ნიდერლანდებმა თურქი მინისტრი ქვეყნიდან გააძევა

ნიდერლანდების მთავრობამ ოჯახის საქმეთა და სოციალური პოლიტიკის თურქი მინისტრი "არასასურველ უცხოელად" მიიჩნია და ქვეყნიდან მისი დეპორტაცია გადაწყვიტა. პოლიცია დაკავებულ ფატმა ბეტიულ საიან კაიას გერმანიის საზღვართან დააბრუნებს, იმ ქვეყნის საზღვართან საიდანაც ჰოლანდიაში ჩავიდა.   

11 მარტს, საღამოს, ნიდერლანდების სამართალდამცავმა ორგანოებმა, როტერდამში თურქეთის საკონსულოსთან, მინისტრის კორტეჟი გააჩერეს. ფატმა კაიამ გერმანიიდან ნიდერლანდებში ჩასვლა მას შემდეგ გადაწყვიტა, რაც ჰოლანდიელებმა ქვეყანაში თურქეთის საგარეო საქმეთა მინისტრი მევლუთ ჩავუშოღლუ არ შეუშვეს. კაიას გერმანიაში დაბრუნება შესთავაზეს.

მინისტრმა ჰოლანდიის მთავრობა საერთაშორისო სამართლის დარღვევასა და ადამიანის უფლებების და თავისუფლებების უპატივცემულობაში დაადანაშაულა.

11 მარტს, დღისით, ამსტერდამმა ჩავუშოღლუს თვითმფრინავის მიღებაზე როტერდამში უარი თქვა. ამის გამო, თურქეთის პრეზიდენტმა ნიდერლანდებს ფაშიზმის გადმონაშთი უწოდა. ჰოლანდიის პრემირმინისტრმა თურქეთის ლიდერის გამონათქვამს "გიჟური" უწოდა და აღნიშნა, რომ ის "ყველა ზღვარს გასცდა".

თურქი ჩინოსნები, რამდენიმე ევროპულ ქვეყანაში, სადაც თურქეთის მოქალაქეები ცხოვრობენ, მიტინგების სერიის მოწყობას გეგმავდნენ. მათ სურდათ ემიგრანტი თურქების მხარდაჭერის მოპოვება ახალ კონსტიტუციასთან დაკავშირებული რეფერენდუმის წინ, რომელიც 16 აპრილს ტარდება. გერმანიის, ავსტრიის და ნიდერლანდების ხელისუფლებებმა თავიანთ ქვეყნებში მსგავსი ღონისძიებების მოწყობაზე უარი თქვეს.