ნიჩბოსანი ზაზა ნადირაძე განმარტავს თუ რატომ არ უჭერს მხარს ლგბტ ხალხს და მათ ჭრელ დროშას

ნიჩბოსანი ზაზა ნადირაძე სოციალურ ქსელში პოსტს აქვეყნებს და LGBT თემის მიმართ საკუთარ პოზიციას განმარტავს.

„მეგობრებო რახან ამხელა აჟიოტაჟი გამოიწვია ჩემს მიერ დაფიქსირებულ აზრმა LGBT ხალხის მიმართ მე მინდა გავაკეთო პატარა განმარტება და ჩემივე სიტყვებით გაგაცნოთ ჩემი აზრი, პირველ რიგში დავსვამ პატარა შეკითხვას, მე რომ მინდა საქართველოში ოჯახს ერქვას 'დედა, მამა, შვილები, ბებო და ბაბუ' ამიტომ ვარ აგრესიული და სიძულვილის ენით მოლაპარაკე? მე მინდა საქართველოში იყვნენ ნამდვილი ქართველი კაცები და ქალები, რომლებსაც ექნებათ ნამდვილი ლამაზი ჭეშმარიტი ოჯახები.

მე არ ვუჭერ მხარს LGBT ხალხს, არც მათ ჭრელ დროშას. ის რამოდენიმე პროვოკატორი LGBT ფულზე გაყიდული არსებები რო გამოდიან ქუჩებში, შეურაცხყოფას გვაყენებენ ჩვენ ჩვენს სარწმუნოებას, იმას რაც ჩვენ გვიყვარს და ვაფასებთ, არ მაქვს უფლება ეს ყველაფერი არ მოვიწონო?? და მე გიპასუხებთ, მაქვს უფლება, და კიდევ მეტის უფლება მაქვს და გვაქვს.

მე მჯერა რომ ეს არის მათი ფიზიკური და სულიერი გადახრა, დაავადება, რომელიც შესაძლოა იკურნება კიდეც, და ალბათ ბევრმა თავს ძალა დაატანა და განიკურნა უბრალოდ ვერ იტყვის, ძმაო იცი მე ადრე გეი ვიყავი მარა ახლა ნამდვილი ვაჟკაცი ვარო, ეგ ხომ წარმოუდგენელია. ერთი სიტყვით ჩემო მეგობრებო, ყველაფრიდან გამომდინარე ელჭიპიტები და რაღაცეები ყველამ თავისთვის შეინახოს თავიანთ სახლებში და მანდ რაც უნდათ ის უქნიათ. ნუ გვაკადრებენ და ჩვენც არავის არაფერს ვაკადრებთ.

ერთ რამესაც დავამატებ, მე კაშიას პირადად არ ვიცნობ, არ ვიცი რატომ და რისთვის გაიკეთა ეგ სამკლაური, პირადად არ მომისმენია მისი აზრი ამ ყველაფერთან დაკავშირებით, უბრალოდ მე პირადად ვიძახი რომ საერთოდ მივატოვებ სპორტს და მაგათ სამკლაურს არ გავიკეთებ, და ახლა აგრესიით და სიძულვილის ენით საუბრობსო არ დამაბრალოთ მშვენიერ ხასიათზე ვარ 😉 და ზოგადად არამგონია ვინმეს ჩემი სიძულვილი და აგრესია ახსოვდეს. გისურვებთ ყველას მშვიდობას ✌"- წერს ნადირაძე.
28 აგვისტოს ფეხბურთელმა გურამ კაშიამ თავისი Facebook-ის გვერდი გააუქმა და ამის მიზეზი მოგვიანებით განმარტა. „მე სანამ ერთი გულშმატკივარი მაინც მეყოლება ჩვენს ქვეყანაში იმ ადამიანისთვის გამოვცხადდები ნაკრებში. მე მიყვარს ჩემი ქვეყანა, ჩემი კულტურა, რელიგიური ადამიანი ვარ“, - დაწერა კაშიამ Instagram-ზე.

გურამ კაშიას მიმართ საზოგადოების გარკვეულმა ნაწილმა აგრესია მას შემდეგ გამოხატა, რაც გასულ სეზონში ჰოლანდიის კლუბ „ვიტესში“ თამაშისას, მან საჯაროდ მხარი დაუჭირა თანასწორობის იდეას და ჰოლანდიის ყველა სხვა კლუბის კაპიტნის მსგავსად, ლგბტ თემის მხარდამჭერი სამკლაური გაიკეთა, რის გამოც გულშემატკივრების ნაწილის კრიტიკა დაიმსახურა. ფეხბურთელმა მათ კრიტიკას უპასუხა. მოგვიანებით, კი სამკლაურის გაკეთების მიზეზი კიდევ ერთხელ განმარტა.

გურამ კაშიას მხარდაჭერა გამოუცხადეს ფეხბურთის ფედერაციამ, ფედერაციის პრეზიდენტმა ლევან კობიაშვილმა, თბილისის მერმა კახა კალაძემ, კოლეგებმა და სპორტულმა ჟურნალისტებმა.

გურამ კაშიას მხარდაჭერა გამოუცხადა საქართველოს პრეზიდენტმა გიორგი მარგველაშვილმაც.

ფეხბურთელის წინააღმდეგ 31 ოქტომბერს ფეხბურთის ფედერაციასთან ქართულმა მარშმა საპროტესტო აქცია გამართა, რომელზეც მარშის წევრები პოლიციას დაუპირისპირდნენ.