imedi /  11 თებერვალი 2020, 17:03 / სანდო წყარო

სახალხო დამცველი: გიგი უგულავას საქმეზე მოსამართლის მიუკერძოებლობის მხრივ ხარვეზები იკვეთება

ნინო ლომჯარია

ნინო ლომჯარია

საქართველოს სახალხო დამცველი გიგი უგულავას მიმართ გამოტანილ განაჩენთან დაკავშირებით განცხადებას ავრცელებს. ომბუდსმენი მიიჩნევს, რომ აღნიშნული საქმე იმ საფრთხეების მატერიალიზაციას წარმოადგენს, რომლის გამოც სახალხო დამცველი მოსამართლეთა დანიშვნის პროცესის შეჩერებას ითხოვდა.

„2020 წლის 10 თებერვალს უზენაესი სასამართლოს სისხლის სამართლის პალატამ შეცვალა პირველი და მეორე ინსტანციების მიერ დადგენილი განაჩენი და პოლიტიკური პარტია „ევროპული საქართველოს“ ლიდერს გიგი უგულავას საბოლოო სასჯელის სახით 3 წლით, 2 თვითა და 8 დღით თავისუფლების აღკვეთა დაუნიშნა.

აღნიშნულ კოლეგიას თავმჯდომარეობდა შალვა თადუმაძე - უზენაესი სასამართლოს ახალდანიშნული მოსამართლე, რომელიც აღნიშნული საქმის მეორე ინსტანციაში განხილვისას, ასევე, პროკურატურის მიერ საქმის საკასაციო სასამართლოში გასაჩივრების დროს გენერალური პროკურორის თანამდებობას იკავებდა.

შალვა თადუმაძე აღნიშნულ საქმეზე სასამართლოში პროკურორად არ გამოდიოდა პირადად, თუმცა ეს ვერ გამოდგება არსებული კონტექსტის უგულებელსაყოფად - საქართველოს პროკურატურაში დადგენილია მკაცრად ვერტიკალური დაქვემდებარების სისტემა, სადაც ყველა ქვემდგომი პროკურორი ვალდებულია, ზემდგომი პროკურორის მითითება შეასრულოს, ხოლო პროკურატურის ყველა თანამშრომელი გენერალურ პროკურორს ემორჩილება.

ადამიანის უფლებათა ევროპული სასამართლოს პრაქტიკის მიხედვით, სასამართლოს მოსამართლის პირადი დამოკიდებულება და ქცევა უნდა ქმნიდეს საზოგადოებაში მისი მიუკერძოებლობის განცდას. მოსამართლემ, რომლის მიკერძოებულობის მიმართაც აშკარა ეჭვი ჩნდება, საქმის განხილვაში მონაწილეობა არ უნდა მიიღოს.

ევროპულ სასამართლოს უკვე აქვს დადგენილი დარღვევა ისეთ საქმეში, სადაც პირი ერთი მხარის წინააღმდეგ ორ საქმეში მონაწილეობდა - პირველ შემთხვევაში გამოდიოდა მოწინააღმდეგე მხარის ადვოკატის როლში, ხოლო მოგვიანებით სხვა საქმეში იმავე პირის მიმართ მოსამართლის ფუნქციები შეითავსა. ნათელია, რომ საქმის განხილვის დროს მოქმედი გენერალური პროკურორის მიერ იმავე საქმის მოსამართლის ამპლუაში განხილვა სამართლიანად აჩენს ეჭვებს მისი ობიექტურობის შესახებ.

სწორედ მსგავსი რისკების არიდებისკენ იყო მიმართული სახალხო დამცველის ძალისხმევა მოსამართლეთა შერჩევის პროცესში, რაც ეუთო/ოდირისთვის მიმართვაში, პარლამენტის წინაშე მოხსენებით გამოსვლაში, პროცესზე სრულ მონიტორინგსა და საკონსტიტუციო სარჩელის მომზადებაში გამოიხატა.

საკუთარ სპეციალურ ანგარიშში სახალხო დამცველმა დააფიქსირა, რომ ვენეციის კომისიის უმნიშვნელოვანესი რეკომენდაციების არგაზიარებით და პროცესის ნაჩქარევად, ხარვეზიანად წარმართვით, სასამართლოს მიმართ საზოგადოებრივი ნდობა კიდევ უფრო შეირყეოდა. რეკომენდაციების არგაზიარების შემდგომ, უმკაცრესი შეფასებები გააკეთეს ევროსაბჭოს საპარლამენტო ასამბლეამ, ეუთო-ოდირმა, ევროკავშირმა და არაერთმა სხვა ორგანიზაციამ. სახალხო დამცველის სპეციალურ ანგარიშში დამატებით გაესვა ხაზი შალვა თადუმაძის უმაღლესი განათლების საკითხს, რომლის გარშემოც შესაბამისი კითხვის ნიშნები არსებობდა. სამწუხაროდ, ამ საკითხის საწინააღმდეგო არგუმენტაციის წარმოდგენის გარეშე მოხდა საქართველოს პარლამენტის მიერ შალვა თადუმაძის მოსამართლედ არჩევა.

შესაბამისად, გიგი უგულავას საქმიდან იკვეთება ხარვეზები როგორც მოსამართლის მიუკერძოებლობის, ისე - კანონის საფუძველზე დანიშნული მოსამართლის საკითხთან დაკავშირებით. საგულისხმოა, რომ საქმეში, სადაც მსგავსი შინაარსის, კერძოდ, მოსამართლის დანიშვნის პროცედურებთან დაკავშირებით ხარვეზები იკვეთებოდა, ადამიანის უფლებათა ევროპული სასამართლოს პალატამ სამართლიანი სასამართლოს უფლების დარღვევა უკვე დაადგინა.

სახალხო დამცველი მიიჩნევს, რომ თუკი აღნიშნული საქმის შემდგომი განხილვა ადამიანის უფლებათა ევროპულ სასამართლოში გაგრძელდება, მას უაღრესად დიდი მნიშვნელობა შეიძლება ჰქონდეს არა მხოლოდ კონკრეტულად გიგი უგულავას საქმის, არამედ მთლიანად, ქართული მართლმსაჯულებისთვის.

საქართველოს სახალხო დამცველი ყურადღებით დააკვირდება საქმის შემდგომ მსვლელობას და მანდატის ფარგლებში, გამოიყენებს მის ხელთ არსებულ უფლებამოსილებებს“, - ნათქვამია სახალხო დამცველის განცხადებაში.

უზენაესმა სასამართლომ თბილისის ყოფილი მერი ე.წ. ფონდის საქმეზე თანხის გაფლანგვაში დამნაშავედ ცნო და 2020 წლის 10 თებერვალს 3 წლითა და 2 თვით თავისუფლების აღკვეთა შეუფარდა

პროკურატურა გიგი უგულავას მერობის პერიოდში თბილისის განვითარების ფონდიდან 48 მილიონი ლარის მითვისება-გაფლაგვას ედავებოდა. 2018 წელს საქალაქო სასამართლომ ყოფილ მერს აღნიშნულ საქმეზე 1 წლითა და 3 თვით თავისუფლების აღკვეთა შეუფარდა, თუმცა სხვა საქმეზე გამოტანილმა განაჩენმა ახალი განაჩენი შთანთქა და სასამართლომ სასჯელი მოხდილად ჩაუთვალა.

გიგი უგულავა ე.წ. მატროსოვის ციხეში 10 თებერვალს გადაიყვანეს.

 

ყველა სიახლე

გიორგი გახარია

04 აპრილი 2020, 01:10

COVID19

Fox News: მსოფლიოში კორონავირუსით გარდაცვლილთა რიცხვის ზრდის ფონზე საქართველომ სასწაულად აიცილა მსხვერპლი

მაშინ, როდესაც მსოფლიოში კორონავირუსით გარდაცვლილთა რიცხვი იზრდება, ერთმა ქვეყანამ საოცრად აიცილა მსხვერპლი - ეს საქართველოა. ამის შესახებ ნათქვამია Fox News-ის მიერ გამოქვეყნებულ სტატიაში. Fox News-სთან საუბარში საქართველოს პრემიერ-მინისტრმა გიორგი გახარიამ აღნიშნა, რომ მიმოსვლის აკრძალვა იმ ქვეყნებთან, სადაც ვირუსი აქტიურად გავრცელდა, მნიშვნელოვანი ფაქტორი იყო საქართველოში ინფექციის დაბალი გავრცელების კუთხით.

კაილი ჯენერი

04 აპრილი 2020, 00:55

COVID19

როგორ ატარებს დროს თვითიზოლაციაში ყველაზე ახალგაზრდა მილიარდერი ქალი. ვიდეო

მსოფლიოს ყველაზე ახალგაზრდა მილიარდერმა, კაილი ჯენერმა კორონავირუსის პანდემიის დროს თვითიზოლაციაში ყოფნისას გადაღებული ფოტოები Instagram-ზე გამოაქვეყნა. კადრებზე ჩანს, რომ კაილი ჯენერი დროს აუზთან ატარებს, შემდეგ კი ჯაკუზიში ნებივრობს.

ტომ ჰოლანდი ჯეიკ ჯილენჰოლი

04 აპრილი 2020, 00:40

ტაბლოიდი

ტომ ჰოლანდმა და ჯეიკ ჯილენჰოლმა ახალი ფლეშმობი წამოიწყეს

ბრიტანელმა მსახიობმა, ადამიანი-ობობის როლის შემსრულებელმა, ტომ ჰოლანდმა თვითიზოლაციაში ყოფნისას ახალი ფლეშმობი წამოიწყო. მსახიობმა გამოაქვეყნა ვიდეო, რომელზეც კედელთან, ხელებზე დგას მაისურს იცვამს, და კოლეგები, ჯეიკ ჯილენჰოლი და რაიან რეინოლდსი გამოიწვია.

04 აპრილი 2020, 00:40

COVID19

წყალტუბოს მუნიციპალიტეტში სადარბაზოებს დეზინიფექცია უტარდებათ

წყალტუბოს მუნიციპალიტეტში სადარბაზოებს დეზინიფექცია უტარდებათ. 126-მრავალსართულიან საცხოვრებელ კორპუსს, ეზოებს, ატრაქციონებსა და სკვერებს სპეციალური, ჯანმრთელობისთვის უსაფრთხო ხსნარით დეზინფექციას შპს ,,ჰიგიას’’ თანამშრომლები უტარებენ. "სადენზიფექციო სამუშაოებთან ერთად გრძელდება მოსახლეობისთვის ჯანდაცვის სამინისტროს რეკომენდაციების გაცნობა, მკაცრად კონტროლდება სასურსათო მაღაზიებში უსაფრთხოების ნორმების დაცვის მდგომარეობა, ადგილობრივი მოსახლეობა იცავს საგანგებო ვითარების წესებს", - აღნიშნა წყალტუბოს მუნიციპალიტეტის მერმა გრიგოლ იოსელიანმა

კატა ნიღაბი

04 აპრილი 2020, 00:25

COVID19

უხანელ კატებს კორონავირუსი აღმოაჩნდათ

ჩინელმა ვეტერინარებმა უხანში მცხოვრები 100 კატის სისხლის ანალიზები შეისწავლეს და აღმოაჩინეს, რომ მათ 15%-ს ახალი ტიპის კორონავირუსი აქვთ გადატანილი. კვლევის შედეგები ელექტრონულ სამეცნიერო ბიბლიოთეკა bioRxiv-ში გამოქვეყნდა.

დონალდ ტრამპი მაიკ პენსი

03 აპრილი 2020, 23:59

COVID19

ყველას, ვინც ტრამპის ან პენსის გვერდით შეიძლება აღმოჩნდეს, კორონავირუსზე სწრაფი ტესტირება ჩაუტარდება

ნებისმიერ პირს, ვინც აშშ-ის პრეზიდენტის ან ვიცე-პრეზიდენტის გვერდით შეიძლება აღმოჩნდეს, კორონავირუსით ინფიცირებაზე სწრაფი ტესტირება ჩაუტარდება. ამის შესახებ თეთრი სახლის პრესმდივნის მოადგილემ ჯად დირმა განაცხადა.

03 აპრილი 2020, 23:55

COVID19

ინდოეთში ახალდაბადებულ ტყუპს კორონა და კოვიდი დაარქვეს

ინდოეთში 3-კვირიან კარანტინში ყოფნის დროს ტყუპი დაიბადნენ, ბიჭსა და გოგოს კორონა და კოვიდი დაარქვეს. ინფორმაციას ამის შესახებ BBC ავრცელებს. მშობლების თქმით, მათ შვილებს ეს სახელები იმიტომ დაარქვეს, რათა სამუდამოდ ახსოვდეთ ის მძიმე დრო და ვითარება, რომელშიც სამყარო ახლა იმყოფება.

03 აპრილი 2020, 23:38

COVID19

თბილისელების მადლიერების ტაში „თბილსერვისისა“ და საგანგებო სიტუაციების მართვის სამსახურის თანამშრომლებს. ვიდეო

თბილისის იმ უბნების მცხოვრებლებმა, სადაც ამ წუთებში ქუჩებს სადეზინფექციო საშუალებებით რეცხავენ, „თბილსერვისისა“ და საგანგებო სიტუაციების მართვის სამსახურის თანამშრომლებისთვის მადლიერების ტაში დაუკრეს.

03 აპრილი 2020, 23:24

COVID19

თბილისის რამდენიმე უბანში ქუჩები სადეზინფექციო ხსნარით მოირეცხა

კორონავირუსის გავრცელების პრევენციისა და მოქალაქეთა უსაფრთხოების მიზნით, სადეზინფექციო საშუალებებით დედაქალაქის ქუჩების დამუშავების პროცესი გრძელდება. სამუშაოების ფარგლებში, რომელსაც შპს „თბილსერვის ჯგუფი“ და შინაგან საქმეთა სამინისტროს საგანგებო სიტუაციების მართვის სამსახური ერთობლივად ახორციელებენ, ამჯერად, საბურთალოს რაიონში, ქავთარაძის ქუჩა და ყაზბეგის გამზირი, ასევე, გლდანის რაიონში, ბოჭორიშვილის (ბაზრის), ნანეიშვილის, კეცხოველისა და ჯაბიძის ქუჩები მოირეცხა.

თურქეთი ესპანეთი

03 აპრილი 2020, 23:18

COVID19

თურქეთმა ესპანეთისთვის განკუთვნილი ჩინური რესპირატორები თავისთვის დაიტოვა

თურქეთმა ესპანეთის მიერ ჩინეთში ნაყიდი რესპირატორები თავისთვის დაიტოვა. როგორც ესპანეთის საგარეო საქმეთა მინისტრმა, არანჩა გონსალეს ლაიამ განაცხადა, ესპანეთის რამდენიმე რეგიონმა ჩინეთში რესპირატორები შეიძინა. ჩინეთიდან ესპანეთში მომავალი თვითმფრინავი ანკარაში დაჯდა, რა დროსაც თურქეთის შესაბამისმა ორგანოებმა ტვირთი არ გაატარეს და თავისთვის დაიტოვეს.

კორონავირუსი

03 აპრილი 2020, 23:08

COVID19

საქართველოში კორონავირუსისგან 28 ადამიანია გამოჯანმრთელებული

საქართველოში კორონავირუსისგან 28 ადამიანია გამოჯანმრთელებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 5526 ადამიანი, ხოლო სტაციონარში მეთვალყურეობის ქვეშ - 344 პირი.

03 აპრილი 2020, 22:42

რეგიონი

თელავში ტაქსის მძღოლებმა კორონავირუსის პრევენციისთვის მანქანების სალონები ცელოფნით გადატიხრეს

თელავში ტაქსის რამდენიმე მძღოლმა კორონავირუსთან საბრძოლველად მარტივი, იაფი და სწრაფი გზა იპოვა. მძღოლებმა საკუთარი მსუბუქი ავტომობილები მგზავრებისგან იზოლირებული გახადეს და უკანა სავარძელი პოლიეთილენის ფარდით გადატიხრეს. ტაქსის მძღოლები ამბობენ, რომ ამ ფორმით ისინი საკუთარ და სხვის ჯანმრთელობაზე ზრუნავენ.

03 აპრილი 2020, 22:22

COVID19

რა ვითარებაა სამცხე-ჯავახეთში საყოველთაო კარანტინის რეჟიმის დროს

სამცხე-ჯავახეში საგანგებო მდგომარეობის გამკაცრებული რეჟიმის დარღვევისთვის რეგიონში 3 დღის განმავლობაში სულ 45 პირი დაჯარიმდა. ახალციხის აგრარული ბაზარი დაჯარიმების შემდეგ სანიტარული პროცედურების ჩატარების მიზნით დაიკეტა.

კორონავირუსი

03 აპრილი 2020, 22:14

COVID19

საქართველოში კორონავირუსი 155 ადამიანს დაუდასტურდა, აქედან 27 ადამიანი უკვე გამოჯანმრთელდა

საქართველოში კორონავირუსი 155 ადამიანს დაუდასტურდა, აქედან 27 ადამიანი უკვე გამოჯანმრთელდა. ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე გამოქვეყნდა. კარანტინის რეჟიმშია 5526 ადამიანი, სტაციონარში მეთვალყურეობის ქვეშ კი 344 მოქალაქე რჩება.

თენგიზ ცერცვაძე

03 აპრილი 2020, 22:13

COVID19

თენგიზ ცერცვაძე: ქრისტიანული დღესასწაულების ტრადიციული ფორმით ჩატარებას შესაძლოა შემთხვევების მატება მოჰყვეს

ქრისტიანული დღესასწაულების ტრადიციული ფორმით ჩატარებას შესაძლოა შემთხვევების მატება მოჰყვეს, - ამის შესახებ „ტვ პირველის“ ეთერში თბილისის ინფექციური საავადმყოფოს დირექტორმა, თენგიზ ცერცვაძემ განაცხადა.

რეჯეფ თაიფ ერდოღანი

03 აპრილი 2020, 22:12

COVID19

თურქეთში 20 წლამდე ასაკის პირებისათვის კომენდანტის საათი დაწესდა

თურქეთის პრეზიდენტმა რეჯეფ თაიფ ერდოღანმა კორონავირუსის ეპიდემიასთან ბრძოლის ფარგლებში ახალი ზომები გამოაცხადა. „დაწებული შუაღამიდან აიკრძალება 30 ქალაქში და ზონგულდაქის პროვინციაში სატრანსპორტო საშუალებების შემოსვლა და გასვლა. ასევე, დაწესდება კომენდანტის საათი 20 წლამდე ასაკის პირებისათვის. მოსახლეობა ვალდებული იქნება საჯარო ადგილებში, მათ შორის სუპერმარკეტებში, ბაზრობებსა და სამუშაო ადგილებში გამოჩენისას დამცავი პირბადე ატარონ“, - განაცხადა თურქეთის პრეზიდენტმა სატელევიზიო მიმართვისას.

თენგიზ ცერცვაძე

03 აპრილი 2020, 22:10

COVID19

თენგიზ ცერცვაძე: მსოფლიო ბაზარზე სწრაფი ტესტების 90%-ი უვარგისია

სამინისტრომ დროზე დაიწყო ფიქრი სწრაფი ტესტების შემოტანაზე. თუმცა მსოფლიო ბაზარზე ხარისხიანი ტესტი ცოტაა. გაივსო ბაზარი სწრაფი ტესტებით, რომელთა 90%-ი უვარგისია. მათი მგრძნობელობა არ აღმატება 30%-ს, - ამის შესახებ „ტვ პირველის“ ეთერში თბილისის ინფექციური საავადმყოფოს დირექტორმა, თენგიზ ცერცვაძემ განაცხადა.

03 აპრილი 2020, 22:07

სამართალი

გამოძიებამ დაადგინა, რომ ოზურგეთში ტაძარი ორმა არასრულწლოვანმა გაქურდა

პოლიციამ ოზურგეთში მომხდარი ტაძრის გაქურდვის ფაქტი ცხელ კვალზე გახსნა - მხილებულია 2 არასრულწლოვანი. უწყების ცნობით, შინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, არასრულწლოვანი ძმები - 2005 წელს დაბადებული გ.კ. და 2007 წელს დაბადებული ი.კ. ოზურგეთში ქურდობის ფაქტზე გამოავლინეს. „გამოძიებით დადგინდა, რომ მხილებულებმა მიმდინარე წლის 2 აპრილს, 18:00 საათზე, ოზურგეთის საკათედრო ტაძარში ფარულად მას შემდეგ შეაღწიეს, როცა ტაძრის წინამძღვარმა საღამოს წირვის შემდეგ ეკლესია დატოვა.

თბილისის ანძა

03 აპრილი 2020, 21:59

COVID19

თბილისის ანძა აშშ-ის დროშის ფერებში განათდა

„საქართველო მუდამ იყო და არის ამერიკის შეერთებული შტატების გვერდით! ჩვენ გვჯერა ამერიკის გამარჯვების! - ამ მესიჯს საქართველო თავის სტრატეგიულ პარტნიორს უგზავნის. კორონავირუსთან ბრძოლაში ამერიკის შეერთებული შტატების მხარდასაჭერად, თბილისის ანძა ამერიკის დროშის ფერებში განათდა. რამდენიმე დღის წინ, საქართველომ მსგავსი სოლიდარობა იტალიელ და ესპანელ ხალხსაც გამოუცხადა და სიმბოლურად, თბილისის ანძა ესპანეთისა და იტალიის დროშის ფერებში გაანათა“, - აღნიშნულია ინფორმაციაში.

თენგიზ ცერცვაძე

03 აპრილი 2020, 21:53

COVID19

თენგიზ ცერცვაძე: ამ დინამიკის შესანარჩუნებლად სხვა ტიპის საპასუხო ღონისძიებებია გასატარებელი, რომელთა გატარებაც მთავრობამ უკვე დაიწყო

მაქვს განგაშის განცდა, რომ ამ სიტუაციაში, როდესაც გარემოცული ვართ ასეთი მაშტაბიანი ეპიდემიით, არ გაგვიჭირდეს იმ მდგომარეობის შენარჩუნება, რაც ახლა გვაქვს. რომ შევინარჩუნოთ ის საპატიო დისტანცია, რაც ახლა გვაქვს სხვა ქვეყნებისგან - ამის შესახებ „ტვ პირველის“ ეთერში თბილისის ინფექციური საავადმყოფოს დირექტორმა, თენგიზ ცერცვაძემ განაცხადა. თენგიც ცერცვაძის განმარტებით, დადებითი დინამიკის შესანარჩუნებლად დამატებითი ზომების გატარება ხელისუფლებამ უკვე დაიწყო და ასევე შეიცვალა კორონავირუსზე ტესტირების პროტოკოლიც