imedi /  21 ივნისი 2019, 18:26 / სანდო წყარო

ზურაბიშვილი: ველოდები, რომ ხელისუფლება ამ ტრაგედიას სწორად შეაფასებს და ყველაფერს პასუხი გაეცემა

სალომე ზურაბიშვილი

სალომე ზურაბიშვილი

საქართველოს პრეზიდენტი სალომე ზურაბიშვილი 21 ივნისს რუსთაველზე პარლამენტის შენობასთან განვითარებულ მოვლენებს სპეციალურ ბრიფინგზე გამოეხმაურა. 

„პირველ რიგში, მინდა, გამოვხატო ჩემი გულისტკივილი თბილისში დატრიალებული ტრაგედიის გამო. დაშავდნენ ადამიანები - ზოგიერთი იმიტომ, რომ სახელმწიფოში წესრიგს იცავდა; ზოგიერთი - იმიტომ, რომ საკუთარი და ქვეყნის ღირსების დასაცავად იყო გამოსული და შემდეგ უმართავ სიტუაციაში აღმოჩნდა; ზოგიერთი კი იმიტომ, რომ აჰყვა პოლიტიკურად მოტივირებულ, სრულიად უგუნურ და დამღუპველ მოწოდებებს. ყველა, ვინც გუშინ ქუჩაში იდგა - პოლიციელი თუ რიგითი მოქალაქე - ქუჩაში იდგა თავისი ქვეყნისთვის. ჩვენი ქვეყნისთვის. ყველა საქართველოს შვილია. ყველა ძვირფასია. და მჯერა, რომ თითოეული თქვენგანი დღეს ამბობს: „კმარა, დღემდე რა მსხვერპლიც გავიღეთ საქართველოს შიდა დაპირისპირებისა და გარე აგრესიების გამო!“- განაცხადა სალომე ზურაბიშვილმა. 

პრეზიდენრი უდიდეს თანადგომას უცხადებს ყველა ოჯახს, რომელსაც რაიმე ფორმით შეეხო ეს ტრაგედია: 

„ ეს არ არის მათი პირადი ტრაგედია. ეს არის მთელი ქვეყნის ტრაგედია. განსაკუთრებული მადლობა მინდა ვუთხრა სასწრაფო დახმარების თანამშრომლებს, ჯანდაცვის სფეროს ყველა წარმომადგენელს, რომლებიც ამ წუთამდე ზრუნავენ ჩვენს მოქალაქეებზე. განსაკუთრებული მადლობა მინდა ვუთხრა ჩვენს პოლიციელებს, რომლებიც ბოლო შესაძლებლობამდე ეცადნენ, მოქალაქეებისთვის მიეცათ სამართლიანი პროტესტის მშვიდობიანი ფორმით გამოხატვის საშუალება. სამწუხაროდ, პროტესტის ფორმა გასცდა კონსტიტუციურ ჩარჩოებს და სიტუაციის უმართაობამ სამართალდამცველები აიძულა, მიემართათ მკაცრი ზომებისთვის. მათ ევალებათ სახელმწიფოს დაცვა საფრთხისგან, თუმცა ეს ვერანაირად ვერ ამსუბუქებს იმ ადამიანების მდგომარეობას, რომლებსაც რამდენიმე წუთში ვინახულებ საავადმყოფოებში. საჭიროა თითოეული შემთხვევის მიუკერძოებელი გამოძიება და კანონის ჩარჩოებში რეაგირება. რა თქმა უნდა, ჩემი გულისტკივილის გამოხატვა სრულიად არ არის საკმარისი ამ მდგომარეობიდან გამოსასვლელად. ერთი მხრივ, ხელისუფლება და, კერძოდ, საკანონმდებლო ორგანო ვერ მოიხსნის პოლიტიკურ პასუხისმგებლობას მომხდარზე, - და უკვე ვნახეთ, რომ მან არ მოიხსნა ეს პასუხისმგებლობა“ - განაცხადა სალომე ზურაბიშვილმა.  

მისი თქმით, პოლიტიკა, ქვეყნის მართვა ნიშნავს რისკებისა და შედეგების წინასწარ გათვლას:

„ ეს პირობა გუშინწინ და გუშინ დაირღვა, რის შედეგადაც მივიღეთ მართლმადიდებლური ასამბლეის გაუმართლებელი მოწვევა, სრულიად მიუღებელი ფორმატი და რუსი დელეგატი პარლამენტის უმაღლეს სავარძელზე. მომხდარმა უდიდესი შეურაცხყოფა მიაყენა ჩვენს საზოგადოებას და გამოიწვია მთელი ერის პროტესტი. არ არის გამორიცხული, რომ ამ მოვლენების განვითარებაში გარკვეული პროვოკაციების ნიშნები იყოს, მაგრამ ეს ვერ იქნება პასუხისმგებლობის შემცირების მიზეზი. პასუხისმგებლობის აღებაში იგულისხმება მოვლენათა მთელ ჯაჭვზე განმარტების გაკეთება და შესაბამისი დასკვნების გამოტანა. ველოდები, რომ ხელისუფლება ამ ტრაგედიას სწორად შეაფასებს და ყველაფერს პასუხი გაეცემა“ - განაცხადა პრეზიდენტმა. 

 ზურაბიშვილის განცხადებით, მეორე მხრივ, აუცილებელია, დაისვას იმ პირთა სამართლებრივი პასუხისმგებლობის საკითხი, ვინც ყველა შესაძლო ხერხის გამოყენებით ქვეყანა ასეთი საფრთხის წინაშე დააყენა: 

„ნათელია მათი მიზანი, ვისაც სურს მხოლოდ ესკალაცია და ვის გეგმაშიც შედის დესტაბილიზაცია. მათი მიზანია, ანტიკონსტიტუციური და ანტისახელმწიფოებრივი ქმედებებით განახორციელონ რუსეთის საუკუნოვანი გეგმა - გახლიჩოს ქართული საზოგადოება, დაასუსტოს, დაამონოს სახელმწიფო და შეარყიოს ჩვენი ქვეყნის დამოუკიდებლობის მთავარი საფუძველი. მთელმა საზოგადოებამ უნდა გავაცნობიეროთ, რომ ქვეყანაში დაპირისპირება დიდ დარტყმას აყენებს თითოეულ ჩვენგანს, მთელ სახელმწიფოს და აძლიერებს მტერს. მაშინ, როდესაც მეზობელ ქვეყანას ოკუპირებული აქვს ჩვენი ქვეყნის ტერიტორიები, ყველას მოგვეთხოვება ძალიან დიდი სიფრთხილე. დღეს ჩვენ არ გვაქვს უფლება, საზოგადოება დავყოთ ხელისუფლებად, პოლიციელებად, პარტიებად და რიგით მოქალაქეებად. ეს არის საერთო ტრაგედია. ახლა მთავარია, გვეყოს ძალა ჩვენს თავში, ამ ტრაგედიამ არ გაგვტეხოს და მთავარი გზიდან არ გადაგვახვევინოს“ - განაცხადა საქართველოს პრეზიდენტმა. 

სალომე რაბიშვილი საზოგადოებას სიმშვიდისაკენ მოუწოდებს: 

„არ წამოვეგოთ ახალ პროვოკაციებს, არ ავყვეთ დესტრუქციულ მოწოდებებს. მე მჯერა თქვენი გონივრული გადაწყვეტილების. მე მზად ვარ, შევხვდე ყველა პოლიტიკურ ძალას, რომელიც ემიჯნება ან გაემიჯნება ქვეყნისთვის დამღუპველ და დესტრუქციულ მოწოდებებს. გაერთიანებაში, შერიგებაში და ჩვენს ევროპულ გზაშია ჩვენი ერთადერთი პერსპექტივა. რუსეთს მხოლოდ ასე აღვუდგებით წინ. ოკუპაციას მხოლოდ ასე ვუპასუხებთ. მსოფლიოს მხოლოდ ასე დავანახებთ საქართველოს ღირსებას“ - განაცხადა საქართველოს პრეზიდენტმა. 

20 ივნისს ღამით, პარლამენტის შენობის წინ სპეცრაზმმა რამდენჯერმე გამოიყენა ცრემლმდენი გაზი, ბოლოს კი აქციის მონაწილეები წყლის ჭავლით დაშალა, ასევე გამოიყენა რეზინის ტყვიები. ჯამში, სამედიცინო დაწესებულებებში გადაყვანილია 240 პაციენტი, ამ დრომდე საავადმყოფოებში რჩება 102 პაციენტი. 240-დან 80 იყო პოლიციელი. შსს-ს ინფორმაციით, სხვადასხვა სამართალდარღვევისთვის დაკავებულიააქციის 305 მონაწილე.

რუსთაველის გამზირზე აქცია მას შემდეგ დაიგეგმა, რაც გუშინ დილით პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა და "ქართული ოცნების" წევრ ზაქარია ქუცნაშვილს მოწვევისთვის მადლობა გადაუხადა.

პარლამენტში მართლმადიდებლობის საპარლამენტთაშორისო ასამბლეის მიმდინარეობა შეწყდა. ზაქარია ქუცნაშვილმა კი მოიბოდიშა და თქვა, რომ ასამბლეის ჩასატარებლად არასწორი ადგილი შეარჩიეს.

რუსეთის დელეგაციამ, მათ შორის სერგეი გავრილოვმა საქართველო დატოვა.

ყველა სიახლე

ზელენსკი

17 ოქტომბერი 2019, 16:47

ტაბლოიდი

ზელენსკის ლატვიის სეიმის ჩაქუჩით გართობის უფლება მისცეს. ვიდეო

ლატვიაში ზელენსკის ვიზიტის შესახებ ინფორმაცია პრეზიდენტის ოფიციალურ Facebook-გვერდზეც გავრცელდა, თუმცა პოსტის პირველ ვერსიაში პრეზიდენტის ადმინისტრაციას შეეშალა და დაწერა, რომ ზელენსკი ლიეტუვაში ჩავიდა. მოგვიანებით პოსტი წაშალეს და ახალი გამოაქვეყნეს.

17 ოქტომბერი 2019, 16:46

ძალოვნები

შატილში საჯარო სკოლა იწვის

შატილის საჯარო სკოლა იწვის. სოციალურ ქსელში ხანძრის ამსახველი კადრები გავრცელდა. როგორც imedinews-ს საგანგებო სიტუაციების მართვის სამსახურში განუცხადეს, ადგილზე 3 სახანძარო-სამაშველო ჯგუფი მუშაობს. ხანძრის შედეგად არავინ დაშავებულა. სხვა დეტალები ამ დროისთვის უცნობია.

მიხეილ ბატიაშვლი

17 ოქტომბერი 2019, 16:30

საქართველო

საქართველო ევროკავშირის უმაღლესი განათლების ასოციაციის წევრი გახდა

ერევანში ევროპული ასოციაციის - ENQA-ს ყოველწლიური გენერალური ასამბლეა იმართება, სადაც საქართველო, როგორც ასოცაციის წევრი ქვეყანა ოფიციალურად წარადგინეს.განათლების მინისტრის მიხეილ ბატიაშვლის თქმით, დღეს საქართველოს განათლების ხარისხის უზრუნველყოფის ევროპულ ასოციაციაში გაწევრიანების ოფიციალური პროცესი დასრულდა.

გიორგი მარგველაშვილი

17 ოქტომბერი 2019, 16:29

საქართველო

მარგველაშვილს სახელმწიფო დაცვა მოეხსნება

კანონში არსებულ ჩანაწერს, რომლის მიხედვითაც მაღალი თანამდებობის პირებს უფლებამოსილების ვადის გასვლიდან ერთი წლის შემდეგ სახელმწიფო დაცვა აღარ დაიცავს, ყოფილი პრეზიდენტი გიორგი მარგველაშვილი პერსონალურად, მასზე მორგებულ ცვლილებად აფასებს. მარგველაშვილი პრეზიდენტის ინ­სტი­ტუ­ტის დაკ­ნი­ნე­ბის უკვე სტან­დარ­ტულ ტრადიციაზე მიუთითებს.

პაატა სალია

17 ოქტომბერი 2019, 16:25

საქართველო

პაატა სალია: აქიმიძესა და დვალს სარჩელის შეტანა დაუგვიანდათ

„რუსთავი 2“-ის გენერალური დირექტორის პაატა სალიას განცხადებით, „რუსთავი 2“-ის 60%-იანი წილის დაბრუნების მოთხოვნასთან დაკავშირებით, დავით დვალსა და ჯარჯი აქიმიძეს სასამართლოში სარჩელი 2014 წელს უნდა შეეტანათ, შესაბამისად დღეს უკვე სარჩელი ხანდაზმულია.

სალომე ზურაბიშვილი

17 ოქტომბერი 2019, 16:24

საქართველო

პრეზიდენტი: გაეროს პროგრამების განხორციელება მნიშვნელოვანია ქვეყნის ინსტიტუციური განვითარებისთვის

შეხვედრაზე, რომელსაც გაეროს მუდმივი კოორდინატორი საქართველოში საბინე მახლი და გაეროს რეზიდენტი სააგენტოების ხელმძღვანელები ესწრებოდნენ, პრეზიდენტმა საქართველოსა და გაეროს თანამშრომლობის მნიშვნელობისა და ქვეყნის განვითარების საქმეში საერთაშორისო ორგანიზაციის მიერ შეტანილი წვლილის შესახებ ისაუბრა.

ესმერალდა გონსალესი

17 ოქტომბერი 2019, 16:15

მსოფლიო

ამერიკელი მოდელი გაუჩინარებიდან 5 თვის შემდეგ უდაბნოში გარდაცვლილი იპოვეს

24 წლის ამერიკელი მოდელი ესმერალდა გონსალესი, რომელსაც Instagram-ზე 300 000-ზე მეტი გამომწერი ჰყავდა, გაუჩინარებიდან 5 თვის შემდეგ ნევადის უდაბნოში გარდაცვლილი იპოვეს. გოგოს ცხედარი ხის ყუთში იპოვეს, რომელიც ზემოდან ბეტონით იყო დაფარული. მოდელს მაისიდან მას შემდეგ ეძებდნენ, რაც მისმა ოჯახმა პოლიციას მიმართა.

სირია

17 ოქტომბერი 2019, 15:38

მსოფლიო

„მაესტროს“ ჟურნალისტს თურქმა სამხედროებმა ტერიტორია პირდაპირ ეთერში დაატოვებინეს

ტელეკომპანია „მაესტროს“ ჟურნალისტსა და გადამღებ ჯგუფს, რომლებიც თურქეთ-სირიის საზღვარზე იმყოფებიან, თურქმა სამხედროებმა ტერიტორია პირდაპირ ეთერში დატოვებინეს. როგორც „მაესტროს“ ჟურნალისტმა პირდაპირი ჩართვის დროს თქვა, თურქმა სამხედროებმა მათ სთხოვეს, რომ ტერიტორია დაეტოვებინათ, რადგან ის საშიშ ზონად ითვლება.

დავით ზალკალიანი

17 ოქტომბერი 2019, 15:19

საქართველო

ზალკალიანი ლავროვთან შეხვედრაზე: შეხვედრა დროული, საჭირო, აქტუალური იყო

დავით ზალკალიანის განცხადებით, როგორც მაშინ, დღესაც დარწმუნებულია რომ სერგეი ლავროვთან შეხვედრა დროული, საჭირო და აქტუალური იყო. მისი თქმით, ეს შეხვედრა ოკუპირებულ რეგიონებში ბოლო დროს შექმნილმა გამწვავებულმა ვითარებამ განაპირობა.

მკვლელობა

17 ოქტომბერი 2019, 15:11

ძალოვნები

ბოლნისში ქმარმა ცოლი მოკლა

ბოლნისში ქმარმა ცოლი მოკლა. შემთხვევა სოფელ ტალავერში მოხდა. სააგენტო „ინტერპრესნიუსის“ ინფორმაციით, კაცმა ქალი ქამრით გაგუდა. წყვილს 3 არასრულწოვანი შვილი ჰყავს. როგორც imedinews-ს შსს-ში განუცხადეს, დამნაშაულში ეჭვმიტანილი უკვე დაკავებულია. სისხლის სამართლის საქმე 109-ე მუხლის მეორე ნაწილის ბ- ქვეპუნქტითაა აღძრული.

სირია

17 ოქტომბერი 2019, 15:08

მსოფლიო

BBC: ერდოღანმა ტრამპის წერილი ნაგვის ურნაში მოისროლა

9 ოქტომბრით დათარიღებულ წერილში ტრამპი ერდოღანს მოუწოდებს რომ თავი შეიკავოს სირიაში სამხედრო ოპერაციისგან. "ნუ იქნები ხისტი. ნუ ჩაიდენ სისულელეს", - მიმართავს ტრამპი ერდოღანს. თურქმა წყაროებმა კი BBC-ს განუცხადეს, რომ ერდოღანმა სრულად უგულებელყო და არ დაეთახნმა წერილის შინაარს.

ვეტერანთა დღე

17 ოქტომბერი 2019, 14:58

საქართველო

გიორგი გახარია ომის ვეტერანებს: ყველაფერი უნდა გავაკეთოთ იმისთვის, რომ ამ ქვეყანაში ომი აღარასოდეს იყოს

ჩემთვის დიდი პატივია, ვხედავდე აქ, ამ ქვეყნის ისტორიისთვის მართლაც სასიქადულო და საამაყო სახეებს, იმ ადამიანებს, რომლებიც ბოლო 30 წლის განმავლობაში ამ ქვეყნის ისტორიას ქმნიდნენ- ამ სიტყვებით საქართველოს პრემიერმინისტრმა ვეტერანებს მიმართა. მთავრობის ადმინისტრაციის ინფორმაციით, გიორგი გახარია ვეტერანების საქმეთა სახელმწიფო სამსახურში ომის ვეტერანებს შეხვდა და ვეტერანთა დღე მიულოცა.

17 ოქტომბერი 2019, 14:47

ძალოვნები

თბილისში, ფონიჭალასა და გარდაბანში 5 მსხვილი ნარკორეალიზატორი დააკავეს

ბრიფინგზე ითქვა, რომ სამართალდამცველებმა მოსამართლის განჩინების საფუძველზე ამ დაკავებული პირებისგან რამდენჯერმე იყიდეს საკონტროლოდ ნარკოტიკი, რაც ფარულად გადაიღეს. რეალიზატორები თბილისში, ფონიჭალის დასახლებასა და გარდაბნის მუნიციპალიტეტის სოფელ სართიჭალაში დააკავეს.

17 ოქტომბერი 2019, 14:36

საქართველო

დავით დვალის და ჯარჯი აქიმიძის ადვოკატი: ქიბარ ხალვაშმა რითაც მოიგო, იმით წააგებს

როგორც კახა კოჟორიძემ განაცხადა, ისინი სასამართლოსგან 60%-იანი წილის დაყადაღებას მოითხოვენ. კოჟორიძემ აღნიშნა, რომ ამ სამართლებრივ დავაში დაახლოებით ისე იმოქმედებენ, როგორც ქიბარ ხალვაში მოქმედებდა წინა სასამართლო პროცესების დროს, სანამ სასამართლო მას „რუსთავი 2“-ის მესაკუთრედ გამოაცხადებდა.

პროგრეს ბანკი

17 ოქტომბერი 2019, 14:24

საქართველო

„ბი ემ ჯი ჰოლდინგის“ დამფუძნებელი „მთავარი არხის“ წინააღმდეგ სარჩელს ამზადებს

„ბი ემ ჯი ჰოლდინგის“ დამფუძნებელი მენი ბენიში (რომლის შვილობილი კომპანიაც არის „ბი ემ ჯი ჯორჯია“) 16 ოქტომბერს მთავარ არხზე გასულ სიუჟეტთან დაკავშირებით, რომელიც პროგრეს ბანკის ისტორიას შეეხებოდა განცხადებას ავრცელებს. ბენიში აცხადებს, რომ მთავარ არხს ცილისწამებისთვის უჩივლებს.

მამუკა ხაზარაძე

17 ოქტომბერი 2019, 14:18

საქართველო

მამუკა ხაზარაძე: პატრიარქმა დაგვლოცა და წარმატება გვისურვა

„ვისაუბრეთ მოძრაობა "ლელოს" მიზნებსა და სამომავლო გეგმებზე. ასევე საუკუნის პროექტზე -ანაკლიის პორტზე, რომელიც უმნიშვნელოვანესია როგორც სამეგრელოსთვის, ასევე ჩვენი ქვეყნისთვის და მთელი რეგიონისთვის.პატრიარქმა დაგვლოცა და წარმატება გვისურვა.ერთად საქართველოსთვის"- წერს ხაზარაძე.

brexit

17 ოქტომბერი 2019, 13:58

მსოფლიო

დიდმა ბრიტანეთმა და ევროკავშირმა Brexit-ზე ახალ შეთანხმებას მიაღწიეს

ლონდონმა და ბრიუსელმა Brexit-ზე ახალ შეთანხმებას მიაღწიეს. ამის შესახებ დიდი ბრიტანეთის პრემიერმინისტრის განცხადებაზე დაყრდნობით BBC წერს. ბორის ჯონსონმა იმედი გამოთქვა, რომ ახალი გარიგება ორივე მხარეს პროცესებზე კონტროლის დაბრუნების საშუალებას მისცემს. შეთანხმების დეტალები ამ დროისთვის უცნობია.

სირია

17 ოქტომბერი 2019, 13:53

მსოფლიო

ვითარება თურქეთ-სირიის საზღვარზე. ფოტო

სირიის ჩრდილოეთ ნაწილში თურქი სამხედროები მეცხრე დღეა უკვე სამხედრო ოპერაციას ატარებენ. სამხედრო მოქმედებების შედეგად სირიელმა მებრძოლებმა გვიან ღამით თაბაყას აეროდრომზე კონტროლი დაამყარეს, აიღეს ქობანიც, რომელიც ქურთების ცენტრალურ ქალაქად ითვლება.

კულტურის ფონდი

17 ოქტომბერი 2019, 13:50

ეკონომიკა

კულტურის განვითარების ფონდს გრანტების გაცემის უფლება ოფიციალურად მიენიჭა

ფონდის მუშაობა დაფუძნებული იქნება დაფინანსების თანაბარი შესაძლებლობებისა და შემოქმედებითი თავისუფლების ხელშეუხებლობის დაცვის პრინციპებზე. მისი მთავარი დანიშნულება იქნება კულტურის განვითარების, პოპულარიზაციისა და ინტერნაციონალიზაციის ხელშეწყობა.

გრიგოლ ლილუაშვილი

17 ოქტომბერი 2019, 13:31

საქართველო

პარლამენტმა სუს-ის ხელმძღვანელად გრიგოლ ლილუაშვილი დაამტკიცა

პარლამენტმა სახელმწიფო უსაფრთხოების სამსახურის ხელმძღვანელად 6 წლის ვადით გრიგოლ ლილუაშვილი დაამტკიცა. მის კანდიდატურას პარლამენტის პლენარულ სხდომაზე განხილვის გარეშე უყარეს კენჭი. ლილუაშვილს მხარი 85-მა დეპუტატმა დაუჭირა, რვა კი წინააღმდეგი იყო. კენჭისყრა ფარული იყო.