imedi /  24 აპრილი 2019, 08:45 / სანდო წყარო

„გირჩი“: რაც დასაშვებია ჯიბღაშვილის შემთხვევაში, აუცილებლად უნდა გავრცელდეს სხვა ადამიანებზეც

ლევან ჯიბღაშვილი

ლევან ჯიბღაშვილი

პოლიტიკური გაერთიანება „გირჩი“ მსახიობისა და ბიზნესმენის, ლევან ჯიბღაშვილის დაკავებას ეხმიანება. „გირჩი“ სოციალურ ქსელში ამ თემაზე სპეციალურ განცხადებას ავრცელებს.

"გუშინ შინაგან საქმეთა სამინისტრომ დააკავა მსახიობი და ბიზნესმენი ლევან ჯიბღაშვილი, რომელსაც ავტომანქანაში აღმოუჩინეს დიდი ოდენობით ნარკოტიკული ნივთიერება, თუმცა არც ერთ ნიუსში, რომელიც ამ ფაქტთან დაკავშირებით მედიაში გავრცელდა, არ იყო მითითებული, ზუსტად რა ნივთიერებები და რა ოდენობით აღმოაჩინეს.

თუმცა ვრცელდებოდა ინფორმაცია, რომ დაკავებისას ლევან ჯიბღაშვილი ხმამაღლა ითხოვდა დახმარებას კახა კალაძისგან. 

ჩვენ ვულოცავთ ლევან ჯიბღაშვილს თავისუფლებას და მისგან განსხვავებით, ვფიქრობთ, რომ არც ერთი ადამიანი ნარკოტიკების ფლობის და მოხმარების გამო არ უნდა იჯდეს ციხეში, უფრო მეტიც სრულად ვეთანხმებით საკონსტიტუციო სასამართლოს მსჯელობის ხაზს და ეს ადამიანის თავისუფალი განვითარების უფლების ნაწილი გვგონია.

შესაბამისად, იმედი გვაქვს, რომ ბატონი ლევანი თავისუფლებაში დარჩება საქმის არსებითად გადაწყვეტის შემდეგაც. ამავდროულად გვინდა, რომ ეს შემთხვევა სხვა ადამიანების გასათავისუფლებლადაც გამოვიყენოთ და გვაქვს შემდეგი კითხვები:

1. შინაგან საქმეთა სამინისტროსგან გვაინტერესებს რა ოდენობის და რა სახის ნარკოტიკული საშუალება ამოიღეს?

2. პროკურატურისგან გვაინტერესებს იგივე ჯგუფის, იგივე ან ნაკლები ოდენობის ნარკოტიკული საშუალების ფლობის გამო (260-ე მუხლი) ბრალდებული პირების წინააღმდეგ რამდენჯერ იყო მოთხოვნილი აღკვეთის ღონისძიებად პატიმრობა, უკანასკნელი ერთი წლის განმავლობაში?

3. სასამართლოსგან გვაინტერესებს, იგივე ჯგუფის იგივე ან ნაკლები ოდენობის ნარკოტიკული საშუალების ფლობისთვის, რამდენ პირს შეეფარდა აღკვეთის ღონისძიებად პატიმრობა, უკანასკნელი ერთი წლის განმავლობაში?

4. სასამართლოსგან გვაინტერესებს, იგივე ან ნაკლები ოდენობის იგივე ჯგუფის ნარკოტიკული საშუალების ფლობისთვის რამდენ ადამიანს მიესაჯა ბოლო ერთი წლის განმავლობაში პატიმრობა?

5. სასჯელაღსრულების სამინისტროსგან გვაინტერესებს რამდენი ადამიანი იხდის დღეს სასჯელს იგივე ჯგუფის, იგივე ან ნაკლები ოდენობის ნარკოტიკული საშუალების ფლობისთვის?

ჩვენ ვთვლით, რომ ამ კითხვებზე პასუხის გაცემა აუცილებელია იმისთვის, რომ გამოვრიცხოთ შერჩევითი სამართლიანობის საფუძვლიანი ეჭვი ამ საქმეში, მით უმეტეს არსებობს ინფორმაცია, რომ დაზარალებული დაკავებისას ითხოვდა დახმარებას მაღალი თანამდებობის პირისგან, ქალაქის მერისგან.

ჩვენ არ გვგონია პრობლემა ის, რომ ქალაქის მერი დახმარებოდა ლევანს, თავისუფლების ყიდვაში, რადგან, როგორც ზემოთ აღვნიშნეთ, არ გვგონია სამართლიანი ამ დანაშაულის გამო ადამიანის ტყვეობაში ყოფნა. თუმცა გვაქვს დადასტურებული ინფორმაცია, რომ უამრავი ადამიანი იმავე ,,დანაშაულის“ გამო დღესაც გვიზის საპყრობილეში.

ყველაზე უარესი რამ, რაც შეიძლება დაემართოს მართლმსაჯულების სისტემას, არის შერჩევითი სამართლიანობა, ამიტომ რაც დასაშვებია ლევან ჯიბღაშვილის შემთხვევაში, აუცილებლად უნდა გავრცელდეს სხვა ადამიანების შემთხვევებზეც, რომლებიც უსამართლოდ იტანჯებიან საპყრობილეში.

ვითხოვთ ამ უწყებებისგან, გვიპასუხონ დასმულ შეკითხვებზე და დაიწყონ პროცედურები, იგივე დანაშაულის გამო ციხეში მსხდომი ადამიანების გასათავისუფლებლად", - წერია განცხადებაში.

პროკურატურამ მისთვის აღკვეთის ღონისძიებად 15 000 ლარის გირაო მოითხოვა, თუმცა მოსამართლემ ჯიბღაშვილს 10 000-ლარიანი გირაო შეუფარდა

მსახიობსა და ბიზნესმენ ლევან ჯიბღაშვილს ბრალი სისხლის სამართლის კოდექსის 260-ე მუხლის პირველი და მე-3 ნაწილებით წაუყენეს. ეს მუხლი საქართველოში კონტროლს დაქვემდებარებული ნივთიერებების I ან II სიაში შეტანილი დიდი ოდენობით ფსიქოაქტიური ნივთიერების ან მისი ანალოგის უკანონო დამზადებას, წარმოებას, შეძენას, შენახვას, გადაზიდვას ან გადაგზავნას გულისხმობს.

ამ დანაშაულის ჩადენა შვიდიდან თხუთმეტ წლამდე თავისუფლების აღკვეთით ისჯება. ადვოკატის თქმით, მისი დაცვის ქვეშ მყოფი თანამშრომლობისთვის მზადაა.

ყველა სიახლე

კორონავირუსი

27 თებერვალი 2021, 10:48

COVID19

საქართველოში კორონავირუსი კიდევ 373 ადამიანს დაუდასტურდა, გამოჯანმრთელდა 542 პაციენტი

Stopcov.ge-ზე გამოქვეყნებული ინფორმაციის თანახმად, საქართველოში კორონავირუსი კიდევ 373 ადამიანს დაუდასტურდა, გამოჯანმრთელდა 542 პაციენტი.

კორონავირუსი

27 თებერვალი 2021, 10:47

COVID19

ბოლო 24 საათში საქართველოში 14 კოვიდინფიცირებული გარდაიცვალა

ბოლო 24 საათში საქართველოში კორონავირუსით 14 ადამიანი გარდაიცვალა. ამის შესახებ მონაცემები StopCov.ge-ზე განახლდა. პანდემიის გავრცელებიდან დღემდე ვირუსს ჯამში 3,499 პირი ემსხვერპლა.

27 თებერვალი 2021, 10:43

სპორტი

ბორჯღალოსნების სამწვრთნელო შტაბმა რაგბი ევროპის ჩემპიონატის 32 მონაწილე შეარჩია

ბორჯღალოსნების სამწვრთნელო შტაბმა ის 32 მორაგბე შეარჩია, რომლებიც 2021 წლის რაგბი ევროპის ჩემპიონატის პირველი ოთხი თამაშისთვის მოემზადება. 2021-2022 წლების რაგბი ევროპის ჩემპიონატების ჯამის შედეგად, ორი მოწინავე გუნდი 2023 წლის მსოფლიო თასის საგზურს მიიღებს, მესამე გუნდი კი საკონტინენტთაშორისო ფლეი-ოფში ჩაერთვება.

27 თებერვალი 2021, 10:36

სპორტი

საქართველოს ნაკრების კალათბურთელმა ბექა ბურჯანაძემ „გრან კანარიასთან“ კონტრაქტი გაწყვიტა

საქართველოს ნაკრების კალათბურთელმა ბექა ბურჯანაძემ „გრან კანარიასთან“ კონტრაქტი გაწყვიტა. ინფორმაციას ესპანური გუნდის ვებგვერდი ავრცელებს, სადაც წერია, რომ მხარეებმა კონტრაქტი ურთიერთშეთანხმების საფუძველზე გაწყვიტეს. ოფიციალურ განცხადებაში აღნიშნულია, რომ ბურჯანაძემ ხელშეკრულების გაწყვეტა პირადი მიზეზებით ითხოვა.

27 თებერვალი 2021, 10:14

რეგიონი

ცნობილმა ველოსიპედისტმა, სპიკერმა და ფანდრაიზერმა, ლუკ გრენფელ შოუმ საქართველოში მოგზაურობა ბათუმიდან დაიწყო

„ბრისტოლიდან - ბეიჯინამდე“ - ასე ჰქვია ველომარშრუტს, რომლის ფარგლებშიც, ლუკი ველოთი 30 ქვეყნის გავლასა და სიმსივნით დაავადებულთათვის 300,000 ევროს შეგროვებას გეგმავს. მისი მოგზაურობა შთამაგონებელი და მაგალითის მიმცემია, მათთვის ვინც ლუკის მსგავსად, სიმსივნეს ებრძვის. პროექტმა ევროპული მედიის ყურადღებაც მიიპყრო და ლუკის მოგზაურობას გამომწერებთან ერთად, თვალს ადევნებენ ჟურნალისტებიც.

სარეიტინგო სააგენტო S&P Global

27 თებერვალი 2021, 10:00

ეკონომიკა

სარეიტინგო სააგენტო S&P Global-მა საქართველოს სუვერენული საკრედიტო რეიტინგი „BB” დონეზე შეუნარჩუნა

პანდემიისა და გლობალური ეკონომიკური კრიზისის მიუხედავად, სარეიტინგო კომპანია Fitch-ის შემდეგ, კიდევ ერთმა სარეიტინგო სააგენტო S&P Global-მა გამოაქვეყნა ანგარიში, რომლის მიხედვითაც, საქართველოს სუვერენული საკრედიტო რეიტინგი უცვლელ, „BB” დონეზე დატოვა.

27 თებერვალი 2021, 09:55

რეგიონი

იუსტიციის მინისტრის მოადგილემ კასპში საზოგადოებრივი ცენტრის მშენებლობა დაათვალიერა

იუსტიციის სამინისტრო ინფრასტრუქტურული პროექტების განხორციელებას აგრძელებს. იუსტიციის მინისტრის მოადგილე სოსო გიორგაძემ ამჯერად კასპის მშენებარე საზოგადოებრივი ცენტრი მოინახულა და სამუშაოების მიმდინარეობას ადგილზე გაეცნო.

27 თებერვალი 2021, 09:51

თავდაცვა

პირველი ქვეითი ბრიგადის მე-11 ქვეითმა ბატალიონმა GDRP-ის შენარჩუნების ფაზაში კულმინაციური სწავლება ჩაატარა

საქართველოს თავდაცვის მზადყოფნის პროგრამის (GDRP) დასრულების შემდეგ, პირველი ქვეითი ბრიგადის მე-11 ქვეითი ბატალიონი შენარჩუნების ფაზას საკუთარი ძალებით გადის. ქვედანაყოფმა კულმინაციური სწავლება ჩაატარა და დამკვირვებელ-მაკონტროლებელთა ჯგუფისგან უმაღლესი შეფასება დაიმსახურა.

27 თებერვალი 2021, 09:49

პოლიტიკა

ლევან დავითაშვილი ნორვეგიის ელჩს, ჰელენ სანდ ანდრესენს შეხვდა

გარემოს დაცვისა და სოფლის მეურნეობის მინისტრი ლევან დავითაშვილი ნორვეგიის სამეფოს საგანგებო და სრულუფლებიან ელჩს საქართველოში, ჰელენ სანდ ანდრესენს შეხვდა. გაცნობითი ხასიათის შეხვედრაზე, მხარეებმა მიმდინარე ერთობლივი პროექტები და სამომავლო თანამშრომლობის პერსპექტივები განიხილეს.

ენტონი ბლინკენი

27 თებერვალი 2021, 09:46

მსოფლიო

ენტონი ბლინკენი: ამერიკის ინტერესების საწინააღმდეგო ქმედებებს უპასუხოდ არ დავტოვებთ

სირიაში პროირანული დაჯგუფებების წინააღმდეგ ავიაიერიშით აშშ ნათლად მიანიშნებს ყველას, რომ ამერიკის ინტერესების საწინააღმდეგო ქმედებებს უპასუხოდ არ დატოვებს. ამის შესახებ ჟურნალისტებს აშშ-ის სახელმწიფო მდივანმა ენტონი ბლინკენმა განუცხადა.

კორონავირუსი გერმანია

27 თებერვალი 2021, 09:31

COVID19

გერმანიაში კორონავირუსი კიდევ 9 762 ადამიანს დაუდასტურდა

გერმანიაში გასული დღე-ღამის განმავლობაში კორონავირუსის 9 762 ახალი შემთხვევა დადასტურდა, ხოლო 369 ადამიანი ვირუსს ემსხვერპლა. ამის შესახებ ინფორმაციას რობერტ კოხის ინსტიტუტი ავრცელებს.

მცხეთა-მთიანეთი

27 თებერვალი 2021, 09:23

რეგიონი

მცხეთა-მთიანეთის რეგიონის საბავშვო ბაღები 1-ლი მარტიდან გახსნისთვის მზადაა

მცხეთა-მთიანეთის რეგიონის საბავშვო ბაღები 1-ლი მარტიდან გახსნისთვის მზადაა. ამასთან დაკავშირებით სამხარეო ადმინისტრაციაში მხარის სახელმწიფო რწმუნებულმა, დავით ნოზაძემ შეხვედრა გამართა დუშეთის, მცხეთის, ახალგორის, თიანეთის და ყაზბეგის საბავშვო ბაღების გაერთიანების ხელმძღვანელებთან, მუნიციპალიტეტის მერებთან და ჯანდაცვის ცენტრის წარმომადგენლებთან.

კორონავირუსი

27 თებერვალი 2021, 09:15

COVID19

ბრაზილიაში ბოლო 24 საათში კორონავირუსი კიდევ 65 169 ადამიანს დაუდასტურდა

ბრაზილიის ჯანდაცვის სამინისტროს მონაცემებით, გასული დღე-ღამის განმავლობაში, ქვეყანაში კორონავირუსის 65 169 ახალი შემთხვევა დადასტურდა, 1 337 ადამიანი კი გარდაიცვალა.

ამინდი

27 თებერვალი 2021, 09:10

საზოგადოება

როგორი ამინდია მოსალოდნელი დღეს საქართველოში

სინოპტიკოსები 27 თებერვალს ქუთაისში მზიან, უღრუბლო ამინდს პროგნოზირებენ. დღისით +15 გრადუსია ნავარაუდები, ღამით კი +6 გრადუსი იქნება. ასევე მზიანი დღეა მოსალოდნელი ოზურგეთში, სადაც დღისით +12 გრადუსია მოსალოდნელი, ღამით კი +4. ბათუმში დღისით სინოპტიკოსები +11 გრადუსს და მზიან ამინდის პროგნოზირებენ, ღამით კი +6 გრადუსი დაფიქსირდება და მოსალოდნელია წვიმა.

ტერეზა მეი

27 თებერვალი 2021, 08:55

COVID19

ტერეზა მეიმ კორონავირუსის ვაქცინა გაიკეთა

დიდი ბრიტანეთის ყოფილმა პრემიერ-მინისტრმა, ტერეზა მეიმ კორონავირუსის ვაქცინა გაიკეთა. ამის შესახებ ის Twitter-ზე წერს.

გიტანას ნაუსედა

27 თებერვალი 2021, 08:34

პოლიტიკა

გიტანას ნაუსედა: მზად ვართ მედიაციისთვის კრიზისის გადასაჭრელად, თუმცა თავიდან უნდა ავიცილოთ არასათანადოდ მომზადებული ქმედებები

ლიეტუვის პრეზიდენტი გიტანას ნაუსედა აცხადებს, რომ მისი ქვეყანა მზად არის მედიაციისთვის საქართველოში შექმნილი კრიზისის გადასაჭრელად, თუმცა თავიდან უნდა იყოს აცილებული სპონტანური და არასათანადოდ მომზადებული ქმედებები, რასაც, სამწუხაროდ, წარსულში ჰქონდა ადგილი.

ასტა სკაისგირიტე

27 თებერვალი 2021, 08:19

პოლიტიკა

ლიეტუვის პრეზიდენტის უფროსი მრჩეველი პავილიონისის ვიზიტზე: მისია ვერ შესრულდა

ლიეტუვის პრეზიდენტის უფროსი მრჩეველი ასტა სკაისგირიტე აცხადებს, რომ საქართველოში ლიეტუვის სეიმის საგარეო საკითხთა კომიტეტის თავმჯდომარის, ჟიგიმანტას პავილიონისის ვიზიტის მისია ვერ შესრულდა. ამის შესახებ მან ადგილობრივ მედიას განუცხადა.

27 თებერვალი 2021, 08:08

საზოგადოება

დღეიდან საქართველოში სარკინიგზო მიმოსვლა აღდგება

საქართველოს რკინიგზა სამთვიანი პაუზის შემდეგ სამგზავრო გადაყვანებს განაახლებს. მატარებლები მაგისტრალურ მიმართულებებზე 27 თებერვლიდან იმოძრავებენ.

27 თებერვალი 2021, 08:06

საზოგადოება

დღეიდან მუნიციპალური ტრანსპორტი შაბათ-კვირასაც იმუშავებს

ქვეყნის მასშტაბით მუნიციპალური ტრანსპორტი დღეიდან შაბათ-კვირასაც იმუშავებს. შესაბამისი გადაწყვეტილება უწყებათაშორისმა საკოორდინაციო საბჭომ რამდენიმე დღის წინ მიიღო.

27 თებერვალი 2021, 01:46

მსოფლიო

საუდის არაბეთი ჯამალ ხაშოგის მკვლელობაზე აშშ-ის დაზვერვის მიერ გამოქვეყნებულ ანგარიშს კატეგორიულად უარყოფს

საუდის არაბეთის სამეფო ჯამალ ხაშოგის მკვლელობაზე აშშ-ის დაზვერვის მიერ გამოქვეყნებულ ანგარიშს კატეგორიულად უარყოფს.