გიორგი ვოლსკი ოპოზიციაზე: ეს ადამიანები ფაქტობრივად, წინააღმდეგი არიან ყველა იმ მოქმედების, რაც სიმართლეს დადებს მაგიდაზე

ეს ადამიანები ფაქტობრივად, წინააღმდეგი არიან ყველა იმ მოქმედების, რაც სიმართლეს დადებს მაგიდაზე და რაც სიმართლეს წარუდგენს არა მხოლოდ ჩვენ, არამედ საერთაშორისო საზოგადოებასაც - ამის შესახებ პარლამენტის პირველმა ვიცე-სპიკერმა, გიორგი ვოლსკიმ „დღის ქრონიკაში“ განაცხადა.

მისი თქმით, შეიქმნას კომისია და თუ რამე შეკითხვაა დარჩენილი, ყველაფერს გავცეთ პასუხი.

„დღეს ჩვენი პარტიის აღმასრულებელმა მდივანმა ირაკლი კობახიძემ რა ინიციატივებიც გააჟღერა, ყველა თემა იმდენად ხელშესახები და მსუყე საკითხია იმ პოლიტიკური სუბიექტებისთვის, ვისაც უნდა, რომ პოლიტიკური ცხოვრებაც გაგრძელდეს და ქვეყანა არ ჩადგეს რთულ მდგომარეობაში, რომ გამორიცხულია ეს არ გახდეს საზოგადოებისთვის, მათ შორის ოპოზიციის მხარდამჭერი საზოგადოებისთვის ინდიკატორი. კითხვა გაუჩნდება ყველას, თუ მიგაჩნია, რომ არჩევნები უსამართლოდ ჩატარდა, იყო დარღვევები, რატომ გაქვს ასეთი გააფთრებული წინააღმდეგობა, რომ გადაითვალოს ბიულეტენები და გადამოწმდეს ოქმები ან ვიდეოთვალის ჩანაწერები. კითხვას აჩენს და გაცილებით მეტი კითხვა გაჩნდება იმის შეუსრულებლობით, რასაც კომისიის ჩამოყალიბება ჰქვია. შევქმნათ კომისია და თუ რამე შეკითხვაა დარჩენილი, ყველაფერს გავცეთ პასუხი, მაგრამ არა ისე, რომ თქვენ ერთ მხარეს დარჩეთ და ჩვენ მეორე მხარეს. გავცეთ ისეთი პასუხი ისეთი, რომელიც მისაღები იქნება ჩვენი საზოგადოებისთვის. ამ შემოთავაზებაზე უარის თქმა, რეალურად არის ინდიკატორი იმისა, რაზედაც საზოგადოება უნდა დაფიქრდეს, განსაკუთრებით, მინდა ოპოზიციის მხარდამჭერებისა და ახალგაზრდების ყურადღება მივაქციო ამ ფაქტორებს. ეს ადამიანები ფაქტობრივად წინააღმდეგი არიან ყველა იმ მოქმედების, რაც სიმართლეს დადებს მაგიდაზე და რაც სიმართლეს წარუდგენს არა მხოლოდ ჩვენ, არამედ საერთაშორისო საზოგადოებასაც“, - განაცხადა გიორგი ვოლსკიმ.

ირაკლი კობახიძის განცხადებით, პირველი შეკრებისთანავე საპარლამენტო უმრავლესობა დააინიცირებს 2020 წლის საპარლამენტო არჩევნების შემსწავლელი დროებითი საგამოძიებო კომისიის შექმნას.