დავით ნარმანია: კომისიამ მიიღო დაბალანსებული გადაწყვეტილება. ვფიქრობთ, ჩვენ მიერ დადგენილი ტარიფი რამდენიმე წლის განმავლობაში შენარჩუნდება
დავით ნარმანია
ფოტო: სემეკი
კომისიამ მიიღო დაბალანსებული გადაწყვეტილება. ვფიქრობთ, ჩვენ მიერ დადგენილი ტარიფი რამდენიმე წლის განმავლობაში შენარჩუნდება, - განაცხადა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ-ი) თავმჯდომარემ, დავით ნარმანიამ.
მისივე თქმით, საყოფაცხოვრებო და არასაყოფაცხოვრებო ტარიფების ზრდის მთავარი საფუძველი არის ელექტროენერგიის გაზრდილი მოხმარება.
„გათვალისწინებულია ასევე ენერგიის გაზრდილი ფასები და ქვეყნის ელექტროენერგიაზე იმპორტდამოკიდებულება შემოდგომა-ზამთრის თვეებში. ამასთან, განსაზღვრულია ინვესტიციების ოპტიმალური მოცულობა, რათა ქსელში არსებული ავარიები ეტაპობრივად შემცირდეს, გაუმჯობესდეს ელექტროენერგიის მიწოდების ხარისხი როგორც მოსახლეობისთვის, ისე კომერციული სექტორისთვის. ამასთან, საინვესტიციო მოცულობა ბოლო პერიოდში დაკორექტირდა და მარეგულირებელი კომისიის მიერ ისე დამტკიცდა, რომ ტარიფზე მნიშვნელოვანი ზეგავლენა არ ჰქონოდა. კომისიის შეფასებით, ინვესტიციების გარეშე მდგომარეობა გაუარესდებოდა, გაიზრდებოდა ავარიები და ელექტროენერგიის მიწოდების წყვეტები, რის შედეგადაც ყველაზე მეტად მოსახლეობა დაზარალდებოდა. შესაბამისად, კომისიამ მიიღო დაბალანსებული გადაწყვეტილება. ვფიქრობთ, ჩვენ მიერ დადგენილი ტარიფი რამდენიმე წლის განმავლობაში შენარჩუნდება“, - აღნიშნა ნარმანიამ.
როგორც ნარმანიამ განაცხადა, ტარიფების მატება ემსახურება სისტემის გამართულ მუშაობას და ავარიების შემცირებას.
„ხედავთ, რომ ბოლო პერიოდის განმავლობაში, როგორც დედაქალაქში, ასევე რეგიონებში, გახშირებულია ელექტროენერგიის ავარიული გათიშვები, განსაკუთრებით უამინდობის დროს. სწორედ ამიტომ, მარეგულირებელი კომისია სპეციალური პროგრამის მეშვეობით ახორციელებს წყვეტების მონიტორინგსა და ანალიზს. გამოვლინდა, რომ რიგ მიმართულებებში ავარიების რაოდენობა იზრდებოდა. ტექნიკური დეპარტამენტის გასვლითი მონიტორინგის შედეგად დადგინდა, რომ ინფრასტრუქტურის მდგომარეობა წლიდან წლამდე უარესდებოდა. ჯერ კიდევ ორი წლის წინ მიღებული იქნა გადაწყვეტილება საინვესტიციო მოცულობის გაზრდასთან დაკავშირებით და ეს ტენდენცია შენარჩუნებულია.
გახსოვთ, ამის შესაძლებლობა როცა არსებობდა, მარეგულირებელმა კომისიამ ორი წლის წინ ტარიფი სამი თეთრით შეამცირა, რის შედეგადაც 2024-2025 წლებში სამი თეთრით შემცირებული ტარიფი მოქმედებდა. ამიტომ, ჩვენ იმ პერიოდის მდგომარეობას ვუბრუნდებით და დამატებით ორი თეთრით იზრდება. ასევე, 2025 წლის ბოლოს სამი თვის ვადით დაწესდა დროებითი ტარიფი, რათა შევჯერებულიყავით საინვესტიციო საჭიროებებზე, ელექტროენერგიის მოსალოდნელ გენერაციასა და ბალანსზე“, - განაცხადა დავით ნარმანიამ.
საქართველოს ენერგეტიკისა და წყალმომარაგების მარეგულირებელმა კომისიამ დედაქალაქისთვის ელექტროენერგიის ახალი სამომხმარებლო ტარიფი დაადგინა. გადაწყვეტილება კომისიამ სხდომაზე ცოტა ხნის წინ გამოაცხადა. კერძოდ, თუ აქამდე თბილისში მცხოვრები აბონენტები ყოველთვიურად 0-იდან 101 კილოვატამდე მოხმარებულ ელექტროენერგიაზე ერთ კილოვატში 15,041 თეთრს იხდიდნენ, 1 აპრილიდან ტარიფი 20,041 თეთრით განისაზღვრება.
ყველა სიახლე
30 მარტი 2026, 17:16
მსოფლიო
ირანის საგარეო საქმეთა სამინისტროში თეირანსა და ვაშინგტონს შორის პირდაპირი მოლაპარაკებების მიმდინარეობას უარყოფენ
ირანის საგარეო უწყებაში ამბობენ, რომ თეირანსა და ვაშინგტონს შორის პირდაპირი დიალოგი ამ დრომდე არ დაწყებულა და მხარეები შუამავლების საშუალებით ლაპარაკობენ. საგარეო საქმეთა სამინისტროს წარმომადგენელმა ისმაილ ბაგაიმ ვაშინგტონის მიერ ირანისთვის გადაცემულ მოთხოვნებს გადაჭარბებული და არარეალისტური უწოდა. ჰორმუზის სრუტის ჩაკეტვა კი აგრესიის გამო ირანის ლეგიტიმურ ქმედებად შეაფასა.
30 მარტი 2026, 17:15
პოლიტიკა
არჩილ გორდულაძე: საქართველოში არსებობენ ძალები, რომლებიც გარედან ფინანსდებიან - ათწლეულების განმავლობაში მათი მიზანია ქართული ეკლესიის ჩამონგრევა, რადგან სურთ ამ ქვეყანაში არ არსებობდეს ინსტიტუცია, რომელსაც ხალხი მოუსმენს და ენდობა
პარლამენტის იურიდიულ საკითხთა კომიტეტის თავმჯდომარე, არჩილ გორდულაძე აცხადებს, რომ მართლმადიდებელი ეკლესიის წინააღმდეგ მიზანმიმართული კამპანია მიმდინარეობს და კონკრეტული ჯგუფების მიზანი ეკლესიის დისკრედიტაციაა. როგორც მან აღნიშნა, კამპანია ეკლესიის წინააღმდეგ გარედან არის მართული.
30 მარტი 2026, 17:11
პოლიტიკა
გიორგი ვოლსკი თემურ ალასანიას განცხადებაზე: ქართველი ერი საკმაოდ უხერხული „პარტნიორი“ გამოდგა მათთვის ვინც ცდილობს, რომ საქართველო დაჩაგროს. ეს ჯგუფი შესაბამის დამოკიდებულებას გამოხატავს იმ ხალხის მიმართ, ვინც მათ ჭკუაზე არ დადის
ვერ ვიტყოდი, რომ ეს მხოლოდ თემურ ალასანიას მოსაზრებაა ასეთი. მან უბრალოდ ღიად გამოხატა ეს მოსაზრება საკმაოდ უხეში და მძიმე სიტყვებით და შეფასებებით, - განაცხადა პარლამენტის პირველმა ვიცე-სპიკერმა.
30 მარტი 2026, 17:09
მსოფლიო
ბრიტანეთმა Apple-ის შვილობილი კომპანია რუსეთის წინააღმდეგ სანქციების დარღვევისთვის დააჯარიმა
Apple-ის ირლანდიაში რეგისტრირებულმა ფილიალმა შავ სიაში შეყვანილ რუსულ კომპანიას 2022 წლის ივნისსა და ივლისში, ჯამურად 635 ათასი გირვანქა სტერლნგის ოდენობის თანხა ორჯერ გადაურიცხა. ბრიტანეთის მთავრობის განცხადებით, რუსული სტრიმინგ პლატფორმა, რომელთან ტრანზაქციის გამოც Apple-ი დაჯარიმდა, 2022 წლის მაისამდე რუსეთის უმსხვილეს ბანკს, „სბერბანკს“ ეკუთვნოდა.
30 მარტი 2026, 17:01
საზოგადოება
კომიტეტების ერთობლივ სხდომაზე სახელოვნებო-შემოქმედებითი უმაღლესი საგანმანათლებლო დაწესებულებების საქმიანობის ანგარიშები მოისმინეს
თბილისის ვანო სარაჯიშვილის სახელობის სახელმწიფო კონსერვატორიის საქმიანობის ანგარიში კონსერვატორიის რექტორმა გიორგი ვაჩნაძემ წარადგინა. მისი თქმით, კონსერვატორია საბაკალავრო, სამაგისტრო, სადოქტორო და სასერტიფიკატო საგანმანათლებლო პროგრამებს ახორციელებს. როგორც რექტორმა აღნიშნა, მნიშვნელოვანი სიახლეა, რომ 2025 წელს კონსერვატორიამ პირველად მიიღო საერთაშორისო აკრედიტაცია და მოიპოვა ინგლისურენოვანი პროგრამების განხორციელების უფლება.
30 მარტი 2026, 16:33
პოლიტიკა
ნინო ცხვარაძე: თავისუფალი მედია ნიშნავს პასუხისმგებლობას და არა ფაქტებით მანიპულირებას. ისწავლეთ წყაროს გადამოწმება და ნუ აკადრებთ საზოგადოებას იმას, რაც პროფესიულ და მორალურ სტანდარტებთან ახლოსაც არ არის
„როდესაც მედია ოფიციალური ვიზიტის შინაარსს ადამიანურ მღელვარებაზე თავდასხმით ანაცვლებს, ეს აღარ არის ჟურნალისტიკა — ეს მანიპულაციაა. მიზანი ერთია, ხალხმა განიკითხოს ქალი და დედა, ნაცვლად იმისა, რომ დაინახოს ის სახელმწიფოებრივი საქმე, რომელიც ქვეყნის სახელით კეთდება“ - განაცხადა საკრებულოს წევრმა.
30 მარტი 2026, 16:31
პოლიტიკა
პარლამენტის ბიურომ მიმდინარე სასესიო კვირის პლენარული სხდომების დღის წესრიგზე იმსჯელა
პარლამენტის ბიურომ მიმდინარე სასესიო კვირის პლენარული სხდომების დღის წესრიგი შეიმუშავა და ახალ საკანონმდებლო ინიციატივებზე იმსჯელა.
30 მარტი 2026, 16:29
რეგიონი
სურსათის ეროვნული სააგენტო: ზუგდიდის ცენტრიდან აყვანილ მიუსაფარ ძაღლებს ჩაუტარდებათ შესაბამისი ვეტერინარული მანიპულაციები და ვაქცინაცია, რის შემდეგაც ეკიპაჟები მათ უკან დააბრუნებენ
ძაღლების ჰიპერპოპულაციის მართვის პროგრამის ფარგლებში, ზუგდიდის მერიასთან კოორდინაციით, სურსათის ეროვნული სააგენტოს ეკიპაჟებმა, ქალაქ ზუგდიდის ცენტრიდან (დადიანების სასახლის მიმდებარე ტერიტორია) მიუსაფარი ძაღლები ქუთაისის მუნიციპალურ თავშესაფარში გადაიყვანეს.
30 მარტი 2026, 16:07
ეკონომიკა
ვახტანგ ცინცაძე: სარეიტინგო სააგენტო Moody's ყურადღებას ამახვილებს ქვეყნის მდგრად მაკროეკონომიკურ და ფისკალურ პარამეტრებზე, რომლებიც, საგარეო შოკების მიუხედავად, ძლიერი რჩება
„საერთაშორისო სარეიტინგო სააგენტო Moody's 2026 წელს საქართველოში 6%-იან ეკონომიკურ ზრდას პროგნოზირებს“, - განაცხადა ეკონომიკისა და მდგრადი განვითარების მინისტრის მოადგილემ ვახტანგ ცინცაძემ.
30 მარტი 2026, 16:03
მსოფლიო
ტრამპი აცხადებს, რომ აშშ ირანის „ახალ და უფრო გონიერ რეჟიმთან“ სერიოზულ მოლაპარაკებებს აწარმოებს
„მიღწეულია დიდი პროგრესი, მაგრამ თუ რაიმე მიზეზით შეთანხმებას მალე არ მივაღწიეთ (რაც, ალბათ, მაინც მოხდება) და თუ ჰორმუზის სრუტე დაუყოვნებლივ არ გაიხსნება ბიზნესისთვის, ჩვენ დავასრულებთ ჩვენს მშვენიერ სტუმრობას ირანში მათი ყველა ელექტროსადგურის, ნავთობის ჭაბურღილისა და კუნძულ ხარკის (და შესაძლოა ყველა გამამტკნარებელი ქარხნის!) აფეთქებითა და სრული განადგურებით, რომლებსაც ჩვენ მიზანმიმართულად ჯერ არ შევხებივართ, - წერს ტრამპი.
30 მარტი 2026, 16:02
პოლიტიკა
დიასპორის კომიტეტმა საგარეო საქმეთა სამინისტროს საკონსულო და დიასპორის საკითხების დეპარტამენტის მიერ გაწეული საქმიანობის შესახებ ინფორმაცია მოისმინა
დიასპორის კომიტეტის სხდომაზე, საგარეო საქმეთა სამინისტროს საკონსულო და დიასპორის საკითხების დეპარტამენტის მიერ 2025 წელს გაწეული საქმიანობისა და 2026 წელს დაგეგმილი ღონისძიებების შესახებ ინფორმაცია მოისმინეს.
30 მარტი 2026, 16:00
საზოგადოება
თბილისში მენტალური ჯანმრთელობის საუნივერსიტეტო კლინიკა გაიხსნა
განათლების სამინისტროს ინფორმაციით, ახლად აშენებული საუნივერსიტეტო კლინიკის გახსნის ღონისძიებაზე დამსწრე საზოგადოებას სიტყვით მიმართეს საქართველოს განათლების, მეცნიერებისა და ახალგაზრდობის მინისტრმა გივი მიქანაძემ, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ და თსსუ-ს რექტორმა, პროფესორმა ირაკლი ნატროშვილმა.
30 მარტი 2026, 15:52
ჯანდაცვა
მიხეილ სარჯველაძე თბილისის სახელმწიფო სამედიცინო უნივერსიტეტის მენტალური ჯანმრთელობის საუნივერსიტეტო კლინიკის ოფიციალურ გახსნას დაესწრო
პირველ ეტაპზე თსსუ-ის მენტალური ჯანმრთელობის საუნივერსიტეტო კლინიკა პაციენტებს ამბულატორიულ მომსახურებას გაუწევს. პარალელურად მიმდინარეობს სტაციონარის ლიცენზირების პროცესი.
30 მარტი 2026, 15:42
პოლიტიკა
ეკა სეფაშვილი „ჯი-ემ ფარმას“ დირექტორს: მე არ ვამბობ, რომ ბაზარი მედიკამენტის გარეშე უნდა დარჩეს, ვცდილობ, დავადგინო რომელი პრეპარატის მიმართ შეიძლება, გქონდეთ მონოპოლისტური მდგომარეობა
მსურს გავიგო რომელიმე დასახელების პრეპარატზე ფლობთ თუ არა მონოპოლისტურ მდგომარეობას, - განაცხადა სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის თავმჯდომარის მოადგილემ ეკა სეფაშვილმა დღეს გამართულ სხდომაზე, მას შემდეგ რაც „ჯი-ემ ფარმას” დირექტორის გოჩა გოგილაშვილის მისამართით მის მიერ დასმულ კითხვაზე ვერ მიიღო შესაბამისი პასუხი.
30 მარტი 2026, 15:40
ეკონომიკა
მარიამ ქვრივიშვილი აზიის განვითარების ბანკის (ADB) მუდმივი წარმომადგენლობის დირექტორს ლესლი ბეარმან ლაჰმს შეხვდა
ეკონომიკისა და მდგრადი განვითარების მინისტრი მარიამ ქვრივიშვილი აზიის განვითარების ბანკის (ADB) მუდმივი წარმომადგენლობის დირექტორს ლესლი ბეარმან ლაჰმს შეხვდა. შეხვედრაზე მხარეებმა საქართველოსა და აზიის განვითარების ბანკის თანამშრომლობის პრიორიტეტული მიმართულებები განიხილეს, განსაკუთრებული აქცენტი ენერგეტიკის სექტორზე გაკეთდა.
30 მარტი 2026, 15:31
პოლიტიკა
პრემიერ-მინისტრი თურქმენეთის მინისტრთა კაბინეტის თავმჯდომარის მოადგილეს შეხვდა
განიხილეს ქვეყნებს შორის ორმხრივი თანამშრომლობის სხვადასხვა მიმართულებები. აღინიშნა, რომ საქართველო-თურქმენეთის თანამშრომლობა თვისებრივად ახალ დონეზეა აყვანილი და მაღალი დონის ვიზიტები ხელს უწყობს აღნიშნული ურთიერთობების კიდევ უფრო განმტკიცებას.
30 მარტი 2026, 15:24
მსოფლიო
ესპანეთმა ირანში ომში ჩართული ამერიკული თვითმფრინავებისთვის საჰაერო სივრცე დაკეტა
„ჩვენ არ ვაძლევთ ნებართვას არც სამხედრო ბაზების და არც საჰაერო სივრცის გამოყენებაზე ირანის ომთან დაკავშირებული ქმედებებისთვის“ - განუცხადა მან ჟურნალისტებს მადრიდში.
30 მარტი 2026, 15:18
საზოგადოება
რუსთაველის თეატრისა და კინოს სახელმწიფო უნივერსიტეტის რექტორი: არაერთი შემთხვევა იყო, როდესაც სტუდენტები მოდიოდნენ და ბოდიშს იხდიდნენ იმისათვის, რომ სხვებს აზიანებდნენ. რეალობა ის იყო, რომ 25 აქტივისტი 700 სტუდენტს აბულინგებდა
საქართველოს შოთა რუსთაველის თეატრისა და კინოს სახელმწიფო უნივერსიტეტის რექტორი გიორგი შალუტაშვილი განათლების, მეცნიერებისა და ახალგაზრდულ საქმეთა და კულტურის კომიტეტების ერთობლივ სხდომაზე თეატრალურ უნივერსიტეტში არსებულ ვითარებაზე ისაუბრა.
30 მარტი 2026, 15:18
პოლიტიკა
მარიამ ლაშხი: სამწუხაროდ, ვხედავთ, რომ სახელოვნებო სფერო გაცილებით მოწყვლადია გარკვეულ პროცესებთან და სამწუხაროა ისიც, რომ დღეს სცენა პოლიტიკურ სარბიელად აქციეს, რაც მისი არა პატივისცემა, არამედ დაკნინებაა
დღეს, სამწუხაროდ, ვხედავთ, რომ სახელოვნებო სფერო და ეს არა მხოლოდ საქართველოს ნიშა არის, არამედ მსოფლიოშიც ვხედავთ, რომ გაცილებით უფრო მოწყვლადები არიან გარკვეულ პროცესებთან და სამწუხაროა ისიც, რომ დღეს სცენა გარკვეულ პირობებში აქციეს პოლიტიკურ სარბიელად, - აღნიშნა პარლამენტის განათლების კომიტეტის თავმჯდომარემ მარიამ ლაშხმა განათლების, მეცნიერებისა და ახალგაზრდულ საქმეთა და კულტურის კომიტეტების ერთობლივ სხდომაზე.
30 მარტი 2026, 15:09
საზოგადოება
„ბიოფარმის“ წარმომადგენელი: ერთ-ერთი მთავარი გამოწვევა დაფინანსებას უკავშირდება, რამდენიმე მილიონიანი ინვესტიცია საკუთარი რესურსებით განვახორციელეთ „GMP“ სტანდარტზე გადასასვლელად
ჩვენი სპეციფიკიდან გამომდინარე, კონკურენციას ვუწევთ ისეთ მსხვილ მწარმოებელ ქვეყნებს, როგორიცაა ჩინეთი, რუსეთი, უკრაინა და სხვა. მიუხედავად იმისა, რომ ჯერ არ გვაქვს „GMP“ სერტიფიკატი, მაინც ვინარჩუნებთ საკმაოდ მყარ პოზიციებს ბაზრებზე, - ამის შესახებ, კომპანია „ბიოფარმის“ წარმომადგენელმა, სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის სხდომაზე განაცხადა, სადაც დღეს მედიკამენტების ფასწარმოქმნის სტრუქტურა განიხილება.