მმართველი გუნდი მამუკა ხაზარაძის განცხადებებს „ჭორაობას“ უწოდებს

პოლიტიკაში ოფიციალურად მოსვლის პირველივე დღეს მამუკა ხაზარაძემ სკანდალურ შეხვედრაზე ისაუბრა. საზოგადოებრივი მოძრაობა „ლელოს“ დამფუძნებელმა ბიძინა ივანიშვილთან და ვანო ჩხარტიშვილთან შეხვედრაზე და ყოფილი პრემიერის მიერ პირობების წაყენებებზე ისაუბრა.  მამუკა ხაზარაძის ამ განცხადებებზე მმართველი გუნდის წევრებმა კომენტარი გააკეთეს  და მას „ჭორაობა“ უწოდეს. 

რეგიონალური განვითარების და ინფრასტრუქტურის მინისტრის მაია ცქიტიშვილის თქმით, ხაზარაძის განცხადებები მხოლოდ „ჭორაობაა“.

„ნამდვილად არ მაქვს სურვილი ხაზარაძის ამ ჭორაობაზე კომენტარი გავაკეთო. არაერთხელ მოგვისმენია მისგან ასეთი განცხადებები“- აღნიშნა ცქვიტინიძემ.

„ნამდვილად არ მაქვს სურვილი ხაზარაძის ამ ჭორაობაზე კომენტარი გავაკეთო. არაერთხელ მოგვისმენია მისგან ასეთი განცხადებები.“ განაცხადა მაია ცქიტიშვილმა.

ფინანსთა მინისტრის ვანო მაჭავარიანის თქმით, კი ასეთი თავისუფალი ბიზნესი ბოლო 25 წლის მანძილზე არ ყოფილა. „თუ არსებობს რაიმე სახის დარღვევები, ამ შემთხვევაში განმცხადებლებმა შესაბამისი დოკუმენტაციაწარმოადგინონ და მერე ვნახავთ იქნება თუ არა შესაბამისი რეაგირება“.-განაცხადა მაჭავარიანმა.

ფრაქცია „ქართული ოცნების“ თავჯდომარემ მამუკა მდინარაძემ კი ხაზარაძის განცხადებას სასაცილო უწოდა. მისი თქმით არ შეიძლება ზეწოლაზე საუბარი, რადგან თვითონ ხაზარაძე ამბობს, რომ შეხვედრა მის სასარგებლოდ გადაწყდა.

„ევროპული საქართველოს“ წევრის გიგი უგულავას განცხადებით მისთვის არა აქვს მნიშვნელობა როდის დაიწყო ხაზარაძემ ამ თემაზე საუბარი. „ჩემთვის არ არის მთავარი ხაზარაძემ როდის თქვა ეს, მთავარია, რომ ამ ქვეყნად არაფერი იმალება და ეს უნდა გაიგოს დღევანდელმა ხელისუფლებამ, საზოგადოება ყველაფერს იგებს და ამის ჟამი დღეს დადგა“.- ამბობს უგულავა.

საზოგადოებირივი მოძრაობა „ლელოს“ დამფუძნებელმა ამის შესახებ ტელეკომპანია „პირველის“ გადაცემაში „რეაქცია“ განაცხადა.  მისი თქმით, ბიძინა ივანიშვილმა ის რეზიდენციაში დაიბარა, შეხვედრაზე კი მისგან ვანო ჩხარტიშვილისთვის 30 მილიონი დოლარის გადახდა მოითხოვა. ამბობს რომ ყოფილმა პრემიერმა წაუყენა სხვა პირობაც.

თავად მამუკა ხაზარაძეს გუშინდელ განცხადებებზე დამატებითი კომენტარი არ გაუკეთებია.

მამუკა ხაზარაძემ საზოგადოებრივი მოძრაობა „ლელოს“ პრეზენტაცია 12 სექტემბერს, ანაკლიაში გამართა. რაც შეეხება პარტიის დაფუძნებას, როგორც ხაზარაძემ ჟურნალისტებს უთხრა, ის და ბადრი ჯაფარიძე პარტიას ოქტომბერში დააფუძნებენ. 

„თიბისი“ ბანკის დამფუძნებლებს, მამუკა ხაზარაძეს და ბადრი ჯაფარიძეს 2019 წლის 24 ივლისს ბრალი წარედგინათ ჯგუფურად, 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება. საქმე ეხება 2008 წლის ფინანსურ ოპერაციას.   

26 ივლისს სასამართლომ ბიზნესმენებს აღკვეთის ღონისძიების სახით თითოეულს 700 000 ლარიანი გირაო შეუფარდა (პროკურატურა მილიონიან გირაოს მოითხოვდა). ამავე დღეს ცნობილი გახდა, რომ „თიბისი ბანკის საქმეზე“ დაწყებული გამოძიების გამო, ბადრი ჯაფარიძემ და მამუკა ხაზარაძემ ანაკლიის მმართველი საბჭოს თავმჯდომარისა და თავმჯდომარის მოადგილის თანამდებობის დატოვების გადაწყვეტილებაც მიიღეს. მანამდე ისინი „თიბისი ბანკის“ მმართვასაც ჩამოშორდნენ.