თეთრი სახლი უარყოფს ინფორმაციას ტრამპის ოჯახში განხეთქილების შესახებ

აშშ-ის პირველი ლედის წარმომადგენელი თეთრ სახლში სტეფანი გრიშემი Twitter-ზე ეხმაურება გავრცელებულ ინფორმაციას მელანია ტრამპის მეუღლისგან განცალკევებით ცხოვრების შესახებ. ის უარყოფს ამას. მანამდე კი მედიაში იწერებოდა, რომ პრეზიდენტისა და პორნოვარსკვლავ სტორმი დენიელსის რომანის შესახებ ინფორმაციის გავრცელების შემდეგ, მელანიამ რამდენიმე ღამე სასტუმროში გაატარა.

BREAKING:The laundry list of salacious & flat-out false reporting about Mrs. Trump by tabloid publications & TV shows has seeped into "main stream media" reporting. She is focused on her family & role as FLOTUS - not the unrealistic scenarios being peddled daily by the fake news.

— Stephanie Grisham (@StephGrisham45) 26 января 2018 г.

“ის (მელანია ტრამპი) ფოკუსირებულია ოჯახზე და პირველი ლედის მოვალეობებზე და არა არარეალისტურ სცენარებსა და ფეიკ-ნიუსებზე“, - წერს პრესმდივანი.

არსებული ინფორმაციით, პორნოვარსკვლავთან ტრამპის ურთიერთობა 2006 წელს დაიწყო, ანუ მალევე მას შემდეგ, რაც მელანიამ ვაჟი, ბერონ ტრამპი გააჩინა. დენიელსმა არჩევნებამდე ამ ისტორიის შესახებ რამდენიმე მედიასაშუალებას უამბო. The Wall Street Journal-ის ცნობით, ტრამპის ადვოკატმა დუმილისთვის ქალს 130 ათასი დოლარი გადაუხადა.