როგორ ჩატარდა რეფერენდუმი კატალონიაში. მთავარი

1 ოტომბერს, ჩატარდა ესპანეთის ყველაზე მდიდარი რეგიონის, კატალონიის დამოუკიდებლობის რეფერენდუმი. კენჭისყრის დღეს უბნების დახლოებით 30% არ გაიხსნა, ხმის მიცემის წესები ბოლო მომენტში შეიცვალა, ხოლო ქუჩის აქციებში, ბოლო მონცემებით, დაშავდა 450-ზე მეტი ადამიანი.

"კი" ან "არა"

რეფერენდუმის მონაწილეებს პასუხი "კი" ან "არა" უნდა გაეცათ კითხვაზე: "გინდათ თუ არა, რომ კატალონია გახდეს დამოუკიდებელი სახელმწიფო მართვის რესპუბლიკური ფორმით?". 
 

 

#1Oct #CatalanrefeRendum

A post shared by BIel Torra Matamala (@biel.torra) on Oct 1, 2017 at 8:58am PDT

აქციები და შეტაკებები

დილიდან პოლიციის ძალები ცდილობდნენ კენჭისყრის პროცესის ჩაშლას. ყველაზე სასტიკი შეტაკებები ბარსელონაში იყო. სოცქსელებში გაჩნდა ვიდეოები, რომლებზეც ჩანს, თუ როგორ მიათრევენ თმებით საარჩევნო უბნებიდან პოლიციელები ამომრჩევლებს. ბოლო მონაცემებით, 760-ზე მეტი ადამიანი დაშავდა.

 

no words #catalan #referendum

A post shared by mireia (@mireiavinyes) on Oct 1, 2017 at 7:54am PDT

 

This is how you treat nonviolent citizens?? #Catalan #Spain .. this is happening right now. Let them vote .. the citizens are being peaceful, the aggressors are the police that are attacking violently. #spain❤️ #cataloniareferendum

A post shared by Rhonda Cota ~ OC. LA. NY (@rubywoo78) on Oct 1, 2017 at 8:40am PDT

პოლიციამ, ბარსელონაში და სხვა ქალაქებში, დემონსტრანტების დასაშლელად გამოიყენა რეზინის ხელკეტები და ტყვიები. სამართალდამცველებმა ბევრჯერ ცემეს ამომრჩევლებს, ცდილობდნენ რა საარჩევნო ბიულეტენების და ურნების კონფისკაციას. 

 

La Guardia Civil carga contra los ciudadanos en Sant Joan de Vilatorrada. #vanguardia #vangu2017 #catalunya #1octubre #catalanreferendum #catalunya #policia

A post shared by La Vanguardia (@lavanguardia) on Oct 1, 2017 at 8:59am PDT

დაპირისპირება იყო არამხოლოდ ხელისუფლების წარმომადგენლებს და მომიტინგეებს შორის. ესპანეთის ეროვნულმა გვარდიამ კატალონიის პოლიციას სოცქსელების საშუალებით შეუტია. პოლიციის Twitter-ზე გამოქვეყნდა ვიდეო, რომელზეც ორი სამართალდამცველი სენდვიჩს ჭამს. პოლიცია იმაში დაადანაშაულეს, რომ უკანონო რეფერენდუმის აღკვეთას ისინი ჭამას ამჯობინებენ.
 

2/2 Actuación Mossos ignorando el cumplimento de la Ley, mientras comen bocadillo. pic.twitter.com/B5QmzqFVQs

— AUGC Guardia Civil (@AUGC_Comunica) October 1, 2017

მოგვიანებით, ეროვნული გვარდიის Twitter-ზე გამოქვეყნდა ვიდეოჩანაწერი, რომელზეც ასახულია ესპანეთის და კატალონიის პოლიციელებს შორის შეტაკება წარწერით "როგორც ჩანს ვიღაცისთვის სიტუაცია გასაგები არ არის. სირცხვილი".
 

Algunos parecen no tenerlo nada claro. Vergonzoso. pic.twitter.com/NinygR2GMy

— AUGC Guardia Civil (@AUGC_Comunica) October 1, 2017

კენჭისყრა

კატალონიის რეგიონულმა მთავრობამ მოსახლეობას პირობა მისცა, რომ საკონსტიტუციო სასამართლოს მიერ რეფერენდუმის აკრძალვის მიუხედავად, 9:00 საათიდან 20:00 საათამდე 2,3 ათასი საარჩევნო უბანი იმუშავებდა. კვირას, მთავრობამ განაცხადა, რომ მათ შეძლეს უბნების 73%-ის გახსნა, თუმცა El Pais-ის პოლიციიდან აცნობეს, რომ არცერთ ამ უბანს დილიდან არ ჰქონდა ინტერნეტი, რომ ელექტრონულ ბაზაში ამომრჩევლები გადაემოწმებინათ და ხმებს კალმისტრით ქაღალდზე იწერდნენ. უშედეგოდ დასრულდა კენჭისყრის sms-ით ჩატარებაც - სერვისი გათიშეს. შედეგად, იბარებდნენ სახლში დაბეჭდილ ბიულეტენებსაც კი და ნებისმიერ კატალონიელს, ნებისმიერ უბანზე შეეძლო ხმის მიცემა. ესპანეთის ხელისუფლებამ ამას ანტიდემოკრატიული "სამარცხვინო" პროცესი უწოდა. 20:00 საათის შემდეგ, კენჭისყრა გაგრძელდა მათთვის, ვისაც დიდი რიგების გამო ხმის მიცემა დააგვიანდა.

ადგილობრივების რეაქცია

ბარსელონის ცენტრში, ერთ-ერთ სკოლასთან, რომელშიც საარჩევნო უბანი იყო გახსნილი, კატალონიიელი პოლიციელები იდგნენ. ხმის მიცემის დაწყებამდე მათ დატოვეს ტერიტორია, რისთვისაც მოქალაქეებმა აპლოდისმენტებით გააცილეს.
 

 

#CatalanReferendum #Catalonia

A post shared by Kaori - 船橋 香保里 (@kaori_fun) on Oct 1, 2017 at 8:56am PDT

"ის რაც ახლა ხდება, მინირევლუციაა. მოხუცებსაც ესხმოდნენ თავს. ჩვენ კი ვაკეთებთ იმას, რაც გვინდა. ვმონაწილეობთ რეფერენდუმში", - უთხრა Guardian-ს 44 წლის ბარსელონელმა ფიონა უილიამსმა.

"მოვიდნენ ნაციონალური გვარდიის წარმომადგენლები და ალყა შემოარტყეს მიმდებარე ქუჩებს. ჩვენ ერთად ვიდექით, სანამ მათ ხალხის დაპატიმრება არ დაიწყეს. ვიდექით ჩვენ ადგილებზე, მაგრამ ისინი ხელს გვკრავდნენ, გვავიწროვებდნენ და ადამიანებს მიწაზე ყრიდნენ", - უამბო გამოცემას 51 წლის ჯისეს როდრიგესმა.

El Pais-ის ცნობით, ჟირონეში, ბარსელონურმა რესტორანმა Celler de Can Roca-მ, რომელსაც Michelin-ის სამი ვარსკვლავი აქვს, იმ უბანზე, რომელზეც პოლიციამ ხმის მიცემა შეაჩერა, ამომრჩევლებს საკვებით გაუმასპინძლდა, მათ მეორე კერძი და ხილის დესერტი შესთავაზა, რომელიც კატალონიის დროშის ფერებში იყო გაფორმებული.

ესპანეთის პრემიერმინისტრი: რეფრენდუმი არ ჩატარდა

დღის ბოლოს, ესპანეთის პრემიერმინისტრმა მარიანო რახოიმ განაცხადა, რომ კატალონიაში დღეს რეფერენდუმი არ გამართულა. "კალატალონიელთა დიდ უმრავლესობას დღევანდელ რეფერენდუმში მონაწილეობა არ სურდა და ისინი უბრალოდ კანონს დაემორჩილნენ", - განაცხადა რახოიმ.