მეცნიერებმა დაადგინეს, როგორ გამოიყურებოდა დედამიწის პირველი ყვავილი

ბიოლოგებმა ყვავილოვანი მცენარეების ევოლუციის ისტორია გააანალიზეს და დაასკვნეს, რომ დედამიწის პირველ ყვავილებს ყველაზე მეტად დღეს თეთრი შროშანი ჰგავს. კვლევას ვრცლად ჟურნალი Nature აქვეყნებს.

ტრადიციულად ითვლება, რომ პირველი ყვავილოვანი მცენარეები დედამიწაზე ცარცულ პერიოდში, დაახლოები 150 მილიონი წლის წინ გამოჩდნენ და მსოფლიოს ფლორაში რევოლუცია მოახდინეს. მათი გადარჩენის მთავარი იარაღი გვიმრებისა და სხვა დამთრგუნველებისგან თავდაცვა გახდა, მოკავშირეებთან - მწერებთან "დამეგობრება". 

ვენის უნივერსიტეტის მეცნიერმა იურგ შენენბერგმა, კოლეგებთან ერთად შეისწავლა, თუ როგორ გამოიყურებოდნენ ეს პირველი ყვავილები. ათასობით მცენარის შედარების შემდეგ, რომელიც მათ შთამომავლებად მიიჩნევა, გამოააშკარავეს ყველაზე ინტენსიური ნიშან-თვისება, რომელიც თითქმის არ შეცვლილა დინოზავრების პერიოდის შემდეგ.

კვლევების შედეგად, მეცნიერებმა ვირტუალურად ააწყვეს პირველი ყვავილის სურათი. ფოტოს მიხედვით, ის ძალიან ბევრ დღევანდელ მცენარეს ჰგავს, მაგრამ აქვს რამდენიმე უნიკალური განმასხვავებელი ნიშანი.

კერძოდ, ამ ყვავილებს ხუთი ბუტკო ჰქონდა, ათი მტვრიანა და რამდენიმე ფურცელი, რომელიც თეთრ ფერში იყო შეღებილი. მსგავსი სტრუქტურა დღეს შროშანებს აქვთ, იმ განსხვავებით, რომ მათ სამი ბუტკო და ექვსი მტვრიანა აქვთ.

გარდა ამისა, პირველი ყვავილის უნიკალურობაზე კიდევ ერთი თვისება მეტყველებს. მას ჰქონდა, როგორც "კაცის" ბუჩქი, ასევე "ქალის". დღეს მსოფლიოში არ დარჩა ბევრი ყვავილი, რომელსაც ასეთი გზით გამრავლება შეუძლია.

ავსტრიელი მეცნიერები გააგრძელებენ ფლორის ევოლუციის შესწავლას, რომლის მიხედვითაც დაადგენენ, რამდენად კავშირშია იმდროინდელი მცენარეები დინოზავრების პერიოდის დასრულებასთან.