პუშკოვი: პრეტენზიები იმ თანამოქალაქეების მიმართ გამოხატონ, რომელთაც პარლამენტში შეჭრა სცადეს

რუსეთის ფედერაციის საბჭოს საინფორმაციო პოლიტიკის თავმჯდომარეს ალექსი პუშკოვი პუტინის განკარგულებას სოციალურ ქსელში ეხმიანება.

"თბილისში რუსეთიდან ტურისტული მარშრუტების შეჩერებით უკმაყოფილოები არიან. თავიანთი პრეტენზიები იმ თავიანთი თანამოქალაქეების მიმართ გამოხატონ, რომელთაც პარლამენტში შეჭრა სცადეს და ექსცესები მოაწყეს. ასევე პრეზიდენტის მიმართ, იმის ნაცვლად, რომ ყველა ჭუჭყი რუსეთს დააბრალონ. სხვათა შორის, რა ხდება რუსულ ბაზარზე ქართული ღვინის თაობაზე?,"- წერს პუშკოვი.

В Тбилиси недовольны приостановкой турпотока из России. Пусть выскажут свои претензии согражданам, ворвавшимся  в парламент и устроившим бесчинства, и президенту, к-ая мало на что способна, кроме как поливать грязью Россию. Кстати,что там с грузинскими винами на российском рынке?

— Алексей Пушков (@Alexey_Pushkov) June 22, 2019

რუსეთის პრეზიდენტმა ბრძანებას მოაწერა ხელი, რომლის თანახმადაც 8 ივლისიდან რუსულ ავიაკომპანიებს საქართველოში რუსეთის მოქალაქეების გადაყვანა ეკრძალებათ. ამასთან, უსაფრთხოების მიზნით ტურისტულ ოპერატორებსა და სააგენტოებს აკრძალვის პერიოდში საქართველოში ტურების დაგეგმვაზე უარის რეკომენდაცია მიეცა.

გარდა ამისა, ვლადიმერ პუტინმა ხელისუფლებას დაავალა, რომ საქართველოში მყოფი რუსეთის მოქალაქეების სამშობლოში დაბრუნება უზრუნველყონ.

მანამდე რუსეთის პრეზიდენტმა თბილისში განვითარებული მოვლენები უშიშროების საბჭოს სხდომაზე განიხილა და საგარეო საქმეთა მინისტრს, სერგეი ლავროვს დაავალა, საქართველოში მყოფი რუსეთის მოქალაქეები არსებული საფრთხეების შესახებ საქმის კურსში ჩაეყენებინა.

20 ივნისს, დილით პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა, რასაც საკანონმდებლო ორგანოსთან მოგვიანებით საპროტესტო აქცია მოჰყვა.