იაგო ხვიჩია: ზოგადად, ჩვენ კარგი და ახლო ურთიერთობა გვაქვს ვაშაძესთან, ხშირად ვეკონტაქტებით და არასდროს ყოფილა პრობლემა, დღევანდლამდე

ვიცი, რომ გუშინ ყველაფერი რიგზე იყო და დღეს შეიცვალა. არ ვიცი, ეს ბატონი გიორგის გუნებაგანწყობას უკავშირდება თუ პარტიის შიგნით სხვა პრეფერენციები არსებობს. მარჩიელობას ვერ დავიწყებ, - ასე გამოეხმაურა „გირჩის“ ერთ-ერთი ლიდერი, იაგო ხვიჩია „სტრატეგია აღმაშენებლის“ ლიდერის, გიორგი ვაშაძის განცხადებას იმის შესახებ, რომ ნებისმიერი საკითხი ოპოზიციის საერთო ფორმატში უნდა განიხილონ.

იაგო ხვიჩიას თქმით, მათი გეგმის შესახებ საჯაროდ საუბრობენ და რამდენიმე პოლიტიკურ ძალასთან საკითხი შეთანხმებულიც კი იყო.

„ვინმეს თუ არ უნდა პირადად ჩემთან შეხვედრა, საჯაროდ ვიწყებ საუბარს ყველა იმ პროცესის შესახებ, რაშიც ვმონაწილეობდი და ყველა იმ ადამიანს, რომელიც ამ პროცესში მონაწილეობდა, ასევე ექნება საშუალება საჯაროდ უპასუხოს.

„ქართული ოცნების“ ნარატივია, თითქოს იმიტომ არ შედის ოპოზიცია პარლამენტში, რომ მათზე „ნაციონალრი მოძრაობა“ და ბოკერიას აქვს კომპრომატები. „ქართული ოცნების“ ეს ნარატივი მე გამიგია, მათ შორის მედიასგანაც, „ქართული ოცნების“ მხარდამჭერებისგან და ზოგადად, ასეთი ნარატივების წინააღმდეგ არსებობს ერთადერთი საშუალება. შენი ჩამოყალიბებული მკაფიო პოზიცია, რომელიც ადამიანებს აძლევს საშუალებას, მიხვდნენ შენ რა გინდა და რა პირობებში შედიხარ პარლამენტში. თუ ამას არ შვები და ზოგადად, მიედ-მოედები და ყველაფერს აკეთებ, რაღაცა ჩაშალო, ასეთი ნარატივები ძლიერდება. არ მინდა სპეკულაცია. ალეკოს უთქვამს რაღაც თორემ, მე საერთოდ არ მითქვამს შანტაჟთან დაკავშირებით. ეს არის „ქართული ოცნების“ ნარატივი. როგორ გახდა ცნობილი რომ აღარ აპირებდა შეხვედრას? როცა პირდაპირი კომუნიკაცია გვქონდა, არ უთქვამს, რომ არ აპირებდა შეხვედრას, ეს თქვა მან ტელევიზიით. ზოგადად, ჩვენ კარგი და ახლო ურთიერთობა გვაქვს ვაშაძესთან, ხშირად ვეკონტაქტებით და არასდროს ყოფილა პრობლემა, დღევანდლამდე. რამდენიმე დღეა, ჩვენი გეგმის შესახებ ვსაუბრობთ საჯაროდ, არც გიორგი ვაშაძეს და არც იმ ძალებს, რომლებზეც ვსაუბრობდით, არ უარყვიათ, რომ ეს გეგმა გვქონდა. იმის თქმა, რომ ჩვენ რაღაც ისეთს ვაკეთებდით, რაც არავინ იცოდა, არასწორია. ჩვენ რასაც ვაკეთებთ და რა გეგმაც წარვადგინეთ, არათუ იცოდნენ, შეთანხმებულიც კი იყო რამდენიმე პოლიტიკურ ძალასთან. ვაპირებთ, საჯარო ლაპარაკს. ყველა ოპოზიციურ პარტიას რა თქმა უნდა, ვკითხავთ.ზოგადად, მე ასე ვმუშაობ, მივდივარ ადამიანთან, ვეუბნები, რომ მასთან ეს საქმე მაქვს. თუ ის არ ლაპარაკობს ჩემთან, მე ვიწყებ საჯაროდ საუბარს. მაინტერესებს მხოლოდ საჯაროობა. მაინტერესებს, რომ ყველა ოპოზიციურმა პარტიამ საჯაროდ ილაპარაკოს, რა უნდა, რატომ უნდა და რამდენად არგუმენტირებულია მისი ეს სურვილი. თუ ამას არ გააკეთებენ, ჩვენ ხელს შევუწყობთ, რომ ეს გააკეთონ“, - განაცხადა იაგო ხვიჩიამ.

დღეს ცნობილი გახდა, რომ „სტრატეგია აღმაშენებელი“ „გირჩსა“ და „მოქალაქეებთან“ ინდივიდუალურ შეხვედრაზე უარს ამბობს. როგორც „სტრატეგია აღმაშენებლის“ ლიდერმა, გიორგი ვაშაძემ „პალიტრანიუსის“ გადაცემა „ნიუსრუმში“ განაცხადა, ასეთი შეხვედრა არ შედგება, რადგან ერთი მხრივ იგი თვითიზოლაციაშია და მეორე მხრივ ფიქრობს, რომ ყველაფერი განხილული უნდა იყოს საერთო ფორმატში.

„მოქალაქეების“ ლიდერი, ალეკო ელისაშვილი არ გამორიცხავს, რომ გიორგი ვაშაძეს ყოფილი ხელისუფლების წარმომადგენლები, მათ შორის მერაბიშვილი და ბოკერია კომპრომატებით ემუქრებოდნენ