imedi /  29 ნოემბერი 2020, 11:15 / სანდო წყარო

დღეს საქართველოს მორაგბეთა ეროვნული ნაკრები ირლანდიას დაუპირისპირდება

საქართველოს მორაგბეთა ეროვნული ნაკრები დღეს „შემოდგომის ერთა თასის“ ჯგუფური ეტაპის დასკვნით შეხვედრას ირლანდიის წინააღმდეგ გამართავს.

საქართველოს ნაკრები ირლანდიასთან მატჩს ცვლილებებით ხვდება. ძირითად შემადგენლობას დაუბრუნდა თამაზ მჭედლიძე და სოსო მათიაშვილი. მჭედლიძისთვის ეს მე-60 სანაკრებო შეხვედრა იქნება, კაპიტანი მერაბ შარიქაძე კი ეროვნული გუნდის რიგებში 70-ე თამაშს ჩაატარებს. „უელსთან“ შეხვედრის შემდეგ ოთხი ცვლილებაა შერკინებაში. ირლანდიასთან თამაშს შალვა მამუკაშვილი იწყებს.

ტურნირზე ზედიზედ მესამე მატჩს იწყებენ მიხეილ ნარიაშვილი და ბექა გიგაშვილი. ორი ახალგაზრდა მორაგბეს მიხეილ ალანიას და დავით ნინიაშვილს დღევანდელ შეხვედრაში დებიუტი ექნებათ, ისინი თამაშში სათადარგიო შემადენლობიდან ჩაერთვებიან. ამ გუნდებს აქამდე ოთხჯერ უთამაშიათ ერთმანეთთან და ყველა მატჩი ჩვენი გუნდის მეტოქის სასარგებლოდ დასრულდა. ირლანდია-საქართველოს შორის შეხვედრა 18:00 საათზე დაიწყება და მატჩის პირდაპირ ტრანსლაციას ტელეკომპანია იმედი შემოგთავაზებთ.

დუბლინში „ავივაზე“ ირლანდიასთან გასამართ მატჩამდე ერთი დღით ადრე, ბორჯღალოსნების მთავარმა მწვრთნელმა ლევან მაისაშვილმა და კაპიტანმა მერაბ შარიქაძემ ონლაინ-პრესკონფერენცია გამართეს.

გუნდი დუბლინში გუშინ ჩაფრინდა. მაისაშვილი ამბობს, რომ მთელი კვირის განმავლობაში მშრალი ამინდი იყო და საქართველო უკეთაა მომზადებული, ვიდრე წინა მატჩებში იყო.

„მთელი კვირა მშრალი ამინდი იყო და პირველად მოგვეცემა ასეთ პირობებში თამაშის შესაძლებლობა. ეს მოგვცემს ბურთის უკეთ გაკონტროლების შესაძლებლობას და იმედია, ტექნიკური წუნიც ნაკლები იქნება. თუმცა ეს შესაძლებლობა მეტოქესაც ექნება და დაცვაში უფრო ყურადღებით უნდა ვიყოთ.

ირლანდიასთან მატჩამდე დასვენებისთვის ერთი დღით მეტი გვქონდა. ეს კვირა შეტევის დახვეწაზე ვიმუშავეთ, ბოლო ვარჯიშზე ყველაფერი კარგად გამოგვივიდა და იმედს ვიტოვებ, რომ ამას მოედანზეც გადავიტანთ. ჩემთვის უფრო საინტერესოა ჩვენ რას გავაკეთებთ, როგორ წავიწევთ წინ შეტევაში და ავიღებთ ქულებს, ვიდრე ის, რას შემოგვთავაზებს მეტოქე.

ვეცდებით თამაში ირლანდიის ნახევარზე გადავიტანოთ და იქ უკვე ხელით ვითამაშოთ. ვარჯიშებზე თავდაჯერებულობა, სისტემისადმი ნდობა იგრძნობოდა. უკეთ გამოვიყურებოდით კოლექტიურად. მნიშვნელოვანი იქნება ჩვენი სტატიკური ფაზების მოგება და მეტოქისთვის ხელის შეშლა.

კარგია ირლანდია უძლიერესი შემადგენლობით რომ გვეთამაშება. თუ შევძლებთ მათთვის რეალური წინააღმდეგობის გაწევას, ისინი გაცილებით დიდ წნეხში მოექცევიან“, - განაცხადა მაისაშვილმა.

მაისაშვილის თქმით, ოფიციალურად ჯერ უცნობია შედგება თუ არა მეოთხე მატჩი ფიჯისთან, თუმცა დიდი ალბათობით, ბორჯღალოსნებს ამის შესაძლებლობა ექნებათ.

მერაბ შარიქაძე ამბობს, რომ გუნდი ამ თამაშს საუკეთესოდ მომზადებული ხვდება.

„დამატებითი ერთი დღით დასვენება ნამდვილად წაგვადგა და წინა მატჩებთან შედარებით, ახლა საუკეთესოდ ვართ მომზადებული. ვარჯიშებზე მართლაც ყველაფერი გამოგვდიოდა, მაგრამ არის ხოლმე შემთხვევები, როდესაც მთელი კვირის ნაშრომი მოედანზე ვერ გადაგაქვს. ჩვენი მთავარი მისიაა, რომ კარგი ვარჯიშები მოედანზე აისახოს.

გვყავს ორი დებიუტანტი – ალანია და ნინიაშვილი, რომლებიც პერსპექტიული ბიჭები არიან. ორივე კარგ ფორმაშია, იციან თავისი საქმე და მათი ძალიან გვეიმედება.

2014 წელს ირლანდიასთან დიდი სხვაობით დავმარცხდით და იმ თამაშს სასიამოვნოდ ვერ გავიხსენებ. ესაა დისციპლინირებული, მანქანასავით აწყობილი გუნდი, რომელიც ბურთს დიდხანს ინარჩუნებს და ყველაფერს მაღალი ხარისხით ასრულებს. ჩვენ ამისთვის მობილიზებული უნდა ვიყოთ“, - განაცხადა შარიქაძემ.

ყველა სიახლე

მიხეილ სარჯველაძე

26 ივნისი 2022, 00:38

პოლიტიკა

მიხეილ სარჯველაძე: ცალკეული პოლიტიკური ჯგუფები ცდილობენ ხელისუფლების ხელში ჩაგდებას არჩევნების გარეშე, ეს იყო რეალურად, რაც გუშინ მათი მხრიდან ვიხილეთ

ცალკეული პოლიტიკური ჯგუფები ცდილობენ ხელისუფლების ხელში ჩაგდებას არჩევნების გარეშე, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ საქართველოს პირველი არხის ეთერში განაცხადა.

იაგო ხვიჩია

26 ივნისი 2022, 00:21

პოლიტიკა

იაგო ხვიჩია: მოთხოვნა, რომელიც ტექნიკურ მთავრობას ეხება, საერთოდ ბუნდოვანია, ბევრად უფრო გასაგები უნდა იყოს იდეა, სინამდვილეში რისთვის აწუხებ ამ ადამიანებს

მოთხოვნა, რომელიც ტექნიკურ მთავრობას ეხება, საერთოდ ბუნდოვანია, ვინ ნიშნავს მთავრობას, – ამის შესახებ პარტია „გირჩის“ ლიდერმა, იაგო ხვიჩიამ საქართველოს პირველი არხის ეთერში განაცხადა.

იგორ ჟოვკვა

25 ივნისი 2022, 23:39

მსოფლიო

უკრაინის პრეზიდენტის ოფისის ხელმძღვანელის მოადგილე: ნატოს წევრებმა უარყვეს ჩვენი მისწრაფებები - ნატოში გაწევრიანების კუთხით სხვა არაფერს გავაკეთებთ

უკრაინის პრეზიდენტის ოფისის ხელმძღვანელის მოადგილემ, იგორ ჟოვკვამ განაცხადა, რომ უკრაინა დროებით უარს ამბობს ნატოში გაწევრიანების კუთხით ნაბიჯების გადადგმაზე.

25 ივნისი 2022, 23:38

რეგიონი

ალპანა-ცაგერის საავტომობილო გზის მონაკვეთზე ავტოტრანსპორტის მოძრაობა აიკრძალა

ალპანა-ცაგერის საავტომობილო გზის მონაკვეთზე ავტოტრანსპორტის მოძრაობა აიკრძალა, - ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.

ელენე ხოშტარია

25 ივნისი 2022, 23:38

პოლიტიკა

ელენე ხოშტარია რუსეთის ფედერალური ბიუჯეტიდან ჩარიცხულ რუბლებზე: არაფერი სკანდალური ამაში არ არის

„არაფერი სკანდალური ამაში არ არის, მიუხედავად იმისა, რომ პროპაგანდისტულ ტელეარხებს ასე უნდათ წარმოაჩინონ, ბიძინა ივანიშვილს, პირველ რიგში ამ სისტემას, რომელსაც მე ძალიან პრინციპულად ვებრძვი. ეს ყველაფერი არის აბსოლუტურად საჯარო, ღია, როგორც მემკვიდრეობის ფაქტი, ასევე ამ მემკვიდრეობით მიღებული 25 წლის განმავლობაში თანხების ფაქტი“.

25 ივნისი 2022, 23:08

სამართალი

წალენჯიხის მერის თანაშემწე სამსახურეობრივი მანქანით ავარიაში მოყვა

„ქრონიკის“ ინფორმაციით, წალენჯიხის მერის თანაშემწე, სამსახურეობრივი ავტომანქანით ავარიაში მოყვა. მერი გიორგი ხარჩილავა მერიის ავტომანქანით, თანაშემწესთან ერთად თბილისში აქციაზე იმყოფებოდა. არსებული ინფორმაციით, ავტომანქანას უკან დაბრუნებისას არაუფლებამოსილი პირი მართავდა, რა დროსაც სხვა მანქანას დაეჯახა.

კახა კახიშვილი

25 ივნისი 2022, 22:13

პოლიტიკა

კახი კახიშვილი: მიკვირს ადამიანის უფლებათა ე.წ. დამცველების, რომლებიც ერთი მხრივ ადამიანის უფლებების დაცვაზე საუბრობენ და მეორე მხრივ უპრაგონოდ სხვადასხვა იარლიყს აწებებენ ადამიანებს

სამი ქვეყნის მიმართ არის ასეთი მოთხოვნა დეოლიგარქიზაციის და თუ ჩვენ დავითვლით რეალური ოლიგარქების რაოდენობას ამ სამ ქვეყანაში, მინდა გითხრათ, რომ საქართველო ბოლო ადგილზე იქნება, - ამის შესახებ საპარლამენტო უმრავლესობის წევრმა, კახი კახიშვილმა „ქრონიკაში“ განაცხადა. მისი თქმით, ადამიანის უფლებათა ე.წ. დამცველები, რომლებიც ერთი მხრივ ადამიანის უფლებების დაცვაზე საუბრობენ, მეორე მხრივ უპრაგონოდ სხვადასხვა იარლიყს აწებებენ ადამიანებს ისე, რომ არც არიან საქმის კურსში.

კახა კახიშვილი

25 ივნისი 2022, 21:30

პოლიტიკა

კახა კახიშვილი: დღეს საქართველოს მოსახლეობისა და ჯანსაღი ძალების ამოცანა უნდა იყოს მობილიზაცია იმ 12 პუნქტის შესასრულებლად

სახელს არ არქმევენ, რომ სახელმწიფო გადატრიალებისთვის ემზადებიან.ეს დროებითი მთავრობა, უბრალოდ კარგად შეფუთული სცენარია ხელისუფლების ხელში ასაღებად, მაგრამ ეს უბრალოდ არ გამოვა, - ამის შესახებ საპარლამენტო უმრავლესობის წევრმა, კახი კახიშვილმა „ქრონიკაში“ განაცხადა.

კახი კახიშვილი

25 ივნისი 2022, 20:41

პოლიტიკა

კახი კახიშვილი რადიკალურ ოპოზიციაზე: ახლა, რადგან სიტყვა რევოლუცია გაიცვითა და მოსახლეობას საკმაოდ აღიზიანებს ეს სიტყვა, შეფუთეს და ეროვნულ მთავრობაზე ლაპარაკობენ

ერთი წელი შემახსენეთ, სადაც ოპოზიცია არ ეძებს საბაბს ძალადობრივი გზით ხელისუფლებაში მოსვლის, - ამის შესახებ საპარლამენტო უმრავლესობის წევრმა, კახი კახიშვილმა „ქრონიკაში“ განაცხადა.

კახი კახიშვილი

25 ივნისი 2022, 20:26

პოლიტიკა

კახი კახიშვილი ოპოზიციის მოთხოვნებზე: ვერ მივხვდი რა უნდა ამ ჯგუფს, ხელისუფლებაში მოსვლა თუ ევროპაში შესვლა

ნებისმიერმა ადამიანმა და იურისტმა იცის როგორ იცვლება ხელისუფლება, ეს არის უტოპიური განცხადება, მიკვირს ისეთი ადამიანებისგან ასეთი განცხადების გაჟღერება, რომლებსაც პრეტენზია აქვთ, რადგან იურისტები არიან. მე ვერ მივხვდი რა უნდა ამ ჯგუფს, ხელისუფლებაში მოსვლა თუ ევროპაში შესვლა უნდა, - ამის შესახებ საპარლამენტო უმრავლესობის წევრმა, კახი კახიშვილმა „ქრონიკაში“ 24 ივნისის აქციაზე ხელისუფლების მიმართ წაყენებულ ოპოზიციის მოთხოვნებზე საუბრისას განაცხადა.

25 ივნისი 2022, 19:56

მსოფლიო

აშშ-მ, ავსტრალიამ, იაპონიამ, ახალმა ზელანდიამ და დიდმა ბრიტანეთმა წყნარი ოკეანის პარტნიორობის ორგანიზაცია შექმნეს

ამერიკის შეერთებულმა შტატებმა, ავსტრალიამ, იაპონიამ, ახალმა ზელანდიამ და დიდმა ბრიტანეთმა წყნარი ოკეანის პარტნიორობის ორგანიზაცია შექმნეს. ამის შესახებ თეთრის სახლის ოფიციალურ ვებ-გვერდზე გამოქვეყნებულ განცხადებაშია ნათქვამი.

გარდცვლილი ქართველი მეომრის გადმოსვენება

25 ივნისი 2022, 18:54

საზოგადოება

უკრაინაში დაღუპული ქართველი მებრძოლი ალუდა ზვიადაური სამშობლოში ჩამოასვენეს

ცხედრის ჩამოსვენებისას აეროპორტში დაღუპულის ოჯახის წევრები და ახლობლები იმყოფებოდნენ. გარდაცვლილი ქართველი მებრძოლის სულის მოსახსენიებელი პანაშვიდი ქაშვეთის ტაძარში გაიმართება. მას სამხედრო პატივით დაკრძალავენ.

დავით ზალკალიანი; ჯო ბაიდენი

25 ივნისი 2022, 18:04

პოლიტიკა

დავით ზალკალიანმა ჯო ბაიდენს რწმუნებათა სიგელები გადასცა

რწმუნებათა სიგელების გადაცემის ცერემონიის ფარგლებში შედგა ხანმოკლე შეხვედრა ელჩსა და პრეზიდენტს შორის. დავით ზალკალიანმა პრეზიდენტს მიაწოდა ინფორმაცია საქართველოს წინაშე არსებული გამოწვევების შესახებ და დაუდასტურა, რომ საქართველო აშშ-ის სანდო და ერთგული პარტნიორია რეგიონში.

ბადრი ჯაფარიძე

25 ივნისი 2022, 17:40

პოლიტიკა

ბადრი ჯაფარიძე: „ლელო საქართველოსთვის“ მხარს უჭერს ეროვნული თანხმობის მთავრობის შექმნას, რომელიც იქნება არა პარტიული, არამედ პროფესიული ნიშნით დაკომპლექტებული

„ლელო საქართველოსთვის“ მხარს უჭერს ეროვნული თანხმობის მთავრობის შექმნას, რომელიც იქნება არა პარტიული, არამედ პროფესიული ნიშნით დაკომპლექტებული, – ამის შესახებ „ლელოს“ ერთ-ერთმა ლიდერმა ბადრი ჯაფარიძემ განაცხადა.

მიხეილ სარჯველაძე

25 ივნისი 2022, 17:30

პოლიტიკა

მიხეილ სარჯველაძე: ესაა მოთხოვნა, რომ მაქარაშვილი ან ვინმე სხვა, გახდნენ მინისტრები და პრემიერ მინისტრები. ეს გგონიათ საქართველოსთვის გამოსავალი?!

ესაა მოთხოვნა, რომ მაქარაშვილი ან ვინმე სხვა, ლომჯარიაზე იყო საუბარი, გახდნენ მინისტრები და პრემიერ მინისტრები. ეს გგონიათ საქართველოსთვის გამოსავალი?!, - ამის შესახებ საპარლამენტო უმრავლესობის წევრმა, მიხეილ სარჯველაძემ ჟურნალისტებს პარლამენტში განუცხადა.

დავით ქართველიშვილი

25 ივნისი 2022, 17:19

პოლიტიკა

გიორგი ვაშაძე ოპოზიციის მოთხოვნებზე: თუ 3 ივლისამდე პასუხს არ გასცემენ, ჩვენ ორივე სცენარისთვის მზად ვართ - 3-ში გაიგებთ რა იქნება უარყოფითი სცენარის შემთხვევაში

ძალიან სოლიდური და დეპოლარიზაციისკენ ორიენტირებული განაცხადი იყო გუშინ გაკეთებული აქციაზე, ეს არის ეროვნული თანხმობის მთავრობის ჩამოყალიბება - ამის შესახებ „რეფორმების ჯგუფის“ წევრმა გიორგი ვაშაძემ განაცხადა.

ირაკლი კობახიძე

25 ივნისი 2022, 15:19

საზოგადოება

ირაკლი კობახიძე მორაგბეებს გელა აფრასიძესა და მიხეილ ნარიაშვილს საფრანგეთის ჩემპიონობას ულოცავს

„ჩვენს საამაყო მორაგბეებს, გელა აფრასიძეს და მიხეილ ნარიაშვილს ვულოცავ საფრანგეთის ჩემპიონობას!“, - წერს კობახიძე სოციალურ ქსელში.

25 ივნისი 2022, 14:53

რეგიონი

აჭარის მთავრობის ხელშეწყობით საზღვაო აკადემიის 10 სტუდენტი ფლენსბურგის უნივერსიტეტში გააგრძელებს სწავლას

ბათუმის საზღვაო აკადემიის ნავიგაციის ინგლისურენოვანი პროგრამის სტუდენტები ერთი სემესტრის განმავლობაში ისწავლიან გერმანიაში, ფლენსბურგის უნივერსიტეტში. აჭარის მთავრობა, აჭარის განათლების, კულტურისა და სპორტის სამინისტრო სრულად დააფინანსებს სტუდენტების სწავლებას გერმანიის უნივერსიტეტში.

25 ივნისი 2022, 14:40

სამართალი

ბიზნესმენი ლევან კაჭარავას მკვლელობის გამო, წყნეთში საგამოძიებო მოქმედებები მთელი ღამის განმავლობაში მიმდინარეობდა

„ოჯახს ამ წუთებში არანაირი ვერსია არ გააჩნია. გუშინდელი ამბის შემდეგ ისეთი თავზარდაცემულები ვართ, რომ ვერც ვფიქრობთ, ვის შეიძლება ასეთი ორგანიზებული დანაშაული ჩაედინა. მას ასეთი კონკრეტული მტერი არ ყავდა. როგორც ვიცი შეხვედრაზე იყო და მისი მეუღლე ჰყავდა სადღაც წაყვანილი. არსებული ინფორმაციით, მანქანის მძღოლი ერთ-ერთი თანამშრომელი იყო, რომელთან ერთადაც იმ შეხვედრიდან წამოვიდა“, - განაცხადა კაჭარავას ოჯახის ახლობელმა, სალომე კობალაძემ.

ალექსანდრე რაქვიაშვილი

25 ივნისი 2022, 14:36

პოლიტიკა

ალექსანდრე რაქვიაშვილი: „სახალხო მთავრობის” მოთხოვნა სრულიად ალოგიკურია და ევროინტეგრაციაში ვერ დაგვეხმარება, ეს მხოლოდ საბაბია, რომ ძალაუფლება ხელში ჩაიგდო

„სახალხო მთავრობის" მოთხოვნა სრულიად ალოგიკურია და ევროინტეგრაციაში ვერ დაგვეხმარება. თუმცა, შეიძლება, რომ ეს მოთხოვნა მთლად გაუაზრებლადაც არ იყო მოგონილი, მაგრამ მაშინ გამოდის, რომ ევროინტეგრაცია არავის აინტერესებს და რომ ის მხოლოდ საბაბია, რათა ძალაუფლება ხელში ჩაიგდო. როგორც ყოველთვის, „ხალხის სახელით“, - ამის შესახებ Facebook-ზე „გირჩის“ წევრი, დეპუტატი ალექსანდრე რაქვიაშვილი წერს.