imedi /  01 დეკემბერი 2021, 14:50 / სანდო წყარო

მიხეილ ჩხენკელმა დეპუტატებს ქუთაისის საერთაშორისო უნივერსიტეტისა და ადრონული თერაპიის ცენტრის შესახებ სიახლეები გააცნო

მინისტრის საათის ფორმატში საქართველოს პარლამენტში სიტყვით გამოსვლისას საქართველოს განათლებისა და მეცნიერების მინისტრმა მიხეილ ჩხენკელმა დეპუტატებს უმაღლესი განათლების სისტემის მეგა-პროექტის – ქუთაისის საერთაშორისო უნივერსიტეტისა და ადრონული თერაპიის ცენტრის განვითარების კუთხით გადადგმული ნაბიჯები და დაგეგმილი სიახლეები გააცნო.

„ქუთაისის საერთაშორისო უნივერსიტეტის დაარსება უდიდესი მნიშვნელობის მოვლენაა განათლებისა და მეცნიერების ინტერნაციონალიზაციის თვალსაზრისით. უნივერსიტეტის იდეისა და კონცეფციის ავტორი ბატონი ბიძინა ივანიშვილია. სწორედ მისი და მისი ოჯახის უაღრესად მნიშვნელოვანი ქველმოქმედების შედეგად ქვეყანაში გაჩნდა მსოფლიო მასშტაბის აკადემიური და სამეცნიერო-კვლევითი სივრცე“, – აღნიშნა მინისტრმა.

მიხეილ ჩხენკელმა ხაზგასმით აღნიშნა, რომ უნივერსიტეტს აქვს სწრაფად მზარდი რეიტინგი, რაც იმის დასტურია, რომ მისი განვითარება სწორი ხედვით მიმდინარეობს. გახსნიდან მეორე წელსვე – 2021 წლის ერთიანი ეროვნული გამოცდების შედეგების საფუძველზე, საშუალო საკონკურსო ქულის მიხედვით, ქუთაისის საერთაშორისო უნივერსიტეტი სახელმწიფო უნივერსიტეტებს შორის პირველ ადგილს იკავებს. 2021 წელს სტუდენტთა რაოდენობა 76%-ით გაიზარდა.

უნივერსიტეტში ამჟამად მოქმედი აკადემიური პროგრამები მიუნხენის ტექნიკური უნივერსიტეტის ანალოგს წარმოადგენს. მინისტრის თქმით, არსებული მიდგომა შენარჩუნდება და ქუთაისის საერთაშორისო უნივერსიტეტში ეტაპობრივად შეიქმნება აკადემიური პროგრამები უმაღლესი განათლების სამივე საფეხურისათვის კონკრეტულ სფეროში ლიდერ უნივერსიტეტთან თანამშრომლობით.

მიხეილ ჩხენკელმა აღნიშნა, რომ ამერიკის შეერთებულ შტატებში ვიზიტის ფარგლებში პირადად შეხვდა ნიუ-იორკის უნივერსიტეტის (NYU) პრეზიდენტს ენდრიუ ჰამილტონს და მასთან ერთად განიხილა ერთობლივი აკადემიური პროგრამების დანერგვის პერსპექტივები. ქუთაისის საერთაშორისო უნივერსიტეტის საერთაშორისო პარტნიორობის გაფართოების მიზნით დაგეგმილია ვიზიტი გერმანიაში, სადაც შეხვედრები გაიმართება აკადემიური წრეებისა და ბიზნეს სექტორის წარმომადგენლებთან. ასევე, გაგრძელდება მუშაობა კონკრეტულ სფეროში ლიდერ უნივერსიტეტთან თანამშრომლობით ახალი აკადემიური პროგრამების შესაქმნელად.

უნივერსიტეტის აკადემიურ ცხოვრებაში ქართველებთან ერთად ჩართული არიან ცნობილი უცხოელი პროფესორებიც, რომელთა რიცხვი ეტაპობრივად იზრდება. შედეგად, მინისტრის შეფასებით, ქუთაისში ყალიბდება განათლებისა და მეცნიერების რეგიონული მნიშვნელობის ჰაბი, რომელიც შესაბამისობაში იქნება ევროპულ სტანდარტებთან.

სიტყვით გამოსვლისას მიხეილ ჩხენკელმა ხაზი გაუსვა, რომ ქუთაისის საერთაშორისო უნივერსიტეტის სტრატეგიულ განვითარებაში დიდ როლს თამაშობს საერთაშორისო მრჩეველთა საბჭო, რომლის შემადგენლობაში მსოფლიოს სხვადასხვა ქვეყნის ცნობილი და წამყვანი მეცნიერები არიან, ასევე, ინდუსტრიის მრჩეველთა საბჭო, რომელიც უზრუნველყოფს აკადემიური პროგრამების შექმნის პოლიტიკას და სტუდენტების მომზადებას შრომის ბაზრის მოთხოვნების შესაბამისად.

ქუთაისის საერთაშორისო უნივერსიტეტის სტრატეგიაა, თავის გარშემო გააერთიანოს კერძო სექტორი, გააძლიეროს კავშირი ინდუსტრიასა და მეცნიერებას შორის და ამ გზით შექმნას ძლიერი მეწარმეობა. უნივერსიტეტის ინდუსტრიის მრჩეველთა საბჭოს წევრები არიან ისეთი მსხვილი ორგანიზაციების წარმომადგენლები, როგორიცაა: სიმენსი, ჰილტი ჯგუფი, დელოიტი, პეპ-დიზაინი, ევროპის აერონავტიკის კომპანია (EADS), გერმანიის ბიზნეს ასოციაცია (DWV), ბიზნეს ლიდერთა ფედერაცია „ქალები მომავლისათვის“, საქართველოს ბიზნეს ასოციაცია, ამერიკის სავაჭრო-სამრეწველო პალატა საქართველოში.

მინისტრმა ვრცლად ისაუბრა ქუთაისის საერთაშორისო უნივერსიტეტის ადრონული თერაპიის ცენტრის შესახებ, რომლის განსავითარებლად ბოლო პერიოდში მნიშვნელოვანი ნაბიჯები გადაიდგა. ცენტრი ფონდ „ქართუს“ მიერ არის დაფინანსებული და მასში განთავსდება ორი ციკლოტრონი, რომელთა დამზადება ამჟამად მსოფლიოს ერთ-ერთ წამყვან კომპანიაში (IBA) მიმდინარეობს. ერთი ციკლოტრონი მოხმარდება სიმსივნის მკურნალობას, რაც განსაკუთრებით მნიშვნელოვანია სიმსივნით დაავადებული ბავშვებისთვის. მკურნალობა შესაძლებელი იქნება ულტრათანამედროვე მეთოდით – პროტონული თერაპიით – ეს არის სხივური თერაპიის ფორმა, რომელიც ებრძვის მხოლოდ დაზიანებულ უჯრედებს, ხოლო ჯანსაღი უჯრედები უვნებელი რჩება. მეორე ციკლოტრონი განკუთვნილი იქნება სამეცნიერო-კვლევითი პროცესისთვის სამედიცინო და ბირთვულ ფიზიკაში. მიხეილ ჩხენკელის თქმით, ის ფაქტი, რომ ერთი ციკლოტრონი მთლიანად კვლევისთვის იქნება განკუთვნილი, განსაკუთრებულ დაინტერესებას იწვევს საერთაშორისო სამეცნიერო საზოგადოების მხრიდან. არაერთმა ცნობილმა უცხოელმა მეცნიერმა უკვე გამოთქვა სურვილი, ქართველ მეცნიერებთან ერთად ჩაერთოს კვლევით პროცესში.

მინისტრმა ისაუბრა ამერიკის შეერთებულ შტატებში ვიზიტის ფარგლებში გამართული შეხვედრების შესახებ მსოფლიოს წამყვან მკვლევრებთან ონკოლოგიისა და პროტონული თერაპიის მიმართულებით. ქალაქ ბოსტონში გაიმართა შეხვედრა მოლეკულური მედიცინის ინსტიტუტსა და ჯოსლინის ცენტრში, რომელიც ჰარვარდის უნივერსიტეტის მედიცინის სკოლასთან არის აფილირებული. ამერიკელ მეცნიერებმა ადრონული თერაპიის ცენტრთან თანამშრომლობის სურვილი გამოთქვეს, რაც იმას ნიშნავს, რომ სულ მალე ქუთაისის საერთაშორისო უნივერსიტეტის გახდება მსოფლიო მნიშვნელობის სამეცნიერო კერა.

ამერიკის შეერთებულ შტატებში ვიზიტის ფარგლებში მიხეილ ჩხენკელმა ფონდ „ქართუსა“ და ქუთაისის საერთაშორისო უნივერსიტეტის ხელმძღვანელებთან ერთად მონაწილეობა მიიღო ამერიკის რადიაციისა და ონკოლოგიის საზოგადოების ყოველწლიურ შეხვედრაში (ASTRO 2021), რომელიც ქალაქ ჩიკაგოში გაიმართა. მიღწეულ იქნა შეთანხმება ადრონული თერაპიის ცენტრის თანამშრომლობის თაობაზე სამედიცინო აპარატურის მწარმოებელ, დარგის წამყვან კომპანიებთან, როგორც დიაგნოსტიკის, ასევე მკურნალობის მიმართულებით. მინისტრის თქმით, დაიწყება მჭიდრო თანამშრომლობა კარლ ცაისის კომპანიასთან: დაგეგმილია უნივერსიტეტში თანამედროვე მიკროსკოპული ლაბორატორიის მოწყობა.

ამერიკაში ვიზიტისას მინისტრი ასევე შეხვდა მსოფლიო რანგის წამყვან ამერიკელ მეცნიერს, ნორთვესტერნის უნივერსიტეტის ჩიკაგოს პროტონული ცენტრის სამედიცინო ფიზიკისა და დოზიმეტრიის დირექტორს, ნორთვესტერნის უნივერსიტეტის რადიაციული ონკოლოგიის პროფესორს, მარკ პანკეკს. შეხვედრისას მიღწეულ იქნა შეთანხმება, რომ პროფესორი პანკეკი ადრონული თერაპიის ცენტრის მრჩეველთა საბჭოს წევრი გახდება და კლინიკურ და კვლევით პროცესებში აქტიურად ჩაერთვება.

სიტყვით გამოსვლისას მინისტრმა ასევე ისაუბრა მეცნიერების სფეროში თანამშრომლობის შესაძლებლობები განხილვის მიზნით პოლონეთის ბირთვული კვლევების ეროვნული ცენტრის (NCBJ) დელეგაციასთან გამართული შეხვედრის შესახებ. დელეგაციას ცენტრის გენერალური დირექტორი კრიშტოფ კურეკი ხელმძღვანელობდა, რომელმაც დადებითად შეაფასა ადრონული თერაპიის ცენტრის კონცეფცია და აღნიშნა, რომ ეს არის ბრწყინვალე საჩუქარი ქვეყანაში მეცნიერების განვითარებისთვის. მისი თქმით, განსაკუთრებულად მნიშვნელოვანია, რომ სამეცნიერო კვლევები ცენტრში ულტრათანამედროვე ციკლოტრონის მეშვეობით წარიმართება, რისი შესაძლებლობაც ბევრი განვითარებული ქვეყნის კვლევით ცენტრს არ აქვს. დელეგაციის ხელმძღვანელმა ადრონული თერაპიის ცენტრთან თანამშრომლობის მზაობა გამოთქვა.

ყველა სიახლე

ივანე ჩხაიძე

26 იანვარი 2022, 09:48

COVID19

ივანე ჩხაიძე: გვაქვს მოლოდინი, რომ შესაძლებელია ერთი დღის განმავლობაში ინფიცირების 15 ათასი შემთხვევა საქართველოსთვის მაქსიმუმი არ იყოს

„20 დეკემბრიდან თუ გადავთვლით ერთ თვეს, სწორედ ახლა, იანვრის ბოლოს - თებერვლის დასაწყისში იქნება საქართველოში ინფიცირების ყველაზე მაღალი მაჩვენებელი. ამიტომ, მოლოდინი გვაქვს, რომ შემდეგი დღეების განმავლობაში ზრდა ისევ იქნება და ასევე გვაქვს მოლოდინი, რომ შესაძლებელია ერთი დღის განმავლობაში ინფიცირების 15 ათასი შემთხვევა საქართველოსთვის არ იყოს მაქსიმუმი. ძნელია, პრაქტიკულად შეუძლებელია ზუსტი პროგნოზის გაკეთება თუ რამდენი იქნება მეექვსე ტალღის მაქსიმუმი, ოღონდ ჩვენ ვიღებთ ევროპის ქვეყნების გამოცდილებას, სადაც 3-დან 5-მდე გაიზარდა ადრე არსებული მაჩვენებელი. ამიტომ, ვფიქრობ, რომ 20-25 ათასი ინფიცირებული შეიძლება გვყავდეს საქართველოში“, - მიიჩნევს იმუნიზაციის საბჭოს ტექნიკური ჯგუფის მრჩეველი ივანე ჩხაიძე.

გზები თოვლი ტრაქტორი

26 იანვარი 2022, 09:32

რეგიონი

გუდაური-კობის მონაკვეთზე ავტოტრანსპორტის გადაადგილება აკრძალულია

„გარემოს ეროვნული სააგენტოს ცნობით, მლეთა-გუდაურის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით. აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით“, - აღნიშნავენ დეპარტამენტში.

26 იანვარი 2022, 09:22

პოლიტიკა

დეპუტატები უკრაინის მხარდამჭერი რეზოლუციის ტექსტზე დღეს იმსჯელებენ

უკრაინის მხარდამჭერი რეზოლუციის ახალ პროექტს მოამზადებენ ქართველი პოლიტიკოსები. საპარლამენტო უმრავლესობისა და უმცირესობის წარმომადგენლები ერთობლივ საბოლოო ტექსტზე პოზიციების შესაჯერებლად შეხვედრას დღეს გამართავენ.

26 იანვარი 2022, 09:10

პოლიტიკა

„ნაციონალური მოძრაობის“ გადაწყვეტილება პარლამენტში მუშაობის შესახებ ხუთშაბათს გახდება ცნობილი

„მოვისმინე ჩემი თანაპარტიელების სხვადასხვა მოსაზრება და იყო ძალიან გულწრფელი და ღია მსჯელობა. შესაბამისად, ვფიქრობ, ეს სტრატეგიული გადაწყვეტილება კიდევ უფრო საჭიროებს დაკონკრეტებასა და სხვადასხვა დეტალის გარკვევას. ხუთშაბათს გავაგრძელებთ სტრატეგიულ მსჯელობას იმის შესახებ თუ როგორი იქნება ჩვენი საქმიანობა საგაზაფხულო სესიაზე“, - განაცხადა „ნაცმოძრაობის“ წევრმა ხატია დეკანოიძემ.

26 იანვარი 2022, 08:49

საზოგადოება

მთავრობის ადმინისტრაციასთან მეტროსადგურ „ისანში“ შშმ მოზარდის მიმართ პოლიციის მხრიდან ჩადენილი ძალადობა გააპროტესტეს

მთავრობის ადმინისტრაციასთან საპროტესტო აქცია გაიმართა. აქციის ორგანიზატორები საზოგადოებრივი მოძრაობა „მწვანეების“ წევრები იყვნენ. მათ მშვიდობიანი აქცია შშმ პირებთან ერთად გამართეს და შეკრებილებს სიტყვით მიმართეს. აქციის ორგანიზატორებმა ისნის მეტროსადგურში პოლიციის მხრიდან ჩადენილი ძალადობა გააპროტესტეს. შეკრებილებმა სამართალდამცველების მხრიდან უფლებამოსილების გადაცდომა დაგმეს და სმენადაქვეითებულ არასრულწლოვანს სოლიდარობა გამოუცხადეს.

26 იანვარი 2022, 08:28

სამართალი

შშმ მოზარდის მიმართ დამამცირებელი და არაადამიანური მოპყრობისა და გულგრილობის გამო დაკავებულ პოლიციელებს ბრალს დღეს წაუყენებენ

სმენადაქვეითებული მოზარდი, პოლიციელების მხრიდან სასტიკი ანგარიშსწორების ობიექტი მეტროში გახდა. დაზარალებულმა ოჯახის წევრებს უამბო, რომ მეტროში მეგობრებთან ერთად იყო, როცა სამართალდამცველი მისთვის გაუგებარი მიზეზით ფიზიკურად გაუსწორდა, ფაქტს კი მეორე პოლიციელი და მისი მეგობრები შეესწრნენ. ნუკ­რი ბაქ­რა­ძეს გამოძიება დამამცირებელ და არაადამიანური მოპყრობით ჩადენილ დანაშაულს, ხოლო კახა ბაკაშვილს სამსახურებრივი უფლებამოსილების ბოროტად გამოყენებას ედავება.

26 იანვარი 2022, 08:10

საზოგადოება

როგორი ამინდია მოსალოდნელი დღეს საქართველოში

რუსთავში თოვლია მოსალოდნელი, დღისით ჰაერი +3 გრადუსამდე გათბება, ღამით კი 0 გრადუსი დაფიქსირდება. თოვლს პროგნოზირებენ თბილისშიც, სადაც ჰაერის ტემპერატურა დღისით +3 გრადუსს მიაღწევს, ღამით კი -1 გრადუსია მოსალოდნელი.

შალვა პაპუაშვილი

26 იანვარი 2022, 08:00

პოლიტიკა

შალვა პაპუაშვილი დღეს ნატოს გენერალური მდივნის მოადგილეს შეხვდება

დღესვე, შალვა პაპუაშვილის მონაწილეობით, ნატო-საქართველოს კომისიის სხდომა გაიმართება, რომელსაც ორგანიზაციის 30 წევრი ქვეყნის მუდმივმოქმედი ელჩები დაესწრებიან.

26 იანვარი 2022, 01:54

COVID19

ევროკავშირის საბჭომ პანდემიის პირობებში თავისუფალ გადაადგილებასთან დაკავშირებით განახლებული რეკომენდაცია მიიღო

ევროკავშირის საბჭომ კოორდინირებული მიდგომის შესახებ რეკომენდაცია მიიღო, რათა პანდემიის დროს უსაფრთხო და თავისუფალ გადაადგილებას ხელი შეუწყოს.

ჟოზეფ ბორელი

26 იანვარი 2022, 01:06

მსოფლიო

ჟოზეფ ბორელი: კრიზისი გასული წლის დეკემბერში არ დაწყებულა - რუსეთის სამხედრო გაძლიერება მას შემდეგ დაიწყო, რაც მან ყირიმში, დონბასსა და საქართველოში ძალა გამოიყენა

რუსეთის სამხედრო გაძლიერება მას შემდეგ დაიწყო, რაც მან ყირიმში, დონბასსა და საქართველოში ძალა გამოიყენა, - განაცხადა საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჟოზეფ ბორელმა.

26 იანვარი 2022, 00:47

სპორტი

ავსტრალიაში, დიდ ბარიერულ რიფზე ჩოგბურთის მოტივტივე კორტი განათავსეს🎾

Australian Open-ის დასრულების შემდეგ კორტს დაშლიან და მისგან რიფის მიმდებარედ ერთ-ერთი ქალაქის სკოლაში სპორტული მოედნის საფარს დაამზადებენ.

ჯო ბაიდენი

26 იანვარი 2022, 00:26

მსოფლიო

ჯო ბაიდენი: აშშ-ის ან ნატოს ძალების უკრაინაში განთავსების განზრახვა არ გვაქვს, თუმცა ესკალაციის შემთხვევაში, რუსეთისთვის სერიოზული ეკონომიკური შედეგები დადგება

აშშ-ის პრეზიდენტმა, ჯო ბაიდენმა განაცხადა, რომ აშშ ან ნატო უკრაინაში ჯარების განთავსებას არ აპირებენ. „ამერიკის ან ნატოს ძალების უკრაინაში განთავსების განზრახვა არ გვაქვს, თუმცა ესკალაციის შემთხვევაში, რუსეთისთვის სერიოზული ეკონომიკური შედეგები დადგება“, - აღნიშნა აშშ-ის პრეზიდენტმა.

სოკოს კუბო

26 იანვარი 2022, 00:25

ტექნოლოგიები

ნიდერლანდებში ადამიანების სოკოსგან დამზადებულ კუბოებში დაკრძალვა დაიწყეს🍄

კუბოს შექმნის ტექნოლოგია ხავსის მოკრეფას, სოკოდან მიცელიუმის მიღებასა და მიღებულ მასაში მერქნის ნაფოტების დამატებას ითვალისწინებს. მასა 7 დღეში მყარდება, დასველების შემდეგ კი კვლავ აქტიურდება. ჰენდრიქსის თქმით, ეს მასალა სრულფასოვანი ორგანიზმია. კუბო ხავსით არის მოფენილი, რომელშიც ნიადაგში მობინადრე არსებებია ჩასმული, რაც გახრწნის პროცესს კიდე უფრო აჩქარებს. ასეთ კუბოში მოთავსებული ცხედარი 2-3 წელიწადში გაიხრწნება, კუბო კი 30-45 დღეში. შედეგად, მიწაში მოხვედრილი ნაწილაკები ნიადაგს გაამდიდრებს.

ჯო ბაიდენი

26 იანვარი 2022, 00:09

მსოფლიო

ჯო ბაიდენი აცხადებს, რომ უკრაინაში შეჭრის შემთხვევაში, ვლადიმერ პუტინისთვის სანქციების დაწესებას განიხილავს

აშშ-ის პრეზიდენტმა, ჯო ბაიდენმა განაცხადა, რომ უკრაინაში შეჭრის შემთხვევაში, რუსეთის პრეზიდენტ ვლადიმერ პუტინისთვის სანქციების დაწესებას განიხილავს.

ელტონ ჯონი

25 იანვარი 2022, 23:59

COVID19

ელტონ ჯონს კორონავირუსი დაუდასტურდა

ბრიტანელ მომღერალ ელტონ ჯონს კორონავირუსი დაუდასტურდა. ამის შესახებ თავად მომღერალი Instagram-ზე წერს. „კორონავირუსით დავინფიცირდი, ამიტომ დალასში დაგეგმილი ჩემი კონცერტები გადაიდება. შოუს გადატანა ყოველთვის დიდ იმედგაცრუებას იწვევს. ბოდიშს ვუხდი ყველას, ვისაც დისკომფორტი შეექმნა, მაგრამ საკუთარ თავსა და ჩემს გუნდზე უნდა ვიზრუნო“, - წერს ელტონ ჯონი.

ჯენ ფსაკი

25 იანვარი 2022, 23:34

მსოფლიო

თეთრი სახლი: აშშ-ის პრეზიდენტს უკრაინაში ჯარების გაგზავნის განზრახვა, ინტერესი ან სურვილი არ აქვს

თეთრი სახლის ოფიციალურმა წარმომადგენელმა, ჯენ ფსაკიმ განაცხადა, რომ ჯო ბაიდენი უკრაინაში ამერიკელი სამხედროების ცალმხრივად გაგზავნას არ აპირებს, ხოლო ნატოს აღმოსავლეთ ფლანგზე ძალების გაძლიერება ნატოს ეგიდის ქვეშ უნდა მოხდეს.

ემანუელ მაკრონი

25 იანვარი 2022, 23:13

მსოფლიო

ემანუელ მაკრონი აცხადებს, რომ პუტინთან სატელეფონო საუბარში უკრაინის მიმართ რუსეთის განზრახვების შესახებ განმარტებას მოითხოვს

საფრანგეთის პრეზიდენტმა, ემანუელ მაკრონმა განაცხადა, რომ ვლადიმერ პუტინთან სატელეფონო საუბარში უკრაინის მიმართ რუსეთის განზრახვების შესახებ განმარტებას მოითხოვს.

ვოლოდიმირ ზელენსკი

25 იანვარი 2022, 22:39

მსოფლიო

ვოლოდიმირ ზელენსკი: ზოგიერთი ქვეყნის მიერ უკრაინიდან დიპლომატების ნაწილის გაყვანა საერთოდ არ ნიშნავს გარდაუვალ ესკალაციას, ეს დიპლომატიური თამაშების ნაწილია

უკრაინის პრეზიდენტის, ვოლოდიმირ ზელენსკის განცხადებით, ქვეყნის აღმოსავლეთ საზღვრებზე სიტუაცია კვლავ კონტროლირებადია. ამის შესახებ მან მოსახლეობისადმი ვიდეომიმართვაში განაცხადა.

იენს სტოლტენბერგი

25 იანვარი 2022, 22:34

მსოფლიო

იენს სტოლტენბერგი: ნატო უკრაინაში საბრძოლო ნაწილებს არ განათავსებს

ნატო უკრაინაში საბრძოლო ნაწილებს არ განათავსებს, თუმცა უნდა დავრწმუნდეთ, რომ ადგილი არ ექნება გაუგებრობას ყველა მოკავშირის დაცვის ჩვენს მზადყოფნასთან დაკავშირებით, - განაცხადა ნატოს გენერალურმა მდივანმა, იენს სტოლტენბერგმა ტელეკომპანია CNN-თან ინტერვიუში.

25 იანვარი 2022, 22:10

COVID19

ნორვეგიამ ქვეყანაში ჩამსვლელებისთვის აუცილებელი 10-დღიანი კარანტინი გააუქმა

ნორვეგიამ ქვეყანაში შემსვლელებისთვის აუცილებელი 10-დღიანი კარანტინი გააუქმა. შესაბამისი განკარგულება მთავრობის ვებგვერდზე გამოქვეყნდა.