სამტრედიაში მომხდარი მკვლელობის შესახებ დამატებითი დეტალები ხდება ცნობილი

სამტრედიაში მოკლული ქალის ოჯახის წევრების ინფორმაციით, ცოლ-ქმარს კონფლიქტი ჰქონდა, რის გამოც ერთი თვის წინ მამამ შვილი ბათუმიდან სამტრედიაში სახლში წაიყვანა, დღეს კი განქორწინების გასაფორმებლად სამოქალაქო რეესტრში თავად წაიყვანა, მეუღლე კი ბათუმიდან Skype-ით უნდა ჩართულიყო.

მოკლულის მამა ამბობს, რომ სიძემ მოიტყუა და ამ დროს სამტრედიაში იმყოფებოდა, მოულოდნელად რეესტრის შენობაში შევიდა და მეუღლე მოკლა.

მოკლულის ბებია იხსენებს, რომ მას შემდეგ რაც გოგო ოჯახში დაბრუნდა, მათი სიძე ხშირად ემუქრებოდა მოკვლით და შერიგებას ითხოვდა. წყვილი ერთად ათი წლის განმავლობაში ცხოვრობდა, მათ ორი გოგო ჰყავდათ.

სამტრედიაში განქორწინებისთვის რეესტრში მისული ცოლი ქმარმა დანით მოკლა. პოლიციამ მკვლელობაში ბრალდებული, 1992 წელს დაბადებული გ.ა. ცხელ კვალზე დააკავა. გამოძიება ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ფაქტზე, საქართველოს სსკ-ის 11 პრიმა 109-ე მუხლის მე-2 ნაწილის „ვ“ ქვეპუნქტით მიმდინარეობს.