ქსენია სობჩაკს ჟირინოვსკის გამო თავს დაესხნენ

მოსკოვში რუსეთის პრეზიდენტობის ერთ-ერთ კანდიდატს ქსენია სობჩაკს თავს დაესხნენ. ამის შესახებ სობჩაკის მხარდამჭერმა გვერდმა Twitter-ზე დაწერა.

"მოსკოვის ცენტრში ქსენია სობჩაკზე თავდასხმა მოხდა. რუსეთის პრეზიდენტობის კანდიდატს თავს მოსკოვის მერიის წარმომადგენლის ალექსეი შაპოშნიკოვის თანაშემწე დაესხა შეძახილით "ეს ჟირინოვსკის გამო". მან სოჩაკს წყალი შეასხა და ხელი ძლიერად კრა. თავდამსხმელი დაცვამ დააკავა". 

На Ксению Собчак совершено нападение в центре Москвы. На выходе из Петровского путевого дворца на кандидата в президенты напал помощник депутата Мосгордумы Шапошникова. С криками «это за Жириновского» он вылил на Собчак воду и сильно толкнул. Охрана задержала нападавшего.

— Собчак против всех (@kandidatprotiv) March 4, 2018

ინციდენტის ამსახველი კადრები თავად თავდმსხმელმაც გამოაქვეყნა ტელეგრამ-არხზე Mash-ი. ვიდეოზე ჩანს, რომ ის სობჩაკს წყალს ასხამს, თუმცა ხელის კვრა არ ჩანს. 

1 მარტს რუსეთში გამართული მორიგი საპრეზიდენტო დებატების დროს ვლადიმერ ჟირინოვსკიმ ქსენია სობჩაკს სიტყვიერი შეურაცხყოფა მიაყენა. 

ვლადიმერ ჟირინოვსკის უცენზურო სიტყვებზე ქსენია სობჩაკმა რლდპ-ს ლიდერს წყალი შეასხა. 

წინასაარჩევნო სატელევიზიო დებატებში სობჩაკისა და ჟირინოვსკის გარდა სერგეი ბაბურინი, პაველ გრუდინინი, მაქსიმ სურაინკინი, ბორის ტიტოვი და გრიგორი იავლინსკი მონაწილეობდნენ. 

რუსეთის საპრეზიდენტო არჩევნები 2018 წლის 18 მარტს ჩატარდება. რუსული კანონმდებლობა ვლადიმერ პუტინს კიდევ ერთი ვადით პრეზიდენტობის უფლებას აძლევს. 

პუტინი პირველად პრეზიდენტად 2000 წლის 26 მარტს აირჩიეს, მეორედ 2004 წელს, მესამედ კი 2012 წელს.