imedi /  08 აპრილი 2019, 10:52 / სანდო წყარო

ბიძინა ივანიშვილი ღია წერილს ავრცელებს

ბიძინა ივანიშვილი

ბიძინა ივანიშვილი

პარტია "ქართული ოცნება - დემოკრატიული საქართველოს" თავმჯდომარემ ბიძინა ივანიშვილმა 9 აპრილის მოვლენებიდან 30 წლისთავთან დაკავშირებით ღია წერილი გაავრცელა. 

ბიძინა ივანიშვილი წერილში აცხადებს, რომ საბჭოთა იმპერიის მარწუხებისგან სამშობლოს დახსნა, საქართველოს დამოუკიდებლობა და თავისუფლება - ეს იყო ის დიდი ეროვნული იდეა, რომლის გარშემოც გაერთიანდა და ერთ მუშტად შეიკრა მთელი ერი. 

"საქართველოს ისტორიას ბევრი ისეთი დღე ახსოვს, რომელმაც ქართველი ერის ბედი განსაზღვრა და  ჩვენი ქვეყნის მომავალი გადაწყვიტა. სწორედ ასეთი დღეა 9 აპრილი. დღე, რომელმაც ოცდაათი წლის წინ ახალ ეპოქას მისცა დასაბამი.

საბჭოთა იმპერიის მარწუხებისგან სამშობლოს დახსნა, საქართველოს დამოუკიდებლობა და თავისუფლება - ეს იყო ის დიდი ეროვნული იდეა, რომლის გარშემოც გაერთიანდა და ერთ მუშტად შეიკრა მთელი ერი.

1989 წლის 9 აპრილი იყო უმძიმესი, ერთ-ერთი ყველაზე ტრაგიკული დღე, მაგრამ ეს დღე ჩვენთვის თავისუფლებისა და დამოუკიდებლობისთვის ბრძოლის სიმბოლოდ იქცა -  მთელი განვლილი ისტორიის მანძილზე შეძენლმა ეროვნულმა ენერგიამ ერთ პატარა მოედანზე მოიყარა თავი და დაღვრილი სისხლის მიუხედავად, ამ უთანასწორო ბრძოლიდან ქართველი ხალხი მორალურად გამარჯვებული გამოვიდა.

ერთადერთი ძალა, რომელმაც მაშინ ჩვენს ხალხს შეაძლებინა შიშველი ხელებით დაპირისპირებოდა საბჭოთა რეჟიმის სისასტიკეს, წინ დადგომოდა საბჭოთა ტანკებს, ეს იყო სამშობლოს უპირობო სიყვარული და შიშველი ემოცია. სწორედ ამ მუხტმა და ემოციამ შეგვაძლებინა, რომ თავისუფლებისთვის შეუპოვარი ბრძოლა რაციონალურ კალაპოტში მოგვექცია და ორი წლის თავზე, 1991 წლის 9 აპრილს, როგორც ამ ბრძოლის ლოგიკური შედეგი, ზვიად გამსახურდიამ საქართველოს სახელმწიფოებრივი დამოუკიდებლობის აღდგენა გამოაცხადა. 

დამოუკიდებლობის პირველივე დღეებიდან, როდესაც სახელმწიფოს მშენებლობას ცივი გონება, მუხლჩაუხრელი შრომა და საზოგადოების მაქსიმალური კონსოლიდაცია სჭირდებოდა, ჩვენს რაციონალიზმზე ემოციამ იმძლავრა და მას შემდეგ, საკუთარ შეცდომებზე გვიხდება სახელმწიფოებრიობის სწავლა:

ჯერ არჩეული ხელისუფლება დავამხეთ და ქვეყანა სისხლიანი სამოქალაქო დაპირისპირების ქაოსში გადავისროლეთ, შემდეგ კრიმინალებს ვაჯიჯგნინეთ სამშობლო, მერე, თითქოს გონს მოსულებმა, ქვეყანას გეოსტრატეგიული ფუნქციაც შევძინეთ და ნატოს კარზეც დავაკაკუნეთ, მაგრამ კორუფციასა და უძრაობაში ჩაფლულებმა იმდენი ვქენით, სანამ ემოციურ ტალღაზე შინნაზარდი დიქტატორი არ გამოვიძახეთ, რომელიც რუსთაველის გამზირზე ისევ სისხლში ახშობდა სახალხო პროტესტს.

2012 წლის 9 აპრილს, დამოუკიდებლობის ოცდამეერთე წელს, საქართველო დემოკრატიის ნასახის გარეშე, გადავსებული ციხეებით, ხმაგაკმენდილი მედიით, ოკუპირებული ტერიტორიებითა და აღმოსავლური ტირანიის ისეთი ცინიკური მოდელით შეხვდა, რომელიც ხალხის ჯიბიდან წაგლეჯილი ფულითვე ყიდულობდა დემოკრატიის ნიღაბს შინ თუ გარეთ.

ასეთი იყო ჩვენი სახელმწიფოებრიობის ტრაექტორია - თავდაღმართში სვლის ტეხილი, რომელშიც ძალიან ცოტა იყო დარაზმულობის, შრომისა და ურთიერთგატანის  ადგილი, რომელშიც თითქმის ყველა ისტორიული გარდატეხა სულსწრაფობითა და ემოციით ხდებოდა, რის შედეგადაც ქვეყნის განვითარება ათწლეულებით დავხიეთ უკან.

მიუხედავად ამისა, 2012 წლის პირველ ოქტომბერს ქართველმა ხალხმა შესაძლებლის ზღვარზე გაიარა და წარმოუდგენელი გამარჯვება მოიპოვა. ბევრს არ სჯეროდა, რომ ნგრევის, სამოქალაქო დაპირისპირებისა და არეულობის, ყოველგვარი რევოლუციური სცენარების გარეშე, ჩვენ სამართლებრივ სივრცეში მოვახდენდით ემოციური მუხტისა და რაციონალიზმის იდეალურ შერწყმას, მაგრამ ჩვენ ეს შევძელით - ძალადობრივი რეჟიმი ისე უმტკივნეულოდ, უსისხლოდ მოვიშორეთ თავიდან, რომ თვითონაც ბოლომდე არ იჯერებდნენ მომხდარს. ამ დღეს ხელმეორედ დაიბადა 9 აპრილის სულისკვეთება და უკვე მეშვიდე წელია, ქვეყანას მართავს რაციონალიზმზე დაფუძნებული პოლიტიკა, რომელმაც უწყვეტი საგარეო და სამოქალაქო მშვიდობა მოიტანა, რაც უპრეცედენტოა დამოუკიდებელი საქართველოს ისტორიაში.

მაგრამ მაინც მივიღეთ პარადოქსული ვითარება:

როგორც წესი, ნებისმიერ დემოკრატიულ ქვეყანაში ეკონომიკურ განვითარებას თან სდევს დემოკრატიის პროგრესი და ადამიანის უფლებების სტანდარტის ზრდა. ჩვენს ქვეყანაში, იმის გამო, რომ პირველი ოქტომბრის არჩევნების შედეგად მოსულმა ხელისუფლებამ უზრუნველყო დემოკრატიის მაღალი სტანდარტი და პოლიტიკური უფლებების სფეროში თამასა ევროპულ სიმაღლემდე ასწია, ჩვენი ეკონომიკური მოცემულობა ობიექტურად ჩამორჩა ამ სტანდარტს. სწორედ ამას იყენებენ ქაოსის მსურველი ძალები, სარგებლობენ რა ჩვენს მიერ დამკვიდრებული დემოკრატიული ინსტრუმენტებით და ეკონომიკურ პრობლემებზე სპეკულირებით კვლავ ფიქრობენ რევანშზე, ცდილობენ დაგვაბრუნონ 90-იანი წლების სიბნელეში და დღესაც, მათი მთავარი დასაყრდენი კვლავ რაციონალიზმზე გამარჯვებული ემოციებია. მიუხედავად იმისა, რომ „ოცნების“ ხელისუფლებამ ამ ექვსი წლის მანძილზე რეგიონალური თუ გლობალური პოლიტიკურ-ეკონომიკური გამოწვევების ფონზე, რეალური შესაძლებლობის თითქმის მაქსიმუმი გააკეთა და ეროვნული ეკონომიკის უკლებლივ ყველა სფეროში თვალსაჩინო პროგრესი აჩვენა, სწორედ „ოცნების“ ხელისუფლებას უყენებენ პრეტენზიას იმ სოციალურ-ეკონომიკური კოლაფსისთვის, რომელშიც ქვეყანა დამოუკიდებლობის მოპოვების შემდეგ აღმოჩნდა.  ნიშანდობლივია, რომ  ყველაზე ხმამაღლა იმ ხალხის პრეტენზია ისმის, ვინც იმ წლების განმავლობაში ყველაფერი გააკეთა, რომ ეს კოლაფსი დამდგარიყო.

ქვეყნის სტაბილურ წინსვლას რეალისტური და მკაფიო ამოცანები, მოთმინება და თანმიმდევრულობა სჭირდება. წინსვლა არ არის მყისიერი პროცესი. ის ითხოვს ხანგრძლივ სამოქალაქო მშვიდობას, რომელიც არ მიიღწევა ბარიკადების პირობებში. ამისთვის აუცილებელია ერთსულოვნება. სწორედ ის მდგომარეობა, რომელშიც ჩვენ ვიყავით 1989 წლის 9 აპრილს, როდესაც არავინ კითხულობდა, თუ ვინ სად იდგა მანამდე, როცა ამპარტავნება და ეგოიზმი ვერ ერეოდა საერთო საქმეს, როცა  საკუთარი თავი კი არ მოსწონდათ ეროვნულ მოძრაობაში, არამედ პირიქით, ეროვნული მოძრაობა - საკუთარ თავში.

პოლიტიკა არის შესაძლებლის ხელოვნება, ანუ მხოლოდ ის, რაც რეალურად მიღწევად მიზანს ემსახურება, ხოლო ხალხისთვის პოლიტიკად შესაღება იმისა, რაც შესაძლებლის მიღმა დგას - უბრალოდ მავნებლობაა, რადგან არარეალური მიზნები ქმნიან ცრუ მოლოდინებს, მათი მიუღწევლობა კი შობს იმედგაცრუებას და ნიჰილიზმს და ძალიან სწრაფად იწვევს ეროვნული ენერგიის სრულ გამოფიტვას. გამოცდილება გვასწავლის, რომ ასეთი სულსწრაფი მცდელობები, წინსვლის და განვითარების ნაცვლად უკუსვლას იწვევს, რასაც, როგორც წესი, შედეგად ქაოსი და დესტაბილიზაცია მოჰყვება ხოლმე.

მიუხედავად ჩვენი პოლიტიკური წარსულისა, დღეს მოქალაქეები ისევ ერთი მიზნისთვის უნდა გავერთიანდეთ.

ეს არ ნიშნავს მეხსიერების წაშლას, არ ნიშნავს იმას, რომ ვინმეს მიეტევოს ჩადენილი დანაშაული, მაგრამ უნდა გვახსოვდეს, რომ „ეშმაკი ყოფს“ და განხეთქილებისკენ გვიბიძგებს! უნდა დასრულდეს პრინციპულობის ლოზუნგით საზოგადოების გახლეჩვა, თითის გაშვერა, ერთმანეთის დამუნათება და პოლიტიკური წარსულის მუდმივი შეხსენება. ყველგან, სადაც იქნება  ემოციების გამარჯვება საღ აზრზე, განზე გადგომა  და თანამოაზრეებთან დაპირისპირება, იქ იქნება ქაოსის ძალების დასაყრდენი, იქ იქნება  9 აპრილის იდეალების ღალატი.

წარსულში მიბრუნება დღეს სრულიად წარმოუდგენელია. წინ მხოლოდ რაციონალური პოლიტიკის, განვითარებისა და დემოკრატიის გზაა. ქართული სახელმწიფოს წინსვლის შეუქცევადობა მხოლოდ საერთო მიზნისთვის მთელი საზოგადოების დარაზმულობაზეა დამყარებული.

9 აპრილი მუდმივად გვახსენებს ამას!", - წერს ბიძინა ივანიშვილი ღია წერილში.

ყველა სიახლე

შრი-ლანკა

23 აპრილი 2019, 01:11

მსოფლიო

აშშ-ისა და ინდოეთის სპეცსამსახურები შრი-ლანკას მოსალოდნელი ტერაქტების შესახებ აფრთხილებდნენ

აშშ-ისა და ინდოეთის სპეცსამსახურები შრი-ლანკის მთავრობას მოსალოდნელი ტერაქტების შესახებ აფრთხილებდნენ. ამის შესახებ შრი-ლანკის ეკონომიკური რეფორმების მინისტრ ხარშა დე სილვაზე დაყრდნობით ტელეკომპანია CNN იუწყება.

ჯენიფერ ლოპესი

23 აპრილი 2019, 00:53

კულტურა

ჯენიფერ ლოპესს ახალ ფილმში გადაიღებენ

ფილმის სახელწოდება Marry Me. ლოპესთან ერთად მთავარ როლს ოუენ უილსონი შეასრულებს. სცენარის მიხედვით, ლოპესი პოპ-მომღერალია, რომელიც ქორწილამდე ცოტა ხნით ადრე შეიტყობს, რომ საქმრომ უღალატა. ამის შემდეგ ლოპესის გმირი სცენაზე გადის და ირჩევს კაცს, რომელიც მისი ქმარი გახდება.

23 აპრილი 2019, 00:24

ტაბლოიდი

ფილიპინებზე მიწისძვრის გამო ცათამბჯენის სახურავზე მდებარე აუზიდან წყალი გადაიღვარა

ფილიპინების დედაქალაქში მიწისძვრის გამო ერთ-ერთი ცათამბჯენის სახურავზე მდებარე აუზიდან წყალი გადაიღვარა. ინციდენტის ამსახველი ვიდეოები სოციალურ ქსელში გავრცელდა. კადრებში ჩანს, თუ როგორ იღვრება ათობით სართულის სიმაღლიდან დიდი რაოდენობით წყლის მასა.

მოძრაობა „ჰეზბოლა“

22 აპრილი 2019, 23:44

მსოფლიო

აშშ „ჰეზბოლას“ ფინანსების შესახებ ინფორმაციის სანაცვლოდ 10 მილიონ დოლარს გადაიხდის

აშშ მოძრაობა „ჰეზბოლას“ ტერაქტების მხარდამჭერი ფინანსური ოპერაციების ჩაშლისთვის ღირებული ინფორმაციის სანაცვლოდ 10 მილიონი დოლარის ოდენობის ჯილდოს აწესებს. Reuters-ის ინფორმაციით, ამის შესახებ ჟურნალისტებს ბრიფინგზე დიპლომატიური უსაფრთხოების საკითხებში სახელმწიფო მდივნის თანაშემწემ მაიკლ ევანოფმა განუცხადა.

გარდაცვლილი ალპინისტები

22 აპრილი 2019, 23:34

მსოფლიო

კანადაში ზვავს სამი ცნობილი ალპინისტი ემსხვერპლა

ჯეს როსკელის, დევიდ ლამასა და ჰანსიორგ აუერის ძებნა 17 აპირილს დაიწყო. სწორედ ამ დღეს გაწყდა მათთან კავშირი. სამძებრო-სამაშველო სამუშაოებს რთული მეტეოროლოგიური პირობები ართულებდა.36 წლის ამერიკელი ჯეს როსეკლი და ავსტრიელები 28 წლის დევიდ ლამა და 35 წლის ჰანსიორგ აუერი მსოფლიოს საუკეთესო ალპინისტების რიცხვში შედიოდნენ.

ლარი მიტჩელ ჰოპკინსი

22 აპრილი 2019, 22:57

მსოფლიო

FBI ამერიკელს ობამასა და კლინტონზე თავდასხმის დაგეგმვაში ადანაშაულებს

გასამხედროებული დაჯგუფების ხელმძღვანელს ლარი მიტჩელ ჰოპკინსს, რომელიც FBI-ს თანამშრომლებმა ნიუ-მექსიკოს შტატში არალეგალი მიგრანტების თვითნებური დაპატიმრების გამო დააკავეს, აშშ-ის ყოფილ პრეზიდენტ ბარაქ ობამასა და ყოფილ სახელმწიფო მდივან ჰილარი კლინტონზე თავდასხმის დაგეგმვაში ედება ბრალი.

სტივ გოლინი

22 აპრილი 2019, 22:36

კულტურა

„სპოთლაითის“ პროდიუსერი სტივ გოლინი გარდაიცვალა

გოლინის გარდაცვალების მიზეზედ კიბო სახელდება. ის დიდი ხნის განმავლობაში ავადმყოფობდა. გოლინი ისეთი ფილმების პროდიუსერი იყო, როგორებიცაა „თამაში", „გადარჩენილი“, „ნათელი გონების მარადიული ბრწყინვალება“, თუმცა ოსაკარი მას „სპოთლაითმა“ მოუტანა.

კუნძული ტენერიფე

22 აპრილი 2019, 22:13

ტაბლოიდი

გაქცეული პატიმარი კურორტზე ცხოვრებისგან დაიღალა და პოლიციას ჩაბარდა

ავსტრიის ქალაქ ზალცბურგში დააკავეს ძებნილი პატიმარი, რომელიც რამდენიმე წლის განმავლობაში კანარის კუნძულებს აფარებდა თავს. ამის შესახებ Associated Press წერს. 64 წლის კაცი მივიდა პოლიციელებთან და განუცხადა, რომ 10 წლის წინ ციხიდან გაიქცა და ამ ხნის განმავლობაში კუნძულ ტენერიფეზე ცხოვრობდა.

პუტინი

22 აპრილი 2019, 22:13

მსოფლიო

ვლადიმერ პუტინი და კიმ ჩენ ინი ერთმანეთს 25 აპრილს შეხვდებიან

მედიის ცნობით, რუსეთისა და ჩრდილოეთ კორეის ლიდერები მოლაპარაკებებს ვლადივოსტოკის ფედერალური უნივერსიტეტის კამპუსის ტერიტორიაზე გამართავენ. შეხვედრის შემდეგ პუტინი ჩინეთში გაემგზავრება, კიმ ჩენ ინი კი ვლადივოსტოკში 26 აპრილამდე დარჩება.

სევერინ კრასიმიროვი

22 აპრილი 2019, 21:49

მსოფლიო

ბულგარელი ჟურნალისტის გაუპატიურებასა და მკვლელობაში ბრალდებულს 30 წელი მიესაჯა

ბულგარეთის ქალაქ რუსეს საოლქო სასამართლომ სევერინ კრასიმიროვს ადგილობრივი რეგიონული ტელეკომპანია TVN-ის ჟურნალისტისა და ადმინისტრაციული დირექტორის ვიქტორია მარინოვას გაუპატიურებისა და მკვლელობისთვის 30 წლით თავისუფლების აღკვეთა მიუსაჯა.

22 აპრილი 2019, 21:38

ტაბლოიდი

ინდოეთში ცეცხლის დღესასწაული აღნიშნეს

ინდოეთის ქალაქ მანგალურში ცეცხლის დღესასწაული აღნიშნეს. ქალღმერთ დურგას ტაძარში ასობით ადამიანი შეიკრიბა. ტრადიციის თანახმად, ისინი ერთმანეთს ჩირაღდნებს ესვრიან. მათ სჯერათ, რომ ეს რიტუალი ბოროტებას ანადგურებს და მის მონაწილეებს ავადმყოფობისგან იცავს.

გიორგი გახარია

22 აპრილი 2019, 21:04

საქართველო

გახარია: დამატებითი ძალების მობილიზება პოლიციაზე თავდასხმის შემდეგ მოხდა

გიორგი გახარიას თქმით, შინაგან საქმეთა სამინისტრო თითოეული მოქალაქისა და სამართალდამცველის უფლებებს დაიცავს და დეტალურად გამოიძიებს, დანაშაულს, რომელიც იყო როგორც მოქალაქეების მიმართ, ისე პოლიციელების მიმართ ჩადენილი.

22 აპრილი 2019, 20:49

ეკონომიკა

როგორია 2019 წელს ელექტროენერგიის მოხმარების პროგნოზი

რა ვითარებაა ქვეყნის ენერგეტიკაში მაშინ, როცა ელექტროენერგიაზე მოთხოვნილება წლიდან-წლამდე იზრდება. ამას საქართველოს ელექტროენერგიის ბოლო სამი წლის ბალანსის ანალიზიც ცხადყოფს. მაგალითად, 2016-იდან 2018 წლამდე მოხმარება 6%-ით გაიზარდა. ამავე პერიოდში ადგილობრივმა გამომუშავებამ მხოლოდ 5%-ით მოიმატა, მაშინ, როცა იმპორტის ზრდამ 215% შეადგინა.

გიორგი გახარია

22 აპრილი 2019, 20:33

საქართველო

გახარია: თუ ოპოზიციას დამატებით ჩემი ნახვა სურს, ყავაზე დამპატიჟონ

შინაგან საქმეთა მინისტრმა გიორგი გახარიამ უპასუხა „ევროპული საქართველოს“ წარმომადგენლებს, რომლებმაც პანკისის ხეობის მოვლენებთან დაკავშირებით მისი და ეკონომიკის მინისტრის ნათია თურნავას საკომიტეტო ფორმატში მოსვლა მოითხოვეს.

გიორგი გახარია და დავით სერგეენკო

22 აპრილი 2019, 20:27

საქართველო

ბახტაძემ, სერგეენკომ და გახარიამ პანკისის დაპირისპირებისას დაშავებულები მოინახულეს

საქართველოს პრემიერმინისტრმა მამუკა ბახტაძემ, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა დავით სერგეენკომ და შინაგან საქმეთა მინისტრმა გიორგი გახარიამ პანკისში მომხდარი დაპირისპირებისას დაშავებულები მოინახულეს.

22 აპრილი 2019, 20:17

ძალოვნები

ოკუპანტებმა მეჯვრისხევიდან გატაცებული მწყემსი გაათავისუფლეს

ოკუპანტებმა გორის მუნიციპალიტეტის სოფელ მეჯვრისხევის მკვიდრი ცხინვალის იზოლატორიდან ცოტა ხნის წინ გაათავისუფლეს. 45 წლის გოჩა ფიდიური ქართველ სამართალდამცველევს ერგნეთში უკვე გადასცეს. გორში პოლიციაში გამოკითხვის შემდეგ მას სახლში დააბრუნებენ.

სექსუალური უმცირესობები

22 აპრილი 2019, 19:56

მსოფლიო

ბრუნეი ცოლ-ქმრული ღალატისა და ჰომოსექსუალური კავშირისთვის ქვებით ჩაქოლვის წესებს განმარტავს

როგორც ქვეყნის ხელისუფლების მიერ ევროპალარმენტისთვის გაგზავნილ მიმართვაშია ნათქვამი, მოსამართლეები ქვებით ჩაქოლვის განაჩენს იშვიათად გამოიტანენ, ვინაიდან დანაშაულს მოწმეების სახით „მაღალი ზნეობრივი სტატუსის მქონე სულ მცირე ორი ადამიანი“ უნდა ამყარებდეს.

კაპიტანი მარველი

22 აპრილი 2019, 19:54

ტაბლოიდი

ამერიკელმა „კაპიტან მარველს“ 116-ჯერ უყურა და გინესის რეკორდსმენი გახდა

ვისკონსინელმა სტივ რუპელმა მსოფლიო რეკორდის დასამყარებლად „კაპიტან მარველის“ საყურებლად 242 საათზე მეტი დახარჯა. ფილმის პრემიერა 7 მარტს გაიმართა. მას შემდეგ ამერიკელმა ფილმი კინოთეატრში 116-ჯერ ნახა და ამით გინესის რეკორდმენი გახდა. რუპელის თქმით, მას რეკორდების დამყარება ხიბლავს და ეს მისთვის რიგით მეხუთე მიღწევაა.

დავით ზალკალიანი
აუგუშტუ სანტუშ სილვა

22 აპრილი 2019, 19:45

საქართველო

საქართველომ და პორტუგალიამ ტურიზმის სფეროში თანამშრომლობის შეთანხმება გააფორმეს

საქართველოსა და პორტუგალიის საგარეო საქმეთა მინისტრებმა ტურიზმის სფეროში ორი ქვეყნის თანამშრომლობის შესახებ შეთანხმება გააფორმეს. ამის შესახებ მინისტრებს შორის გამართული შეხვედრის შემდეგ გახდა ცნობილი, რომლის შესახებაც ინფორმაციას საგარეო უწყება ავრცელებს.

ნავთობი

22 აპრილი 2019, 19:14

ეკონომიკა

ნავთობის ფასმა ბოლო ექვს თვეში ყველაზე მაღალ ნიშნულს მიაღწია

მსოფლიოში ნავთობის ფასმა ბოლო 6 თვის მანძილზე ყველაზე მაღალ ნიშნულს მიაღწია. CNBC-ის ინფორმაციით, იმის გამო, რომ აშშ ირანული ნავთობის შესყიდვაზე სრული აკრძალვის დაწესებას გეგმავს, ბაზარზე არსებული დეფიციტის გამო ნავთობის ფასი კიდევ უფრო გაიზრდება.