კვლევა: 2100 წლისთვის დედამიწაზე საშუალო ტემპერატურა 3 გრადუსით მოიმატებს

მეცნიერები დედამიწაზე არსებული საშუალო ტემპერატურის სამი გრადუსით მომატების შესახებ იძლევიან გაფრთხილებას. ამის შესახებ ახალი კვლევაში წერია, რომელიც Nature Climate Change-ში გამოქვეყნდა.

სპეციალისტებმა დედამიწაზე კლიმატის ცვლილება და ტემპერატურის ზრდა არა ტრადიციული - მათემატიკური გამოთვლებით შეისწავლეს, არამედ რეალურ დროში მიმდინარე პროცესებს დააკვირდნენ და დაასკვნეს, რომ 2100 წლისთვის, პლანეტაზე საშუალო ტემპერატურა სამი გრადუსით მოიმატებს.

დღეს არსებული გათვლებით, 90%-იანი ალბათობა არსებობს იმისა, რომ დადგენილი 2 გრადუსიდან ტემპერატურამ 4.5 გრადუსამდე მოიმატოს. 

მონაცემების დამუშავების პროცესში აღმოჩნდა, რომ მსოფლიოში მიმდინარე ინდუსტრიული და სამრეწველო წარმოების ახლანდელი ტემპის შენარჩუნების შემთხვევაში, პროცესების კონტროლი შეუძლებელი ხდება. სიტუაცია განსაკუთრებით გართულდება, თუ კი ქვეყნები პარიზის კლიმატის შესახებ დადებულ შეთანხმებას ჯეროვნად არ შეასრულებენ.

პარიზის კლიმატის შეთანხმების შესრულება აქტულაური განსაკუთრებით მას შემდეგ გახდა, რომ 1 ივნისს ტრამპმა შეთანხმების დატოვების შესახებ განაცხადა. მისი თქმით, შეთანხმებაში დაბრუნება შესაძლებელი მხოლოდ იმ შემთხვევაში გახდება, თუ არსებული პირობები შეიცვლება, რადგან დღევანდელი "უსამართლოა". 

ივლისის დასაწყისში გამართულ დიდი ოცეულის სამიტზე გადაწყდა, რომ რომ პარიზის კლიმატის შეთანხმება, მიუხედავად აშშ-ის გამოყოფისა, გააგრძელებს თავის სამსახურს. "ჩვენ ვითვალისწინებთ, აშშ-ის გამოსვლას კლიმატის შეთანხმებიდან, თუმცა დანარჩენი G20-ის ქვეყნებისთვის, შეთანხმება ხელშეუხებელია", - წერია ოფიციალურ განცხადებაში. 

21 ივნისს The Independent-მა გამოაქვეყნა სტატია, რომელშიც საგანგაშო სტატისტიკის შესახებ წერს. გამოცემის ცნობით,  შემდეგი 80 წლის განმავლობაში სიცხისგან გარდაცვლილთა რაოდენობა მსოფლიოში თანდათან გაიზრდება. მეცნიერების მტკიცებით, გაუსაძლისი სიცხის მსხვერპლი დედამიწის მოსახლეობის მესამედი გახდება.

ის თუ როგორ შეიძლება ადამიანები სიცხეს გაუმკლავდნენ, იხილეთ imedinews-ის სტატია თემაზე "როგორ გადავრჩეთ სიცხეში - გზამკვლევი".