუფარდა, თუმცა სხვა საქმეზე გამოტანილმა განაჩენმა ახალი განაჩენი შთანთქა და სასამართლომ სასჯელი მოხდილად ჩაუთვალა.
გიგი უგულავა ე.წ. მატროსოვის ციხეში 10 თებერვალს გადაიყვანეს.
ყველა სიახლე
25 სექტემბერი 2020, 00:45
მსოფლიო
დონალდ ტრამპი: არ ვარ დარწმუნებული იმაში, რომ საპრეზიდენტო არჩევნები სამართლიანი იქნება
აშშ-ის პრეზიდენტმა, დონალდ ტრამპმა განაცხადა, რომ დარწმუნებული არ არის იმაში, რომ საპრეზიდენტო არჩევნები სამართლიანი იქნება.
25 სექტემბერი 2020, 00:33
საზოგადოება
ლევან დავითაშვილი: დაახლოებით 9 მილიონ ლარს ვხარჯავთ ახალი ბაზრების ათვისებაზე და არც ერთი თეთრი არ დახარჯულა რუსეთის ბაზარზე ქართული ღვინის პრომოციაზე
დღეს ჩვენ ვხარჯავთ დაახლოებით, 9 მილიონ ლარს ახალი ბაზრების ათვისებაზე. ეს არის სახელმწიფოს დანახარჯი, რომელსაც რა თქმა უნდა, ემატება კერძო კომპანიების მარკეტინგული აქტივობა და არც ერთი თეთრი არ დახარჯულა რუსეთის ბაზარზე ქართული ღვინის პრომოციაზე, - ამის შესახებ საქართველოს გარემოს დაცვისა და სოფლის მეურნეობის მინისტრმა, ლევან დავითაშვილმა, „ნამდვილ რიცხვებში“ განაცხადა. მისი თქმით, მიუხედავად იმისა, რომ პროგრესი დიდია, ძალიან ბევრია გასაკეთებელი.
25 სექტემბერი 2020, 00:20
საზოგადოება
ლევან დავითაშვილი: მე მჯერა, რომ ღვინის სექტორი საქართველოს სოფლის მეურნეობის ფლაგმანია და იქნება მომავალშიც
„ერთ წელიწადში ჩვენ თუ ზურგს შევაქცევთ დარგს, ისეთ ზიანს მივიღებთ, რომლის გამოსწორება ძალიან რთული იქნება. ამიტომ დარგისთვუს მდგრადობის შენარჩუნება არის აუცილებელი და მე მჯერა, რომ ღვინის სექტორი საქართველოს სოფლის მეურნეობის ფლაგმანია და იქნება მომავალში და ძალიან დიდ როლს შეასრულებს“,- განაცხადა ლევან დავითაშვილმა.
25 სექტემბერი 2020, 00:19
სპორტი
„დინამო“ და „ლოკომოტივი“ ევროპა ლიგას გამოეთიშნენ
პირველი ტაიმი უგოლოდ დასრულდა, შესვენების შემდეგ კი ანდალუსიელთა ფეხბურთელებმა, დარვინ მაჩისმა და ხორხე მოლინამ გიორგი მამარდაშვილის კარი ორჯერ აიღეს.
25 სექტემბერი 2020, 00:05
ეკონომიკა
ლევან დავითაშვილი: ჩვენი სტრატეგიაა, მელიორაციაში ინვესტირების გაგრძელება, თუმცა ეს ყოველწლიურად უფრო და უფრო ძვირი ჯდება
დღეისთვის საქართველოში უკვე 170 ათას ჰექტარ ფართობზეა წყლის სარწყავი სისტემები, მთლიანად მელიორირებულია 200 ათასამდე ჰექტარი, - ამის შესახებ სოფლის მეურნეობის მინისტრმა, ლევან დავითაშვილმა „იმედის“ გადაცემაში „ნამდვილ რიცხვები“ განაცხადა. მისივე თქმით, სოფლის მეურნეობის განვითარება სარწყავი ინფრასტრუქტურის, მელიორაციის გარეშე შეუძლებელია. მინისტრმა აღნიშნა, რომ დასავლეთ საქართველოში სხვა პრობლემა აქვთ, რაც ჭარბტენიანობასთანაა დაკავშირებული, კერძოდ, დრენაჟს საჭიროებს, ხოლო აღმოსავლეთ საქართველოში კი პირიქით, წყლის ნაკლებობაა.
25 სექტემბერი 2020, 00:02
ეკონომიკა
ლევან დავითაშვილი: ნახევარი მილიარდი, რაც სახელმწიფომ სოფლის მეურნეობაში ჩადო, კერძო ინვესტიციების მოზიდვის ბერკეტი იყო
ნახევარი მილიარდი, რაც სახელმწიფომ სოფლის მეურნეობაში ჩადო, იყო ბერკეტი იმისთვის, რომ კერძო ინვესტიცია მოგვეზიდა, - ამის შესახებ საქართველოს გარემოს დაცვისა და სოფლის მეურნეობის მინისტრმა, ლევან დავითაშვილმა, „ნამდვილ რიცხვებში“ განაცხადა. მისი თქმით, დაახლოებით 11 მილიარდია აგროსასურსათო სექტორის გამოშვება დღეისათვის, რაც ძალიან მნიშვნელოვანი, დაახლოებით 60 %-იანი ზრდაა 2012 წელთან შედარებით.
24 სექტემბერი 2020, 23:51
ეკონომიკა
ლევან დავითაშვილი: ჩვენ სტიმულირება გავაკეთეთ იმპორტის ამა თუ იმ სასურსათო პროდუქტის, რომ სასურსათო უზრუნველყოფის კუთხით ქვეყანა დაცული ყოფილიყო
2012 წლისთვის დაახლოებით 900 მილიონი დოლარის უარყოფითი სავაჭრო ბალანსი გვქონდა აგრო სასურსათო პროდუქციის, იმპორტსა და ექსპორტს შორის განსხვავება ზუსტად ეს იყო, დღეს კი ეს 200 მილიონზე ოდნავ მეტია, - ამის შესახებ სოფლის მეურნეობის მინისტრმა, ლევან დავითაშვილმა „იმედის“ გადაცემა „ნამდვილ რიცხვებში“ განაცხადა.
24 სექტემბერი 2020, 23:47
ეკონომიკა
ლევან დავითაშვილი აგროდაზღვევაზე: საქართველომ შეძლო მეტნაკლებად მოქნილი მოდელის შექმნა
ჩვენი მიზანია, რომ ის მეურნეობები, რომელიც ჩართულია სოფლის მეურნეობაში, მაქსიმალურად იყოს დაზღვეული და დაეზღვეს სრულად, თუმცა ჩვენ არ გვაქს ილუზია, რომ სრული დაზღვევა და სრული დაფარვა იქნება, მათ შორის იმ სქემით, რომელსაც ჩვენ ვთავზობთ ფერმერებს და შეფასებულია საერთაშორისო ექსპერტების მიერ ერთ-ერთ საინტერესო და კარგ მოდელად - ამის შესახებ სოფლის მეურნეობის მინისტრმა, ლევან დავითაშვილმა „იმედის“ გადაცემა „ნამდვილ რიცხვებში“ განაცხადა.
24 სექტემბერი 2020, 23:32
საზოგადოება
ლევან დავითაშვილი: საქართველოში სასოფლო-სამეურნეო პოლიტიკა კერძო სექტორის დახმარებასა და ხელშეწყობას გულისხმობს
დღეს საქართველოში არის სასოფლო-სამეურნეო პოლიტიკა, რომელიც თანხვედრაშია ევროპულ მიდგომებთან. ეს გულისხმობს კერძო სექტორის დახმარებასა და ხელშეწყობას, - ამის შესახებ გრემოს დაცვისა და სოფლის მეურნეობის მინისტრმა, ლევან დავითაშვილმა „იმედის“ გადაცემაში „ნამდვილი რიცხვები“ განაცხადა. მინისტრმა სუბსიდიასა და დახმარების პროგრამების შესახებ ისაუბრა, რომელიც დავითაშვილის თქმით, არის სამინისტროს პოლიტიკის ერთ-ერთი ნაწილი. მინისტრმა ასევე ისაუბრა სამინისტროს სტრატეგიაზე, რომელიც უწყებამ 2015 წელს ჩამოაყალიბა.
24 სექტემბერი 2020, 23:31
COVID19
მსოფლიოში კორონავირუსის შემთხვევების რაოდენობამ 32 მილიონს გადააჭარბა
ჯონს ჰოპკინსის უნივერსიტეტის მონაცემებით, მსოფლიოში კორონავირუსის შემთხვევების რაოდენობამ 32 მილიონს გადააჭარბა.
24 სექტემბერი 2020, 23:24
საზოგადოება
კახა კალაძე: მე ვალდებული ვარ, როგორც ქალაქის მერი, დავიცვა ჩემი უწყება, სამსახურები და საკუთარი თავი
ერთ-ერთი მედიასაშუალებით გასული ბრალდება, თითქოს მიკროავტობუსების ტენდერი მორგებული იყო კონკრეტულ კომპანიაზე და ამის სანაცვლოდ კახა კალაძემ ე.წ. „ატკატის“ სახით ძვირადღირებული ავტომანქანა „ლენდ როვერ დეფენდერი“ მიიღო, დეზინფორმაცია და სრული სიცრუეა - ამის შესახებ თბილისის მერმა Facebook-ის პირდაპირ ჩართვაში ისაუბრა.
24 სექტემბერი 2020, 23:24
COVID19
ბოლო 24 საათში საფრანგეთში კორონავირუსის 16 096 ახალი შემთხვევა დადასტურდა
საფრანგეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 16 096 ახალი შემთხვევა დადასტურდა, ხოლო 52 ადამიანი გარდაიცვალა.
24 სექტემბერი 2020, 23:21
ეკონომიკა
ლევან დავითაშვილი: საქართველო უნდა გახდეს აგროსასურსათო პროდუქტის ნეტო-ექსპორტიორი ქვეყანა
პანდემიმა დაგვანახა რომ აქტუალურია, ქვეყანაში არსებობდეს სასურსათო მარაგები და ასევე ადგილობრივი წარმოებაც, - ამის შესახებ სოფლის მეურნეობის მინისტრმა, ლევან დავითაშვილმა „იმედის“ გადაცემა „ნამდვილ რიცხვებში“ განაცხადა.
24 სექტემბერი 2020, 23:18
მსოფლიო
თეთრი სახლი: დონალდ ტრამპი თავისუფალი და სამართლიანი არჩევნების შედეგებს აღიარებს
თეთრი სახლის ოფიცუალურმა წარმომადგენელმა, კეილი მაკინენმა განაცხადა, რომ აშშ-ის პრეზიდენტი, დონალდ ტრამპი თავისუფალი და სამართლიანი არჩევნების შედეგებს აღიარებს.
24 სექტემბერი 2020, 23:13
COVID19
დაბა ლაითურში კორონავისუსის შემთხვევების მატების გამო გადაადგილება შეიზღუდა
კორონავისუსით დაინფიცირების შემთხვევების მატების გამო დაბა ლაითურში გადაადგილება შეიზღუდა, - ამის შესახებ ინფორმაციას ოზურგეთის მუნიციპალიტეტის მერია ავრცელებს. მათივე ინფორმაციით, სპეციალურად დაბა ლაითურის მოსახლეობისთვის გურიის სამხარეო ადმინისტრაციაში ამოქმედდა ცხელი ხაზის ნომერი.
24 სექტემბერი 2020, 22:55
რეგიონი
ირაკლი ჩიქოვანი: მნიშვნელოვანია, რომ ნახევარ ჰექტარამდე ფართობზე მოცვის გაშენებას სახელმწიფო სრულად აფინანსებს
,,ქართული ოცნების“ ზუგდიდის მაჟორიტარი დეპუტატობის კანდიდატი, ირაკლი ჩიქოვანი დღეს ფერმერ ალექსანდრე გარმელიას და გიორგი ზაქარაიას სახელმწიფო პროგრამით გაშენებული მოცვის ბაღები დაათვალიერა და პროგრამის მნიშვნელობაზე ისაუბრა. მისი თქმით, ზუგდიდის მუნიციპალიტეტში პროგრამა ,,დანერგე მომავალი“ ფარგლებში 178 ჰექტარზე მოცვის ბაღი უკვე გაშენებულია.
24 სექტემბერი 2020, 22:45
საზოგადოება
კახა კალაძე: არ შევეგუებით ტყუილს, ყოველთვის დავუპირისპირდებით სიცრუეს და არ მივცემთ საშუალებას დეზინფორმატორებს, მოსახლეობა შეიყვანონ შეცდომაში
არ შევეგუებით ტყუილს, ყოველთვის დავუპირისპირდებით სიცრუეს და არ მივცემთ საშუალებას დეზინფორმატორებს, მოსახლეობა შეიყვანონ შეცდომაში - აღნიშნული განცხადება კახა კალაძემ facecbook-ით ვიდეომიმართვისას გააკეთა. დედაქალაქის მერი ბოლო პერიოდში კონკრეტული მედიასაშუალებების მიერ გაჟღერებულ ბრალდებას გამოეხმაურა.
24 სექტემბერი 2020, 22:39
მსოფლიო
ყაზახეთმა სიკვდილით დასჯა სრულად გააუქმა
ყაზახეთმა სიკვდილით დასჯა სრულად გააუქმა. როგორც ყაზახეთის საგარეო საქმეთა სამინისტროში განაცხადეს, ყაზახეთი ადამიანის სამოქალაქო და პოლიტიკურ უფლებათა საერთაშორისო პაქტის მეორე ფაკულტატურ პროტოკოლს შეუერთდა.
24 სექტემბერი 2020, 22:36
COVID19
სასწავლო პროცესის დასაწყებად შრომის ინსპექცია საბავშვო ბაღებს მთელი ქვეყნის მასშტაბით ამოწმებს
საბავშვო ბაღებში სასწავლო პროცესი შრომის ინსპექციის დადებითი დასკვნის შემთხვევაში განახლდება, - ამის შესახებ შრომის პირობების ინსპექტირების სამმართველოს უფროსმა, მაია მიქაიამ განაცხადა. მისი თქმით, ამ მიზნით შრომის ინსპექცია არსებულ საბავშვო ბაღებს მთელი ქვეყნის მასშტაბით ამოწმებს.
24 სექტემბერი 2020, 22:35
რეგიონი
პარლამენტის თავმჯდომარე და ,,ქართული ოცნების" მაჟორიტარობის კანდიდატი ოზურგეთში ბიზნესის წარმომადგენლებს შეხვდნენ
პარლამენტის თავმჯდომარე არჩილ თალაკვაძე, პარლამენტის წევრი, გარემოს დაცვისა და ბუნებრივი რესურსების კომიტეტის თავმჯდომარე ნინო წილოსანი, „ქართული ოცნების“ ოზურგეთის, ლანჩხუთის და ჩოხატაურის მაჟორიტარი დეპუტატობის კანდიდატი ვასილ ჩიგოგიძე და გურიის მხარის რწმუნებული, ზურაბ ნასარაია მეწარმეებს და ადგილობრივი ბიზნესის წარმომადგენლებს შეხვდნენ.