პეტრო პოროშენკო სალომე ზურაბიშვილს არჩევნებში გამარჯვებას ულოცავს

უკრაინის პრეზიდენტი პეტრო პოროშენკო სალომე ზურაბიშვილს საქართველოს საპრეზიდენტო არჩევნებში გამარჯვებას ულოცავს. პოროშენკო ზურაბიშვილს საქართველოს დემოკრატიულ განვითარებასა და საზოგადოების კონსოლიდაციაში წარმატებას უსურვებს.

„ვულოცავ სალომე ზურაბიშვილს საქართველოს პრეზიდენტად არჩევას. გისურვებთ წარმატებას საქართველოს დემოკრატიული ევროპული განვითარების უზრუნველყოფაში და საზოგადოების კონსოლიდაციაში. დარწმუნებული ვარ ჩვენს ორ ქვეყანას შორის სტრატეგიული პარტნიორობის გაღრმავების გაგრძელებაში“, -წერს უკრაინის პრეზიდენტი პეტრო პოროშენკო.

My congratulations to Salome Zurabishvili on her election as President of Georgia. I wish you, every success in ensuring Georgia’s democratic European development and consolidation of society. I’m convinced of the further deepening of strategic partnership between our two nations

— Петро Порошенко (@poroshenko) November 29, 2018

მანამდე სალომე ზურაბიშვილს გამარჯვება ლიეტუვის პრეზიდენტმა დალია გრიბაუსკატემ და საფრანგეთის საგარეო საქმეთა სამინისტრომ მიულოცეს.

საქართველოში საპრეზიდენტო არჩევნების მეორე ტური 28 ნოემბერს გაიმართა. 59,52 %-ით (1 147 627 ხმა) დამოუკიდებელმა  კანდიდატმა სალომე ზურაბიშვილმა გაიმარჯვა.

2018 წლის საპრეზიდენტო არჩევნების მეორე ტურის საბოლოო შედეგებს შეგიძლიათ გაეცნოთ ამ ბმულზე.