imedi /  06 სექტემბერი 2019, 14:06 / სანდო წყარო

ნიკა გვარამიას ახალი ბრალი წარედგინა

ნიკა გვარამია

ნიკა გვარამია

„რუსთავი 2“-ის ყოფილ გენერალურ დირექტორს ნიკა გვარამიას კიდევ ერთ საქმეზე წარედგინა ბრალი. ამის შესახებ გენერალურ პროკურატურაში გამართულ ბრიფინგზე გახდა ცნობილი. ასევე მიღებულია შემაჯამებელი გადაწყვეტილება დანაშაულში მონაწილე სხვა პირების მიმართ. კერძოდ, გამოტანილია დადგენილება სამაუწყებლო კომპანია „რუსთავი 2“-ის ყოფილი ფინანსური დირექტორის კახაბერ დამენიას და „ინტერ მედია პლიუსის“ დირექტორის ზურაბ იაშვილის ბრალდების შესახებ. გვარამია, დამენია და იაშვილი ბრალის წარსადგენად დღეს მთავარ პროკურატურაში არიან დაბარებულები.

„როგორც საზოგადოებისთვის ცნობილია, 2019 წლის 20 ივლისს საქართველოს გენერალურმა პროკურატურამ გამოძიება დაიწყო ,,სამაუწყებლო კომპანია რუსთავი 2"-ის  კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და  ქონების  მოჩვენებითი ან/და თვალთმაქცური გარიგებით გადამალვის ფაქტზე.

გამოძიების მსვლელობისას, აღნიშნული სისხლის სამართლის საქმის ფარგლებში, 2019 წლის 9 აგვისტოს ბრალი წარედგინა სამაუწყებლო კომპანია რუსთავი 2-ის ყოფილ გენერალურ დირექტორს ნიკა გვარამიას საწარმოს ხელმძღვანელობითი და წარმომადგენლობითი უფლებამოსილების ბოროტად გამოყენებისათვის. 

მაღალი საჯარო ინტერესის გათვალისწინებით, გვსურს საზოგადოებას ვაცნობოთ, რომ მიმდინარე გამოძიების ფარგლებში მოპოვებული მტკიცებულებების ანალიზის შედეგად მიღებულია ახალი დადგენილება ნიკა გვარამიას ბრალდების შესახებ,  წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით, დიდი ოდენობით მართლზომიერ გამგებლობაში არსებული სამაუწყებლო კომპანია რუსთავი 2-ის კუთვნილი ქონებრივი უფლების მართლსაწინააღმდეგო გაფლანგვის, კომერციული მოსყიდვისა და ყალბი ოფიციალური დოკუმენტის დამზადება გამოყენების მიზნით და გამოყენების ფაქტებზე, რამაც მნიშვნელოვანი ზიანი გამოიწვია. ასევე, უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება;

ასევე მიღებულია შემაჯამებელი გადაწყვეტილება დანაშაულში მონაწილე სხვა პირების მიმართ. კერძოდ, გამოტანილია დადგენილება „სამაუწყებლო კომპანია რუსთავი 2“-ის ყოფილი ფინანსური დირექტორის კახაბერ დამენიას ბრალდების შესახებ, წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით, დიდი ოდენობით მართლზომიერ გამგებლობაში არსებული სამაუწყებლო კომპანია რუსთავი 2-ის კუთვნილი ქონებრივი უფლების მართლსაწინააღმდეგო გაფლანგვის ფაქტზე. 

ასევე გამოტანილია დადგენილება „ინტერ მედია პლიუსის“ დირექტორის ზურაბ იაშვილის ბრალდების შესახებ, კომერციული მოსყიდვისა და ყალბი ოფიციალური დოკუმენტის დამზადება გამოყენების მიზნით და გამოყენების ფაქტზე, რამაც მნიშვნელოვანი ზიანი გამოიწვია.
დასახელებულ პირთა მიერ ჩადენილი ქმედება გამოიხატა შემდეგში:

2012 წლის ნოემბრიდან ნიკა გვარამია დანიშნული იყო შპს ,,სამაუწყებლო კომპანია რუსთავი 2“-ის დირექტორად, ხოლო 2014 წლის სექტემბრიდან - გენერალურ დირექტორად. ტელეკომპანიის წესდების თანახმად, საზოგადოებას მესამე პირებთან ურთიერთობაში წარმოადგენს გენერალური დირექტორი, რომელიც ვალდებულია კეთილსინდისიერად და საწარმოს ინტერესების დაცვით უზრუნველყოს მისი ყოველდღიური მართვა და საქმიანობა, იმოქმედოს საზოგადოების და პარტნიორების ბიზნეს ინტერესებით, უზრუნველყოს წესდების უპირობო და კეთილსინდისიერი შესრულება. 

მიუხედავად ზემოაღნიშნული ვალდებულებებისა, ნიკა გვარამია არღვევდა თავის სამსახურებრივ ვალდებულებას, არ მოქმედებდა კეთილსინდისიერად და შპს ,,სამაუწყებლო კომპანია რუსთავი 2“-ის კანონიერი ინტერესებიდან გამომდინარე. კერძოდ, 2015 წლის 16 იანვარს,  შპს ,,სამაუწყებლო კომპანია რუსთავი 2“-ის სახელით ნიკა გვარამიამ ხელშეკრულება გააფორმა შპს ,,ინტერ მედია პლიუსთან“, რომლის თანახმადაც, შპს ,,სამაუწყებლო კომპანია რუსთავი 2“-მა შპს ,,ინტერ მედია პლიუსს“ დაუთმო საკუთარი არხების (,,რუსთავი 2“-ის, ,,ახალი არხის“ (იგივე ,,კომედი არხის“) და ,,მარაოს“) ეთერში კომერციული რეკლამის განთავსების უფლება. 

2015 წლის მარტში, შპს ,,ინტერ მედია პლიუსის“ ფინანსების გაკონტროლების მიზნით, ნიკა გვარამიამ თავისი უახლოესი მეგობრის და ნდობით აღჭურვილი პირის კახაბერ ანჯაფარიძის სახელზე გადააფორმებინა ხსენებული კომპანიის 30%-იანი წილი. 2015 წლის იანვრიდან აგვისტოს თვის ჩათვლით პერიოდში,  ნ. გვარამია  შესაბამის ბაზარზე დამკვიდრებული პრაქტიკის შესაბამისად,  ტელეკომპანიის სარეკლამო დროის გასხვისების შედეგად მიღებული მთლიანი შემოსავლის 90-95%-ს ითხოვდა შპს ,,ინტერ მედია პლიუსისგან“, ხოლო დარჩენილ თანხას, მომსახურების გაწევის სანაცვლოდ უტოვებდა ამ უკანასკნელ საწარმოს.   

მას შემდეგ, რაც 2015 წლის 05 აგვისტოს, ქიბარ ხალვაშმა „რუსთავი 2“-ის წილების დასაბრუნებლად სასამართლოში სამართლებრივი დავა დაიწყო და სარჩელის უზრუნველყოფის მიზნით,  მოითხოვა და  თბილისის საქალაქო სასამართლოს მიერ დაკმაყოფილდა როგორც ტელეკომპანიის პარტნიორთა წილების, ასევე კომპანიის საკუთრებაში არსებული უძრავი ქონებების დაყადაღება, დირექტორისთვის კი საზოგადოების საკუთრებაში არსებული ქონების განკარგვა - უფლებრივად დატვირთვის აკრძალვა, ნიკა გვარამიამ, სარგებლის მიღების სანაცვლოდ, ასევე, საწარმოს ფინანსურმა დირექტორმა კახაბერ დამენიამ, შპს ,,სამაუწყებლო კომპანია რუსთავი 2“-ის ინტერესების აშკარა უგულებელყოფითა და მის საწინააღმდეგოდ, წინასწარი შეთანხმებით განიზრახეს  2015 წლის 16 იანვარს, შპს ,,ინტერ მედია პლიუსთან“ გაფორმებული ხელშეკრულების საფუძველზე არსებული ქონებრივი უფლების მართლსაწინააღმდეგო გაფლანგვა, კახაბერ ანჯაფარიძის წილობრივი მონაწილეობით დაფუძნებული საწარმოს სასარგებლოდ. კერძოდ, ნიკა გვარამია  შეუთანხმდა შპს „ინტერ მედია პლიუსის“ დირექტორს ზურაბ იაშვილს და ყოველთვიურად მხოლოდ კომპანია შპს ,,სამაუწყებლო კომპანია რუსთავი 2“-ის არსებობისათვის საჭირო მინიმალური ოდენობის თანხის მოთხოვნა დაიწყო. 

საერთო ჯამში, ნიკა გვარამიამ და კახაბერ დამენიამ 2014 წელს ანალოგიურ მომსახურებაზე გაფორმებული ხელშეკრულების ფარგლებში მიღებულ თანხებთან შედარებით  (სულ 43 230 509 ლარი),  შპს ,,სამაუწყებლო კომპანია რუსთავი 2“-ზე კომერციული რეკლამის განთავსების უფლების დათმობის სანაცვლოდ, 2015 წლის იანვარში გაფორმებული ხელშეკრულების ფარგლებში, მოითხოვეს მხოლოდ 36 467 000 ლარის ანაზღაურება,  რითაც   მართლსაწინააღმდეგოდ გაფლანგეს შპს ,,ინტერ მედია პლიუსისგან“ 6 763 509 ლარის მოთხოვნის უფლება.

შპს „ინტერ მედია პლიუსის“ სასარგებლოდ შპს ,,სამაუწყებლო კომპანია რუსთავი 2“-ის კუთვნილი დიდი ოდენობით - 6 763 509 ლარის ქონებრივი უფლების გაფლანგვის სანაცვლოდ, ნიკა გვარამიამ, შპს „ინტერ მედია პლიუსის“ დირექტორის - ზურაბ იაშვილის მეშვეობით, ხსენებული კომპანიისაგან მიიღო შესაბამისი სარგებელი უძრავი ქონებების სახით, კერძოდ, ქ.თბილისი, მუხაძის ქუჩა №14-ში, მე-7 სართულზე მდებარე ორი ბინა: ბინა №14ა - ფართით 119.37 კვ.მ. და ბინა №13 - ფართით 119.37 კვ.მ. 

2016 წლის ივნისში შპს „ინტერ მედია პლიუსის“ მხრიდან მისაღები სარგებლის შენიღბვის მიზნით, ნიკა გვარამიამ ქ.თბილისში, მუხაძის ქუჩა №14-ში, მშენებარე საცხოვრებელ კორპუსში თავად შეარჩია ორი საცხოვრებელი ბინა,  უშუალოდ აწარმოა მოლაპარაკებები სამშენებლო კომპანიასთან, შეუთანხმდა ფასსა და პირობებზე და 2016 წლის 03 აგვისტოს შპს „ინტერ მედია პლიუსის“ სახელით გააფორმა ნასყიდობის წინასწარი ხელშეკრულება.  მშენებლობის დასრულების შემდეგ,  2016 წლის 20 დეკემბრის ნასყიდობის ხელშეკრულებების საფუძველზე, ზემოაღნიშნული საცხოვრებელი  ბინა №14ა - საერთო ფართით 119.37 კვ.მ. და საცხოვრებელი ბინა №13 - საერთო ფართით 119.37 კვ.მ. გადავიდა შპს „ინტერ მედია პლიუსი“-ს საკუთრებაში.  აღნიშნული საცხოვრებელი ბინების მოთხოვნის უფლების მიღების მიზნით, 2016 წლის 05 და 25 ივლისის თარიღებით ნიკა გვარამიამ ფიქტიური სესხის ხელშეკრულება გააფორმა შპს „ინტერ მედია პლიუსთან“, რომელსაც წარმოადგენდა დირექტორი ზურაბ იაშვილი, რომელთა თანახმადაც თითქოსდა ნიკა გვარამიამ კომპანიას ორ ეტაპად  ასესხა 510 000 ლარი, რასაც სინამდვილეში ადგილი არ ჰქონია. 

2017 წლის 21 მარტის ნასყიდობის ხელშეკრულებით, შ.პ.ს ,,ინტერ მედია პლიუსის“ - დირექტორმა ზურაბ იაშვილმა, ნიკა გვარამიას საკუთრებაში გადასცა ქ.თბილისი, მუხაძის ქ.#14-ში მდებარე ზემოაღნიშნული 2 ერთეული უძრავი ქონება. ამავე ხელშეკრულებით, მხარეები შეთანხმდნენ, რომ ხსენებული ობიექტების ღირებულება სრულად გაიქვითებოდა მათ შორის არსებული ფიქტიური სესხის ხელშეკრულებების საფუძველზე სესხის გამცემისთვის დასაბრუნებელი თანხის სანაცვლოდ.  ხსენებული ნასყიდობის ხელშეკრულებები სსიპ ,,საჯარო რეესტრის ეროვნულ სააგენტოში“ აისახა 2017 წლის 22 მარტს, რის შედეგადაც, ნიკა გვარამია უკანონოდ დაეუფლა  დიდი ოდენობით უძრავ ქონებებს. 

მას შემდეგ, რაც ნიკა გვარამიამ  შპს „ინტერ მედია პლიუსისგან“ უკანონოდ მიიღო დიდი ოდენობით უძრავი ქონებები, განიზრახა დანაშაულებრივად მიღებული ქონებისთვის კანონიერი სახის მიცემა,  მისი ნამდვილი ბუნების, წარმოშობის წყაროს და საკუთრების შენიღბვის მიზნით. განზრახვის სისრულეში მოსაყვანად, უძრავი ქონებების მის სახელზე რეგისტრაციიდან რამოდენიმე თვეში,  2017 წლის 07 ივლისსა და 2017 წლის 26 სექტემბერს, ორივე საცხოვრებელი ბინა,  ნასყიდობის ხელშეკრულებების საფუძველზე გაასხვისა სხვადასხვა პირებზე, რითაც მიიღო განსაკუთრებით დიდი ოდენობით - 602 521.8 ლარის შემოსავალი.

გაცნობებთ,  რომ ნიკა გვარამია, კახაბერ დამენია და ზურაბ იაშვილი  დღეს დაბარებულები არიან საქართველოს გენერალურ პროკურატურაში ბრალდების შესახებ დადგენილების  წარდგენის  მიზნით. კახაბერ დამენიასთვის და ზურაბ იაშვილისთვის ბრალის  წარდგენის შემდეგ საქართველოს გენერალური პროკურატურა სასამართლოს მიმართავს აღკვეთის ღონისძიების შეფარდების შუამდგომლობით. აღკვეთის ღონისძიების სახის შესახებ ინფორმაცია საზოგადოებას დამატებით ეცნობება“, - ნათქვამია განცხადებაში.

2 აგვისტოს მაგისტრატი მოსამართლის თანდასწრებით ტელეკომპანიის ყოფილი დირექტორი ნიკა გვარამია დაიკითხა. მისი თქმით, გამოძიების მთავარი ინტერესია, რატომ ფორმდებოდა სარეკლამო კონტრაქტები ამა თუ იმ თანხაზე.

საქართველოს გენერალურმა პროკურატურამ „რუსთავი 2“-ის ყოფილი გენერალური დირექტორის ნიკა გვარამიას საქმეზე თბილისის საქალაქო სასამართლოს აღკვეთის ღონისძიების შეფარდების შუამდგომლობით 10 აგვისტოს  მიმართა. 11 აგვისტოს სასამართლომ ნიკა გვარამიას 40 000 ლარის გირაო შეუფარდა. მოგვიანებით გვარამიამ გირაოს გადახდაზე უარი თქვა.

ყველა სიახლე

16 დეკემბერი 2019, 12:05

ეკონომიკა

აღსრულების ეროვნული ბიუროს მიერ რეალიზებული უძრავი ქონების 49% მევახშეების სასარგებლოდ გაიყიდა

2019 წლის ათ თვეში აღსრულების ეროვნული ბიუროს მიერ რეალიზებულია 1039 უძრავი ქონება. აქედან ყველაზე მეტი, 514 (49%) კერძო მევახშეების სასარგებლოდ გაიყიდა. კომერციულ ბანკებზე 411 (40%) უძრავი ქონება მოდის, 11% კი მიკროსაფინანსოზე.

სალომე ზურაბიშვილი

16 დეკემბერი 2019, 11:38

საქართველო

პრეზიდენტი პარტიებს სიებში ყოველ მეთხუთმეტედ დიასპორის წარმომადგენლის ჩასმას სთავაზობს

საქართველოს პრეზიდენტმა სალომე ზურაბიშვილმა პოლიტიკურ სუბიექტებს შესთავაზა, რომ საქართველოს საშინაო საქმეებში დიასპორის უკეთ ჩართულობისთვის, პოლიტიკურმა პარტიებმა საარჩევნო სიებში ყოველი მეთხუთმეტე დიასპორის წარმომადგენელი ჩასვან.

ნათია თურნავა

16 დეკემბერი 2019, 11:36

ეკონომიკა

თურნავა: ვდგავართ რეგიონულ ჰაბად ჩამოყალიბების გზაზე

დღეს საქართველოს ეკონომიკის მინისტრმა ნათია თურნავამ „აწარმოე საქართველოს“ სახელით, ინვესტიციების მოზიდვის ახალი პროაქტიური სტრატეგია და სამოქმედო გეგმა წარმოადგინა. მინისტრის განცხადებით, ახალი სტრატეგიის შედეგად დამატებით 3 000 სამუშაო ადგილი გაჩნდება.

სალომე ზურაბიშვილი

16 დეკემბერი 2019, 11:27

საქართველო

სალომე ზურაბიშვილი: სალობიეშიც ვივლი და თავშეყრის სხვა ადგილებშიც

საქართველოს პრეზიდენტის სალომე ზურაბიშვილის განცხადებით, "სალობიეშიც ივლის და სხვა თავშეყრის ადგილებშიც". ასე უპასუხა პრეზიდენტმა ჟურნალისტებს სალობიეში სტუმრობასთან დაკავშირებით, რასაც სოციალურ მედიაში აქტიურად განიხილავდნენ.

სნუპ დოგი

16 დეკემბერი 2019, 11:21

სპორტი

სნუპ დოგი კომპიუტერული თამაშის კომენტატორი იქნება

ჰოკეის კომპიუტერული თამაშის, NHL 20-ის პრეზენტაცია სექტემბერში შედგა, სადაც ორგანიზატორებმა განაცხადეს, რომ სნუპ დოგის გარდა, პროექტის კიდევ უფრო მეტი პოპულარიზაციის მიზნით, თამაშში ისეთი ვარსკვლავების ჩართვას გეგმავენ, როგორებიც არიან ვილ ფარელი და დრეიკი.

ათონელის რეზიდენცია

16 დეკემბერი 2019, 11:17

საქართველო

დღეიდან მოქალაქეები ათონელის რეზიდენციის დათვალიერებას შეძლებენ

საქართველოს პრეზიდენტის სალომე ზურაბიშვილის განცხადებით, დღეიდან, ათონელის რეზიდენცია დამთვალიერებლებისთვის გაიხსნება. ამის შესახებ პრეზიდენტმა ევროპის საბჭოს საპარლამენტო ასამბლეის კონფრენეციაზე განაცხადა.

არჩილ თალაკვაძე

16 დეკემბერი 2019, 11:04

საქართველო

არჩილ თალაკვაძე: 2020-ის არჩევნების დემოკრატიულად ჩატარებისთვის კანონში ცვლილებების რესურსი არსებობს

არჩილ თალაკვაძის თქმით, შემდგომი კონსულტაციები აჩვენებს, თუ რაზე შეიძლება შეთანხმდეს ოპოზიცია და ხელისუფლება, "ამ დღეების განმავლობაში იქნება მოსამზადებელი სამუშაოები რომ განვსაზღვროთ შეხვედრის შემდგომი თემები", - განაცხადა მან.

ჯოშ კლინგჰოფერი

16 დეკემბერი 2019, 10:50

კულტურა

გიტარისტი ჯონ ფრუშანტე Red Hot Chili Peppers-ში ბრუნდება

ჯგუფმა Red Hot Chili Peppers-მა Instagram-ზე დაპოსტა, რომ გიტარისტი ჯოშ კლინგჰოფერი 10-წლიანი თანამშროლობის შემდეგ, ჯგუფს ტოვებს, მის ნაცვლად კი ჯონ ფრუშანტე ბრუნდება. მოგვიანებით, ამ შინაარსის პოსტები დრამერმა ჩედ სმიტმა და ბასგიტარისტმა ფლიმაც გაავრცელეს.

აქცია

16 დეკემბერი 2019, 10:26

საქართველო

„შეცვალეს“ და „სირცხვილიას“ წევრებმა პრეზიდენტს ქვეყნის სამარცხვინო მთავარსარდალი უწოდეს

სასტუმრო "ბილტმორთან", სადაც ევროპის საბჭოს მიერ ორგანიზებული კონფერენცია იმართება, მოძრაობა "შეცვალეს" და "სირცხვილიას" წევრებმა აქცია გამართეს. მათ სალომე ზურაბიშვილის პრეზიდენტობის ერთწლიანი საქმიანობა შეაფასეს და ზურაბიშვილს ქვეყნის სამარცხვინო მთავარსარდალი უწოდეს.

რუსული სოციალური ქსელი

16 დეკემბერი 2019, 10:20

ტექნოლოგიები

Mail.ru 2020 წელს Youtube-ის კონკურენტს გაუშვებს ინტერნეტში

კომპანია Mail.ru Group-ი 2020 წელს საკუთარ ვიდეოსერვისს გაუშვებს, რომელმაც Youtube-ს უნდა გაუწიოს კონკურენცია. ამის შესახებ, რუსულ მედიასთან ინტერვიუში, ჰოლდინგის გენერალურმა დირექტორმა ბორის დობროდეევმა განაცხადა. სერვისის სამომავლო სახეწლოდება გენდირექტორს არ უთქვამს.

გავლენიანი ქვეყნები

16 დეკემბერი 2019, 09:45

მსოფლიო

მსოფლიოს ყველაზე გავლენიანი ქვეყნების რეიტინგი გამოქვეყნდა

ამერიკულმა ჟურნალმა U.S.News-მა მსოფლიოს ყველაზე გავლენიანი ქვეყნების რეიტინგი გამოაქვეყნა. სიის შედგენისას ჟურნალისტები ქვეყნების მშპ-ის მონაცემებს, მოსახლეობის რაოდენობას და ერთ სულ მოსახლეზე მშპ-ს წილს ითვალისწინებდნენ. სიის პირველ ადგილზე აშშ, მეორეზე რუსეთი, მესამეზე კი ჩინეთი აღმოჩნდა.

საახალწლო განათებები

16 დეკემბერი 2019, 09:27

საქართველო

თბილისის ქუჩებში საახალწლო განათებები ჩაირთო

თბილისის მერიის ინფორმაციით, პირველ ეტაპზე, საახალწლო განათებები და დეკორაციები წერეთლის, რობაქიძის, თამარ მეფის, ვაჟა-ფშაველას, ყაზბეგისა და გურამიშვილის გამზირებზე, ასევე კოსტავას, კანდელაკის, გამსახურდიას, დოლიძის, ჩოლოყაშვილის, თამარაშვილის, მელიქიშვილის, ფარნავაზ მეფის, ცოტნე დადიანის, გორგასლისა და ლეონიძის ქუჩებზე აინთო.

აშშ

16 დეკემბერი 2019, 09:22

საქართველო

საქართველოს პარლამენტის დელეგაცია ვიზიტით აშშ-ს ეწვევა

საქართველოს საპარლამენტო დელეგაცია, პარლამენტის თავმჯდომარის მოადგილის, კახა კუჭავას ხელმძღვანელობით, 16-19 დეკემბერს ოფიციალური ვიზიტით ამერიკის შეერთებულ შტატებს ეწვევა. ვაშინგტონში დელეგაციის წევრები შეხვედრებს აშშ-ის კონგრესსა და სახელმწიფო დეპარტამენტში გამართავენ.

ნიკოლა სტარჯონი

16 დეკემბერი 2019, 09:15

მსოფლიო

შოტლანდიის პრემიერი: ლონდონი გაერთიანებულ სამეფოში ძალით ვერ გაგვაჩერებს

შოტლანდიის პრემიერმინისტრი ნიკოლა სტარჯონი აცხადებს, რომ დიდი ბრიტანეთის მთავრობა შოტლანდიას მისი ნების საწინააღმდეგოდ გაერთიანებულ სამეფოში ვერ გააჩერებს. სტარჯონის თქმით, საპარლამენტო არჩევნებზე „შოტლანდიის ეროვნული პარტიის“ წარმატება აძლევს მას უფლებას, დამოუკიდებლობის შესახებ ახალი რეფერენდუმი ჩაატაროს.

iPhone 6

16 დეკემბერი 2019, 08:45

ტექნოლოგიები

ძველი iPhone-ები ახალი iOS-ით უფრო სწრაფად მუშაობს

iAppleBytes-ის ექსპერტებმა დაამტკიცეს, რომ ოპერაციული სისტემა iOS-ის განახლებული ვერსია ძველი თაობების iPhone-ების მუშაობის სისწრაფეზე დადებითად აისახება. ექსპერიმენტისთვის სპეციალისტებმა iOS 13.3-ის ოპერაციული სისტემა iPhone Xr, iPhone 8, iPhone 7, iPhone 6s და iPhone SE-ზე დააყენეს.

გოგა ბითაძე

16 დეკემბერი 2019, 08:32

სპორტი

გოგა ბითაძის „ინდიანამ“ „შარლოტ ჰორნეტსს“ სძლია

ნაციონალურ საკალათბურთო ასოციაციაში (NBA) „ინდიანა პეისერსმა“, რომლის ღირსებასაც გოგა ბითაძე იცავს, „შარლოტ ჰორნეტსს“ უმასპინძლა და 107:85 დაამარცხა. ქართველმა ცენტრმა მოედანზე 7:58 წუთი გაატარა და თავის აქტივში 2 ქულა, 1 მოხსნა და 1 გადაცემა ჩაიწერა.

ლიბანი საპროტესტო აქცია

16 დეკემბერი 2019, 08:10

მსოფლიო

ბეირუთში საპროტესტო აქციაზე კიდევ 46 ადამიანი დაშავდა

ლიბანის დედაქალაქ ბეირუთში სამართალდამცველებსა და მომიტინგეებს შორის შეტაკებები გრძელდება. გასული დღე-ღამის განმავლობაში დაპირისპირებისას 46 ადამიანი დაშავდა. ინფორმაციას ამის შესახებ BBC ავრცელებს. სასწრაფო სამედიცინო სამსახურის ინფორმაციით, აქციაზე 46 ადამიანი დაშავდა, 14 მათგანს კი ჰოსპიტალიზაცია დასჭირდა.

ნაცისტები

16 დეკემბერი 2019, 00:54

მსოფლიო

ბერლინში მაღალჩინოსანი ნაცისტის საფლავი ამოთხარეს

ჰეიდრიხი რაიხის უსაფრთხოების მთავარი ოფისის ხელმძღვანელი იყო SS-ის ლიდერის ჰაინრიხ ჰიმლერის დროს. ოფისს გესტაპო და ნაცისტური უსაფრთხოების სამსახურები აკონტროლებდნენ. ჰეიდრიხი ებრაელი ხალხის მიერ ნაცისტების გენოციდის ერთ-ერთი ავტორიც იყო.

თურქეთი

16 დეკემბერი 2019, 00:34

მსოფლიო

ანკარა ვაშინგტონს ინჯირლიკის ავიაბაზის დახურვით დაემუქრა

რეჯეფ თაიფ ერდოღანი აშშ-ს ორი სამხედრო ბაზის დახურვით დაემუქრა, სადაც ამერიკელი ჯარისკაცები არიან, "თუ ამის საჭიროება იქნება", - თქვა ერდოღანმა სატელევიზიო ინტერვიუში. მათ შორის ერთი ინჯირლიკის ავიაბაზაა. თურქეთში, ინჯირლიკის ავიაბაზა აშშ-სა და ნატოსთვის სტრატეგიული ობიექტია.

უილ პოულტერი

16 დეკემბერი 2019, 00:15

კულტურა

უილ პოულტერი Amazon​-ის „ბეჭდების მბრძანებელს“ გამოეთიშა

სერიალის სიუჟეტი ამ დრომდე გასაიდუმლოებულია. ცნობილია, რომ მოვლენები პიტერ ჯექსონის ტრილოგიამდე 3000 წლით ადრე განვითარდება და ჯონ ტოლკინის ნაწარმოებებზე იქნება დაფუძნებული. ცნობილია, რომ პროექტში ითამაშებენ მსახიობები: მარკელა კავება, ​ჯოზეფ მოული და მაქს ბოლდრი.