ტელესკოპი „ჯეიმს ვები“ სამუშაო ორბიტაზე გავიდა

კოსმოსურმა ტელესკოპმა „ჯემს ვები“ ძრავები ჩართო და თავის სამუშაო ორბიტაზე გავიდა, რომელიც დედამიწიდან 1,5 მილიონ კილომეტრში მდებარეობს. ინფორმაცია ამის შესახებ ტელესკოპის ოფიციალურ Twitter-ზე გამოქვეყნდა.

— NASA Webb Telescope (@NASAWebb) January 24, 2022

„ჯეიმს ვები“ ლაგრანჟის მეორე წერტილში (L2) იმყოფება, რაც იდეალური წერილია კოსმოსური ობსერვატორიებისთვისა და ტელესკოპებისთვის, რადგან ობიექტს ხანგრძლივი პერიოდის განმავლობაში შეუძლია მზისა და დედამიწის გასწვრივ ორიენტირების შენარჩუნება.

მისიის შემდეგ ეტაპზე ტელესკოპის ოპტიკა და მისი სამეცნიერო ინსტრუმენტები აეწყობა. სავარაუდოდ, „ჯეიმს ვები“ პირველ გამოსახულებებს დედამიწაზე ზაფხულში გამოაგზავნის.

„ჯეიმს ვები“ კოსმოსში 25 დეკემბერს გაუშვეს. ის ეკზოპლანეტებს და მზის სისტემაში არსებულ ობიექტებს შეისწავლის.

ახალი ტელესკოპის ორბიტაზე გაყვანის იდეა NASA-ში ჯერ კიდევ 1997 წელს გაჩნდა. მისიას, რომელსაც სახელი NASA-ს მეორე დირექტორის, ჯეიმს უების პატივსაცემად დაარქვეს, სტარტი 2007 წელს უნდა აეღო, თუმცა ის 20-ჯერ გადაიტანეს. პროექტის ღირებულება 10 მილიარდი დოლარია. მასზე 17 ქვეყნის სპეციალისტი მუშაობდა. „ჯეიმს უები“ ტელესკოპ „ჰაბლზე“ 100-ჯერ მძლავრია.