ბრიტანეთის ახალი პრემიერის პირველი დავალება კატა ლარიზე შთაბეჭდილების მოხდენაა

დიდი ბრიტანეთის ახალ პრემიერმინისტრ მინისტრს დაუნინგ-სტრიტის 10 ნომერში მდებარე რეზიდენციაში ტრადიციის მიხედვით, აპლოდისმენტებით ხვდებიან, თუმცა ტაშს ყველა არ უკრავს. ეფექტურ გამოჩენაზე გაცილებით მეტია საჭირო იმისთვის, რომ რეზიდენციის ერთ-ერთ თანამშრომელს განსაკუთრებით მოეწონოს ახალი პრემიერი. საუბარია კატა ლერიზე, რომელიც რეზიდენციაში 2011 წლიდან ცხოვრობს. ამის შესახებ BBC წერს.

კატა ლარის პრემიერმინისტრის ადმინისტრაციაში ოფიციალური თანამდებობა უკავია - ის თაგვების მთავარი დამჭერია. ეს პოსტი უკვე რამდენიმე ასეულ წელიწადს ითვლის.

2016 წელს Sunday Times-სთან ინტერვიუში წინა პრემიერმინისტრმა ტერეზა მეიმ განაცხადა, რომ ის მოხარულია ლერის ხილვით, თუმცა გარკვევით მიანიშნა, რომ ძაღლები ურჩევნია, რადგან ბავშვობაში ჰყავდა. მეიმ მაშინ თქვა, რომ რეზიდენციაში არის რამდენიმე ადგილი სადაც კატა თავს უფროსად გრძნობს, თუმცა დასძინა, რომ უშუალოდ მეის კაბინეტი არ იზიდავს. 

კატა ლარი რეზიდენციაში პრემიერმინისტრს დევიდ კემერონის დროიდან ცხოვრობს. კატა მაშინ ოთხი წლის იყო და ძაღლებისა და კატების თავშესაფარიდან მიიყვანეს.

ლონდონის ყოფილმა მერმა და დიდი ბრიტანეთის საგარეო საქმეთა ყოფილმა მინისტრმა ბორის ჯონსომა პრემიერის თანამდებობაზე ტერეზა მეი შეცვალა. ჯონსონი მუშაობას დღეიდან, 24 ივლისიდან ოფიციალურად შეუდგა.

23 ივლისს კონსერვატიული პარტიის წევრებმა არჩევანი ბორის ჯონსონსა და ჯერემი ჰანტს გააკეთეს. ჯონსონის პოზიციაა, რომ ბრიტანეთმა ევროკავშირი 31 ოქტომბრამდე დატოვოს.

Brexit-ის მოწინააღმდეგეებს დიდი ბრიტანეთის საგარეო საქმეთა ყოფილი მინისტრის ბორის ჯონსონის პრემიერობა არ სურდათ. ბრიტანეთის ფინანსთა მინისტრი ფილიპ ჰამონდი აცხადებდა, რომ ბორის ჯონსონის პრემიერობის შემთხვევაში თანამდებობას დატოვებდა.

რას ნიშნავს „რბილი ბრექსიტი“, რაზეც ბრიტანეთის მთავრობა შეთანხმდა, ვრცლად წაიკითხეთ ამ ბმულზე.