მედია: ტრამპს არ აცნობეს, რომ გაპრეზიდენტება პირველმა პუტინმა მიულოცა

2017 წლის იანვარში აშშ-ის პრეზიდენტი დონალდ ტრამპი ნაციონალურ უსაფრთხოებაში თავის ყოფილ მრჩეველზე მაიკლ ფლინზე განრისხდა, რომელმაც ტრამპს დაგვიანებით მიაწოდა ინფორმაცია რუსეთის პრეზიდენტის ვლადიმერ პუტინის ზარის შესახებ. ამის შესახებ გამოცემა The Guardian-ი FBI-ის ყოფილ დირექტორზე ჯეიმს კომიზე დაყრდნობით ავრცელებს. 

ინციდენტი დიდი ბრიტანეთის პრემიერმინისტრ ტერეზა მეისთან სადილის დროს მოხდა. კომის ცნობით, ამერიკელმა ლიდერმა მეის მადლობა გადაუხადა იმისათვის, რომ ის იყო პირველი, რომელმაც ინაუგურაციის შემდეგ გაპრეზიდენტება მიულოცა. საუბარში მაიკლ ფლინი ჩაერთო, რომელმაც თქვა, რომ ტრამპს პირველმა "სხვა უცხოელმა ლიდერმა" მიულოცა. კომიმ არ მიუთითა ზუსტად ვისზე იყო საუბარი, თუმცა Guardian-ის სანდრო წყაროებმა დაადასტურეს, რომ ეს ვლადიმერ პუტინი იყო. გარდა ამისა, ფლინმა ტრამპს უთხრა, რომ კრემლში საპასუხო ზარი 6 დღით გადადეს. 

"ფლინმა თქვა, რომ საპასუხო ზარი (ვლადიმერ პუტინს), შაბათისთვის იყო დაგეგმილი, რამაც ძალიან გააბრაზა პრეზიდენტი ტრამპი, რადგან 6 დღით პასუხის გადადება უტაქტო საქციელად ჩათვალა", - აღნიშნავს კომი. 

ეროვნული უსაფრთხოების საკითხებში დონალდ ტრამპის მრჩეველმა მაიკლ ფლინმა თანამდებობა 14 თებერვალს დატოვა. ფლინს პოსტის დატოვება რუსეთის ელჩ სერგეი კისლიაკთან სატელეფონო საუბრის გამო მოუხდა, რის შესახებაც ტრამპის ადმინისტრაციისთვის ინფორმაცია არ მიუწოდებია. მოგვიანებით მან ის რუსული კომპანიები დაასახელა, რომლებისგანაც ჰონორარები აიღო. 

ფლინს ჩვენების სანაცვლოდ ხელშეუხებლობის იმუნიტეტს ითხოვდა. სენატის დაზვერვის კომიტეტმა მას უარი უთხრა.

ამერიკულ არჩევნებში რუსეთის შესაძლო ჩარევასთან დაკავშირებით გამოძიებაგრძელდება. პრეზიდენტის წინააღმდეგ მტკიცებულებების აღმოჩენის შემთხვევაში ეს შეიძლება მისი იმპიჩმენტის საფუძველი გახდეს.