მუხიანში რადიოქალაქის პროექტი წლის ბოლოსთვის მომზადდება

მუხიანის დასახლებაში მდებარე ყოფილი რადიოქარხნის ტერიტორიის განვითარებისა და შემდგომი გამოყენების მიზნით, კვლევა მიმდინარეობს. პროექტის დასრულება წლის ბოლოსთვის იგეგემება. ამის შესახებ ინფორმაციას "კომერსანტი" ავრცელებს.

კვლევის ჩასატარებლად გამოცხადებულ ინტერესთა გამოხატვაში ბრიტანულმა კვლევითმა ორგანიზაციამ „კოლიერსმა“ გაიმარჯვა. კვლევის შედეგად გამოვლენილი ფაქტების შემდეგ რადიოქალაქის პროექტზე მუშაობა დაიწყება.

როგორც მერიის ეკონომიკური განვითარების სამსახურის უფროსი ანდრია ბასილაია ამბობს, 2019 წლიდან თბილისის მერია უკვე შეძლებს რადიოქალაქის ფარგლებში ინვესტორებს პროექტები შესთავაზოს.

„კოლიერსის“ კვლევა რამდენიმე კომპონენტს მოიცავს. ესენია: 

1. შენობის მდგრადობისა და გარემოს უსართხოების შემოწმება, ქიმიური ანალიზი და ა.შ.;
2. იმ მოთხოვნების კვლევა, თუ რა საჯარო სივრცეები არსებობს გარშემო, რაზეა მოთხოვნა ძირითადად , რისი ნაკლებობაა ქალაქში;
3. გათვლები, რატომ მიაჩნია კოლიერს კონკრეტულად მიმართულებით განვითარება  საჭიროდ (ეს იქნება კინოდარბაზი, კაფე თუ სხვადასხვა საჯარო სირვცე);
4. მასტერპლანი, დაგეგმარება, რენდერები.

„კოლიერსის“ დეველოპმენტ-კონსტალტინგის ხელმძღვანელის ლევან გვარამაძის თქმით, წინასწარი შეფასებით, კვლევის შედეგები დადებითია.

"ობიექტზე მუშაობს სპეციალური გუნდი, რომელიც შეისწავლის გარემოს უსაფრთხოებასა და კონსტუქციულ მდგრადობას. ნახევარ თვეში უნდა დასრულდეს ეს პროცესი და დაიდოს შესაბამისი რეპორტი.  სწორედ პირველ ეტაპზეა უკვე შემდგომი კომპონენტების სწავლა-განვითარება დამოკიდებული. წინასწარი შეფასებებით, შეიძლება ითქვას, რომ შემდგომი ეტაპებიც უნდა გაგრძელდეს, რადგან აღმოუფრქველი და სერიოზული პრობლემა არ ისახება. ჩვენ მაქსიმალურად ვცდილობთ შევქმნათ სოციალურადაც და კომერციულადაც გამართლებული კონცეფცია, რათა პროექტი იყოს ქალაქისთვის ღირებული“,- განმარტავს გვარამიძე.

კახა კალაძემ წინასაარჩევნოდ განაცხადა, რომ მუხიანის ყოფილი რადიოქარხნის ტერიტორიაზე აშენდება საგამოფენა სივრცეები, გასართობი ზონები, საცურაო აუზები, რადიოქალაქი და ა.შ.