ნათია თურნავა კორონავირუსის გამო შექმნილ პრობლემებთან დაკავშირებით ტურიზმის ინდუსტრიის წარმომადგენლებს შეხვდება

ეკონომიკის მინისტრი ნათია თურნავა ტურიზმის ინდუსტრიის წარმომადგენლებს შეხვდება. შეხვედრის მიზანს იმ პრომლემების მოსმენაა, რომელიც კორონავირუსის გამო წარმოიქმნა.

„დღეს პრემიერ-მინისტრისგან მივიღეთ დავალება, ეკონომიკის სამინისტრომ და მე პირადად, უახლოეს პერიოდში შევხდეთ ტურიზმის ინდუსტრიას, მოვისმინოთ ის პრობლემები, რაც წამოიქმნა გლობალური კორონავირუსი გამო.

დიდი ალბათობით, ხვალ დავაორგანიზებთ ამ შეხვედრას. აუცილებლად შევხდებით სასტუმროების და ტურისტული ინდუსტრიის სხვა წარმომადგენლებს, რადგან ეს არი კომპლექსური პრობლემა და ჩვენ ამაზე უნდა ვიმსჯელოთ.

მოვისმინოთ, რა პრობლემის წინაშე დგას ინდუსტრია, რომელიც ასოცირებულია კორონავირუსთან, როგორც ახალ გამოწვევასთან. ყველაფერი გავაკეთეთ დღემდე, განსაკუთრებით 2019 წლის ივნისის მოვლენების შემდეგ იმისთვის, რომ ჩვენი ტურისტული ინდუსტრია უფრო მეტად დაცული და დივერსიფიცირებული იყოს და გარე შოკები მასზე ნაკლებად ზემოქმედებდეს.

თუმცა, ისეთ გამოწვევასთან გვაქვს საქმე, რომ ყველამ ერთად უნდა ვიმსჯელოთ და მთავარი ამოცანა, რაც ჩვენ წინაშე დგას, ამ ეტაპზე ძალინ სიღრმისეულად გავერკვეთ, რა პრობლემები უდგას სექტორს და გავაკეთოთ მეტ-ნაკლებად ზუსტი ანალიზი და პროგნოზი იმისა, რა შეიძლება კიდევ განვითარდეს.

რასაკვირველია, ბევრი რამეა დამოკიდებული ამ დაავადების შემდგომ დინამიკაზე. ძალიან დიდი იმედი გვაქვს, რომ ზაფხულის დადგომასთან ერთად, ეს პრობლემა თანდათან აღარ იარსებებს და ჩვენი განვითარება და ტურისტილი ინსდუსტრიის აღმასვლა დაუბრუნდება ჩვეულ ტრაექტორიას“, - განაცხადა ნათია თურნავამ.

საქართველოში დღეს კორონავირუსის მეოთხე შემთხვევა დაფიქსირდა. ინფიცირებული 44 წლის საქართველოს მოქალაქე კაცია, რომელიც იტალიიდან პირველ მარტს ჩამოვიდა. პირველი შემთხვევა 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა.

კორონავირუსის მეორე შემთხვევა საქართველოში 2020 წლის 28 თებერვალს, მესამე კი 29 თებერვალს დადასტურდა. 4 მარტს კი ცნობილი გახდა, რომ ვირუსით იტალიაში მცხოვრები საქართველოს მოქალაქე დაინფიცირდა. ბოლო მონაცემებით, COVID-19-ს მსოფლიოს მასშტაბით 3220 ადამიანი ემსხვერპლა, 51,193 კი გამოჯანრთელდა.

30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.