მაკრონმა ცოლთან ურთიერთობაზე ეროტიკული ნოველა დაწერა

საფრანგეთში აქტიურად განიხილება ინფორმაცია იმის შესახებ, რომ ემანუელ მაკრონმა ახალგაზრდობაში, თავის მასწავლებელთან ურთიერთობის საწყისი პერიოდის შესახებ, ეროტიკული რომანი დაწერა. Forbes-ის ცნობით, ეს თემა აქტუალური გახდა მას შემდეგ, რაც გაირკვა, რომ 17 იანვარს ბრიჟიტ მაკრონის ბიოგრაფიას გამოსცემენ.

ბიოგრაფიის ავტორმა, ჟურნალისტმა მაელ ბრუნმა მიუთითა, რომ 1993 წელს 16 წლის მაკრონმა “თამამი და ცოტა უხამსი რომანი“ დაწერა, ასევე რამდენიმე ლექსიც. სწორედ იმ დროს გაიცნო მან მომავალი მეუღლე.

გასული წლის აგვისტოს თვეში ბრიჟიტ მაკრონმა Elle-სთან ინტერვიუში განაცხადა, რომ მეუღლესთან ურთიერთობას ერთადერთი ნაკლი აქვს - ასაკში მეოთხედი საუკუნით სხვაობაა.