ხვალ, გიორგი შაქარაშვილის საქმეზე დაკავებული არასრულწლოვნების საქმის არსებითი განხილვა გაგრძელდება

ხვალ, მცხეთის რაიონულ სასამართლოში ხვალ გიორგი შაქარაშვილის საქმეზე დაკავებული არასრულწლოვნების სასამართლო პროცესი გაიმართება. ამით სასამართლო ექვსი არასრულწლოვნის საქმის არსებით განხილვას განაგრძობს. დაცვის მხარეები შესავალ სიტყვას წარმოთქვამენ.

„ჩატარდება სასამართლო სხდომა, გაგრძელდება შესავალი სიტყვების თქმა, პროკურატურამ წინასასამართლო სხდომაზე თქვა თავისი შესავალი სიტყვა, ამჯერად ადვოკატები ვიტყვით ჩვენს შესავალ სიტყვას და ამის შემდეგ დაიწყება მტკიცებულებების გამოკვლევა, - ამის შესახებ გიორგი შაქარაშვილის საქმეზე დაკავებულის, გ.მ.-ს ადვოკატმა, როსტომ კერესელიძემ „ქრონიკასთან“ ისაუბრა.

„პირველ რიგში ბრალდების მხარის მტკიცებულებები იქნება გამოკვლეული, რომელიც საკმაოდ მოცულობითია, თუ რომელი გადაწყვეტილებებით დაიწყებს ბრალდების მხარე ეს მისი გადასაწყვეტია და გამოჩნდება ხვალინდელ სასამართლო სხდომაზე.

ძირითადად, ხვალინდელ სასამართლო სხდომაზე არაფერი წყდება, თუ იქნებიან მოწმეები წარმოდგენილები, წინასწარ ჩვენ ეს არ ვიცით, დაველოდებით ხვალინდელ სასამართლოს და შემდეგ დეტალურად გვეცოდინება, რა მტკიცებულებები იყო გამოკვლეული და თუ მოწმეები იყვნენ, რომელმა მოწმემ, რა სახის ჩვენება მისცა სასამართლოს, - განაცხადა როსტომ კერესელიძემ.

საქართველოს გენერალურმა პროკურატურამ გიორგი შაქარაშვილის დამამძიმებელ გარემოებებში განზრახ მკვლელობის ბრალდებით სისხლის სამართლებრივი დევნა ხუთი პირის მიმართ დაიწყო. გენპროკურატურამ შაქარაშვილის საქმეზე 11 ბრალდებულის საქმე ცალკე წარმოებად გამოყო.

10 ივლისს პროკურატურამ გაავრცელა ინფორმაცია, რომლის თანახმადაც, გიორგი შაქარაშვილის სიკვდილის მიზეზია ასფიქსია წყალში დახრჩობით. ამასთან, ექსპერტიზის დასკვნით გაირკვა, რომ მას გარდაცვალებამდე მკვრივი-ბლაგვი საგნით მიყენებული დაზიანებები აქვს.

28 ივნისს გიორგი შაქარაშვილის საქმეზე ბრალდებულ 17 პირს აღკვეთის სახით პატიმრობა შეეფარდა.

19 ივნისს, დაახლოებით 11:00 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი უწყვეტი საძიებო სამუშაოების შედეგად მყვინთავებმა ფეხბურთელ გიორგი შაქარაშვილის ცხედარი წყალში იპოვეს.