imedi /  08 აპრილი 2019, 10:52 / სანდო წყარო

ბიძინა ივანიშვილი ღია წერილს ავრცელებს

ბიძინა ივანიშვილი

ბიძინა ივანიშვილი

პარტია "ქართული ოცნება - დემოკრატიული საქართველოს" თავმჯდომარემ ბიძინა ივანიშვილმა 9 აპრილის მოვლენებიდან 30 წლისთავთან დაკავშირებით ღია წერილი გაავრცელა. 

ბიძინა ივანიშვილი წერილში აცხადებს, რომ საბჭოთა იმპერიის მარწუხებისგან სამშობლოს დახსნა, საქართველოს დამოუკიდებლობა და თავისუფლება - ეს იყო ის დიდი ეროვნული იდეა, რომლის გარშემოც გაერთიანდა და ერთ მუშტად შეიკრა მთელი ერი. 

"საქართველოს ისტორიას ბევრი ისეთი დღე ახსოვს, რომელმაც ქართველი ერის ბედი განსაზღვრა და  ჩვენი ქვეყნის მომავალი გადაწყვიტა. სწორედ ასეთი დღეა 9 აპრილი. დღე, რომელმაც ოცდაათი წლის წინ ახალ ეპოქას მისცა დასაბამი.

საბჭოთა იმპერიის მარწუხებისგან სამშობლოს დახსნა, საქართველოს დამოუკიდებლობა და თავისუფლება - ეს იყო ის დიდი ეროვნული იდეა, რომლის გარშემოც გაერთიანდა და ერთ მუშტად შეიკრა მთელი ერი.

1989 წლის 9 აპრილი იყო უმძიმესი, ერთ-ერთი ყველაზე ტრაგიკული დღე, მაგრამ ეს დღე ჩვენთვის თავისუფლებისა და დამოუკიდებლობისთვის ბრძოლის სიმბოლოდ იქცა -  მთელი განვლილი ისტორიის მანძილზე შეძენლმა ეროვნულმა ენერგიამ ერთ პატარა მოედანზე მოიყარა თავი და დაღვრილი სისხლის მიუხედავად, ამ უთანასწორო ბრძოლიდან ქართველი ხალხი მორალურად გამარჯვებული გამოვიდა.

ერთადერთი ძალა, რომელმაც მაშინ ჩვენს ხალხს შეაძლებინა შიშველი ხელებით დაპირისპირებოდა საბჭოთა რეჟიმის სისასტიკეს, წინ დადგომოდა საბჭოთა ტანკებს, ეს იყო სამშობლოს უპირობო სიყვარული და შიშველი ემოცია. სწორედ ამ მუხტმა და ემოციამ შეგვაძლებინა, რომ თავისუფლებისთვის შეუპოვარი ბრძოლა რაციონალურ კალაპოტში მოგვექცია და ორი წლის თავზე, 1991 წლის 9 აპრილს, როგორც ამ ბრძოლის ლოგიკური შედეგი, ზვიად გამსახურდიამ საქართველოს სახელმწიფოებრივი დამოუკიდებლობის აღდგენა გამოაცხადა. 

დამოუკიდებლობის პირველივე დღეებიდან, როდესაც სახელმწიფოს მშენებლობას ცივი გონება, მუხლჩაუხრელი შრომა და საზოგადოების მაქსიმალური კონსოლიდაცია სჭირდებოდა, ჩვენს რაციონალიზმზე ემოციამ იმძლავრა და მას შემდეგ, საკუთარ შეცდომებზე გვიხდება სახელმწიფოებრიობის სწავლა:

ჯერ არჩეული ხელისუფლება დავამხეთ და ქვეყანა სისხლიანი სამოქალაქო დაპირისპირების ქაოსში გადავისროლეთ, შემდეგ კრიმინალებს ვაჯიჯგნინეთ სამშობლო, მერე, თითქოს გონს მოსულებმა, ქვეყანას გეოსტრატეგიული ფუნქციაც შევძინეთ და ნატოს კარზეც დავაკაკუნეთ, მაგრამ კორუფციასა და უძრაობაში ჩაფლულებმა იმდენი ვქენით, სანამ ემოციურ ტალღაზე შინნაზარდი დიქტატორი არ გამოვიძახეთ, რომელიც რუსთაველის გამზირზე ისევ სისხლში ახშობდა სახალხო პროტესტს.

2012 წლის 9 აპრილს, დამოუკიდებლობის ოცდამეერთე წელს, საქართველო დემოკრატიის ნასახის გარეშე, გადავსებული ციხეებით, ხმაგაკმენდილი მედიით, ოკუპირებული ტერიტორიებითა და აღმოსავლური ტირანიის ისეთი ცინიკური მოდელით შეხვდა, რომელიც ხალხის ჯიბიდან წაგლეჯილი ფულითვე ყიდულობდა დემოკრატიის ნიღაბს შინ თუ გარეთ.

ასეთი იყო ჩვენი სახელმწიფოებრიობის ტრაექტორია - თავდაღმართში სვლის ტეხილი, რომელშიც ძალიან ცოტა იყო დარაზმულობის, შრომისა და ურთიერთგატანის  ადგილი, რომელშიც თითქმის ყველა ისტორიული გარდატეხა სულსწრაფობითა და ემოციით ხდებოდა, რის შედეგადაც ქვეყნის განვითარება ათწლეულებით დავხიეთ უკან.

მიუხედავად ამისა, 2012 წლის პირველ ოქტომბერს ქართველმა ხალხმა შესაძლებლის ზღვარზე გაიარა და წარმოუდგენელი გამარჯვება მოიპოვა. ბევრს არ სჯეროდა, რომ ნგრევის, სამოქალაქო დაპირისპირებისა და არეულობის, ყოველგვარი რევოლუციური სცენარების გარეშე, ჩვენ სამართლებრივ სივრცეში მოვახდენდით ემოციური მუხტისა და რაციონალიზმის იდეალურ შერწყმას, მაგრამ ჩვენ ეს შევძელით - ძალადობრივი რეჟიმი ისე უმტკივნეულოდ, უსისხლოდ მოვიშორეთ თავიდან, რომ თვითონაც ბოლომდე არ იჯერებდნენ მომხდარს. ამ დღეს ხელმეორედ დაიბადა 9 აპრილის სულისკვეთება და უკვე მეშვიდე წელია, ქვეყანას მართავს რაციონალიზმზე დაფუძნებული პოლიტიკა, რომელმაც უწყვეტი საგარეო და სამოქალაქო მშვიდობა მოიტანა, რაც უპრეცედენტოა დამოუკიდებელი საქართველოს ისტორიაში.

მაგრამ მაინც მივიღეთ პარადოქსული ვითარება:

როგორც წესი, ნებისმიერ დემოკრატიულ ქვეყანაში ეკონომიკურ განვითარებას თან სდევს დემოკრატიის პროგრესი და ადამიანის უფლებების სტანდარტის ზრდა. ჩვენს ქვეყანაში, იმის გამო, რომ პირველი ოქტომბრის არჩევნების შედეგად მოსულმა ხელისუფლებამ უზრუნველყო დემოკრატიის მაღალი სტანდარტი და პოლიტიკური უფლებების სფეროში თამასა ევროპულ სიმაღლემდე ასწია, ჩვენი ეკონომიკური მოცემულობა ობიექტურად ჩამორჩა ამ სტანდარტს. სწორედ ამას იყენებენ ქაოსის მსურველი ძალები, სარგებლობენ რა ჩვენს მიერ დამკვიდრებული დემოკრატიული ინსტრუმენტებით და ეკონომიკურ პრობლემებზე სპეკულირებით კვლავ ფიქრობენ რევანშზე, ცდილობენ დაგვაბრუნონ 90-იანი წლების სიბნელეში და დღესაც, მათი მთავარი დასაყრდენი კვლავ რაციონალიზმზე გამარჯვებული ემოციებია. მიუხედავად იმისა, რომ „ოცნების“ ხელისუფლებამ ამ ექვსი წლის მანძილზე რეგიონალური თუ გლობალური პოლიტიკურ-ეკონომიკური გამოწვევების ფონზე, რეალური შესაძლებლობის თითქმის მაქსიმუმი გააკეთა და ეროვნული ეკონომიკის უკლებლივ ყველა სფეროში თვალსაჩინო პროგრესი აჩვენა, სწორედ „ოცნების“ ხელისუფლებას უყენებენ პრეტენზიას იმ სოციალურ-ეკონომიკური კოლაფსისთვის, რომელშიც ქვეყანა დამოუკიდებლობის მოპოვების შემდეგ აღმოჩნდა.  ნიშანდობლივია, რომ  ყველაზე ხმამაღლა იმ ხალხის პრეტენზია ისმის, ვინც იმ წლების განმავლობაში ყველაფერი გააკეთა, რომ ეს კოლაფსი დამდგარიყო.

ქვეყნის სტაბილურ წინსვლას რეალისტური და მკაფიო ამოცანები, მოთმინება და თანმიმდევრულობა სჭირდება. წინსვლა არ არის მყისიერი პროცესი. ის ითხოვს ხანგრძლივ სამოქალაქო მშვიდობას, რომელიც არ მიიღწევა ბარიკადების პირობებში. ამისთვის აუცილებელია ერთსულოვნება. სწორედ ის მდგომარეობა, რომელშიც ჩვენ ვიყავით 1989 წლის 9 აპრილს, როდესაც არავინ კითხულობდა, თუ ვინ სად იდგა მანამდე, როცა ამპარტავნება და ეგოიზმი ვერ ერეოდა საერთო საქმეს, როცა  საკუთარი თავი კი არ მოსწონდათ ეროვნულ მოძრაობაში, არამედ პირიქით, ეროვნული მოძრაობა - საკუთარ თავში.

პოლიტიკა არის შესაძლებლის ხელოვნება, ანუ მხოლოდ ის, რაც რეალურად მიღწევად მიზანს ემსახურება, ხოლო ხალხისთვის პოლიტიკად შესაღება იმისა, რაც შესაძლებლის მიღმა დგას - უბრალოდ მავნებლობაა, რადგან არარეალური მიზნები ქმნიან ცრუ მოლოდინებს, მათი მიუღწევლობა კი შობს იმედგაცრუებას და ნიჰილიზმს და ძალიან სწრაფად იწვევს ეროვნული ენერგიის სრულ გამოფიტვას. გამოცდილება გვასწავლის, რომ ასეთი სულსწრაფი მცდელობები, წინსვლის და განვითარების ნაცვლად უკუსვლას იწვევს, რასაც, როგორც წესი, შედეგად ქაოსი და დესტაბილიზაცია მოჰყვება ხოლმე.

მიუხედავად ჩვენი პოლიტიკური წარსულისა, დღეს მოქალაქეები ისევ ერთი მიზნისთვის უნდა გავერთიანდეთ.

ეს არ ნიშნავს მეხსიერების წაშლას, არ ნიშნავს იმას, რომ ვინმეს მიეტევოს ჩადენილი დანაშაული, მაგრამ უნდა გვახსოვდეს, რომ „ეშმაკი ყოფს“ და განხეთქილებისკენ გვიბიძგებს! უნდა დასრულდეს პრინციპულობის ლოზუნგით საზოგადოების გახლეჩვა, თითის გაშვერა, ერთმანეთის დამუნათება და პოლიტიკური წარსულის მუდმივი შეხსენება. ყველგან, სადაც იქნება  ემოციების გამარჯვება საღ აზრზე, განზე გადგომა  და თანამოაზრეებთან დაპირისპირება, იქ იქნება ქაოსის ძალების დასაყრდენი, იქ იქნება  9 აპრილის იდეალების ღალატი.

წარსულში მიბრუნება დღეს სრულიად წარმოუდგენელია. წინ მხოლოდ რაციონალური პოლიტიკის, განვითარებისა და დემოკრატიის გზაა. ქართული სახელმწიფოს წინსვლის შეუქცევადობა მხოლოდ საერთო მიზნისთვის მთელი საზოგადოების დარაზმულობაზეა დამყარებული.

9 აპრილი მუდმივად გვახსენებს ამას!", - წერს ბიძინა ივანიშვილი ღია წერილში.

ყველა სიახლე

ტორტი ტუალეტის ქაღალდი

29 მარტი 2020, 01:15

ტაბლოიდი

გერმანიაში ტუალეტის ქაღალდის ფორმის ტორტების წარმოება დაიწყეს

ტიმ კორტიუმმა ტუალეტის ქაღალდის ფორმის ნამცხვრები ჯერ სახუმაროდ დაამზადა, თუმცა მას შემდეგ რაც ისინი რამდენიმე წუთში გაიყიდა მთელი წარმოება ააწყო. დღეს მის საკონდიტროში 200-მდე ასეთი კექსი იყიდება. კორტიუმი მათ გამოსაცხობად მარმარილოს კექსების ტრადიციულ რეცეპტს იყენებს, შემდეგ კი თეთრი მინანქრით რთავს.

29 მარტი 2020, 01:08

რეგიონი

სამეგრელო-ზემო სვანეთში ხვალიდან საზოგადოებრივი ტრანსპორტის მოძრაობა აიკრძალება

სამეგრელო-ზემო სვანეთში ხვალიდან საზოგადოებრივი ტრანსპორტის მოძრაობა აიკრძალება - ამის შესახებ სახელწმიფო რწუმენებულმა, ალექსანდრე მოწერელიამ ტელეკომპანია „მაესტროს“ ეთერში განაცხადა.

29 მარტი 2020, 00:53

COVID19

თბილისის ანძა ესპანეთის დროშის ფერებში განათდა

კორონავირუსთან ბრძოლაში ესპანეთის მხარდასაჭერად, თბილისის ანძა ესპანეთის დროშის ფერებში განათდა. ვებრძოლოთ პანდემიას ერთად! ამ ბრძოლაში ჩვენ ვართ თქვენ გვერდით! - ეს არის გზავნილი, რომელსაც ქართველი ხალხი ესპანეთს უგზავნის. საქართველომ რამდენიმე დღის წინ სოლიდარობა იტალიელ ხალხსაც გამოუცხადა და სიმბოლურად თბილისის ანძა იტალიის დროშის ფერებში გაანათა.

ლეკვები აკვარიუმში აშშ

29 მარტი 2020, 00:39

ტაბლოიდი

ჯორჯიაში კორონავირუსის გამო დახურულ აკვარიუმში ლეკვებმა გაისეირნეს 🐶🐶🥰 ვიდეო

ოდიმ და კარმელმა ცარიელ დარბაზებში ირბინეს, დაათვალიერეს თევზები. დატვირთული დღის შემდეგ კი დაძნებაც მოახერხეს.

ტაში დიდი ბრიტანეთი ექიმი

29 მარტი 2020, 00:18

ტაბლოიდი

ბრიტანეთში მეზობლები ექიმს სამსახურში ტაშით აცილებენ. ვიდეო

ახალგაზრდა ექიმისთვის სიურპრიზის მოწყობა მეზობლებს მისმა დედამ სთხოვა, ისინი კი მის ინიცაიატივას სიამოვნებით დათანხმდნენ. ტაილასთვის ეს ჟესტი იმდენად გულისამაჩუყებელი აღმოჩნდა, რომ მან ცრემლები ვერ შეიკავა.

ანა გაგნიძე

29 მარტი 2020, 00:06

COVID19

გერმანიაში მცხოვრები ქართველი მასწავლებელი მეზობელ ბავშვებს სადარბაზოში ყოველდღე ზღაპრებს უკითხავს

გერმანიის ქალაქ აუგსბურგში მცხოვრები ქართველი მასწავლებელი ანა მუსმან-გაგნიძე ყოველდღე მეზობელ ბავშვებს ზღაპრებს უკითხავს. მას შემდეგ რაც ანა გაგნიძის ინიციატივის შესახებ ადგილობრივმა გამოცემამ, Augsburger Allgemeine-მ დაწერა.

კობა გვენეტაძე

28 მარტი 2020, 23:53

ეკონომიკა

კობა გვენეტაძე: კორონავირუსის პანდემიით გამოწვეული გავლენა ვალუტის კურსზე ყველა ქვეყანაში იგრძნობა

საბანკო სისტემა გამოწვევას ხდება მომზადებული. ეს არის იმის შედეგი, რომ გვქონდა კარგი საზედამხედველო პოლიტიკა, - ამის შესახებ ეროვნული ბანკის პრეზიდენტმა კობა გვენეტაძემ ტელეკომპანია „ფორმულას“ ეთერში განაცხადა.

საგარეო

28 მარტი 2020, 23:38

COVID19

უკრაინასა და სლოვენიაში მყოფ საქართველოს მოქალაქეებზე საგარეო უწყება ინფორმაციას ავრცელებს

საქართველოს მოქალაქეები, რომლებსაც სირთულეები შეექმნათ კორონავირუსის გავრცელების შედეგად გადაადგილებაზე დაწესებული შეზღუდვების გამო, უკრაინასა და სლოვენიაში საქართველოს საელჩოებმა დროებითი საცხოვრებლით და პირველადი საჭიროებებით უზრუნველყვეს ინფორმაციას საგარეო უწყება ავრცელებს. მოქალაქეებმა დახმარების თხოვნით საგარეო საქმეთა სამინისტროსა და საელჩოების ცხელ ხაზს მიმართეს.

თენგიზ ცერცვაძე

28 მარტი 2020, 23:28

COVID19

თენგიზ ცერცვაძე ერთ-ერთ პირველ ინფიცირებულებზე: ცოლს კორონავირუსი ჰქონდა, ქმარს არა, თუმცა პალატაში მარტო არ დატოვა და ორი კვირის განმავლობაში ვირუსი არ გადაედო

მარნეულიდან არ გამოვლენილა იმაზე მეტი რაოდენობა ინფიცირებულების, ვიდრე ეს გამოვლინდა ცნობილ კლასტერებში, რაც იმაზე მეტყველებს, რომ შიდა გადაცემის ერთეული შემთხვევებია. ამის შესახებ ინფექციური საავადმყოფოს ხელმძღვანელმა თენგიზ ცერცვაძემ „ფორმულას“ ეთერში განაცხადა.

28 მარტი 2020, 23:19

COVID19

ლევან რატიანმა განმარტა, რატომ არიან 60 წელს გადაცილებული ადამიანები რისკჯგუფში

ახალი კორონავირუსის რისკჯგუფში 60 +1 ასაკის ადამიანები ითვლებიან. განსაკუთრებით თუ ანამნეზში აქვთ არტერიული ჰიპერტენზია, - ამის შესახებ პირველი საუნივერსიტეტო კლინიკის დირექტორმა, ლევან რატიანმა ტელეკომპანია „ფორმულას“ ეთერში განაცხადა.

თენგიზ ცერცვაძე

28 მარტი 2020, 23:07

COVID19

თენგიზ ცერცვაძე: საქართველოში დაიწყო შიდა გავრცელების ეტაპი, რომელიც ინფექციის უკონტროლო გავრცელების დიდ რისკებს შეიცავს

საქართველოში დაიწყო შიდა გავრცელების ეტაპი, რომელიც ინფექციის უკონტროლო გავრცელების დიდ რისკებს შეიცავს. ამის შესახებ ინფექციური საავადმყოფოს ხელმძღვანელმა თენგიზ ცერცვაძემ „ფორმულას“ ეთერში განაცხადა. მისი განცხადებით, აქამდე ყველა ინფიცირებულის პირველწყარო იყო დადგენილი, ახლა კი არსებობს სამი შემთხვევა, როდესაც პირდაპირი კონტაქტები უცნობია.

28 მარტი 2020, 22:55

COVID19

პირველ საუნივერსიტეტო კლინიკაში მოთავსებულ სამ ახალშობილს კორონავირუსი არ აქვს

ჩვენს კლინიკაში სამი ახალშობილია, რომლებიც მარნეულის საკარანტინო წითელი ზონიდან გადმოიყვანეს. საბედნიეროდ არცერთი მათგანი COVID19-ით ინფიცირებული არ არის, - ამის შესახებ პირველი საუნივერსიტეტო კლინიკის დირექტორმა, ლევან რატიანმა ტელეკომპანია „ფორმულას“ ეთერში განაცხადა.

თენგიზ ცერცვაძე

28 მარტი 2020, 22:43

COVID19

თენგიზ ცერცვაძე სწრაფ ტესტებზე: 10-დან 9 კომპანიის წარმოება წუნდებულია

სწრაფი ტესტები ძალიან მნიშვნელოვანია, ოღონდ მას თავისი ნიშა აქვს და პანაცეად თუ რაღაც უნივერსალურ საშუალებად არ უნდა ჩავთვალოთ, ამის შესახებ ინფექციური საავადმყოფოს ხელმძღვანელმა, თენგიზ ცერცვაძემ „ფორმულას“ ეთერში განაცხადა.

28 მარტი 2020, 22:26

COVID19

საფრანგეთის პრემიერ-მინისტრი: აპრილის პირველი 15 დღე გაცილებით რთული იქნება

აპრილის პირველი 15 დღე გაცილებით რთული იქნება, ვიდრე აქამდე გასული 15 დღე, - განაცხადა საფრანგეთის პრემიერ-მინისტრმა ედუარ ფილიპმა.

კორონავირუსი

28 მარტი 2020, 22:11

COVID19

თავდაცვის სამინისტროს ეროვნული გვარდიის სამოქალაქო ოფისის დასუფთავების სამსახურის ექვს თანამშრომელს კორონავირუსი დაუდასტურდა

თავდაცვის სამინისტროს ეროვნული გვარდიის სამოქალაქო ოფისის დასუფთავების სამსახურის ექვს თანამშრომელს, რომლებიც 21 მარტიდან თვითიზოლაციაში იმყოფებოდნენ, კორონავირუსი დაუდასტურდათ. ინფორმაციას თავდაცვის სამინისტრო ავრცელებს.

28 მარტი 2020, 22:04

COVID19

იტალიაში კორონავირუსით გარდაცვლილთა რიცხვმა 10 ათასს გადააჭარბა

ბოლო 24 საათის განმავლობაში იტალიაში კორონავირუსით 889 ადამიანი გარდაიცვალა და ჯამში გარდაცვლილთა რიცხვი 10 023-მდე გაიზარდა. გამოჯანმრთელებულთა რაოდენობამ კი 12 384 შეადგინა. იტალიის სამოქალაქო თავდაცვის სამსახურის ანჯელო ბორელის განცხადებით, რომ არა ის მკაცრი შეზღუდვები, რომელიც ხელისუფლებამ დააწესა, გარდაცვლილთა რიცხვი გაცილებით მეტი იქნებოდა.

28 მარტი 2020, 21:45

COVID19

„დრიმლენდ ოაზისი ჩაქვი“ საკარანტინო ზონისთვის სახელმწიფოს უსასყიდლოდ დაეთმო

„დრიმლენდ ოაზისი ჩაქვის“ დამფუძნებლების გადაწყვეტილებით, სასტუმრო სამშობლოში დაბრუნებული მოქალაქეების განსათავსებლად სრული მომსახურების პაკეტით სახელმწიფოს საკარანტინე ზონისთვის უსასყიდლოდ გადაეცა. მათი ინფორმაციით, სასტუმრო-კომპლექსის მენეჯმენტი, „დრიმლენდ ოაზისის“ შესაბამისი მომსახურების სტანდარტით და სამჯერადი კვებით სამშობლოში დაბრუნებულ მოქალაქეებს უსასყიდლოდ უმასპინძლებს.

28 მარტი 2020, 21:43

COVID19

ამირან გამყრელიძე: მრევლი ეკლესიებში იცავს იმ წესს, რაც პატრიარქმა მოუწოდა

დღეს ერთ-ერთ ტაძართან ჩემი ახლობლები იყვნენ, გახარებულები მოვიდნენ და მითხრეს, რომ ვერ წარმოიდგენ, წესი როგორ არის დაცულიო. ეზოში ადგილები არის დანომრილი, ვინ სად უნდა იდგესო. ეს ადამიანები, მორწმუნე მრევლი იცავს იმას, რაც ეკლესიამ, პატრიარქმა მოუწოდა, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ „ტვპირველის“ ეთერში განაცხადა.

ამირან გამყრელიძე

28 მარტი 2020, 21:23

COVID19

ამირან გამყრელიძე: იმ ადამიანებს, რომლებიც პაატა იმნაძეს აკრიტიკებდნენ, იცით, რომ მისი დაჭერა უნდოდათ?!

დავადებათა კონტროლის ეროვნული ცენტრის ხელმძღვანემა სწრაფ ტესტებზე დასმულ შეკითხვას კიდევ ერთხელ უპასუხა. გვჭირდება თუ არა სწრაფი ტესტები ამ ეტაპზე, ამ შეკითხვით მიმართეს ამირან გამყრელიძეს „ტვპირველის“ ეთერში.

28 მარტი 2020, 21:16

COVID19

ლევან დავითაშვილი: ჩვენ ვაკონტროლებთ მარაგებს და ფასებს, ბაზარზე წყვეტა არ იქნება.

მთავრობამ მართა პროცესი რომ არ იყო შეფერხება სურსათის მომარაგებაში. მაგრამ იყო რიგები და პანიკური მოთხოვნა. მოსახლეობამ დაინახა, რომ ჩვენი განცხადებები იყო ახლოს რეალობასთან და ახლა სავაჭრო ქსელებში რიგები აღარ არის, - ამის შესახებ ტელეკომპანია „იმედის“ გადაცემაში „ქრონიკა“სოფლის მეურნეობის მინისტრმა ლევან დავითაშვილმა განაცხადა.