ქართული მარშის ორ წევრს ბრალი დაუმძიმდა

ტელეკომპანია "რუსთავი 2"-ის შენობის წინ მომხდარის გამო, ქართული მარშის დაკავებული 6 წევრიდან, 2-ს ბრალი დაუმძიმდა. ამის შესახებ თბილისის საქალაქო სასამართლოსთან ადვოკატმა ცირა ჯავახიშვილმა თქვა. ინფორმაციას სააგენტო "ინტერპრესნიუსი" ავრცელებს.

გიორგი ონიანს ბრალად ედება სისხლის სამართლის კოდექსის 120–ე, 126-ე და 239-ე მუხლების დარღვევა, ლუკა ნაცვლიშვილს – 187–ე და 239–ე მუხლების, ხოლო დანარჩენ სამ აქტივისტს: მიხეილ ამისულაშვილს, ლადო სადღობელაშვილსა და ირაკლი დოლენჯაშვილს 239–ე მუხლის დარღვევა.

ადვოკატი ამბობს, რომ აქტივისტების ქმედებები სისხლის სამართლებრივ დანაშაულს არ შეიცავდა, შესაბამისად დვოკატი სასამართლო პროცესზე მოითხოვს, რომ ბრალდებულების მიმართ საერთოდ არ მოხდეს აღმკვეთის გამოყენება. 

"ჩვენ გვაქვს მტკიცებულება, რომ პირიქით, „რუსთავი 2“–ის დაცვის თანამშრომლებმა სცემეს „ქართული მარშის“ წარმომადგენლები. მათგან სამი: მიხეილ ამისულაშვილი, ლადო სადღობელაშვილი და ირაკლი დოლენჯაშვილი საავადმყოფოში მოხვდა. დაკავებულებს მიაჩნიათ, რომ მათ ქმედებაში არ არის სისხლის სამართლებრივი დანაშაულის ნიშნები“, - განაცხადა ადვოკატმა.

სამაუწყებლო კომპანია "რუსთავი 2"-თან გუშინ პოლიციამ ქართული მარშის 5 წევრი დააკავა. ისინი გიორგი გაბუნიას მიერ ეთერში გაკეთებულ რეპლიკას აპროტესტებდნენ.