მომხრეები და მოწინააღმდეგეები - რეაქცია აშშ-ის მიერ განხორციელებულ ავიაიერიშზე

ევროკავშირის პარალელურად დასავლეთის ქმედებებს მხარს უჭერს თურქეთი. ოფიციალური ანკარა სირიაზე მიტანილ ავიაიერიშს „სათანადო დარტყმად“ აფასებს. ამის შესახებ BBC წერს. 

დასავლეთის ნაბიჯს მხარს უჭერს კანადის პრემიერმინისტრიც და აცხადებს, რომ პარტნიორებთან ერთად სირიაში ქიმიური იარაღის გამოყენების შესახებ გამოძიებას განაგრძობენ. 

სირიაში განხორციელებულ სარაკეტო იერიშს გამოეხმაურა ისრაელიც და დასალეთის ნაბიჯს ირანისთვის, სირიისთვის და „ჰეზბოლასთვის“ „მნიშვნელოვანი გაფრთხილება“ უწოდა. 

მომხდარს გამოეხმაურა გაეროში აშშ-ის ყოფილი წარმომადგენელი სამანტა პაუერიც და დასავლეთის გადაწყვეტილებას „მართებული“ უწოდა. 

1/6 Thread: a few preliminary thoughts tonight: US, FR, UK military strikes in #Syria are an appropriate response to the monstrous, repeated use of CW by the Assad regime against civilians.

— Samantha Power (@SamanthaJPower) April 14, 2018

სირიის რეჟიმის ქმედება დაგმო ლიტვამაც და აშშ-ს, საფრანგეთს და დიდ ბრიტანეთს მხარდაჭერა გამოუცხადა. 

კიდევ ერთი ქვეყანა, რომელიც დონალდ ტრამპის გადაწყვეტილებას გამოეხმაურა შოტლანდია იყო. ქვეყნის პირველი მინისტრი ნიკოლა სტარჯენი მიიჩნევს, რომ ავიაიერიშები პრობლემებს ვერ გადაჭრის. 

Air strikes have not resolved situation in Syria so far - nothing I’ve heard persuades me they will do so now. An international strategy for peace must be pursued - not a course that risks dangerous escalation. UK foreign policy should be set by Parliament, not US President.

— Nicola Sturgeon (@NicolaSturgeon) April 14, 2018

სირიაზე სამხედრო იერიშს გმობს ბელარუსის მთავრობა. ოფიციალური მინსკი მხარეებს მოუწოდებს კონფლიქტის მშვიდობიანი გზით გადაჭრის გზების ძებნა დაიწყონ.

პარალელურად ირანი შეერთებულ შტატებს და მის მოკავშირეებს სირიაზე იერიშის მოსალოდნელ შედეგებზე აფრთხილებს. ირანის საგარეო საქმეთა სამინისტროს მიერ გავრცელებულ განცხადებაში ნათქვამია, რომ სირიის წინააღმდეგ განხორციელებული აგრესია მთლიანად რეგიონზე აისახება. ირანის სულიერი ლიდერი კი მიიჩვენევს, რომ ავიაიერიშები დანაშაულია და ამ ყველაფერს სასურველი შედედი არ მოჰყვება. 

Iran’s foreign ministry condemns #Syriastrikes “strongly” while warning over its regional impact. https://t.co/EkHiLLdC5l

— Golnaz Esfandiari (@GEsfandiari) April 14, 2018

კოალიციურმა ძალებმა სირიაზე საჰაერო იერიში დღეს გამთენიისას მიიტანეს. აშშ-ში რუსეთის ელჩი აცხადებს, რომ ეს გადაწყვეტილება უპასუხოდ არ დარჩება.

გასულ კვირას დასავლეთმა სირია ქალაქ დუმაში ქიმიური იარაღის გამოყენებაში დაადანაშაულა. პრეზიდენტმა ტრამპმა რუსეთი გააფრთხილა, რომ სირიაზე საჰაერო იერიშს მიიტანდა. განცხადება აღმოსავლეთ ღუტაში, 7 აპრილს ქიმიური იარაღის შესაძლო გამოყენებას მოჰყვა. 

თავისმხრივ სირიის პრეზიდენტმა ბაშარ ალ-ასადმა სააგენტო AFP-სთან ექსკლუზიურ ინტერვიუში 7 აპრილის მოვლენებში სირიის ხელისუფლების მიერ ტოქსიკური გაზის გამოყენების ალბათობას „100%-იანი ფაბრიკაცია“ უწოდა. მისი თქმით, სირიას ქიმიური იარაღი არ აქვს.

ადგილები, სადაც დასავლეთმა სირიაში საჰაერო დარტყმები განახორციელა