imedi /  28 ოქტომბერი 2020, 13:26 / სანდო წყარო

დაწყებითი საფეხურის მასწავლებლები და სკოლის ადმინისტრაციის წარმომადგენლები დისტანციური სწავლების მიმართულებით გადამზადდებიან

საქართველოს განათლების, მეცნიერების, კულტურისა და სპორტის სამინისტროს, ესტონეთის მთავრობისა და გაეროს ბავშვთა ფონდის ერთობლივი პროექტის ფარგლებში საქართველოს ზოგადსაგანმანათლებლო დაწესებულებების დაწყებითი საფეხურის მასწავლებლები, ადმინისტრაციის წარმომადგენლები და განათლების სისტემის თანამშრომლები დისტანციური სწავლების მიმართულებით გადამზადდებიან.

განათლების სამინისტროს ინფორმაციით, პროექტი, რომელიც საქართველოს მასშტაბით 100 საჯარო სკოლაში განხორციელდება, მიზნად ისახავს მსოფლიოში ერთ-ერთი საუკეთესო პრაქტიკის – ესტონური გამოცდილების გაზიარებით მოსწავლეების განათლების ხარისხის გაუმჯობესებასა და საგანმანათლებლო სისტემის წარმომადგენლების გადამზადებას.

როგორც განათლების სამინისტრო იუწყება, პროექტის პრეზენტაცია 186-ე საჯარო სკოლის შენობაში გაიმართა, რომელშიც მონაწილეობა საქართველოს განათლების, მეცნიერების, კულტურისა და სპორტის მინისტრის მოადგილემ, ეკატერინე დგებუაძემ, ესტონეთის ელჩმა საქართველოში რინა კალიურანდმა და გაეროს ბავშვთა ფონდის წარმომადგენელმა ღასან ხალილმა მიიღეს. შეხვედრაზე მხარეებმა პროექტში ჩართული სკოლების ადმინისტრაციასა და პედაგოგებს სამომავლო გეგმები გააცნეს, მათთან დისკუსია გამართეს და ახლადაშენებული სკოლა დაათვალიერეს.

ეკატერინე დგებუაძემ დამსწრე საზოგადოებას სიტყვით მიმართა, მადლობა გადაუხადა ესტონეთის ელჩსა და გაეროს ბავშვთა ფონდის წარმომადგენელს ნაყოფიერი თანამშრომლობისთვის და ყურადღება გაამახვილა ახალგაზრდებისთვის ხარისხიანი განათლების უზრუნველყოფის მიმართულებით ახალი პროექტის განხორციელებაზე.

„დღეს ძალიან მნიშვნელოვანი პროექტის პრეზენტაცია გაიმართა, რომელიც განათლების სექტორში კვალიფიციური კადრების მომზადებას, მათი უნარებისა და ცოდნის განვითარებას შეუწყობს ხელს. ესტონეთის მთავრობისა და გაეროს ბავშვთა ფონდთან თანამშრომლობით საქართველოში, განათლების სისტემის ხარისხის გაუმჯობესების მიმართულებით, არაერთი მნიშვნელოვანი პროექტი განხორციელდა. მინდა, განსაკუთრებული ყურადღება გავამახვილო ბავშვთა განათლების უფლების დაცვაზე. ჩვენი პასუხისმგებლობაა, რომ ყველა მოსწავლეს ჰქონდეს თანაბარი წვდომა განათლების სფეროს სიახლეებსა და ხარისხიან, უწყვეტ განათლებაზე. სწორედ ამას ემსახურება ეს ერთობლივი პროექტიც, რომელიც საშუალებას მოგვცემს, შევქმნათ მათი მხარდამჭერი საგანმანათლებლო გარემო და ხელი შევუწყოთ შეიძინონ ცოდნა და უნარები თვითრეალიზაციისთვის ტექნოლოგიურად სწრაფადცვალებად განვითარებულ სამყაროში“, - განაცხადა ეკატერინე დგებუაძემ.

მინისტრის მოადგილემ ხაზგასმით აღნიშნა, რომ სამინისტრო სისტემატურად მუშაობს სკოლებში ინფრასტრუქტურის განვითარებაზე. ახალი სასწავლო წლისთვის აშენდა, რეაბილიტირდა და თანამედროვე ტექნიკით აღიჭურვა არაერთი საჯარო სკოლა, როგორც თბილისში, ასევე, რეგიონებში.

„პროექტის ფარგლებში საქართველოს საგანმანათლებლო სისტემის წამომადგენლები, მათ შორის, სამინისტროსა და სკოლების ადმინისტრაციები გაეცნობიან ესტონურ მოდელს, კერძოდ, დისტანციური სწავლების დანერგვის პრაქტიკასა და ამ კუთხით შემუშავებულ კონცეფციებს, დაწყებითი განათლების მასწავლებლებს საშუალება ექნებათ გაიარონ მომზადება კომპეტენციებზე დაფუძნებულ სწავლა-სწავლების მეთოდოლოგიაში, ხოლო სკოლების ადმინისტრაციებისა და საგანმანათლებლო რესურსცენტრების წამომადგენლები მოსწავლეებზე ორიენტირებული საგანმანათლებლო გარემოს უზრუნველყოფისა და სკოლის მენეჯმენტის მიმართულებით გადამზადდებიან. პროექტი, საერთაშორისო გამოცდილებისა და საუკეთესო პრაქტიკის შესაბამისად, ახალი ეროვნული სასწავლო გეგმის საშუალო საფეხურის რევიზიასაც გულისხმობს.

დისტანციური სწავლების ხელშეწყობის პროგრამა, რომელიც ესტონეთის მთავრობის მიერ სრულად ფინანსდება, 2020 წლის სექტემბერში დაიწყება და 2 წლის განმავლობაში გაგრძელდება.

ესტონეთის მთავრობას, საქართველოს მთავრობასა და გაეროს ბავშვთა ფონდს შორის 2014 წელს დაწყებული პარტნიორობა მიზნად ისახავს ქართველი მასწავლებლების კვალიფიკაციის ამაღლებასა და ბავშვებისთვის განათლების ხარისხის გაუმჯობესებას.

2014-2016 წლებში განხორციელებული პარტნიორობის ფარგლებში გადაიხედა I-IX კლასების ეროვნული სასწავლო გეგმა. 2017-2019 წლებში მთელი ქვეყნის მასშტაბით შერჩეული 20 საპილოტე სკოლის მასწავლებლებმა გაიარეს მომზადება და სწავლების ინოვაციურ მიდგომებს გაეცნენ. პარტნიორობის ფარგლებში ასევე, მოეწყო სასწავლო ტური ესტონეთში, სადაც საქართველოს შერჩეული სკოლების დირექტორები და მასწავლებლები ადგილზე გაეცნენ ესტონეთის განათლების სისტემის პოლიტიკასა და მიდგომებს სასწავლო გეგმასთან, მონიტორინგსა და ხარისხის უზრუნველყოფასთან დაკავშირებით. პროექტში ჩართული იყვნენ ესტონეთის უნივერსიტეტების სასწავლო გეგმის ექსპერტები და მეცნიერები“, - ნათქვამია განათლების სამინისტროს განცხადებაში.

ყველა სიახლე

05 დეკემბერი 2020, 11:46

COVID19

სომხეთში კორონავირუსის 1,267 შემთხვევა გამოვლინდა

სომხეთში კორონავირუსი კიდევ 1,267 ადამიანს დაუდასტურდა, 32 ინფიცირებული გარდაიცვალა. ამის შესახებ ადგილობრივი მედია, ჯანდაცვის სამინისტროზე დაყრდნობით იტყობინება. სულ ქვეყანაში კორონავირუსის 140,959 შემთხვევა დადასტურდა, გარდაიცვალა 2,309 ადამიანი, გამოჯანმრთელდა - 116,066.

05 დეკემბერი 2020, 11:41

COVID19

მექსიკაში დღის განმავლობაში ინფიცირებულთა მატების მორიგი ანტირეკორდი დაფიქსირდა

მექსიკაში დღის განმავლობაში ინფიცირებულთა მატების მორიგი ანტირეკორდი დაფიქსირდა. გასული 24 საათის განმავლობაში კორონავირუსი 12 127 ადამიანს დაუდასტურდა. ინფორმაციას ამის შესახებ ქვეყნის ჯანდაცვის სამინისტრო ავრცელებს.

05 დეკემბერი 2020, 11:38

საზოგადოება

სარეაბილიტაციო სამუშაოს გამო, თბილისში, გორგასალის მოედნიდან 300 არაგველის ხიდამდე მოძრაობა ნაწილობრივ შეიზღუდება

თბილისის მერია კრწანისის რაიონში, გორგასლის მოედნის მიმდებარე ტერიტორიაზე ინფრასტრუქტურულ სამუშაოს ახორციელებს. პროექტის ფარგლებში, პეტრე ბაგრატიონის ძეგლიდან გულიას ქუჩის მიმართულებით, 300 არაგველის ხიდამდე გზის რეაბილიტაცია ჩატარდება და ასფალტის საფარი დაიგება.

05 დეკემბერი 2020, 11:25

COVID19

უკრაინაში კორონავირუსის 800,000-ზე მეტი შემთხვევა დადასტურდა

ბოლო 24 საათის განმავლობაში უკრაინაში კორონავირუსი კიდევ 13,825 ადამიანს დაუდასტურდა, 226 ინფიცირებული კი გარდაიცვალა. ინფორმაციას ქვეყნის ჯანდაცვის სამინისტრო ავრცელებს. ჯამში ქვეყანაში კორონავირუსი 801,716 ადამიანს დაუდგინდა. COVID-19-ს სულ 13,421 პაციენტი ემსხვერპლა, 412,533 ინფიცირებული კი გამოჯანმრთელდა.

კორონავირუსი

05 დეკემბერი 2020, 11:25

COVID19

აჭარაში კორონავირუსის 453 ახალი შემთხვევა დაფიქსირდა, 430 პაციენტი კი გამოჯანმრთელდა

ბოლო 24 საათის განმავლობაში აჭარაში კორონავირუსის 453 ახალი შემთხვევა დაფიქსირდა, 430 პაციენტი კი გამოჯანმრთელდა.

დიეგო მარადონა

05 დეკემბერი 2020, 11:23

სპორტი

ნეაპოლის სტადიონს მარადონას სახელი ოფიციალურად დაერქვა

იტალიის ქალაქ ნეაპოლის სტადიონს, სადაც საფეხბურთო კლუბი „ნაპოლი“ საშინაო მატჩებს ატარებს, დიეგო მარადონას სახელი ოფიციალურად დაერქვა. სან პაოლოს სტადიონისთვის სახელის გადარქმევის ინიციატორი ნეაპოლის მერი ლუიჯი დე მაჯისტრისია. მის ინიციატივას ქალაქის საბჭომ მხარი ერთხმად დაუჭირა.

05 დეკემბერი 2020, 11:20

COVID19

საქართველოში 1 116 კოვიდინფიცირებულის მდგომარეობა მძიმეა

საქართველოში ამ ეტაპზე 1 116 მძიმე პაციენტია, მათ შორის ხელოვნური სუნთქვის აპარატზე იმყოფება 395 პირი, - ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა. მან კორონავირუსთან დაკავშირებით არსებულ უახლეს სტატისტიკურ მონაცემებზე ისაუბრა.

05 დეკემბერი 2020, 11:20

საზოგადოება

შემოსავლების სამსახურის მონაცემთა ბაზაში მომხმარებელთა მიერ უკვე 6 084 განაცხადი დარეგისტრირდა

დღევანდელი მონაცემებით, ფინანსთა სამინისტროს შემოსავლების სამსახურის მონაცემთა ელექტრონულ ბაზაში მომხმარებელთა მიერ უკვე 6 084 განაცხადი დარეგისტრირდა. შემოსავლების სამსახურის ცნობით, სარეგისტრაციო განცხადება უნდა აიტვირთოს გადასახადის გადამხდელის, დამქირავებლისა და ობიექტის მფლობელის ავტორიზებული მომხმარებლის გვერდიდან.

კარლ-ჰაინც გრასერი

05 დეკემბერი 2020, 11:17

მსოფლიო

ავსტრიის ყოფილ ფინანსთა მინისტრს კორუფციისთვის 8 წელი მიუსაჯეს

ავსტრიის ყოფილი ფინანსთა მინისტრს, კარლ-ჰაინც გრასერს კორუფციისთვის 8 წელი მიუსაჯეს. მას ბრალი გაფლანგვაში, ქრთამის აღებაში, მტკიცებულებების გაყალბებასა და ათასობით სახელწიფო ბინის გაყიდვაში ედებოდა.

05 დეკემბერი 2020, 11:13

COVID19

კოვიდინფიცირების 5 450 ახალი დადასტურებული შემთხვევიდან 2 053 თბილისში გამოვლინდა

კოვიდინფიცირების 5 450 ახალი დადასტურებული შემთხვევიდან 2 053 თბილისში გამოვლინდა, - ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა. მან კორონავირუსთან დაკავშირებით არსებულ უახლეს სტატისტიკურ მონაცემებზე ისაუბრა.

ტესტირება

05 დეკემბერი 2020, 11:09

COVID19

ინტენსიური ტესტირების ფარგლებში საქართველოში ბოლო 24 საათის განმავლობაში 18 095 ტესტი ჩატარდა

მიზნობრივი წერტილოვანი შეზღუდვების ორ თვიანი კონკრეტული გეგმის ფარგლებში, უკვე დაიწყო ინტენსიური ტესტირება, რომელიც სახელმწიფოს მიერ დღეში 20 000 ტესტის ჩატარებას გულისხმობს. დღეის მდგომარეობით, ბოლო 24 საათის განმავლობაში ჩატარდა 18 095 ტესტი, აქედან 7 716 ანტიგენი და 10 379 PCR, - ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

05 დეკემბერი 2020, 11:06

სამართალი

დღე-ღამეში, კორონავირუსის წინააღმდეგ ბრძოლის მიზნით მოქმედი რეგულაციების დარღვევის 1 000-მდე ფაქტი გამოვლინდა

პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად 87 ფიზიკური პირი დააჯარიმა. დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს. გარდა ამისა, 24 საათის განმავლობაში პირბადის ტარების წესის დარღვევის ფაქტზე, ადმინისტრაციულ სამართალდარღვევათა კოდექსის 42(11)-ე მუხლის შესაბამისად 904 ფიზიკური პირი დაჯარიმდა.

კორონავირუსი

05 დეკემბერი 2020, 10:59

COVID19

საქართველოში კორონავირუსი კიდევ 5450 ადამიანს დაუდასტურდა, 2306 კი გამოჯანმრთელდა

საქართველოში კორონავირუსი კიდევ 5450 ადამიანს დაუდასტურდა, 2306 კი გამოჯანმრთელდა. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ მთავრობის ადმინისტრაციაში გამართულ ბრიფინგზე განაცხადა.

კორონავირუსი

05 დეკემბერი 2020, 10:59

COVID19

24 საათის განმავლობაში საქართველოში 37 კოვიდინფიცირებული გარდაიცვალა

24 საათის განმავლობაში საქართველოში 37 კოვიდინფიცირებული გარდაიცვალა. ამ დროისთვის ქვეყანაში კორონავირუსის 5 450 შემთხვევაა დადასტურებული. გამოჯანმრთელებულთა რაოდენობა 2 306-ს შეადგენს. გარდაიცვალა 1 462 მოქალაქე.

ვაკო ყაზაიშვილი

05 დეკემბერი 2020, 10:56

სპორტი

ვაკო ყაზაიშვილმა „სან ხოსე“ დატოვა

ვაკო ყაზაიშვილმა ამერიკის შეერთებული შტატების საფეხბურთო კლუბი „სან ხოსე“ დატოვა. ამის შესახებ საქართველოს ნაკრების ნახევარმცველმა გულშემატკივარს თავად აცნობა და სოციალური ქსელის საშუალებით მადლობა გადაუხადა.

05 დეკემბერი 2020, 10:50

სპორტი

2-თვიანი პაუზის შემდეგ გიორგი ჩაკვეტაძე მოედანს უბრუნდება

2-თვიანი პაუზის შემდეგ გიორგი ჩაკვეტაძე მოედანს უბრუნდება. კვირას, ბელგიის ჩემპიონატის მორიგ ტურში „გენტი“ სტუმრად „ოსტენდეს“ ხვდება და ახალგაზრდა ქართველი ნახევარმცველი სამატჩო განაცხადშია.

05 დეკემბერი 2020, 10:47

COVID19

კახეთში კორონავირუსის 107 შემთხვევა გამოვლინდა

ბოლო 12 საათში, კახეთში, კორონავირუსის 107 ახალი შემთხვევა გამოვლინდა. რეგიონში ინფიცირებულთა საერთო რაოდენობა ასე გამოიყურება: ახმეტა-347, თელავი-1, 313, ყვარელი-393, ლაგოდეხი-665, გურჯაანი-1,041, სიღნაღი-296, დედოფლისწყარო-419 და საგარეჯო-534.

05 დეკემბერი 2020, 10:39

COVID19

იმერეთის რეგიონში კოვიდცენტრების რაოდენობა იზრდება

ინფიცირებულთა რაოდენობის ზრდის პარალელურად, იმერეთის რეგიონში კოვიდცენტრების რაოდენობა იზრდება. რეგიონში არსებულ 14 კოვიდცენტრს მიმდინარე კვირიდან კიდევ სამი დაემატება.

ბორჯღალოსნები

05 დეკემბერი 2020, 10:36

სპორტი

დღეს საქარველოს მორაგბეთა ნაკრები „შემოდგომის ერთა თასის“ ბოლო შეხვედრას გამართავს

დღეს საქარველოს მორაგბეთა ეროვნული ნაკრები „შემოდგომის ერთა თასის“ ბოლო შეხვედრას გამართავს. ბორჯღალოსნები ფიჯის ნაკრებს მეშვიდე ადგილისთვის მატჩში შეხვდებიან.

05 დეკემბერი 2020, 10:33

სამართალი

არასრულწლოვნების მიმართ ჩადენილი გარყვნილი ქმედების და არასრულწლოვნის მიმართ ოჯახური ძალადობის ფაქტებზე დაკავებულს ბრალდება წარუდგინა

საქართველოს პროკურატურამ 4 არასრულწლოვნის, მათ შორის არასრულწლოვანი შვილის მიმართ ჩადენილი გარყვნილი ქმედების და არასრულწლოვანი შვილის მიმართ ძალადობის ფაქტებზე გ.გ.-ს ბრალდება წარუდგინა, - ამის შესახებ ინფორმაციას საქართველოს პროკურატურა ავრცელებს. მათივე ინფორმაციით, მიმდინარე გამოძიებით დადგინდა, რომ 2020 წლის ივნისიდან სექტემბრამდე ქ. თბილისში, გ.გ.-მ სხვადასხვა დროს 4 არასრულწლოვან გოგონასთან, მათ შორის საკუთარ შვილთან გარყვნილი ქმედება ჩაიდინა. გამოძიებით ასევე დადგინდა, რომ გ.გ.-მ ფიზიკური ძალადობა განახორციელა მის არასრულწლოვან შვილზე.