ამერიკელი პორნოვარსკვლავი ტრამპისთვის იმ თანხის დაბრუნებას გეგმავს, რომელიც დუმილის სანაცვლოდ მიიღო

სტორმი დენიელსის სახელით ცნობილი ამერიკელი პორნოვარსკვლავი სტეფანი კლიფორდი მზად არის დონალდ ტრამპს 130 000 დოლარი დაუბრუნოს, რომელიც მისი თქმით, მან დუმილის სანაცვლოდ მიიღო. ამის შესახებ საუბარია კლიფორდის წერილში, რომელიც NBC-მ გამოაქვეყნა.

წერილში ნათქვამია, რომ თანხის დაბრუნების შემდეგ ის შეძლებს თავისუფლად ისაუბროს აშშ-ის პრეზიდენტთან ურთიერთობაზე და უფლებას მიიღევს გამოაქვეყნოს ყველა ხელთ არსებული მასალა: შეტყობინებები, ფოტოები და ვიდეოჩანაწერები.

კლიფორდი აცხადებს, რომ ტრამპისთვის თანხის გადარიცხვას 16 მარტს მარტს გეგმავს. ამასთან, პორნოვარსკვლავმა პრეზიდენტის წარმომადგენლებს სთხოვა,პასუხი 13 მარტამდე შეატყობინონ. თუ მის წერილს რეაქცია არ მოჰყვება, გარიგება გაუქმდება

8 მარტს ტრამპმა პორნოვარსკვლავთან სასამართლო საქმე მოიგო.

მანამდე კი აშშ-ის პრეზიდენტის ადვოკატმა პორნოვარსკვლავისთვის თანხის გადახდა აღიარა. მაიკლ კოენის თქმით, ფაქტი 2016 წელს მოხდა და მილიარდერ დონალდ ტრამპის ადვოკატმა პორნოვარსკვლავ სტეფანი კლიფორდს, რომლის სასცენო ფსევდონიმია სტორმი დენიელსი, შეთანხმების ფარგლებში 130 ათასი დოლარი გადაუხადა. 

ეს განცხადება მას შემდეგ გაკეთდა, რაც ამ ინფორმაციამ ამერიკულ მედიაში გაჟონა. კოენმა ეს ცნობა თავდაპირველად უარყო. თუმცა, რამდენიმე კვირის შემდეგ, ფაქტი აღიარა.

სტატიაში წერია, რომ ტრამპს და კლიფორდს სექსი 2006 წელს ჰქონდათ, გოლფის ტურნირის დროს, რომელზეც ქალი სტუმრის სტატუსით დაპატიჟეს. ეს მოხდა ოთხ თვეში მას შემდეგ, რაც მელანია ტრამპმა მილიარდერის უმცროსი შვილი - ბერონი გააჩინა.

10 წლის შემდეგ, კლიფორდმა გადაწყვიტა ამ ამბის შესახებ პრესისთვის მოეყოლა და ჟურნალისტებთან მოლაპარაკებებს აწარმოებდა. ტრამპის ადვოკატმა მას დუმილისთვის ფული გადაუხადა: შეთანხმება თითქოს უკრძალავს მას აშშ-ის დღევანდელ პრეზიდენტთან კავშირზე რაიმეს მოყოლას.

მედიაში დაიწერა ისიც, რომ  დონალდ ტრამპისა და პორნომსახიობის ურთიერთობაზე სკანდალის გამო, მელანია დავოსში არ წავიდა. თუმცა, მოგვიანებით, თეთრმა სახლმა ტრამპის ოჯახში განხეთქილების შესახებ ინფორმაცია უარყო.