ვუდი ალენი შვილმა სექსუალურ ძალადობაში საჯაროდ დაადანაშაულა

ამერიკელი რეჟისორი ვუდი ალენი შვილმა, დილან ფეროუმ სექსუალურ ძალადობაში საჯაროდ კიდევ ერთხელ დაადანაშაულა. ამჯერად, მან ინტერვიუ ამერიკული ტელეკომპანია CBS-ს მისცა.

დილან ფეროუ, რომელიც მისი თქმით, პირველი ძალადობისას, მხოლოდ 7 წლის იყო, წარსულს დეტალურად ისხსენებს.

ქალი ამბობს, რომ მას მამა ძალიან უყვარდა და ვუდი ალენი მისთვის მისაბაძი ადამიანი იყო. თავდაპირველად, დილან ფეროუს თქმით, ის ვერც კი მიხვდა, თუ რა მოხდა. მოგვიანებით მომხდარის შესახებ მან დედას უამბო.

"რომელია ვუდი ალენის ფილმებიდან თქვენთვის ყველაზე საყვარელი? სანამ ამ კითხვებზე პასუხს გაგცემდეთ, თქვენ უნდა იცოდეთ: როცა შვიდი წლის ვიყავი, ვუდი ალენს სახლის სხვენზე ავყავდი, მეუბნებოდა, რომ მუცელზე დავწოლილიყავი და ჩემი ძმის ელექტრომატარებლით მეთამაშა. თავად კი ჩემზე სექსუალურად ძალადობდა", - ასე დაიწყო თხრობა დილანმა. 

ალენის აყვანილი შვილის სიტყვებით, ის დღესაც ვერ უყურებს სათამაშო მატარებლებს.

დილანი ასევე იხსენებს, როგორ არ უყვარდა, როცა მას მამასთან მარტო ტოვებდნენ და როგორ იმალებოდა ის საწოლის ქვეშ ან იკეტებოდა სააბაზანოში. 

"ყველაფერი ეს ძალიან ხშირად და რეგულარულად ხდებოდა. თან საკმაოდ ოსტატურად იმალებოდა დედისგან, რომელსაც შეეძლო, რომ დავეცავი. ვფიქრობდი, რომ ასეთი უნდა ყოფილიყო მამისა და შვილის სიყვარული." – ჰყვება დილანი. 

მოზარდმა ამ თემაზე საუბარია ჯერ კიდერ 1992 წელს დაიწყო. მან ვუდი ალენი სექსუალურ ძალადობაში დაადანაშაულა, მაშინ ის მხოლოდ 8 წლის იყო. გამოძიება დაიწყო, მაგრამ საქმე სასამართლომდე არ მისულა. ვუდი ალენმა მაშინ ცოლი, მია ფეროუ დაადანაშაულა და თქვა, რომ დედა აიძულებდა პატარა დილანს მამისთვის სექსუალური ძალადობა დაებრალებინა.

ამის მიუხედავად, ვუდი ალენის ნაშვილები გოგო წლების განმავლობაში გამუდმებით ამტკიცებდა, რომ ის სექსუალური ძალადობის მსხვერპლი იყო.

მას შემდეგ კი რაც ჰოლივუდში ჰარვი ვაინშტაინის სექსუალური სკანდალი აგორდა,  მსახიობ მია ფეროუს და რეჟისორ ვუდი ალენის აყვანილმა შვილმა, ასევე ჰარვი ვაინშტეინზე გამოძიების ავტორის, რონან ფეროუს დამ, დილან ფეროუმ The Los Angeles Times-ში ღია წერილი გამოაქვეყნა, რომელშიც გაიხსენა, რომ 1992 წელს ვუდი ალენი სექსუალურ ძალადობაში დაადანაშაულა.

მან ჰოლივუდს კითხვით მიმართა, თუ რატომ არ აისახა ეს ამბავი რეჟისორის რეპუტაციაზე, მიუხედავად იმისა, რომ გამოძიებამ ის სასამართლოში განხილვის ღირსად მიიჩნია, ხოლო ქალები, რომლებიც დღეს სექსუალურ შევიწროებას აპროტესტებენ, განაგრძობენ ალენის ფილმებში მონაწილეობას.

ვუდი ალენთან თანამშრომლობის გამო სინანული გამოთქვეს მსახიობებმა ელენ პეიჯმა, ჯესიკა ჩესტეინმა და სიუზან სარანდონმა, ასევე ბოლო დღეებში ალენს გაემიჯნენ გრეტა გერვიგი და მირა სორვინო. 

თავად რეჟისორი ვუდი ალენი ბრალდებას უარყოფს.