10 აგვისტო 2022, 11:27 / სანდო წყარო

უჩა მამაცაშვილის ადვოკატი განცხადებას ავრცელებს

ამირან გიგუაშვილი

ამირან გიგუაშვილი

ბიზნესმენ უჩა მამაცაშვილის ადვოკატი, ამირან გიგუაშვილი განცხადებას ავრცელებს, რომელსაც „იმედინიუსი“ უცვლელად გთავაზობთ.

„როგორც საზოგადოებისათვის ცნობილია, 2022 წლის 5 აგვისტოს, სასამართლომ, ბიზნესმენ უჩა მამაცაშვილის სარჩელი დააკმაყოფილა და მის შესახებ, არასამთავრობო ორგანიზაცია „ანტიკორუფციული მოძრაობის“ და ვასო ურუშაძის, ასევე ლაშა ფარულავას მიერ გავრცელებული ყველა სადავო განცხადება ცილისწამებად იქნა აღიარებული. სასამართლოს გადაწყვეტილებით, მოპასუხეებს დაეკისრათ გავრცელებული ცილისმწამებლური განცხადებების უარყოფა საჯაროდ. ასევე, თითოეულ მათგანს დაეკისრა მორალური ზიანის კომპენსაცია 5 000 ლარის ოდენობით. მას შემდეგ, რაც გამოცხადდა სასამართლოს გადაწყვეტილება, ჩვენ მოვისმინეთ არაერთი სპეკულაციური და პოლიტიკურად მოტივირებული განცხადება, რის გამოც თავს ვალდებულად ვთვლით, საზოგადოებას მივაწოდოთ ობიექტური, მხოლოდ ფაქტებსა და სამართლებრივ არგუმენტაციაზე დაფუძნებული ინფორმაცია.

საზოგადოებას განვუმარტავთ, რომ მიმდინარე სასამართლო განხილვები გაგრძელდა გონივრულ ვადებში, ოთხ თვეზე მეტხანს და ჩატარდა 6 ძალიან ვრცელი, რამდენიმესაათიანი სასამართლო სხდომა, რაც მსგავსი კატეგორიის დავებისთვის იშვიათია და ასახავს საქმის ყოველმხრივი და ობიექტური განხილვის თვალსაზრისით სასამართლოს აშკარა დაინტერესებას. შესაბამისად, სრული სიცრუეა განცხადებები იმის შესახებ, რომ მოსამართლე ცდილობდა პროცესი, რაც შეიძლება სწრაფად და შემჭიდროვებულ ვადებში ჩაეტარებინა.

საქმეზე დაიკითხა სულ 6 მოწმე, საიდანაც ჩვენი, როგორც მოსარჩელის მიერ დასახელებული იყო 2 მოწმე, მაშინ როდესაც მოწინააღმდეგე მხარის მიერ დასახელებული იყო 4 მოწმე. რაც შეეხება მოწმის სახით პროცესზე „ნაციონალური მოძრაობის“ დეპუტატის, ლევან ხაბეიშვილისა და ტელეკომპანია „მთავარის“ გენერალური დირექტორის, ნიკა გვარამიას მოწვევის შესახებ შუამდგომლობას, საზოგადოებამ უნდა იცოდეს, რომ მოპასუხე მხარე ვერ უთითებდა ვერც ერთ კონკრეტულ ფაქტს, ან გარემოებას, თუ რა უნდა დაედასტურებინათ მითითებულ მოწმეებს. სასამართლო სხდომაზე ოპოზიციური პარტიის ლიდერების მოწვევა, იმთავითვე მიმართული იყო პროცესის პოლიტიკურ შოუდ ქცევისკენ, რის გამოც სასამართლომ არ დააკმაყოფილა აღნიშნული, სრულიად უსაფუძვლო და დაუსაბუთებელი შუამდგომლობა.

ასევე გვსურს ყურადღება გავამახვილოთ მოპასუხეებზე მორალური ზიანის სახით კომპენსაციის დაკისრებასა და მის ოდენობაზე. როგორც ეროვნული, ისე საერთაშორისო სტანდარტით, ცილისწამების სარჩელზე, როგორც წესი, პირველი სასარჩელო მოთხოვნის დაკმაყოფილების, ანუ სადავო განცხადებების ცილისწამებად აღიარების შემთხვევაში, ხდება, მეორე სასარჩელო მოთხოვნის, ანუ მორალური ზიანის ნაწილში წარდგენილი სარჩელის დაკმაყოფილება, ვინაიდან თავისი არსით, საჯარო ცილისწამება და განსაკუთრებით დანაშაულის დაბრალებით ცილისწამება, თავისთავად წარმოქმნის მორალური ზიანის დაკმაყოფილების სამართლებრივ საფუძვლებს. შესაბამისად, ამ მხრივ, სასამართლოს რაიმე ახალი, განსაკუთრებული, ან მითუმეტეს, „პრეცედენტული“ გადაწყვეტილება არ მიუღია და ამის გადამოწმება ნებისმიერ დაინტერესებულ პირს შეუძლია, როგორც ეროვნული, ისე საერთაშორისო სასამართლო პრაქტიკის გაცნობის შემთხვევაში. ზიანის ოდენობად 5 000 ლარის დაკისრება კი ისეთი წინასწარგანზრახული, კამპანიური ხასიათის ცილისმწამებლური ბრალდებების ფონზე, რასაც თვეების განმავლობაში ორკესტრირებულად ახორციელებდნენ მოპასუხეები, არის აშკარად სასამართლოს მხრიდან გამოვლენილი ლოიალობის აქტი მოპასუხეების მიმართ, თუმცა, ჩვენ პატივს ვცემთ ამ გადაწყვეტილებას, ვინაიდან როგორც თავიდანვე მივუთითებდით (ეს შავით თეთრზე წერია სარჩელში), მატერიალური ნაწილი არ წარმოადგენდა ჩვენს ინტერესს და ნებისმიერი თანხა, რაც არ უნდა დაკისრებოდათ მოპასუხეებს, მიემართებოდა ხანდაზმულთა პანსიონატის დასახმარებლად, რომელსაც პატრონაჟს უწევს ბატონი უჩა მამაცაშვილი.

ასევე მნიშვნელოვანია, რომ ყოველგვარ სამართლებრივ საფუძველსაა მოკლებული მოპასუხე მხარის სპეკულაციური განცხადებები, მოსარჩელის მიერ გაღებული ხარჯების მათზე გადაკისრების თაობაზე, ვინაიდან სასამართლო ხარჯების განაწილების ამგვარ პრინციპს სამოქალაქო საპროცესო კოდექსის 53-ე მუხლი ითვალისწინებს და სასამართლომ იმოქმედა სწორედ მოქმედი კანონმდებლობის შესაბამისად.

და ბოლოს, არ შეგვიძლია წუხილი არ გამოვთქვათ, ზოგიერთი პოლიტიკური პარტიის და განსაკუთრებით „ნაციონალური მოძრაობის“ იმ სრულიად არაკომპეტენტური განცხადების გამო, რომელიც მათი მხრიდან გაჟღერდა სასამართლო გადაწყვეტილების გამოცხადებიდან სულ რამდენიმე საათში. თან იმ დროს, როდესაც დასაბუთებული გადაწყვეტილება ჯერ მხარეებსაც კი არ ჩაბარებიათ და შესაბამისად გარეშე პირისათვის შეუძლებელია სასამართლო გადაწყვეტილების ობიექტური შეფასება. „ნაციონალური მოძრაობის“ პოლიტიზირებული, სასამართლოზე ზეწოლის მოხდენის სურვილის შემცველი და საზოგადოების შეცდომაში შემყვანი განცხადებები, კიდევ ერთხელ ადასტურებს მათ მისწრაფებას, სასამართლო დავა გამოიყენონ მხოლოდ ვიწროპარტიული ინტერესებისთვის. ეს პროცესი ასევე საბოლოოდ ადასტურებს იმ ფაქტს, რომ ე.წ. არასამთავრობო ორგანიზაცია „ანტიკორუფციული მოძრაობა“ სინამდვილეში არის პოლიტიკური გაერთიანება „ნაციონალური მოძრაობის“ და მათთან დაკავშირებული კერძო პირების ინტერესების გამტარებელი ორგანიზაცია და ამ ორგანიზაციას, ისევე როგორც მის სპიკერებს, არაფერი აქვთ საერთო არც არასამთავრობო სექტორთან და მითუმეტეს, ადამიანის უფლებების დაცვასთან.

აქვე, ვსარგებლობთ შემთხვევით და კიდევ ერთხელ ვთავაზობთ სახალხო დამცველს, ქალბატონ ნინო ლომჯარიას შეხვედრას და საგნობრივ საუბარს, როგორც სასამართლოსათვის მის მიერ წარდგენილ, ჩვენი აზრით, მიკერძოებულ დასკვნასთან დაკავშირებით, ისე ზოგადად სასამართლოს მიერ უჩა მამაცაშვილის შესახებ ცილისწამებად აღიარებული განცხადებების ირგვლივ.

ჩვენ, როგორც ბატონი უჩა მამაცაშვილის ადვოკატები ვადასტურებთ მზადყოფნას შესაბამისი მომართვის შემთხვევაში, გავცეთ ნებისმიერ კითხვას ამომწურავი პასუხი და ვითანამშრომლოთ ყველა ობიექტურ საზოგადოებრივ ორგანიზაციასთან, თუ მედიის წარმომადგენელთან. მნიშვნელოვანია, რომ თანამშრომლობის ეს შეთავაზება ეხება საზოგადოებისთვის შესაძლო საინტერესო სხვადასხვა საკითხებსაც და არა მხოლოდ მიმდინარე სასასამართლო დავას, რომელიც სრულიად გამჭვირვალედ, ობიექტურად და არსებული ეროვნული, თუ ევროპული სასამართლოს პრაქტიკის შესაბამისად წარიმართა“, - აღნიშნულია უფლებადამცველის განცხადებაში.

ყველა სიახლე

30 სექტემბერი 2022, 09:43

რეგიონი

ბათუმში თანამედროვე სტანდარტების შესაბამისი ახალი საჯარო სკოლა აშენდება

ბათუმში თანამედროვე სტანდარტების შესაბამისი ახალი საჯარო სკოლა აშენდება. მშენებლობის ადგილზე სიმბოლური კაფსულის ჩადების ცერემონია გაიმართა, რომელშიც მონაწილეობა საქართველოს განათლებისა და მეცნიერების მინისტრმა მიხეილ ჩხენკელმა, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან და აჭარის ა/რ განათლების, კულტურისა და სპორტის მინისტრ მაია ხაჯიშვილთან ერთად მიიღო.

რატი იონათამიშვილი

30 სექტემბერი 2022, 09:36

პოლიტიკა

რატი იონათამიშვილი ოკუპირებულ აფხაზეთში ლუკაშენკოს ვიზიტზე: ახლა კონცენტრირებული უნდა ვიყოთ იმაზე, რომ ეს არამეგობრული ნაბიჯი აქ ამოიწუროს

ჩვენთვის მნიშვნელოვანია და კონცენტრირებული უნდა ვიყოთ ამაზე, რომ აქ ამოიწუროს ეს არამეგობრული ნაბიჯი, - ამის შესახებ საპარლამენტო უმრავლესობის წევრმა, რატი იონათამიშვილმა ოკუპირებულ აფხაზეთში ლუკაშენკოს ვიზიტთან დაკავშირებით განაცხადა.

30 სექტემბერი 2022, 09:26

პოლიტიკა

რატი ბრეგაძე ევროსაბჭოს წევრი ქვეყნების მინისტერიალზე სიტყვით წარდგა

დუბლინში ევროპის საბჭოს წევრი ქვეყნების მინისტერიალი მიმდინარეობს, რომელიც ოჯახში და გენდერული ნიშნით ძალადობის პრევენციის საკითხებს ეხება. კონფერენციას ევროპის ქვეყნების იუსტიციის სამინისტროების ხელმძღვანელები ესწრებიან. საქართველოს დელეგაციას რატი ბრეგაძე ხელმძღვანელობს.

პაატა მანჯგალაძე

30 სექტემბერი 2022, 09:20

პოლიტიკა

პაატა მანჯგალაძე: ლუკაშენკომ უნდა იცოდეს, რომ სხვა დროს, აფხაზეთში გასეირნების გამო დიდი ფასის გადახდა მოუწევს

იმაზე რაც ხდება, პასუხისმგებელია ხელისუფლება, - ამის შესახებ „სტრატეგია აღმაშენებლის“ ერთ-ერთმა ლიდერმა, პაატა მანჯგალაძემ ოკუპირებულ აფხაზეთში ლუკაშენკოს ჩასვლის საკითხზე კომენტირებისას განაცხადა.

30 სექტემბერი 2022, 09:18

საზოგადოება

ავლაბარში ხანძარი იყო

ავლაბარში, სპარტაკის ქუჩაზე ხანძარი ლიკვიდირებულია. ცეცხლი ერთ-ერთ საცხოვრებელ სახლში გაჩნდა, შემდეგ კი გვერდით მდებარე ბინებზე გავრცელდა.

ნინო ლომჯარია

30 სექტემბერი 2022, 09:13

პოლიტიკა

დღეს პარლამენტში სახალხო დამცველს მოუსმენენ

დღეს პარლამენტში ადამიანის უფლებათა დაცვისა და სამოქალაქო ინტეგრაციის კომიტეტზე სახალხო დამცველს მოუსმენენ.

ნიკოლოზ სამხარაძე

30 სექტემბერი 2022, 09:02

პოლიტიკა

ნიკოლოზ სამხარაძე კეზერაშვილზე: მან ამ განცხადებით ფაქტობრივად აღიარა, რომ ფინანსურად ეხმარება ოპოზიციური პარტიების დიდ ნაწილს, შესაბამისად საკუთარი თავის ლუსტრაცია მოახდინა

დავით კეზერაშვილის მიერ გავრცელებულ წერილს, რითაც მის პოლიტიკურ კავშირებსა და ოლიგარქობასთან დაკავშირებულ განცხადებებს ეხმაურება. მმართველ გუნდის წევრმა, ნიკოლოზ სამხარაძემ შეაფასა. სამხარაძის თქმით, აღნიშნული წერილით კეზერაშვილი აღიარებს, რომ ოპოზიციურ პარტიების დიდ ნაწილსა და ტელევიზიას ფინანსურად თავად ეხმარება.

ვოლოდიმირ ზელენსკი

30 სექტემბერი 2022, 08:49

მსოფლიო

ვოლოდიმირ ზელენსკი რუსეთში მცხოვრებ ერებს: იბრძოლეთ თქვენი სიცოცხლისთვის, გამოდით ქუჩებში და დაიცავით თქვენი თავისუფლება

პუტინის მიერ გამოცხადებული სპეცოპერაცია ტყუილისა და ტერორის ოპერაციაა და მიზნად რუსეთში მცხოვრები მკვიდრი ერების განადგურებას ისახავს, - ამ სიტყვებით უკრაინის პრეზიდენტმა კავკასიის, ციმბირისა და რუსეთის სხვა რეგიონების მცხოვრებლებს მიმართა. ვოლოდიმირ ზელენსკიმ მათ კიდევ ერთხელ მოუწოდა, არა უკრაინის, არამედ საკუთარი თავისუფლებისთვის იბრძოლონ.

ვლადიმერ პუტინი

30 სექტემბერი 2022, 08:31

მსოფლიო

რუსეთის პრეზიდენტმა ე.წ. ნაწილობრივი მობილიზაციის დროს დაშვებული ყველა შეცდომის გამოსწორება მოითხოვა

რუსეთის პრეზიდენტმა ე.წ. ნაწილობრივი მობილიზაციის დროს დაშვებული ყველა შეცდომის გამოსწორება მოითხოვა. უშიშროების საბჭოს წევრებთან საუბრისას პუტინმა განაცხადა, რომ მობილიზაცია მხოლოდ იმ პირებს უნდა შეეხოთ, რომლებსაც სამხედრო გამოცდილება აქვთ, სამხედრო ნაწილში გაგზავნამდე კი მათ დამატებითი მომზადება უნდა გაიარონ. ნაწილობრივი მობილიზაცია კრემლის ლიდერმა 21 სექტემბერს გამოაცხადა, რასაც რუსეთში საპროტესტო აქციები მოჰყვა. ბოლო ერთი კვირის განმავლობაში ქვეყანა რუსეთის ათობით ათასმა მოქალაქემ დატოვა.

30 სექტემბერი 2022, 08:19

მსოფლიო

რა ვითარებაა უკრაინაში ამ დროისთვის. ომის 219-ე დღე

ომის 219-ე დღე. რუსეთი უკრაინის ქალაქებს ისევ ბომბავს. სარაკეტო დარტყმები მიკოლაევისა და დნეპროპეტროვსკის დასახლებულ რაიონებზე განხორციელდა. მიკოლაევში სარაკეტო თავდასხმას 3 ადამიანი ემსხვერპლა და 10-ზე მეტი დაშავდა.

30 სექტემბერი 2022, 08:07

საზოგადოება

როგორი ამინდია მოსალოდნელი დღეს საქართველოში

30 სექტემბერს ქუთაისში სინოპტიკოსები მზიან დღეს ვარაუდობენ. დღისით +31 გრადუსია მოსალოდნელი, ღამით +16 გრადუსი. ოზურგეთშიც მზიანი დღეა ნავარაუდევი. დღისით +32 გრადუსი დაფიქსირდება, ღამით კი +15 გრადუსს პროგნოზირებენ. ბათუმშიც მზიანი დღეა მოსალოდნელი, დღისით ჰაერი +27 გრადუსამდე გათბება, ღამით კი +16 გრადუსი დაფიქსირდება.

ვლადიმირ პუტინი

30 სექტემბერი 2022, 01:51

მსოფლიო

პუტინმა უკრაინის ოკუპირებული ოლქების, ხერსონისა და ზაპოროჟიეს ე.წ. „დამოუკიდებლობა“ აღიარა

რუსეთის პრეზიდენტმა, ვლადიმირ პუტინმა უკრაინის ოკუპირებული ოლქების, ხერსონისა და ზაპოროჟიეს ე.წ. „დამოუკიდებლობა“ აღიარა. ინფორმაციას ამის შესახებ რუსული მედია ავრცელებს.

30 სექტემბერი 2022, 01:08

მსოფლიო

აშშ-ის სენატმა მხარი დაუჭირა უკრაინისთვის 12.3 მილიარდი დოლარის ფინანსური დახმარების გამოყოფას

აშშ-ის სენატმა მხარი დაუჭირა უკრაინისთვის 12.3 მილიარდი დოლარის ფინანსური დახმარების გამოყოფას. ინფორმაციას ამის შესახებ სააგენტო Reuters-ი ავრცელებს.

30 სექტემბერი 2022, 00:59

პოლიტიკა

მიხეილ ყაველაშვილი: საკმაოდ ბეწვის ხიდზე გაიარა ჩვენმა ხელისუფლებამ და ჩვენმა ქვეყანამ და საქართველოს მოქალაქეებმა ეს ძალიან კარგად აღიქვეს

საკმაოდ ბეწვის ხიდზე გაიარა ჩვენმა ხელისუფლებამ და ჩვენმა ქვეყანამ, თუმცა საქართველოს მოქალაქეებმა ეს ძალიან კარგად აღიქვეს, - ამის შესახებ „ხალხის ძალის“ ერთ-ერთმა ლიდერმა, მიხეილ ყაველაშვილმა გადაცემა „იმედი LIVE“-ში განაცხადა.

რამაზ საყვარელიძე

30 სექტემბერი 2022, 00:55

პოლიტიკა

რამაზ საყვარელიძე: ის ხალხი, რომელიც „ნაციონალურ მოძრაობას“ ჰყავს, რეალურად მიშას ხალხია

ის ხალხი, რომელიც „ნაციონალურ მოძრაობას“ ჰყავს, რეალურად მიშას ხალხია. სახელი „ნაციონალური მოძრაობა“ როგორც არ უნდა ატრიალო, რომელ პარტიაზეც მიშა იტყვის ჩემიაო, ეს ხალხიც იქ წავა, - ამის შესახებ პოლიტოლოგმა, რამაზ საყვარელიძემ გადაცემაში „იმედი LIVE“ განაცხადა.

რამაზ საყვარელიძე

30 სექტემბერი 2022, 00:46

პოლიტიკა

რამაზ საყვარელიძე: კეზერაშვილი აფინანსებს ადამიანს, რომელსაც ასევე რუსეთი აფინანსებს და ახლა იბრძვის, რომ საქართველომ რუსებს შემოშვებაზე უარი უთხრას

„ახლა გახსნილი საზღვრით შენ უკრაინას ეხმარები, თან ისე, რომ შენი სისხლი არ იღვრება. რუსეთს სჭირდება ის, რომ შენ ჩაკეტო [საზღვარი]“, - განაცხადა რამაზ საყვარელიძემ.

მიხეილ ყაველაშვილი

30 სექტემბერი 2022, 00:21

პოლიტიკა

მიხეილ ყაველაშვილი: ყოველ ჯერზე, ჩვენი თანმიმდევრული ინფორმაციის მიწოდებით ბევრი რამ გამართლდა

„ანალოგიური იყო გიორგი ვაშაძის გუშინდელი, თითქოს საიდუმლო ინფორმაციის გამჟღავნება, რომ ომის დაწყების პირველ დღეებში საქართველოს შესთავაზეს მრავალმილიარდიანი პროექტი იარაღის მიწოდებასთან დაკავშირებით. დღეს საუბრობს ეს ბატონი (გიორგი ვაშაძე) ამ საკითხებზე და რომ როგორ აზარალა „ქართულმა ოცნებამ“ სახელმწიფო და როგორ არ მიიღო მრავალმილიარდიანი პროექტის განხორციელება საქართველოსთვის. წერილში ჩვენ აღვწერეთ, რატომ არის ეს სახიფათო“.

არჩილ თალაკვაძე

30 სექტემბერი 2022, 00:17

პოლიტიკა

არჩილ თალაკვაძე: ხალხი არ უნდა მოვატყუოთ, რომ საქართველო ორ თვეში მიიღებს სტატუსს, ცრუ მოლოდინები არ უნდა შევუქმნათ - ევროკავშირმა თქვა, რომ 2023 წლის ბოლოს დაუბრუნდება ამ საკითხს

ის ხალხი, რომლებსაც არ უნდოდათ, რომ საქართველოს მიეღო კანდიდატის სტატუსი თავს წარმოაჩენს ისე თავის ტელევიზიებში თითქოს ძალიან უნდოდა ამ სტატუსის მიღება, - ამის შესახებ საქართველოს პარლამენტის ვიცე-სპიკერმა, საპარლამენტო უმრავლესობის წევრმა არჩილ თალაკვაძემ გადაცემაში „იმედი LIVE“ განაცხადა. მისი თქმით, საზოგადოებამ უნდა იცოდეს, რომ არის პუნქტები, რომელშიც ოპოზიციის მონაწილეობა არის კრიტიკულად მნიშვნელოვანია.

ჯო ბაიდენი

30 სექტემბერი 2022, 00:13

მსოფლიო

ჯო ბაიდენი: აშშ არასდროს აღიარებს რუსეთის პრეტენზიებს უკრაინის სუვერენულ ტერიტორიაზე

აშშ-ის პრეზიდენტმა, ჯო ბაიდენმა პირობა დადო, რომ აშშ არასდროს აღიარებს რუსეთის პრეტენზიებს უკრაინის სუვერენულ ტერიტორიაზე.

30 სექტემბერი 2022, 00:05

პოლიტიკა

არჩილ თალაკვაძე: როდესაც დაინახა კეზერაშვილმა, რომ შეიძლება კანონი მიიღონ, ის შეიძლება ოფიციალურად გახდეს ოლიგარქი და დაექვემდებაროს რეგულირებას, გამოვიდა და ახლა ცდილობს პოლიტიკას შეაფაროს თავი

„ქართული ოცნება“ გამოვიდა და თქვა, რომ მზად ვართ მივიღოთ კანონი, თუნდაც ისეთი, როგორიც აქვს უკრაინას, მაგრამ იქ კანონში რა კრიტერიუმებიც არის ჩამოთვლილი, კეზერაშვილი პირდაპირი აკმაყოფილებს იმ კრიტერიუმებს - ერთ-ერთი პირველი, თუ ვინმე დააკმაყოფილებს, უდავოდ იქნება კეზერაშვილი - ამის შესახებ პარლამენტის ვიცე-სპიკერმა არჩილ თალაკვაძემ გადაცემაში „იმედი LIVE“ განაცხადა.