imedi /  29 დეკემბერი 2018, 20:27 / სანდო წყარო

კობახიძე: მოსამართლეთა სიაზე პროცესის შეჩერება ბესელიას წასვლაზე დამოკიდებული არ ყოფილა

ირაკლი კობახიძე

ირაკლი კობახიძე

პარლამენტის თავმჯდომარე ირაკლი კობახიძე აცხადებს, რომ უმრავლესობაში კრიზისი არ არის, არამედ არის პროცესები, "რომელიც გადაივლის". ამის შესახებ ირაკლი კობახიძემ "ქრონიკის" ეთერში განაცხადა.

პარლამენტის თავმჯდომარის თქმით, "ქართულ ოცნებას" აქვს იმის რესურსი, რომ პროცესები მაქსიმალურად მართოს, "ამაზე პასუხისმგებელი ვართ და ამ ვითარებას კრიზისს ვერ დავარქმევდი", - განაცხადა კობახიძემ.

უზენაესი სასამართლოს მოსამართლეობის კანდიდატთა სიასთან დაკავშირებით, კობახიძე აცხადებს, რომ ამ თემაზე გუნდში აზრთასხვადასხვაობა არსებობს, როგორც პროცედურებთან, ასევე თავად სიასთან დაკავშირებით, რაც კობახიძის შეფასებით ჯანსაღი და დემოკრატიული პროცესია.

"წარსულს ჩავაბარეთ, როდესაც პარლამენტის წევრები ღილაკზე თითის დაჭერით იყვნენ მხოლოდ დაკავებულები. ეს საკითხი დაკავშირებულია მსჯელობასთან და დისკუსიასთან. აქედან გამომდინარე სხვადასხვა მოსაზრება იყო გუნდის შიგნით, ჩვენ თითოეული დეპუტატის მოსაზრებას პატივს ვცემთ", - განაცხადა ირაკლი კობახიძემ.

რაც შეეხება იურიდიულ საკითხთა კომიტეტის თავმჯდომარის თანამდებობიდან ეკა ბესელიას გადადგომაზე განცხადებას, კობახიძე ამბობს, რომ მასზე უფრო მაღალი თანამდებობის პირებსაც ჰქონდათ მოსამართლეების სიაზე განსხვავებული პოზიცია, მაგრამ ასეთი გადაწყვეტილება მხოლოდ ეკა ბესელიამ მიიღო.

კობახიძე განმარტავს, რომ მოსამართლეების სიასთან დაკავშირებული პროცესების შეჩერება ბესელიას წასვლაზე არ იყო დამოკიდებული, რადგან ზუსტად წინა დღეს, პარლამენტმა ეს პროცესი ისედაც შეაჩერა.

რაც შეეხება ეკა ბესელიას წასვლის მიზეზებს, კობახიძე ამბობს, რომ ამაზე საუბარი არ სურს, რადგან ეს "შიდა სამზარეულოა. მესმის რომ საზოგადოებას აინტერესებს, მოგვიანებით შეიძლება გავიაროთ გუნდის შიგნით და ვთქვათ... სხვადასხვა მიზეზი ჰქონდა", - განაცხადა ირაკლი კობახიძემ.

"არ უნდა დაუპირისპირდე თანაგუნდელს, არ უნდა გამოიტანო ეს გარეთ. ეს ოქროს წესია. ეს არ იყო ერთეული, იყო სხვა შემთხვევებიც, სადაც იყო ნიშნები გარკვეული წესების დარღვევის. ყველა დეპუტატთან გვაქვს ამასთან დაკავშირებით საუბარი და ეს არის საერთო სულისკვეთება, შიგნით ყველას უნდა მოვუწოდოთ წესების დაცვისკენ და თუ ეს იქნება უზრუნველყოფილი, დარწმუნებული ვარ, ზოგადი სურათი ძალიან ჯანსაღი და სწორი იქნება", - თქვა პარლამენტის თავმჯდომარემ.

პარლამენტის თავმჯდომარემ ასევე ხაზი გაუსვა გუნდური მუშაობის აუცილებლობასაც.

ბესელიამ გადადგომაზე განცხადება 27 დეკემბერს გააკეთა. მისი თქმით, ამ გადაწყვეტილებით გუშინ შეჩერდა პროცესი, რომელიც, მისი აზრით, საზიანო იყო და შეეხება უზენაესი სასამართლოს მოსამართლეების დანიშვნის "ნაჩქარევ და გაუმართლებელ პროცესს". 

24 დეკემბერს იუსტიციის უმაღლესმა საბჭომ უზენაეს სასამართლოში წარსადგენ მოსამართლეთა 10 კანდიდატურა დაასახელა.

კანდიდატები არიან: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე.

სიამ პოლიტიკურ და საზოგადოებრივ წრეებში კრიტიკა გამოიწვია. 26 დეკემბერს ცნობილი გახდა, რომ პარლამენტი უზენაესი სასამართლოს მოსამართლეების განწესების გადაწყვეტილებას მიმდინარე სესიაზე არ მიიღებს.

ყველა სიახლე

ნაცისტები

16 დეკემბერი 2019, 00:54

მსოფლიო

ბერლინში მაღალჩინოსანი ნაცისტის საფლავი ამოთხარეს

ჰეიდრიხი რაიხის უსაფრთხოების მთავარი ოფისის ხელმძღვანელი იყო SS-ის ლიდერის ჰაინრიხ ჰიმლერის დროს. ოფისს გესტაპო და ნაცისტური უსაფრთხოების სამსახურები აკონტროლებდნენ. ჰეიდრიხი ებრაელი ხალხის მიერ ნაცისტების გენოციდის ერთ-ერთი ავტორიც იყო.

თურქეთი

16 დეკემბერი 2019, 00:34

მსოფლიო

ანკარა ვაშინგტონს ინჯირლიკის ავიაბაზის დახურვით დაემუქრა

რეჯეფ თაიფ ერდოღანი აშშ-ს ორი სამხედრო ბაზის დახურვით დაემუქრა, სადაც ამერიკელი ჯარისკაცები არიან, "თუ ამის საჭიროება იქნება", - თქვა ერდოღანმა სატელევიზიო ინტერვიუში. მათ შორის ერთი ინჯირლიკის ავიაბაზაა. თურქეთში, ინჯირლიკის ავიაბაზა აშშ-სა და ნატოსთვის სტრატეგიული ობიექტია.

უილ პოულტერი

16 დეკემბერი 2019, 00:15

კულტურა

უილ პოულტერი Amazon​-ის „ბეჭდების მბრძანებელს“ გამოეთიშა

სერიალის სიუჟეტი ამ დრომდე გასაიდუმლოებულია. ცნობილია, რომ მოვლენები პიტერ ჯექსონის ტრილოგიამდე 3000 წლით ადრე განვითარდება და ჯონ ტოლკინის ნაწარმოებებზე იქნება დაფუძნებული. ცნობილია, რომ პროექტში ითამაშებენ მსახიობები: მარკელა კავება, ​ჯოზეფ მოული და მაქს ბოლდრი.

სოზარ სუბარი

16 დეკემბერი 2019, 00:04

საქართველო

სოზარ სუბარი საარჩევნო სისტემაზე რეფერენდუმის ან პლებისციტის ჩატარების მომხრეა

პრემიერმინისტრის მრჩეველი სოზარ სუბარი ფიქრობს, რომ საარჩევნო სისტემასთან დაკავშირებით ჯანდაცვის კომიტეტის ყოფილ თავმჯდომარეს და უმრავლესობის ყოფილ წევრს აკაკი ზოიძეს კარგი ინიციატივა ჰქონდა. საუბარია საარჩევნო სისტემასთან დაკავშირებით რეფერენდუმის ან პლებისციტის ჩატარებასთან დაკავშირებით.

სოზარ სუბარი

15 დეკემბერი 2019, 23:43

საქართველო

სოზარ სუბარი გიგა ბოკერიას საქმეზე: აქ ლაპარაკი პოლიტიკურ დევნაზე არ არის

პრემიერმინისტრის მრჩევლის სოზარ სუბარის განცხადებით, როდესაც ადამიანი წინასწარ პატიმრობაში არ არის, გამოძიება ვადებში შეზღუდული არაა და ის გრძელდება იმგვარად, რის შესაძლებლობასაც საქმის მასალები იძლევა. ბოკერია პროკურატურაში გამოკითხვაზე 16 დეკემბერს არის დაბარებული.

PewDiePie

15 დეკემბერი 2019, 23:40

ტექნოლოგიები

ყველაზე პოპულარული ბლოგერი PewDiePie YouTube-ს ტოვებს

30 წლის შვედი ბლოგერი ვებგვერდის ყველაზე პოპულარული ვარსკვლავია. მას 102 მილიონზე მეტი გამომწერი ჰყავს. თავიდან ჩელბერგი თავის არხზე ვიდეოთამაშების მიმოხილვებს აქვეყნებდა, თუმცა შემდეგ მის ვიდეოებში სხვადასხვა, მათ შორის პოლიტიკური თემების განხილვა დაიწყო.

გრეტა ტუნბერგი

15 დეკემბერი 2019, 23:23

მსოფლიო

Deutsche Bahn-მა ტუნბერგის შენიშვნას გადავსებულ მატარებლებზე მინიშნებებით უპასუხა

კლიმატის აქტივისტმა გრეტა ტუნბერგმა საკუთარ თავზე გამოსცადა თუ რატომ ჩივიან გერმანიაში ადამიანები მატარებლების მომსახურებით. მან Twitter-ზე ფოტო დაპოსტა, სადაც Deutsche Bahn-ის გადაჭედილი მატარებლით შვედი აქტივისტი გაეროს კლიმატის კონფერენციიდან (რომელიც მადრიდში გაიმართა) სამშობლოში ბრუნდება.

დემონსტრაცია დელიში

15 დეკემბერი 2019, 23:01

მსოფლიო

ინდოეთში დემონსტრანტების პოლიციასთან შეტაკებებს მსხვერპლი მოჰყვა

აქციის მონაწილეები ახალ კანონს აპროტესტებენ, რომლის მიხედვითაც, პაკისტანიდან, ბანგლადეშიდან და ავღანეთიდან არალეგალურად ჩასულ მიგრანტებს ინდოეთის მოქალაქეობის მიღება შეუძლიათ. ინდოეთის მოსახლეობა შიშობს, რომ ეს მიგრანტების ნაკადის გაზრდას გამოიწვევს.

შარლ გიუდენი

15 დეკემბერი 2019, 22:39

მსოფლიო

საფრანგეთი რუსეთს ნაპოლეონის ბავშვობის მეგობრის ნეშტის გადაცემას სთხოვს

ემანუელ მაკრონმა გენერლის ნეშტის გადაცემასთან დაკავშირებით ღონისძიებების გატარება მოითხოვა და დაიგეგმა ცერემონია, რომელშიც ვლადიმერ პუტინიც იქნება მიწვეული. სმოლენსკის პარკში ნაპოლეონის ბავშვობის მეგობრის, შარლ გიუდენის ნეშტი 2019 წლის ივლისში იპოვეს.

ბუგენვილი

15 დეკემბერი 2019, 22:17

მსოფლიო

წყნარ ოკეანეში მალე შესაძლოა ახალი ქვეყანა ბუგენვილი გაჩნდეს

ადგილობრივი საარჩევნო კომისიის მონაცემებით, რეფერენდუმში მონაწილეთა 98%-ზე მეტმა მხარი დაუჭირა, აქტივობა 87% იყო. რეფერენდუმს წინ უძღოდა ათწლიანი სამოქალაქო ომი, რომელშიც გარკვეული შეფასებით, ადგილობრივი მოსახლეობის დაახლოებით 10% (სულ ცოტა15 ათასი ადამიანი) დაიღუპა.

დემონსტრაცია თურქეთში ფემინისტები

15 დეკემბერი 2019, 22:09

მსოფლიო

თურქეთის პარლამენტში ქალების მიმართ ძალადობა გააპროტესტეს

ოპოზიციური „რესპუბლიკური პარტიის“ წევრმა ქალებმა მაგიდებზე მუშტების ბრახუნი დაიწყეს და ჩილეს ფემინისტური ჯგუფის Las Tesis სიმღერა „Rapist Is You“ (მოძალადე შენ ხარ) შეასრულეს. მათ კოლეგებს კი ხელში ოჯახური ძალადობის შედეგად მოკლული ქალების სურათები ეკავათ.

მესუთ ოზილი

15 დეკემბერი 2019, 21:46

სპორტი

მესუთ ოზილის პოსტის გამო ჩინეთის CCTV-ი „არსენალი“-„მანჩესტერ სიტის“ თამაშს არ უჩვენებს

ჩინეთის საზოგადოებრივმა არხმა CCTV-მა კვირას "არსენალი" - "მანჩესტერ სიტის" საფეხბურთო მატჩი ეთერიდან მას შემდეგ მოხსნა, რაც ნახევარმცველმა მესუთ ოზილმა Twitter-ზე ჩინეთში უიღური მუსლიმების მდგომარეობა გააკრიტიკა. "არსენალი" მისი ფეხბურთელის განცხადებას გაემიჯნა.

ევო მორალესი

15 დეკემბერი 2019, 21:32

მსოფლიო

ბოლივიის მთავრობა ევო მორალესის დაკავების ორდერს გასცემს

შესაბამისი განცხადება ქვეყნის პრეზიდენტის მოვალეობის შემსრულებელმა ჟანინ ანიესმა განაცხადა. „მორალესმა იცის, რომ დაბურნების შემთხვევაში ქვეყნის წინაშე პასუხი უნდა აგოს. რა თქმა უნდა, უახლოეს დღეებში მისი დაკავების ორდერიც გაიცემა, რადგან შესაბამის ორგანოებს ასეთი მოთხოვნით უკვე მივმართეთ“, - თქვა ანიესმა.

ბოტსვანა

15 დეკემბერი 2019, 21:12

მსოფლიო

ბოტსვანაში საკვლევი სპილოს მოკვლისთვის ორ მონადირეს ლიცენზია გაუუქმეს

მაიკლ ლი პოტერმა და კევინ შარპიმ ნადირობაზე ლიცენზია თავიანთი ინიციატივით ჩააბარეს. მაისში ბოტსვანამ სპილოებზე ნადირობის შესახებ აკრძალვა გააუქმა, რადგან ბოლო პერიოდში ადგილობრივ მოსახლეობასა სპილოებს შორის კონფლიქტიც გაიზარდა. ბოტსვანაში სპილოების რაოდენობამ 130 ათას მიაღწია.

შპიონი ჯაშუში ჩინეთი

15 დეკემბერი 2019, 20:48

მსოფლიო

NYT: ვაშინგტომნმა ჯაშუშობაში ეჭვმიტანილი ჩინელი დიპლომატები ქვეყნიდან ჩუმად გააძევა

აშშ-ის ხელისუფლების წარმომადგენლების მოსაზრებით, სულ ცოტა ერთ-ერთი დიპლომატი ჩინეთის დაზვერვის თანამშრომელი იყო. როგორც NYT-ი აღნიშნავს, ეს სავარაუდოდ 1987 წლის შემდეგ ჯაშუშობის ბრალდებით დიპლომატის გაძევების პირველი შემთხვევაა.

წიწაკა ჩილი

15 დეკემბერი 2019, 20:31

ტექნოლოგიები

რატომ გვიყვარს ცხარე - სამი თეორია

მსოფლიოში ცხარე კერძების მილიარდობით მოყვარულია. BBC-მ ამ საკითხს ვრცელი სტატია მიუძღვნა, რომელშიც ცდილობს უპასუხოს კითხვას - რატომ გვიყვარს ცხარე? სტატიაში ამ კითხვაზე სამი სავარაუდო პასუხია წარდგენილი. მეცნიერებმა ასევე დაადგინეს, რომ ქალებს და კაცებს ცხარე საკვების შერჩევისას სხვადასხა მიზეზები ამოძრავებთ.

ცენზურა

15 დეკემბერი 2019, 20:12

კულტურა

ტელეარხმა Россия 1 ეთერში სიმღერიდან სიტყვა „პროტესტები“ ამოჭრა

რუსულმა ტელეარხმა "Россия 1" ეთერიდან სიტყვა "პროტესტები" მუსიკალური დაჯილდოება "ვიქტორია"-დან ამოჭრა. ამის შესახებ მუსიკალურმა ჯგუფმა Би-2-მა დაწერა და ვიდეოც გამოაქვეყნა. ჯგუფ "კურტ კობეინის" სიმღერის დროს ვოკალისტის ხმა იქ წყდება, სადაც ის სიტყვა "პროტესტებს" ამბობს.

წყალდიდობა საფრანგეთი

15 დეკემბერი 2019, 19:50

მსოფლიო

საფრანგეთში წყალდიდობას მსხვერპლი მოჰყვა

საფრანგეთის სამხრეთ-დასავლელთით წყალდიდობას და ქარიშხალს ორი ადამიანი ემსხვერპლა. ამის შესახებ Deutsche Welle წერს. გამოცემის ინფორმაციით, სტიქიის ეპიცენტრში ქარის სიჩქარე საათში 142 კილომეტრს აღწევდა. რეგიონიდან 600-მდე ადამიანია ევაკუირებული, 25 000 სახლი ელექტროენერგიის გარეშე დარჩა.

გიგა ბოკერია

15 დეკემბერი 2019, 19:29

ძალოვნები

გიგა ბოკერია პროკურატურაში გამოკითხვაზე დაიბარეს

"ევროპული საქართველოს" ერთ-ერთი ლიდერი, გიგა ბოკერია პროკურატურაში გამოკითხვაზე დაიბარეს. ბოკერია საგამოძიებო უწყებაში ხვალ, 16 დეკემბერს უნდა მივიდეს. როგორც "იმედს" პროკურატურაში უთხრეს, საქმე უშიშროების საბჭოს პერიოდში მუშაობას შეეხება.

ამაზონის ტყე

15 დეკემბერი 2019, 19:21

მსოფლიო

ბრაზილიაში ამაზონის ტყეში ორჯერ მეტი ტყის მასივი გაიჩეხა ვიდრე გასულ წელს

INPE-ს მონაცემებით, ნოემბერში ამაზონში 563 კვადრატული კილომეტრის ტყე მოიჭრა, რაც გასული წლის ნოემბერთან შედარებით 104 %-ით მეტია. ამასთან, ეს ერთი თვისთვის ყველაზე მაღალი მაჩვენებელია 2015 წლის შემდეგ. ჯამში 2019 წლის 11 თვეში 8974 კვადრატული კილომეტრი ტყე განადგურდა.