სლოვაკეთის პრეზიდენტი: ვიბრძვით საქართველოსთვის, რომ გახდეს ევროკავშირის წევრი

კრინიცას ეკონომიკურ ფორუმზე სიტყვით გამოვიდა სლოვაკეთის პრეზიდენტი. ან​დრეი კისკამ საქართველოს დამოუკიდებლობის 100 წლის იუბილე მიულოცა.

"ჩემთვის ძალიან დიდი პატივია და უდიდესი სიამოვნების მომნიჭებელია აქ თქვენთან ერთად 100 წლის იუბილეს აღნიშვნა. როდესაც პრობლემების წინაშე დგახარ ოჯახს მიმართავ, თუ აღნიშნავ რა თქმა უნდა, აღნიშნავ ოჯახთან ერთად და ყოველთვის ძალიან სასიამოვნოა იყო ასეთი მეგობრულ წრეში. ევროკავშირში ვიქნებით არა მხოლოდ ერთი ევროპა, არამედ ვიქნებით საქართველოსთან ერთად ერთ ევროპულ ოჯახში. ნება მომეცით გითხრათ, როგორ ვხედავთ ჩვენ ევროკავშირში საქართველოს სლოვაკეთს, ჩვენს თანამშრომლობას. საინტერესოა, რომ ჩვენი ქვეყნები თითქმის ერთი და იგივე გეოგრაფიული ზომა აქვთ. სლოვაკეთში 5 მილიონი ადამიანი ცხოვრობს. საქართველოში ცოტა ნაკლები. რა ვითარება გვაქვს, როგორ არის მოწყობილი ყველაფერი, 5 მილიონიანი მოსახლეობით როგორი განცდაა, რომ ვიყოთ ევროკავშირის სრულუფლებიანი წევრი. ევროკავშირი ფანტასტიური პროექტია და მთლიანობაში ითვლის 500 მილიონ მცხოვრებს. ყველაზე ძლიერ ეკონომიკას. მეგობრების ყოლა, სადაც შეიძლება მაგიდას მივუსხდეთ და ვისაუბროთ სხვადასხვა პრობლემებზე, გამოწვევებზე ეს მშვენიერი საშუალებაა. რა თქმა უნდა, ასევე შეგიძლიათ მოისმინოთ მრავალი პრობლემები და მოვაგვაროთ ისინი”, – განაცხადა პრეზიდენტმა.

25 მაისს საქართველოს ვიზიტით სლოვაკეთის პრეზიდენტი ანდრეი კისკა ეწვია.

26 მაისს, პირველი რესპუბლიკის 100 წლისთავისადმი მიძღვნილ საზეიმო ღონისძიებებში მონაწილეობას 7 პრეზიდენტი და 20-მდე ქვეყნის უმაღლესი რანგის დელეგაცია მიიღებს.