იუსტიციის უმაღლესი საბჭოს ყოფილი წევრები: აშშ-ის ელჩი, საბჭოსთან ელემენტარული კომუნიკაციის გარეშე, სტუმრობს სასამართლოებს, ხვდება და ესაუბრება მოსამართლეებს, რაც სასამართლო სისტემის ხელმძღვანელობის როლის აშკარა დაკნინებაა

„აშშ-ის ელჩი, იუსტიციის საბჭოსთან, მის თავმჯდომარესთან ან მდივანთან ელემენტარული კომუნიკაციის გარეშე, პერიოდულად სტუმრობს გარკვეულ სასამართლოებს, ხვდება და ესაუბრება მოსამართლეებს და ამით ცალსახად ხდება სასამართლო სისტემის ადმინისტრირების რგოლისა და ხელმძღვანელობის როლის აშკარა დაკნინება და არაღიარება“, - აღნიშნულია საქართველოს იუსტიციის უმაღლესი საბჭოს ყოფილი წევრების - ზაზა ხარებავას, შოთა ქადაგიძისა და ლევან გზირიშვილის განცხადებაში.

საბჭოს ყოფილი წევრების განცხადების თანახმად, მთელი ამ პერიოდის განმავლობაში, ელჩი ერთხელაც არ შეხვედრია თავად იუსტიციის უმაღლეს საბჭოს შემადგენლობას, არ დაინტერესებულა იმ პრობლემატიკით, ან თუნდაც მოსაზრებებით, რაც მართლმსაჯულების სისტემის წინაშე არსებობს,

„ეს, რბილად რომ ვთქვათ, მეტად უცნაური და სამწუხაროა. არ გვგონია, საქართველოში რომელიმე სამინისტროს ან სხვა დაწესებულების თანამშრომლებთან რიგ მნიშვნელოვან საკითხებზე პირდაპირი კომუნიკაცია ისე ხდებოდეს ან მათთან შეხვედრებზე ელჩი მარტო ისე მიდიოდეს, რომ ამის შესახებ უწყების ხელმძღვანელობას საერთოდ არც კი აფრთხილებდნენ. საქართველოს იუსტიციის საბჭოს ამგვარი „დე ფაქტო“ იგნორირება კიდევ უფრო მეტ შეკითხვებს იწვევს და პრაქტიკულად ამ ორგანოს როლის ხელოვნურად დაკნინების აშკარა ნიშნებს შეიცავს. საბოლოოდ, ცხადია სასამართლო დაცული უნდა იყოს პირდაპირი თუ ირიბი ჩარევის ყოველგვარი მცდელობისგან ნებისმიერი მხრიდან, იქნება ეს ხელისუფლება, კერძო ორგანიზაციები, თუ საერთაშორისო პარტნიორები თუ დონორები. ასევე არ გვავიწყდება და ვაფასებთ იმ დონორულ დახმარებას, რომელსაც, წლების განმავლობაში, აშშ-ის სახელმწიფო, თავისი საელჩოს მეშვეობით უწევს ქართულ მართლმსაჯულების სისტემას, თუმცა, ეს არ ქმნის გამონაკლისს და რაიმე ექსკლუზიურ უფლებას, რომ სასამართლო სისტემის შიდა საქმეებსა და/ან ადმინისტრირებაში მოხდეს რაიმე სახის ჩარევა ან დონორის მანდატს გაცდენა“, - აღნიშნულია განცხადებაში.

საქართველოს იუსტიციის უმაღლესი საბჭოს ყოფილი წევრების განცხადება სრულად იხილეთ ამ ბმულზე.

მოსამართლე ლაშა ჩხიკვაძის განცხადებით, ნიკა გვარამიას საქმეზე განაჩენის გამოცხადების შემდეგ, სასამართლოს შენობაში აშშ-ის საელჩოს თანამშრომელი შეხვდა, რომელმაც უთხრა, ელჩს აინტერესებს, რატომ გამოიყენა თავისუფლების აღკვეთის ზომა