როუჰანი 52 ირანული ობიექტის შესახებ ტრამპის განცხადებას პასუხობს

„ირანელ ხალხს არასოდეს დაემუქრო“, - ამ სიტყვებით მიმართა ქვეყნის პრეზიდენტმა ჰასან როუჰანიმ აშშ-ის პრეზიდენტს დონალდ ტრამპს.

ეს პოსტი ტრამპის განცხადებას ეძღვნება, რომლის თანახმად თუ ირანი თავის მუქარას შეასრულებს, აშშ-მ შეარჩია 52 ირანული ობიექტი და დარტყმა სწრაფი და ძლიერი იქნება. წერს Alarabiya.

Those who refer to the number 52 should also remember the number 290. #IR655
Never threaten the Iranian nation.

— Hassan Rouhani (@HassanRouhani) January 6, 2020

„მათ ვინც 52-ზე მიანიშნებს, 290-იც უნდა ახსოვდეთ“, - დაწერა როუჰანიმ Twitter-ზე. მედიის ცნობით, როუჰანიმ 1988 წელზე მიუთითა, როდესაც ამერიკული ხომალდის მიერ ირანული ავიალაინერის ჩამოგდებას 290 ადამიანი ემსხვერპლა.   

ერაყის მთავრობამ ამერიკელ სამხედროებს ქვეყანაში გადაადგილება შეუზღუდა.

6 იანვარს ტრამპი ერაყს სანქციების დაწესებით დაემუქრა. დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზეა პასუხისმგებელი. ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა. 

5 იანვარს ერაყის პარლამენტმა ქვეყნიდან ამერიკელი სამხედროების გაყვანას დაუჭირა მხარი, ირანმა კი გაეროს უშიშროების საბჭოს მიმართა. ეს კი მას შემდეგ მოხდა, რაც ბაღდადში აშშ-ის ძალებმა ირანელი გენერალი ყასემ სულეიმანი მოკლეს.

ვინ არის ტრამპის ბრძანებით ბაღდადში მოკლული ირანელი გენერალი და დაიწყება თუ არა ომი, შეგიძლიათ ამ ბმულზე წაიკითხოთ.