აშშ: რუსეთმა და ვენესუელამ $209-მილიონიანი კონტრაქტი გააფორმეს

რუსეთსა და ვენესუელას შორის, სამხედრო სფეროში მრავალმილიონიანი კონტრაქტი გაფორმდა. ამ ინფორმაციას ამერიკის შეერთებული შტატების პრეზიდენტის მრჩეველი ავრცელებს.

ჯონ ბოლტონის თქმით, ცოტა ხნის წინ, კარაკასმა და მოსკოვმა $209-მილიონიანი კონტრაქტი გააფორმეს. თეთრი სახლის ლიდერის მრჩეველი ამბობს, რომ ამ ქმედებით მადუროს რეჟიმმა რუსეთისგან სამომავლო მხარდაჭერა იყიდა.

Maduro has grossly mismanaged Venezuela’s resources. In May, while hundreds of thousands of Venezuelans went hungry, Maduro gave Russia $209 million for a defense contract to buy their continued support. Venezuelans want true democratic leadership, not repression.

— John Bolton (@AmbJohnBolton) June 16, 2019

ვენესუელაში ვითარება განსაკუთრებით იანვარში დაიძაბა, როდესაც აშშ-ის მხარდაჭერილმა ოპოზიციის ლიდერმა, ხუან გუაიდომ თავი ვენესუელის დროებით პრეზიდენტად გამოაცხადა.

გუაიდოს ლეგიტიმურობა მსოფლიოს 20-ზე მეტმა ქვეყანამ, მათ შორის, საქართველომაც აღიარა. მადუროს ხელისუფლების პირობებში ვენესუელამ საქართველოს ოკუპირებული ტერიტორიები დამოუკიდებელ ქვეყნებად ცნო.

ვენესუელის კრიზისის შესახებ ვრცელ სტატიას შეგიძლიათ ამ ბმულზე გაეცნოთ.