20-21 ივნისის საქმეზე დაკავებულს 8000 ლარიანი გირაო და შინაპატიმრობა შეეფარდა

20 21 ივნისის საქმეზე დაკავებულ აქციის ერთ-ერთ მონაწილეს, ვ.გ-ს აღკვეთის ღონისძიების სახით 8 ათასი ლარის ოდენობით გირაო და შინაპატიმრობა შეეფარდა.

პროკურორის განმარტებით, საქმეში წარმოდგენილი იყო დანაშაულის ამსახველი ვიდეომტკიცებულება და მოწმეთა ჩვენებები, რომლითაც დგინდება დანაშაულებრივი ქმედება და არსებობდა მიმალვის საფრთხე, თუმცა მოსამართლე არსენ კალატოზიშვილმა პროკურატურის ვერსია არ გაიზიარა.

ბრალდების პოზიცია არ გაიზიარა არც დაცვის მხარემ. ბრალდებულ ბრალს არ აღიარებს. სახელმწიფო ბრალდება მას ჯგუფური ძალადობასა და სამართალდამცველების მიმართ ფიზიკურ ანგარიშწორებას ედავება. დანაშაული 4-დან 6 წლამდე პატიმრობას ითვალისწინებს. წინა სასამართლო სხდომა 4 სექტემბერს ჩაინიშნა. 

აქციაზე ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით, დღეის მდგომარეობით, პასუხისგებაშია მიცემული 12 პირი, მათ შორის პარლამენტის წევრი - ნიკანორ მელია, რომელსაც ბრალი ედება ჯგუფური ძალადობის ხელმძღვანელობასა და მასში მონაწილეობაში.

შინაგან საქმეთა სამინისტრო დანაშაულში მონაწილე სხვა პირების იდენტიფიცირების პროცესს ინტენსიურად განაგრძობს. მტკიცებულებების მოპოვებისთანავე გაგრძელდება ქმედებებზე შესაბამისი სამართლებრივი რეაგირება. მაღალი საზოგადოებრივი ინტერესის გათვალისწინებით, გამოძიების შედეგების შესახებ საზოგადოებას ეტაპობრივად მივაწვდით ინფორმაციას", - განმარტეს შსს-ში.

20 ივნისს საღამოს პარლამენტთან მშვიდობიანი აქციის შემდეგ, მომიტინგეების ნაწილმა შენობაში შეჭრა შტურმით სცადა. სპეცრაზმმა აქციის დაშლა დაიწყო და რამდენჯერმე გამოიყენა ცრემლმდენი გაზი, წყლის ჭავლი და რეზინის ტყვიები. შედეგად საავადმყოფოში გადაიყვანეს 240 ადამიანი, მათგან 80 სამართალდამცველი, 4 ადამიანს თვალი დაუზიანდა, ერთმა მოქალაქემ და ერთმა სამართალდამცველმა კი დაკარგა.

რუსთაველის გამზირზე აქცია მას შემდეგ დაიგეგმა, რაც პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა. ამ ფაქტს საპროტესტო აქციების ტალღა და პარლამენტის თავმჯდომარის, ირაკლი კობახიძის გადადგომა მოჰყვა.