imedi /  29 დეკემბერი 2018, 20:27 / სანდო წყარო

კობახიძე: მოსამართლეთა სიაზე პროცესის შეჩერება ბესელიას წასვლაზე დამოკიდებული არ ყოფილა

ირაკლი კობახიძე

ირაკლი კობახიძე

პარლამენტის თავმჯდომარე ირაკლი კობახიძე აცხადებს, რომ უმრავლესობაში კრიზისი არ არის, არამედ არის პროცესები, "რომელიც გადაივლის". ამის შესახებ ირაკლი კობახიძემ "ქრონიკის" ეთერში განაცხადა.

პარლამენტის თავმჯდომარის თქმით, "ქართულ ოცნებას" აქვს იმის რესურსი, რომ პროცესები მაქსიმალურად მართოს, "ამაზე პასუხისმგებელი ვართ და ამ ვითარებას კრიზისს ვერ დავარქმევდი", - განაცხადა კობახიძემ.

უზენაესი სასამართლოს მოსამართლეობის კანდიდატთა სიასთან დაკავშირებით, კობახიძე აცხადებს, რომ ამ თემაზე გუნდში აზრთასხვადასხვაობა არსებობს, როგორც პროცედურებთან, ასევე თავად სიასთან დაკავშირებით, რაც კობახიძის შეფასებით ჯანსაღი და დემოკრატიული პროცესია.

"წარსულს ჩავაბარეთ, როდესაც პარლამენტის წევრები ღილაკზე თითის დაჭერით იყვნენ მხოლოდ დაკავებულები. ეს საკითხი დაკავშირებულია მსჯელობასთან და დისკუსიასთან. აქედან გამომდინარე სხვადასხვა მოსაზრება იყო გუნდის შიგნით, ჩვენ თითოეული დეპუტატის მოსაზრებას პატივს ვცემთ", - განაცხადა ირაკლი კობახიძემ.

რაც შეეხება იურიდიულ საკითხთა კომიტეტის თავმჯდომარის თანამდებობიდან ეკა ბესელიას გადადგომაზე განცხადებას, კობახიძე ამბობს, რომ მასზე უფრო მაღალი თანამდებობის პირებსაც ჰქონდათ მოსამართლეების სიაზე განსხვავებული პოზიცია, მაგრამ ასეთი გადაწყვეტილება მხოლოდ ეკა ბესელიამ მიიღო.

კობახიძე განმარტავს, რომ მოსამართლეების სიასთან დაკავშირებული პროცესების შეჩერება ბესელიას წასვლაზე არ იყო დამოკიდებული, რადგან ზუსტად წინა დღეს, პარლამენტმა ეს პროცესი ისედაც შეაჩერა.

რაც შეეხება ეკა ბესელიას წასვლის მიზეზებს, კობახიძე ამბობს, რომ ამაზე საუბარი არ სურს, რადგან ეს "შიდა სამზარეულოა. მესმის რომ საზოგადოებას აინტერესებს, მოგვიანებით შეიძლება გავიაროთ გუნდის შიგნით და ვთქვათ... სხვადასხვა მიზეზი ჰქონდა", - განაცხადა ირაკლი კობახიძემ.

"არ უნდა დაუპირისპირდე თანაგუნდელს, არ უნდა გამოიტანო ეს გარეთ. ეს ოქროს წესია. ეს არ იყო ერთეული, იყო სხვა შემთხვევებიც, სადაც იყო ნიშნები გარკვეული წესების დარღვევის. ყველა დეპუტატთან გვაქვს ამასთან დაკავშირებით საუბარი და ეს არის საერთო სულისკვეთება, შიგნით ყველას უნდა მოვუწოდოთ წესების დაცვისკენ და თუ ეს იქნება უზრუნველყოფილი, დარწმუნებული ვარ, ზოგადი სურათი ძალიან ჯანსაღი და სწორი იქნება", - თქვა პარლამენტის თავმჯდომარემ.

პარლამენტის თავმჯდომარემ ასევე ხაზი გაუსვა გუნდური მუშაობის აუცილებლობასაც.

ბესელიამ გადადგომაზე განცხადება 27 დეკემბერს გააკეთა. მისი თქმით, ამ გადაწყვეტილებით გუშინ შეჩერდა პროცესი, რომელიც, მისი აზრით, საზიანო იყო და შეეხება უზენაესი სასამართლოს მოსამართლეების დანიშვნის "ნაჩქარევ და გაუმართლებელ პროცესს". 

24 დეკემბერს იუსტიციის უმაღლესმა საბჭომ უზენაეს სასამართლოში წარსადგენ მოსამართლეთა 10 კანდიდატურა დაასახელა.

კანდიდატები არიან: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე.

სიამ პოლიტიკურ და საზოგადოებრივ წრეებში კრიტიკა გამოიწვია. 26 დეკემბერს ცნობილი გახდა, რომ პარლამენტი უზენაესი სასამართლოს მოსამართლეების განწესების გადაწყვეტილებას მიმდინარე სესიაზე არ მიიღებს.

ყველა სიახლე

20 სექტემბერი 2019, 00:58

ტექნოლოგიები

აშშ-სა და კანადაში ფრინველების პოპულაცია 3 მილიარდით შემცირდა

აშშ-სა და კანადაში ბოლო 50 წელია ფრინველების პოპულაცია 3 მილიარდით შემცირდა, წერს BBC ორ კვლევაზე დაყრდნობით. პირველი კვლევის თანახმად მეცნიერები აცხადებენ, რომ ტყვეობაში ფრინველების პოპულაცია მცირდება.

შარლ ჟერარი

20 სექტემბერი 2019, 00:27

კულტურა

მსახიობი შარლ ჟერარი გარდაიცვალა

პარიზში, ცნობილი ფრანგი მსახიობი შარლ ჟერარი 92 წლისა გარდაიცვალა, წერს Le Mond-ი. გამოცემის ცნობით, მსახიობი ავადმყოფობდა. ის პარიზის ერთ-ერთ კლინიკაში გადაიყვანეს და სიცოცხლის ბოლო დღეები იქ გაატარა. შარლ ჟერარი მსახიობ ჟან-პოლ ბელმონდოსთან მეგობრობდა. ის რეჟისორ კლოდ ლელუშის საყვარელი მსახიობი იყო.

19 სექტემბერი 2019, 23:40

ძალოვნები

პორნოგრაფიის საქმეზე დაკავებულებს პატიმრობა შეეფარდათ

ბრალდებულებს დანაშაულებრივ საქმიანობაში, მშობლების თანხმობით, ჩაბმული ჰყავდათ 8-დან 14 წლამდე ასაკის 10-მდე არასრულწლოვანი გოგო. დანაშაულებრივი ჯგუფის ორგანიზატორები მოზარდების მშობლებს ფოტოების გადაღების სანაცვლოდ 500-დან 3000 ლარამდე თანხას უხდიდნენ.

ავტოავარია

19 სექტემბერი 2019, 23:07

ტექნოლოგიები

ცნობილია სიმღერები, რომლებიც ავტომობილის მართვისას ავარიის რისკს ზრდის

მძღოლები, რომლებსაც მუსიკა ხმამაღლა აქვთ ჩართული და აგრესიულ როკ-მუსიკას უსმენენ ხშირ შემთხვევაში ავტოავარიაში ხვდებიან. ეს ჩინეთში, ტექნოლოგიურ უნივერსიტეტში ჩატარებულმა კვლევამ აჩვენა.

აფეთქება

19 სექტემბერი 2019, 22:24

მსოფლიო

თურქეთში ქიმიურ ქარხანაში ძლიერი აფეთქება მოხდა

თურქეთში, სტამბოლში ქიმიურ ქარხანაში ძლიერი აფეთქება მოხდა, წერს BBC. დაშავებულია ორი მეხანძრე და საწარმოს რამდენიმე თანამშრომელი. გამოცემის ცნობით, ქიმიურ ქარხანაში ჯერ ხანძარი გაჩნდა, შემდეგ კი ლითონის ბაკი აფეთქდა. ინციდენტის შედეგად დაღუპულების შესახებ ინფორმაცია ჯერ არ ვრცელდება.

პარლამენტი

19 სექტემბერი 2019, 22:10

საქართველო

20 სექტემბერს პარლამენტის შენობაში შესვლა შეიზღუდება

საქართველოს პარლამენტი „უსაფრთხოების დამატებითი ზომების“ შესახებ ინფორმაციას ავრცელებს. ტექსტში წერია, რომ „აღნიშნული ღონისძიების მიზანია შესაძლო პროვოკაციების პრევენცია და საქართველოს პარლამენტის წევრებისა და აპარატის თანამშრომლებისთვის სამუშაო პირობების უზრუნველყოფა“.

19 სექტემბერი 2019, 21:26

ძალოვნები

შსს: აგარასთან პატრულის მანქანას ტრაილერი შეეჯახა

დაბა აგარის მიმდებარე ტერიტორიაზე მომხდარ ავტოსაგზაო შემთხვევასთან დაკავშირებით, შსს ინფორმაციას ავრცელებს. დაშავებულები სასწრაფო სამედიცინო დახმარების ჯგუფებმა ქარელისა და გორის სამკურნალო დაწესებულებებში გადაიყვანეს. გ.ტ.-ს მდგომარეობა მძიმეა, გ.ხ.-ს მდგომარეობა კი დამაკმაყოფილებელი.

პერევი

19 სექტემბერი 2019, 21:09

საქართველო

პერევის „გამშვები პუნქტი“ 4 დღით ჩაიკეტა

პერევის ე.წ „გამშვები-პუნქტი“ 4 დღით ჩაიკეტა. დე-ფაქტო მთავრობის გადაწყვეტილება 20 საათიდან შევიდა ძალაში. ე.წ. სამხრეთ ოსეთის რეჟიმი ამას არაღიარებული რესპუბლიკის დღისადმი მიძღვნილ ღონისძიებებს უკავშირებს. საქართველოს ცენტრალური მთავრობა კი ადამიანის უფლებათა მასობრივ და უხეშ დარღვევებზე აკეთებს აქცენტს.

19 სექტემბერი 2019, 20:58

ძალოვნები

საქართველომ რუსეთს ტერორიზმში ბრალდებული რამზან ახიადოვი გადასცა

ეროვნებით ჩეჩენი, რუსეთის ფედერაციის მოქალაქე რამზან ახიადოვი საქართველომ რუსეთს გადასცა. ახიადოვი ტერორისტულ დანაშაულშია ბრალდებული, მათ შორის ისლამური სახელმწიფოს ინტერესებში ხალხის მობილიზებისა და ბრძოლის ეპიზოდებში.

ნინო ლომჯარია

19 სექტემბერი 2019, 20:55

საქართველო

ლომჯარიამ პარლამენტში 2018 წლის ანგარიში წარადგინა

სახალხო დამცველმა ნინო ლომჯარიამ პარლამენტს 2018 წლის ანგარიში წარუდგინა. 20-21 ივნისის რუსთაველის გამზირზე განვითარებული მოვლენები დოკუმენტში არ შედის, თუმცა, როგორც ნინო ლომჯარიამ აღნიშნა, ამ პროცესმა 2018 წლის საკმაოდ პოზიტიურ შეჯამებას ჩრდილი მიაყენა. გაჩნდა ბევრი კითხვაც. გამოსვლა 50 წუთს გაგრძელდა.

რომი, ტრევის შადრევანი.

19 სექტემბერი 2019, 20:35

კულტურა

რომში ტრევის შადრევანს განათება შეუცვალეს

რომში, ტრევის ცნობილი შადრევანის განათების სისტემა განახლდა. ახალი განათება შადრევნის დეტალებს ხაზს გაუსვამს. ახალი განათების პრეზენტაცია ტურისტების წინაშე გუშინ შედგა. ცერემონიას რომის მერი ვირჯინია რადჯი და ქალაქის ენერგოკომპანიის წარმოამდგემლები ესწრებოდნენ. ახალი განათების დიზაინი Fendi-ს მოდის სახლს ეკუთვნის.

უკრაინა

19 სექტემბერი 2019, 20:12

მსოფლიო

სერბეთში უკრაინის ელჩი საერთაშორისო საზოგადოებას რუსეთის დაშლისკენ მოუწოდებს

სერბეთში უკრაინის ელჩი ალექსანდრ ალექსანდროვიჩი საერთაშორისო საზოგადოებას მოუწოდებს, სტრატეგიულ მიზნად რუსეთის დაშლა დაისახონ. ვრცელი სტატია დიპლომატმა უკრაინულ პორტალ Censor-ზე გამოაქვეყნა. „ჩვენი მოქმედება უნდა იყოს შემტევი და მიზნად რუსეთის დაშლას უნდა ისახავდეს“, - ნათქვამია სტატიაში.

შვეიცარიის პარლამენტი

19 სექტემბერი 2019, 20:00

მსოფლიო

შვეიცარიის პარლამენტში მუსიკალური პროტესტი მოაწყვეს

შვეიცარიის პარლამენტში Klimastreik-ის მოძრაობის აქტივისტებმა მუსიკალური პროტესტი მოაწყვეს. სხდომაზე მათ გიგანტური პლაკატი გაშალეს და ლეგენდარული იტალიური სიმღერა Bella Ciao იმღერეს. ამ ფორმით ახალგაზრდებმა კანონმდებლებს კლიმატის ცვლილების პრობლემასთან აქტიური ბრძოლისკენ მოუწოდეს.

პროკურატურა

19 სექტემბერი 2019, 19:50

ძალოვნები

პროკურატურა სახალხო დამცველს პასუხობს

საქართველოს პროკურატურა მუდმივად თანამშრომლობს სახალხო დამცველთან, მაქსიმალურად ხელს უწყობს მისი საქმიანობის განხორციელებას და მომავალშიც კვლავ მზადყოფნას გამოთქვამს კანონის გათვალისწინებით განაგრძოს ამ მიმართულებით მუშაობა. ამ შინაარსის განცხადებას საგამოძიებო უწყება ავრცელებს.

ნადეჟდა სავჩენკო

19 სექტემბერი 2019, 19:38

მსოფლიო

ნადეჟდა სავჩენკო სატელევიზიო გადაცემას წაიყვანს

ნადეჟდა სავჩენკო უკრაინის უმაღლესი რადის ყოფილი დეპუტატი უკრაინულ ტელეკომპანია Zik-ზე გადაცემას წაიყვანს. სავჩენკო ტელემაყურებლებს პარლამენტის საიდუმლოებებსა და კულუარულ ამბებს მოუყვება. ყოფილი დეპუტატი აცხადებდა, რომ სამსახურს ვერ შოულობდა და ციხეში შერყეული ჯანმრთელობის გამო ვერც სამხედრო სამსახურში ბრუნდებოდა.

ზინ ელ-აბიდინ ბენ ალი

19 სექტემბერი 2019, 19:15

მსოფლიო

ტუნისის ყოფილი პრეზიდენტი გარდაიცვალა

12 სექტემბერს გავრცელდა ინფორმაცია, რომ ტუნისის ყოფილი პრეზიდენტის მდგომარეობა კრიტიკული იყო. 83 წლის ექსპრეზიდენტი საუდის არაბეთის ქალაქ ჯიდას ერთ-ერთ საავადმყოფოში მოათავსეს. გავრცელებული ინფორმაციით, ყოფილი პრეზიდენტი რამდენიმე წლის განმავლობაში კიბოს ებრძოდა. ბენ ალი ტუნისს 1987 წლიდან 2011 წლამდე მართავდა.

ლევან მჭედლიძე

19 სექტემბერი 2019, 18:50

სპორტი

ლევან მჭედლიძე თბილისის დინამოს ფეხბურთელი გახდა

ლევან მჭედლიძე ოფიციალურად, თბილისის „დინამოს“ ფეხბურთელია. ინფორმაციას თბილისის „დინამო“ ავრცელებს. განცხადებაში აღნიშნულია რომ, თავდამსხმელთან ხელშეკრულება 1+1 სისტემით გაფორმდა. 29 წლის თავდამსხმელი 2008 წლიდან იტალიაში თამაშობდა.

საქართველოს ტანვარჯიშის ფედერაცია

19 სექტემბერი 2019, 18:42

სპორტი

ტანვარჯიშის მსოფლიო ჩემპიონატზე სალომე ფაჟავა ფინალში გავიდა

ბაქოში მიმდინარე ტანვარჯიშის მსოფლიო ჩემპიონატზე სალომე ფაჟავა მრავალჭიდის ფინალში გავიდა. საქართველოს ტანვარჯიშის ფედერაციის ინფორმაციით, საქართველოს გუნდმა 42 ქვეყანას შორის მე–9 ადგილი გუნდურ ასპარეზობაში დაიკავა, რაც კარგი შედეგია.

შონ ბინი სამეფო კარის თამაშები

19 სექტემბერი 2019, 18:27

კულტურა

შონ ბინი უარს ამბობს როლზე თუ მისი პერსონაჟი კვდება

მსახიობი შონ ბინი უარს ამბობს როლებზე ფილმებში, რომლებშიც მის პერსონაჟებს სიკვდილი ელის. ამის შესახებ The Sun-ი წერს. „უკვე ბევრ როლზე ვთქვი უარი. მაყურებელი ხვდება, რომ ჩემი პერსონაჟი მოკვდება, რადგან მას მე ვთამაშობ. გადარჩენა უნდა დავიწყო, თორემ ყველაფერი ადვილად პროგნოზირებადი ხდება“, - ამბობს ბინი.

ჯიმი კარტერი

19 სექტემბერი 2019, 18:27

მსოფლიო

ჯიმი კარტერი: პრეზიდენტობისთვის ასაკობრივი ზღვარი უნდა არსებობდეს

ამის შესახებ მან კარტერის ცენტრში სიტყვით გამოსვლისას განაცხადა, რითაც არაპირდაპირ მიანიშნა, რომ დემოკრატიული პარტიის ყველაზე რეიტინგულ საპრეზიდენტო კანდიდატები ჯო ბაიდენი და ბერნი სანდერსი ამ ზღვარს უახლოვდებიან. ცნობისათვის, ჯო ბაიდენი 76-ის, ბერნი სანდერსი კი 78 წლისაა.