imedi /  19 სექტემბერი 2019, 09:57 / სანდო წყარო

დიმიტრი გაბუნია პატიმრის შეწყალების საქმეზე მის ბრალეულობას უარყოფს

დიმიტრი გაბუნია

დიმიტრი გაბუნია

საქართველოს პრეზიდენტის, სალომე ზურაბიშვილის მიერ მიღებულ გადაწყვეტილებებს შეწყალებასთან დაკავშირებით პრეზიდენტის საპარლამენტო მდივანი დიმიტრი გაბუნია გამოეხმაურა.

გაბუნია „ქრონიკასთან“ სატელეფონო საუბარში ამბობს, ყველა ბრალდება მის მიმართ უსაფუძვლოა. პრეზიდენტის საპარლამენტო მდივნის განცხადებით, მას ადვოკატის ლიცენზია სისხლის სამართლებრივ წარმოებაში არასდროს ჰქონია.

დიმიტრი გაბუნიას სკანდალურ ბრალდებას მოკლული სოსო ქოიავას ოჯახის წევრები უყენებენ და ამბობენ, რომ 23-წლიანი მიმალვის შემდეგ დაკავებული ზურაბ ნადირაძის შეწყალებაზე, სწორედ პრეზიდენტის საპარლამენტო მდივანმა იმუშავა. მათი ინფორმაციით, მკვლელობის შემდეგ ზურაბ ნადირაძე დანიაში იმალებოდა, სადაც დიმიტრი გაბუნია ძებნილ ბრალდებულთან იურიდიული მომსახურების მიზნით ჩადიოდა.

განმარტებებს აკეთებს სალომე ზურაბიშვილის მიერ შეწყალებული ძებნილი პატიმრის სახაზინო ადვოკატი გვანცა გუგეშაშვილიც. ადვოკატი ამბობს, რომ მის მიერ „ქრონიკისთვის“ სატელეფონო საუბრისას მიწოდებული ინფორმაცია, თითქოს პრეზიდენტის საპარლამენტო მდივანი, დიმიტრი გაბუნია შეწყალებული პატიმრის, გელა გოგოლაძის ინტერესებს იცავდა, სიმართლეს არ შეესაბამება. ადვოკატი ამბობს, რომ საქმის ხანდაზმულობიდან გამომდინარე, შეცდომა დაუშვა და დიმიტრი გაბუნიას ბოდიშს უხდის.

ადვოკატმა გვანცა გუგეშაშვილმა გუშინ, 18 სექტემბერს „ქრონიკას“ სატელეფონო საუბრისას დაუდასტურა, რომ პრეზიდენტის საპარლამენტო მდივანი, დიმიტრი გაბუნია შეწყალებული პატიმრის, გელა გოგოლაძის ინტერესებს იცავდა. 

„ევროპული საქართველო“ პროკურატურისგან მოითხოვს შეისწავლოს პრეზიდენტის მიერ შეწყალებულების სკანდალში პრეზიდენტის საპარლამენტო მდივნის დიმიტრი გაბუნიას როლი. 

პრეზიდენმა პატიმრების შეწყალებაზე 18 სექტემბერს მორატორიუმი გამოაცხადა. 

პრეზიდენტ სალომე ზურაბიშვილს მკვლელობის მუხლით გასამართლებული მსჯავრდებულების შეწყალებასთან დაკავშირებით აკრიტიკებენ. პრესაში გამოითქვა მოსაზრება, თითქოს კონკრეტული მსჯავრდებულების შეწყალებას დიმიტრი გაბუნია ლობირებდა. 

საუბარია 2014 წელს პოლიციელ თარაშ მუკბანიანის მკვლელობისთვის, 2004 წელს დავით ოთხმეზურის მკვლელობისა და 1994 წელს გიორგი ქოიავას მკვლელობისთვის მსჯავრდებულების შეწყალებაზე. 

სალომე ზურაბიშვილის გაპრეზიდენტების შემდეგ, პრეზიდენტის ადმინისტრაციასთან მოქმედი შეწყალების კომისია რამდენიმე წევრმა დატოვა. მაშინ ადმინისტრაციაში განაცხადეს, რომ კომისიის დაკომპლექტებაზე მუშაობა დაიწყეს, თუმცა ჯერჯერობით კომისია არ მოქმედებს. კრიტიკის ფონზე 6 სექტემბერს სალომე ზუაბიშვილი გამოვიდა ინიციატივით, რომ შეწყალების გამოყენების უფლება დროულად დაიხვეწოს.

2019 წლის მარტში ცნობილი გახდა, რომ შეწყალების კომისია იუსტიციის სამინისტროში გადავა.

ყველა სიახლე

ბუკერის პრემია

15 ოქტომბერი 2019, 08:47

კულტურა

ბუკერის პრემია მარგარეტ ეტვუდმა და ბერნანდინ ევარისტომ მიიღეს

გამარჯვებულები 50 000 ფუნტ სტერლინგს გაინაწილებენ, გარდა ამისა ისინი ბუკერის პრემიის ისტორიაში შევლენ: 79 წლის ეტვუდი ისტორიაში ყველაზე ხანდაზმული ლაურეატი გახდა, ევარისტო კი პირველი ფერადკანიანი მწერალია, რომელმაც ეს პრემია მიიღო.

15 ოქტომბერი 2019, 08:26

ძალოვნები

პეკინის გამზირზე სამგზავრო ავტობუსი ბავშვს დაეჯახა

პეკინის გამზირზე სამგზავრო ავტობუსი არასრულწლოვანს დაეჯახა. შემთხვევა წუხელ მაშინ მოხდა, როდესაც 13 წლის ბიჭი გზაზე გადადიოდა. მოზარდი ქალა-ძვლის ხაზოვანი მოტეხილობით იაშვილის კლინიკაში გადაიყვანეს, სადაც გამოკვლევები ჩაუტარდა.

ჭავჭავაძე

15 ოქტომბერი 2019, 08:14

საქართველო

17 ოქტომბრიდან ჭავჭავაძის გამზირის რეაბილიტაციის გამო მოძრაობა შეიზღუდება

ჭავჭავაძის გამზირზე მიმდინარე მასშტაბური სამუშაოებიდან გამომდინარე, 17 ოქტომბრის 00:00 საათიდან თაქთაქიშვილის ქუჩიდან ჭავჭავაძის გამზირზე ტრანსპორტის გადაადგილება შეიზღუდება, ხოლო, კავსაძის ქუჩაზე შეიცვლება ცალმხრივი მოძრაობის მიმართულება.

გიორგი გახარია

15 ოქტომბერი 2019, 08:03

საქართველო

დღეს გიორგი გახარია სომხეთს ეწვევა

პრემიერმინისტრის ვიზიტი თურქეთის რესპუბლიკაშიც იგეგმება. პრემიერმინისტრის, გიორგი გახარიას ბრიუსელში ვიზიტი ევროკომისიაში ამჟამად მიმდინარე საკადრო საკითხების დასრულებისთანავე შედგება, როგორც კი განახლებული ევროკომისია საკუთარი უფლებამოსილების განხორციელებას შეუდგება.

დონალდ ტრამპი

15 ოქტომბერი 2019, 00:51

მსოფლიო

ტრამპმა თურქეთის წინააღმდეგ სანქციების დეტალები განმარტა

გარდა ამისა, ვაშინგტონი გეგმავს თურქეთიდან შემოსულ ფოლადზე ტარიფი 50%-მდე გაზარდოს. მისივე თქმით, თურქეთთან სავაჭრო მოლაპარაკებები დაუყოვნებლივ შეწყდება. მომავალში კი შეზღუდვები შესაძლოა ფინანსურ სექტორსა და ვიზის გაცემასაც შეეხოს.

საქართველოს ნაკრები

15 ოქტომბერი 2019, 00:45

სპორტი

საქართველოს საფეხბურთო ნაკრები გიბრალტარს დაუპირისპირდება

საქართველოს ეროვნული ნაკრები ევრო 2020-ის საკვალიფიკაციო ეტაპის მეშვიდე შეხვედრას სტუმრად გიბრალტარის წინააღმდეგ გამართავს. ვლადიმირ ვაისის გუნდის მატჩისწინა ბოლო ვარჯიში შეხვედრის მასპინძელ სტადიონზე შედგა. საწვრთნელი პროცესი ერთ საათს გაგრძელდა. ეროვნული ნაკრები მატჩისთვის 19 ფეხბურთელით ემზადება.

ლიბია

15 ოქტომბერი 2019, 00:15

მსოფლიო

ლიბიაში სარაკეტო იერიშს სამი და ემსხვერპლა

ლიბიაში, ტრიპოლში სარაკეტო იერიშის დროს სამი ბავშვი დაიღუპა. დაღუპულები დები არიან. მეოთხე და კი დაშავდა და მას ფეხის ამპუტაცია დასჭირდა. Reuters-ის ინფორმაციით, ავიაშეტევამ სამხედრო ბანაკთან მდებარე სახლი დააზიანა. 120 000-ზე მეტი ადამიანი იძულებით არის გადაადგილებული. 2011 წელს მუამარ კადაფის გადაყენების შემდეგ, ლიბიაში ორი მმართველობა ჩამოყალიბდა.

სოფია კოკოსალაკი

15 ოქტომბერი 2019, 00:09

კულტურა

ბერძენი დიზაინერი სოფია კოკოსალაკი გარდაიცვალა

კოკოსალაკი 47 წლის იყო. მისი გარდაცვალების მიზეზი არ სახელდება. დიზაინერი 1972 წელს ათენში დაიბადა, 1998 წელს მან ლონდონის ხელოვნებისა და დიზაინის კოლეჯი დაამთავრა, ერთი წლის შემდეგ კი საკუთარი ბრენდი შექმნა და ლონდონის მოდის კვირეულში მიიღო მონაწილეობა.

14 ოქტომბერი 2019, 23:40

თემა

ყავა ხან სასარგებლოა, ხან - არა. რატომ არის მეცნიერთა კვლევების შედეგები წინააღმდეგობრივი?

ჟურნალ Annal of Internal Medicine-ში გამოქვეყნდა ახალი კვლევა, რომელიც უმი და გადამუშავებული წითელი ხორცის მოხმარებას ეხება. ბოლო წლებში საკმაოდ ფართოდ იყო გავრცელებული მოსაზრება, რომ ამ კატეგორიის პროდუქცია მავნეა. ამერიკისა და დიდი ბრიტანეთის ჯანმრთელობის დაცვის დეპარტამენტები საერთაშორისო ონკოლოგიურ ფონდთან ერთად ურჩევენ მომხმარებლებს, თავიანთი კვების რაციონში გადამუშავებული ხორცის რაოდენობა შეზღუდონ. თუმცა ახალი მონაცემები ამ რეკომენდაციებს ეწინააღმდეგება.

მოჰამედ ჯავად ზარიფი

14 ოქტომბერი 2019, 23:30

მსოფლიო

ირანი სირიას და თურქეთს ინიციატივით მიმართავს

ირანის საგარეო საქმეთა მინისტრი დიალოგის აუცილებლობაზე საუბრობს და სირიაში 2021 წლის არჩევნებამდე დაძაბულობის შემცირების მნიშვნელობას გაუსვა ხაზი. მოჰამედ ჯავად ზარიფმა საუდის არაბეთთან მოლაპარაკების აუცილებლობაზეც მიანიშნა და აღნიშნა, რომ დიალოგისთვის ღიაა.

ლიეტუვა

14 ოქტომბერი 2019, 22:55

მსოფლიო

ნატოს ოპერაციის ფარგლებში ამერიკელი სამხედროები ლიეტუვაში ჩავიდნენ

ისინი ქალაქ პაბრადეში მდებარე სამხედრო ბაზაზე 2020 წლის გაზაფხულამდე დარჩებიან. როგორც ლიეტუვის თავდაცვის მინისტრმა რაიმუნდას კარობლისმა განაცხადა, ამერიკელი სამხედროების გამოჩენა ქვეყნის წარმატების და ინვესტიციების შედეგია.

ირაკლი კობახიძე

14 ოქტომბერი 2019, 22:55

საქართველო

კობახიძემ თქვა, რა შემთხვევაში შეიძლება ჩატარდეს ხელახალი საპარლამენტო არჩევნები

მაღალია ალბათობა იმისა, რომ ასეთი შედეგი დადგეს და საჭირო გახდეს ხელახალი არჩევნების ჩატარება. კიდევ ერთხელ გავიმეორებ - იმ შემთხვევაში, თუ „ქართულმა ოცნებამ“ ხმების მინიმუმ 45% არ მოაგროვა. თუმცა 45% და უფრო მაღალი შედეგიც საკმაოდ რეალურია“, - განაცხადა კობახიძემ.

რობერტო ბაჯო

14 ოქტომბერი 2019, 22:35

სპორტი

ბაჯო: 1994 წლის პენალტი ძილის წინ ხშირად მახსენდება

იტალიური ფეხბურთის ლეგენდამ რობერტო ბაჯომ 1994 წელს, მსოფლიო ჩემპიონატის ფინალში, ბრაზილიასთან დაპირისპირების დროს აცილებული პენალტი გაიხსენა. ბაჯომ თქვა, რომ ბრაზილიასთან ფინალში დაპირისპირება მისი ბავშვობის ოცნება იყო. „ფინალში ბრაზილიის წინააღმდეგ თამაშზე, თუმცა გვახსოვს, როგორ დამთავრდა ეს ყველაფერი“.

14 ოქტომბერი 2019, 22:15

მსოფლიო

მეხიკოში თავდასხმას 14 პოლიციელი ემსხვერპლა

სავარაუდოდ ნარკომოვაჭრეების მიერ განხორციელებული თავდასხმის დროს მეხიკოში 14 პოლიციელი დაიღუპა. მედიის ცნობით, კრიმინალურ დაჯგუფებას ცნობილი, ძებნილი ნარკობარონი ნემესიო სერვანტესი ხელმძღვანელობს. საზოგადოებრივი დაცვის საკითხების სამსახურმა მომხდარი თავდასხმა დაგმო.

ბარსელონა

14 ოქტომბერი 2019, 21:40

მსოფლიო

ბარსელონაში პოლიციამ აქციის მონაწილეები დაშალა. არიან დაშავებულები

აეროპორტის რაიონში 8 000-მდე ადამიანი შეიკრიბა. პოლიციამ მათ დასაშლელად ხელკეტები და რეზინის ტყვიები გამოიყენა. ვრცელდება ინფორმაცია 13 დაშავებულის შესახებ, მათ შორის 1 ფრანგი ჟურნალისტია. ამასთან, ბარსელონის აეროპორტში 20 რეისი გაუქმდა.

გიფი

14 ოქტომბერი 2019, 21:10

ტექნოლოგიები

ციფრულ ჩარჩოებში ჩასმული გიფების კოლექცია შეიქმნა

კომპანია Infinite Objects-მა სერვის Giphy-სთან და დიზაინერილ სტუდია Planeta-სთან ერთად სპეციალურ ციფრულ ჩარჩოში ჩასმული ანიმაციების კოლექცია გამოუშვა. პირველი კოლექცია შეზღუდული რაოდენობით გამოვიდა, მისი ფასი კი 299 დოლარია.

ფატმა სერენ იაზგანი

14 ოქტომბერი 2019, 21:07

საქართველო

თურქეთის ელჩი: ქურთისტანის მუშათა პარტიასთან დაპირისპირებაში მარტო ვართ

თურქეთი ნატოს ერთადერთი სახელმწიფოა, რომლის სახმელეთო ჯარიც ისლამისტების წინააღმდეგ იბრძვის, თუმცა ქურთისტანის მუშათა პარტიასთან დაპირისპირებაში ჩვენ მარტო ვართ, განაცხადა თურქეთის ელჩმა საქართველოში ფატმა სერენ იაზგანმა „ქრონიკასთან“ საუბრისას.

ინგლისი

14 ოქტომბერი 2019, 20:48

მსოფლიო

ბულგარეთში საფეხბურთო მატჩისთვის ჩასული ინგლისელი გულშემატკივარი გარდაცვლილი იპოვეს

ბულგარეთში საფეხბურთო მატჩზე დასასწრებად ჩასული ინგლისელი გულშემატკივარი სოფიას ცენტრში გარდაცლილი იპოვეს. ბრიტანული მედიის ცნობით, პოლიცია 32 წლის ინგლისელის გარდაცვალების მიზეზს არკვევს. შემთხვევის გამომწვევი მიზეზი ჯერ დადგენილი არ არის და პოლიცია 32 წლის ინგლისელის გარდაცვალების მიზეზს არკვევს.

14 ოქტომბერი 2019, 20:28

მსოფლიო

აშშ-ში ქრისტეფორე კოლუმბის ძეგლი შეურაცხყვეს

როდ-აილენდის შტატის ქალაქ პროვიდენსში ქრისტეფორე კოლუმბის ძეგლი შეურაცხყვეს. ვანდალებმა მას წითელი საღებავი შეასხეს და წარწერა „შეწყდეს გენოციდის ზეიმი“ დატოვეს. აშშ-ში ოქტომბრის მეორე ორშაბათს კოლუმბის დღე აღინიშნება, რომელიც იტალიელი მოგზაურის ამერიკაში ჩასვლას ეძღვნება.

„ლანჩხუთი“

14 ოქტომბერი 2019, 20:10

სპორტი

საქართველოს ქალთა ლიგის გამარჯვებული „ლანჩხუთი“ გახდა

საქართველოს ქალთა ლიგის ეგიდით გამართული 18 შეხვედრიდან „ლანჩხუთმა“ 17 მოიგო, მხოლოდ ერთხელ დამარცხდა და უშუალო კონკურენტს, თბილისის „ნიკეს“ ურთიერთშეხვედრების ხარჯზე აჯობა. ჩემპიონის სტატუსით „ლანჩუთი“ საქართველოს უეფას ქალთა ჩემპიონთა ლიგის საკვალიფიკაციო ეტაპზე წარმოადგენს.