საფონდო ბირჟებზე აქციების ფასის მკვეთრ ვარდნას ტრამპი ცენტრალურ ბანკს აბრალებს

ამერიკის შეერთებული შტატების საფონდო ბირჟებზე აქციების ფასებზე მკვეთრი ვარდნა დაფიქსირდა. ამის შესახებ CNN-ი წერს. 

გასული კვირის ბოლოსთვის Dow-ს ინდექსი 350 პუნქტით დაეცა და მიმდინარე წლის ახალ მინიმუმს მიაღწია. ვარდნა განიცადეს S&P 500-ისა და Nasdaq-ის საფონდო ინდექსებმაც.

1.5%-დან 3%-მდე შემცირდა ისეთი მსხვილი კომპანიების ინდექსიც, როგორიც Amazon-ი, Nordstrom-ი და Boeing-ი არიან.

საფონდო ინდექსები დაეცა აზიის, კერძოდ კი ჩინეთისა და იაპონიის ბირჟებზეც.

პრეზიდენტი დონალდ ტრამპი ბაზრებზე არსებულ მდგომარეობასა თუ ეკონომიკურ პრობლემებს ქვეყნის ცენტრალურ საბანკო სისტემას, კერძოდ კი ფედერალურ სარეზერვო ბანკს აბრალებს. 

შეერთებული შტატების პრეზიდენტი მიკრობლოგ Twitter-ზე წერს, რომ ამ ყველაფრის მიზეზი ფედერალური სარეზერვო ბანკის მიერ დაწესებული საპროცენტო განაკვეთის ზრდაა. 

The only problem our economy has is the Fed. They don’t have a feel for the Market, they don’t understand necessary Trade Wars or Strong Dollars or even Democrat Shutdowns over Borders. The Fed is like a powerful golfer who can’t score because he has no touch - he can’t putt!

— Donald J. Trump (@realDonaldTrump) December 24, 2018

ანალიტიკოსების ნაწილი მიიჩნევს, რომ დონალდ ტრამპის მიერ ცენტრალურ ბანკზე მიტანილი იერიში ბაზრებზე ვითარებაზე კიდევ უფრო არასახარბიელოს გახდის.

ფედერალური სარეზერვო ბანკის (Fed) პოლიტიკისგან დამოუკიდებლობა აშშ-ის ცენტრალური ბანკისთვის, ეკონომიკური ფაქტორების გათვალისწინებით, გადაწყვეტილებების დამოუკიდებლად მიღების ერთგვარი გარანტია და არ არის დამოკიდებული იმაზე თუ რა აწყობთ პოლიტიკოსებს მოცემულ ვითარებაში.