თედო ჯაფარიძე: მაიკ პენსის ვიზიტი საქართველოში განსხვავებული იყო

საგარეო ურთიერთობათა საკითხებში პრემიერის მრჩეველმა თედო ჯაფარიძემ აშშ-ის ვიცეპრემიერის მაიკ პენსის საქართველოში ვიზიტი შეაფასა. ინფორმაციას 1tv.ge ავრცელებს.

„ვესწრებოდი ყველა შეხვედრას, რაც კი ჩვენი ქვეყნის ხელმძღვანელობას გაუმართავს და პირდაპირ შემიძლია ვთქვა, რომ ასეთი დონის შეხვედრა შინაარსობრივად, კონტექსტუალურად, გზავნილები, თვითონ კონტექსტი ამ შეხვედრის და ის საჯარო განცხადებები, რომელიც მაიკ პენსმა გააკეთა საჯაროდ, პირველად მოვისმინე“ , - განაცხადა ჯაფარიძემ.

მისივე თქმით, აშშ-ის ვიცე-პრეზიდენტის ვიზიტი საქართველოში განსხვავებული იყო.

„ესტონეთში ყოფნისას პენსი შეხვდა ბალტიის სამ ლიდერს, მონტენეგროში ბალკანეთის ქვეყნების ხელმძღვანებს შეხვდება, საქართველო კი იყო ერთადერთი ქვეყანა, სადაც მას ჰქონდა ორმხრივი ვიზიტი, რითაც მგონია, რომ ამერიკის ხელმძღვანელობამ, თეთრმა სახლმა, პრეზიდენტმა და თავად პენსმა ხაზი გაუსვეს თუ რამდენად მნიშვნელოვანი აშშ-ისთვის ჩვენი ქვეყანა და ჩვენი უსფრთხოება,  სტაბილურობა და ჩვენი ქვეყნის მომავალი“, - აღნიშნა ჯაფარიძემ.

აშშ-ის ვიცეპრეზიდენტისა და პრემიერის გაფართოებულ შეხვედრას თედო ჯაფარიზეც ესწრებოდა. 

აშშ-ის ვიცეპრეზიდეტნმა მაიკ პენსმა საქართველო უკვე დატოვა. საქართველოს პრემიერმინისტრის, გიორგი კვირიკაშვილის მოწვევით, მაიკ პენსი მეუღლესთან და დელეგაციასთან ერთად ორდღიანი ვიზიტით საქართველოს გუშინ ეწვია.

გუშინვე გიორგი კვირიკაშვილმა პენსს მეუღლესთან ერთად ოფიციალურ ვახშამზე უმასპინძლა. დღეს ვიცეპრეზიდენტი ოპოზიციური პარტიის ლიდერებს შეხვდა, მოგვიანებით კი გიორგი კვირიკაშვილთან ერთად  პრესკონფერენცია გამართა, სადაც კიდევ ერთხელ ხაზი გაუსვა ამერიკის შეერთებული შტატების მხრიდან საქართველოს ტერიტორიული მთლიანობის მხარდაჭერას,  სტრატეგიულ თანამშრომლობასა და სავაჭრო ურთიერთობებს.