imedi /  26 ივნისი 2020, 14:56 / სანდო წყარო

გიორგი გახარია: ჩვენს საპენსიო ასაკის მასწავლებლებს ჯანმრთელობის დაზღვევა სიცოცხლის ბოლომდე შეუნარჩუნდებათ

გიორგი გახარია

გიორგი გახარია

ადამიანური კაპიტალი საქართველოს შემთხვევაში არის ეკონომიკური განვითარების ძირითადი მამოძრავებელი ძალა და საბოლოო ჯამში ძირითადი რესურსი, აქედან გამომდინარე, ერთადერთი სწორი გადაწყვეტილებაა განათლების სისტემური რეფორმა, რამეთუ კომპეტენციის თვალსაზრისით ადამიანური კაპიტალი ქვეყანაში სულ უფრო და უფრო ეფექტურად იზრდებოდეს, - ამის შესახებ საქართველოს პრემიერ-მინისტრმა, გიორგი გახარიამ პარლამენტში წლიური ანგარიშის წარდგენისას განაცხადა.

მთავრობის მეთაურის შეფასებით, ამას აქვს მარტივი მიზანი - ყველაფერი უნდა გაკეთდეს იმისთვის, რომ ახალგაზრდები, საქართველოს განათლების სისტემის გავლის შემდეგ, გლობალურ ბაზარზე იყვნენ კონკურენტუნარიანები.

„სხვა შემთხვევაში, ქართველი ახალგაზრდები, რომლებიც გაივლიან ქართულ განათლების სისტემას, ვერ გაუწევენ კონკურენციას გლობალურ ბაზარზე თავიანთ თანატოლებს, რომლებსაც ღირსეული, ეფექტური, უფრო წარმატებული განათლების სისტემა ექნებათ გამოვლილი. ეს არის სისტემური პრობლემა, რომელიც გამოსასწორებელია. მაგრამ ამასთან ერთად, უნდა ვიყოთ რეალისტები და გვესმოდეს, რომ განათლების სისტემური რეფორმა არის გრძელვადიანი და კომპლექსური რეფორმა, რომელიც მოიცავს განათლების ყველა ეტაპს - როგორც სასკოლო, უმაღლესი, სამეცნიერო თვალსაზრისით და არ უნდა გვქონდეს ილუზია, რომ ეს რეფორმა 1 ან 2 წელიწადში დასრულდება. ჩვენ უნდა ვიყოთ მზად იმისთვის, რომ განათლების რეფორმაზე ბევრ თაობას მოუწევს მუშაობა, რათა სულ უფრო და უფრო მდგრადი იყოს ქართული განათლების სისტემა. ეს არ ნიშნავს იმას, რომ ამაზე მუშაობა არ უნდა დავიწყოთ. რაც შეიძლება სწრაფად უნდა ვიმუშაოთ იმისთვის, რომ პირველი შედეგები უახლოეს პერიოდში დაგვიდგეს“, - განაცხადა პრემიერ-მინისტრმა.

გიორგი გახარიას თქმით, ამ მიმართულებით განათლების სისტემაში ნაბიჯები უკვე გადადგმულია.

„მაგალითისთვის ეს არის ახალი სკოლის მოდელი, რომელშიც ჩართულია 166 სკოლა და ეს ეხება 4 ათასამდე მასწავლებელს; მნიშვნელოვანია, რომ სრულდება სკოლების ინტერნეტიზაციის პროექტი. შედეგად ინტერნეტით სრულად უნდა იყოს დაფარული 2 ათასამდე სკოლა. განათლების საყოველთაო ხელმისაწვდომობის უზრუნველყოფა სხვადასხვა კომპონენტისგან შედგება, თუმცა ისეთი უბრალო თემები, როგორიცაა მაგალითად ტრანსპორტირება, ესეც პრობლემა იყო, ბავშვები უბრალოდ სკოლამდე ვერ მიდიოდნენ. პრობლემა იყო ქართული ენის სწავლის ხელმისაწვდომობაც. სოციალური პროგრამის ფარგლებში, სახელმწიფო სასწავლო გრანტით დღეის მდგომარეობით 1 395 სტუდენტი სარგებლობს. რა თქმა უნდა, მნიშვნელოვანია ახალი სახელფასო პოლიტიკა. შეუძლებელია, ვისაუბროთ განათლების სისტემის ეფექტურ რეფორმაზე, თუ არ გვეყოლება ღირსეულად ანაზღაურებადი მაღალი კომპეტენციის მასწავლებლები, ამიტომ, მასწავლებელთა ხელფასების ზრდის პროგრამა უნდა გაგრძელდეს და გაგრძელდება“, - განაცხადა პრემიერ-მინისტრმა.

მთავრობის მეთაურმა აღნიშნა, რომ საპენსიო ასაკის 8 426 პრაქტიკოსი მასწავლებელი, ღირსეულ პენსიაზე გავიდა ფულადი ჯილდოს გადაცემის შედეგად, რომელიც 2 წლის ხელფასს მოიცავდა.

„2 წლის ხელფასის ერთჯერადად, ფულადი ჯილდოს სახით გადაცემის გარდა, საპენსიო ასაკის ჩვენს მასწავლებლებს შეუნარჩუნდათ სიცოცხლის ბოლომდე ჯანმრთელობის დაზღვევაც. ეს უკიდურესად მნიშვნელოვანი ნაბიჯია და ყველას კარგად უნდა გვესმოდეს, რომ ეს პროგრამა აუცილებლად უნდა გაგრძელდეს. ამ პროგრამას ორი მიზანი აქვს - საპენსიო ასაკს მიღწეულ ადამიანებს, ჩვენს ღვაწლმოსილ პედაგოგებს მივცეთ პენსიაზე ღირსეულად გაცილების შესაძლებლობა და სისტემა შევავსოთ ახალგაზრდა მასწავლებლებით, რომლებმაც სწრაფად უნდა აიმაღლონ კომპეტენცია“,- განაცხადა გიორგი გახარიამ.

პრემიერ-მინისტრის თქმით, საყოველთაო განხილვის საგანია ერთიანი ეროვნული გამოცდები, შესაბამისად, მნიშვნელოვანია აღნიშნოს, რომ განათლების სამინისტროს მიერ დაანონსებული გეგმა ძალაშია და მთავრობა ყველაფერს გააკეთებს, რომ ჯანდაცვის სამინისტროს რეკომენდაციების სრული დაცვით, ეროვნული გამოცდები ჩატარდეს ღირსეულად, როგორც აბიტურიენტებს შეეფერებათ. მთავრობის მეთაურის შეფასებით, უკიდურესად მნიშვნელოვანია უსაფრთხო სკოლის კონცეფცია.

„მოგეხსენებათ, ტრაგიკული შემთხვევები ჩვენს სკოლებში არასრულწლოვნებთან დაკავშირებით, მუდმივი პრობლემა იყო და ამ პრობლემის გამოსწორებას სისტემური მუშაობა სჭირდება. ამ მიმართულებით, უსაფრთხო სკოლის კონცეფცია უმნიშვნელოვანესი კომპონენტია და 2019 წლის განმავლობაში მნიშვნელოვნად გაიზარდა მანდატურის სამსახურის ეფექტურობა რაოდენობრივადაც და ხელფასის თვალსაზრისითაც. სასკოლო ინფრასტრუქტურის განვითარების მიმართულებით, დასრულდა 8 ახალი სკოლის მშენებლობა, მიმდინარეობს და წლის ბოლომდე დასრულდება დამატებით 70 ახალი საჯარო სკოლის მშენებლობა. დასრულდა 717 საჯარო სკოლის რეაბილიტაცია, მიმდინარეობს 111 საჯარო სკოლის სარეაბილიტაციო სამუშაოები, რომელიც ახალ სასწავლო წლამდე დასრულდება“, - აღნიშნა პრემიერ-მინისტრმა.

საქართველოს პარლამენტში მთავრობის მეთაურს უსმენენ. პრემიერის მოსმენით დღეს, პარლამენტში საგაზაფხულო სესია დასრულდება. რეგლამენტის შესაბამისად, თვის ბოლო პარასკევს, სესია იხურება.

ყველა სიახლე

05 ივლისი 2020, 08:03

მსოფლიო

პარიზის სასამართლომ ფრანგ ჯიჰადისტს 30-წლიანი პატიმრობა მიუსაჯა

​​​​​​​პარიზის სასამართლომ საფრანგეთის მოქალაქეს, ტაილერ ვილუსს „ისლამური სახელმწიფოს“ წევრობისას, სირიაში ჩადენილი დანაშაულებისთვის 30 წლით მიუსაჯა პატიმრობა. ვილუსს ბრალი 2013-2015 წლებში ტერორისტული ჯგუფის წევრობაში, ISIS-ის მებრძოლთა ჯგუფის ლიდერობასა და დამამძიმებელ გარემოებაში მკვლელობაში დასდეს.

05 ივლისი 2020, 00:55

ტაბლოიდი

აშშ-ში, მაიამიში უცნაური შეფერილობის ტაქსა დაიბადა

აშშ-ში, მაიამიში (ფლორიდას შტატი) უცნაური შეფერილობის ტაქსა დაიბადა. ამის შესახებ mirror წერს.

05 ივლისი 2020, 00:43

ტაბლოიდი

ჟურნალისტებმა ბრიტანეთის დედოფლის ქოლგების საიდუმლო ამოხსნეს

გამოცემა The Sun-ის ჟურნალისტებმა ბრიტანეთის დედოფლის, ელისაბედ მეორის ქოლგების საიდუმლო ამოხსნეს.

ინდოეთი ოქროს პირბადე

05 ივლისი 2020, 00:30

ტაბლოიდი

ინდოეთში კაცი კორონავირუსისგან დაცვას ოქროსგან დამზადებული ნიღბით ცდილობს

შანკარ კურადემ ოქროსგან დამზადებული ნიღაბი აირჩია, რომელშიც სასუნთქად ნახვრეტებია გაკეთებული. მისი საფასური 3,8 ათას დოლარს აღემატება.

ეთიოპია

05 ივლისი 2020, 00:23

მსოფლიო

ეთიოპიაში მთავრობის მიმართ კრიტიკულად განწყობილი მომღერლის მკვლელობის შემდეგ არეულობას 150-ზე მეტი ადამიანი ემსხვერპლა

სულ მცირე 166 ადამიანი დაიღუპა ეთიოპიაში ძალადობრივი დემონსტრაციის დროს, რომელიც ცნობილი მომღერლის მკვლელობას მოჰყვა. იუწყება მედია პოლიციაზე დაყრდნობით. ეთიოპიაში ცნობილი მომღერლის, ჰანტალუ ჰუნდესას მკვლელობამ საპროტესტო გამოსვლები გამოიწვია, რომელიც არეულობაში გადაიზარდა.

05 ივლისი 2020, 00:01

პოლიტიკა

„ნაცმოძრაობის“ პოლიტსაბჭოს წევრმა, ოთარ სირაძემ რაჭაში აქტივისტს ფიზიკური შეურაცხყოფა მიაყენა. ვიდეო

რაჭა-ლეჩხუმ-ქვემო სვანეთის ყოფილმა გუბერნატორმა და „ნაციონალური მოძრაობის“ პოლიტიკური საბჭოს წევრმა ოთარ სირაძემ ამბროლაურში „ახალგაზრდა მწვანეების“ აქტივისტს, ნიკოლოზ ღლონტს სცემა. ინფორმაციას და ფაქტის დამადასტურებელ ვიდეომასალას „მთის ამბები“ ავრცელებს.

04 ივლისი 2020, 23:59

ტაბლოიდი

შრი-ლანკაზე მდინარის ნაპირიდან ნიანგმა პოლიციელი გაიტაცა

შრი-ლანკაზე ნიანგმა გაიტაცა პოლიციელი, რომელიც მდინარეში ჩავარდნილ ტელეფონს ეძებდა. ამის შესახებ Ada Derana წერს.

ციურიხი

04 ივლისი 2020, 23:40

მსოფლიო

ციურიხის ზოოპარკის თანამშრომელი ვეფხვის თავდასხმას ემსხვერპლა

DW-ის ცნობით, 55 წლის ქალს ვეფხვი მაშინ მიუახლოვდა, როდესაც ის ვოლიერში იმყოფებოდა. ფაქტს რამდენიმე თვითმხილველი ჰყავს, მათ შორის ვიზიტორები და ზოოპარკის სხვა თანამშრომლები, რომლებმაც ქალის დახმარება ვოლიერიდან მისი გამოყვანით სცადეს, თუმცა მისი გადარჩენა ვერ მოახერხეს.

სოზარ სუბარი

04 ივლისი 2020, 23:18

პოლიტიკა

სოზარ სუბარი: საპრეზიდენტო არჩევნებზეც კარგად გამოჩნდა, რატომ არ უნდა ოპოზიციას სიძულვილის ენის აკრძალვა

პრემიერის მრჩეველმა სოზარ სუბარმა მმართველ გუნდსა და ოპოზიციას შორის დიალოგის შუამავალ ელჩებს მადლობა გადაუხადა და აღნიშნა, რომ მათ საქართველოს და მისი პოლიტიკური პროცესის სტაბილურობას დაუჭირეს მხარი.

04 ივლისი 2020, 23:05

საზოგადოება

თბილისის ანძა აშშ-ის დროშის ფერებში განათდა

ამერიკის შეერთებული შტატები დღეს დამოუკიდებლობის 244-ე წლისთავს ზეიმობს. ამ დღის აღსანიშნავად, თბილისის ანძა აშშ-ის სახელმწიფო დროშის ფერებში განათდა.

ილია მეორე

04 ივლისი 2020, 22:47

პოლიტიკა

ილია მეორე: გულითადად გილოცავთ აშშ-ს დამოუკიდებლობის დღეს, გვსურს გამოვხატოთ ჩვენი მადლიერება და პატივისცემა იმ თანადგომისადმი, რაც წლებია ხორციელდება საქართველოს დასახმარებლად

საქართველოს პატრიარქი ილია მეორე ამერიკის შეერთებული შტატების ელჩს, კელი დეგნანს აშშ-ის დამოუკიდებლობის დღეს ულოცავს. პატრიარქის მილოცვას საპატრიარქო ავრცელებს.

04 ივლისი 2020, 22:32

სპორტი

ყაზახეთის საფეხბურთო ჩემპიონატი კორონავირუსის გავრცელების გამო მეორედ შეწყდა

მთავრობამ ვირუსის გავრცელების მატების გამო, 14-დღიანი კარანტინი გამოაცხადა და ეროვნული პირველობაც ავტომატურად შეწყდა.

სოზარ სუბარი

04 ივლისი 2020, 22:20

პოლიტიკა

სოზარ სუბარი: არჩევნების მოგების მაღალი შანსი გვაქვს, რადგან ჩვენს მიმართ ხალხის ნდობა მაღალია

„არჩევნების მოგების მაღალი შანსი გვაქვს, რადგან ჩვენს მიმართ ხალხის ნდობა მაღალია და ეს ყველა გამოკითხვით დასტურდება“, ამის შესახებ პრემიერის მრჩეველმა სოზარ სუბარმა გადაცემაში „ქრონიკა“ განაცხადა.

სოზარ სუბარი

04 ივლისი 2020, 21:59

პოლიტიკა

სოზარ სუბარი: ოპოზიციამ თვითლიკვიდაცია მოახდინა

„იქნება ორპორალური სისტემის დასრულებისკენ გადადგმული მნიშვნელოვანი ნაბიჯი და გაცილებით უფრო მრავალფეროვან პოლიტიკურ ძალებს და დებატებს ვიხილავთ პარლამენტში“, - ამის შესახებ პრემიერის მრჩეველმა სოზარ სუბარმა გადაცემაში „ქრონიკა“ განაცხადა, როდესაც საკონსტიტუციო ცვლილების დამტკიცების თემაზე ისაუბრა.

04 ივლისი 2020, 21:51

სამართალი

პროკურორი: დავით ჭაკუას ორივე საქმესთან დაკავშირებით ბრალდებულ პირთა წრე შესაძლოა, გაფართოვდეს

2006 წლის ე.წ. ციხის ბუნტისა და 2012 წლის ციხის სკანდალური კადრების საქმეებზე ბრალდებულ პირთა წრე შესაძლოა, გაფართოვდეს, – ამის შესახებ საქართველოს პირველ არხს პროკურორმა, გიორგი მუჯირმა განუცხადა. მისი თქმით, გენერალური პროკურატურა ამ საქმეებზე ძიებას აგრძელებს.

სოზარ სუბარი

04 ივლისი 2020, 21:30

პოლიტიკა

სოზარ სუბარი: მთლიანობაში სამართლიანობის აღდგენის პროცესი დამაკმაყოფილებლად მიმდინარეობს

მგონია, რომ მთლიანობაში სამართლიანობის აღდგენის პროცესი ქვეყანაში მიმდინარეობს დამაკმაყოფილებლად. ძალიან კარგად მესმის, რომ უამრავი ადამიანია, რომელსაც წაართვეს ქონება და შეიძლება, დღეს ვერ დაუბრუნდეს; უამრავი ადამიანია, რომელიც ფიქრობს, რომ მისი უშუალო მწამებელი სასჯელს ჯერ კიდევ არ იხდის. ამის შესახებ პრემიერის მრჩეველმა გადაცემაში „ქრონიკა“ განაცხადა.

სალომე ზურაბიშვილი

04 ივლისი 2020, 21:06

საზოგადოება

პრეზიდენტმა ლეჩხუმში რაჩხას ჩანჩქერი, მურის ციხე და უსახელოურის ჯიშის ვაზისგან გაშენენებული ვენახები მოინახულა

საქართველოს პრეზიდენტმა ლეჩხუმში რაჩხას ჩანჩქერი, მურის ციხე და უსახელოურის ჯიშის ვაზისაგან გაშენენებული ვენახები მოინახულა.

სოზარ სუბარი

04 ივლისი 2020, 20:57

პოლიტიკა

სოზარ სუბარი: ევროპულმა სასამართლომ სულ ორიოდე თვის წინ მკაფიოდ თქვა, რომ 2006 წელს ციხის ამბოხის დროს, მოხდა ადამიანების სიცოცხლის დაუსაბუთებელი ხელყოფა

„დავით ჭაკუას სახელი კარგად არის ცნობილი ყველა უფლებადამცველისთვის, რომელიც იმ პერიოდში საქმიანობდა ადამიანის უფლებების დაცვის დარგში, არამხოლოდ საქართველოში, არამედ მის ფარგლებს გარეთ“, - ამის შესახებ პრემიერის მრჩეველმა გადაცემაში „ქრონიკა“ განაცხადა.

ქედა

04 ივლისი 2020, 20:52

სამართალი

ქედაში ავტოსაგზაო შემთხვევას ერთი ადამიანი ემსხვერპლა, სამი კი დაშავდა

ქედაში ავტოსაგზაო შემთხვევას ერთი ადამიანი ემსხვერპლა, სამი კი დაშავდა. სოფელ მეძიბნაში მსუბუქი ავტომობილი ხევში გადავარდა.

სოზარ სუბარი

04 ივლისი 2020, 20:21

პოლიტიკა

სოზარ სუბარი: დავით ჭაკუა ცდილობდა დაემტკიცებინა, რომ საქართველოში არ არის სამართლიანი სასამართლო, რაზეც გერმანულმა მხარემ კატეგორიული უარი თქვა

„დავით ჭაკუა ცდილობდა, რომ საქართველოში არ არის სამართლიანი სასამართლო; რომ პოლიტიკური ნიშნით დევნის მსხვერპლი გახდეს“, - ამის შესახებ პრემიერის მრჩეველმა სოზარ სუბარმა გადაცემაში „ქრონიკა“ განაცხადა.