კახა კალაძე: შმაქსები „მიიშმაქსებიან“

„შმაქსი“ ქუჩაში ჯერ არ გამოჩენილა, თუკი გამოჩნდებიან, მიიშმაქსებიან“, – ასე გამოეხმაურა დედაქალაქის მერი კახა კალაძე პოლიტიკური პარტია „გირჩის“ მიერ კომპანია „შმაქსის“ დაფუძნებას. 

პოლიტიკური გაერთიანება „გირჩის“ წევრებმა 3 ოქტომბერს კომპანია „შმაქსის“ პრეზენტაცია გამართეს და უმუშევრად დარჩენილ  მძღოლებს „შმაქსაობა“ შესთავაზეს. 

ქალაქის ქუჩებში „შმაქსის“ მანქანები უკვე გამოჩნდა. შეუძლია თუ არა შსს-ს „შმაქსაობის“ გამო მძღოლების დაჯარიმება, უწყების პასუხია ასეთია:

„შინაგან საქმეთა სამინისტროს საპატრულო პოლიცია მოქმედებს კანონის სრული დაცვით და კანონდარღვევის ფაქტის დაფიქსირების შემთხევაში, პოლიცია მოახდენს მყისიერ რეაგირებას“, - თქვეს შსს-ში.

თბილისის ვიცემერის ირაკლი ხმალაძის განცხადებით, „შმაქსი“ დაჯარიმებას ექვემდებარება.

პირველი ოქტომბრიდან ტაქსების რეფორმის მეორე ეტაპი ამოქმედდა. ამავე დღეს მერიის რეგულაციის დარღვევისთვის „გირჩის“ ლიდერი 200 ლარით დააჯარიმეს.